ലണ്ടന്: യു.കെയില് കണ്ടെത്തിയ ജനിതകമാറ്റം വന്ന കോവിഡ് വകഭേദം 50 രാജ്യങ്ങളിലേക്ക് വ്യാപിച്ചിട്ടുണ്ടെന്ന വെളിപ്പെടുത്തലുമായി ലോകാരോഗ്യ സംഘടന. പുതിയ കോവിഡ് വകഭേദങ്ങള് സംബന്ധിച്ച വെളിപ്പെടുത്തല് ആശങ്ക ഉയര്ത്തുന്നതിനിടെയാണ് ലോകാരോഗ്യ സംഘടന ഇക്കാര്യങ്ങള് വ്യക്തമാക്കിയിട്ടുള്ളത്.
ദക്ഷിണാഫ്രിക്കയില് കണ്ടെത്തിയ മറ്റൊരു വകഭേദം 20 രാജ്യങ്ങളില് റിപ്പോര്ട്ടു ചെയ്തിട്ടുണ്ട്. വൈറസിന്റെ മൂന്നാമതൊരു വകഭേദം ജപ്പാനില് കണ്ടെത്തിയതായി സംശയിക്കുന്നു. എന്നാല് ഇക്കാര്യത്തില് കൂടുതല് അന്വേഷണങ്ങള് ആവശ്യമുണ്ടെന്നും ലോകാരോഗ്യ സംഘടന പറയുന്നു.