കോവിഡ് രണ്ടാം തരംഗം ചെറുപ്പക്കാരെ കൂടുതൽ ബാധിക്കുന്നത് എന്തുകൊണ്ട്? ഐസിഎംആർ മേധാവി വിശദീകരിക്കുന്നു

ഡല്‍ഹി: കോവിഡ് -19 പാൻഡെമിക്കിന്റെ രണ്ടാം തരംഗം ചെറുപ്പക്കാരെയാണ് കൂടുതലായും ബാധിക്കുന്നത്. ഇന്ത്യൻ കൗൺസിൽ ഓഫ് മെഡിക്കൽ റിസർച്ച് മേധാവി പറയുന്നതനുസരിച്ച് , രണ്ട് കാരണങ്ങള്‍ കൊണ്ടാണ് രാജ്യത്തുടനീളം കോവിഡ് കേസുകളിൽ ഈ പ്രതിഭാസം സംഭവിക്കുന്നത്.

“ചെറുപ്പക്കാർ കുറച്ചുകൂടി മറ്റുള്ളവരുമായി ഇടപഴകുന്നതായി കാണുന്നുണ്ട്, കാരണം അവർ പുറത്തുപോയി തിരികെ വരുമ്പോള്‍ രോഗ ബാധിതരാകാന്‍ സാധ്യത കൂടുതലാണ്. കോവിഡിന്റെ പുതിയ വകഭേദം അവരെ പെട്ടെന്ന് ബാധിച്ചേക്കാം,” ഐസിഎംആർ ചീഫ് ഡോ. ബൽറാം ഭാർഗവ പറഞ്ഞു.

പക്ഷേ കോവിഡ് -19 ന്റെ ഒന്നും രണ്ടും തരംഗങ്ങളിലെ ഡാറ്റ താരതമ്യം ചെയ്യുമ്പോള്‍ കോവിഡ് ബാധിക്കുന്നതില്‍ പ്രായവ്യത്യാസമില്ലെന്ന് ഇന്ത്യൻ കൗൺസിൽ ഓഫ് മെഡിക്കൽ റിസർച്ച് ഡയറക്ടർ കൂട്ടിച്ചേർത്തു.