കോവിഡ് ബാധിച്ച് തിരുവനന്തപുരം വള്ളക്കടവ് സ്വദേശി സൗദിയിലെ ഹഫർ അൽ ബാത്തിനിൽ മരണപ്പെട്ടു

ഹഫർ അൽ ബാത്തിൻ: കോവിഡ് ബാധിച്ച് തിരുവനന്തപുരം വള്ളക്കടവ് വയലിൽ വീട്ടിൽ പരേതനായ സൈനുലാബിദീന്റെ മകൻ ഷബീർ ( 40) ഹഫർ അൽ ബാത്തിനിൽ മരണപ്പെട്ടു.കഴിഞ്ഞ രണ്ടാഴ്ച്ചയായി കിങ് ഖാലിദ് ജനറൽ ഹോസ്പിറ്റലിൽ ചിക്തസയിലായിരുന്നു.നാട്ടിൽ ലീവിനുപോകുവാൻ തയ്യാറാകുന്ന സമയത്താണ് അസുഖ ബാധിതനായി ഹോസ്പിറ്റലിൽ പ്രവേശിപ്പിച്ചത്.

കഴിഞ്ഞ 10 വർഷമായി ഹഫറിൽ ബക്കാല ജോലി ചെയ്തു വരികയായിരുന്നു ഇദ്ദേഹം.മൂന്നു വർഷം മുമ്പാണ് അവസാനം നാട്ടിൽ പോയി വന്നത്.മാതാവ്:ആരിഫാബീവി, ഭാര്യ :മദീന ബീവി, മകൾ :ഫസ്ന.

കിങ് ഖാലിദ് ജനറൽ ഹോസ്പിറ്റൽ മോർച്ചറിയിൽ സൂക്ഷിച്ചിരിക്കുന്ന മയ്യിത്ത് ഇവിടെ ഖബറടക്കുന്നതിന് നിയമ നടപടികൾക്ക് എല്ലാവിധ സഹായവുമായി ഇന്ത്യൻ സോഷ്യൽ ഫോറം പ്രവർത്തകരായ നൗഷാദ് കൊല്ലം, ഷിനുഖാൻ പന്തളം എന്നിവർ രംഗത്തുണ്ട്.