കോവിഡ്: മലപ്പുറം മഞ്ചേരി സ്വദേശി ദമ്മാമില്‍ മരണപെട്ടു.

ദമ്മാം- മലപ്പുറം മഞ്ചേരി തൃക്കലങ്ങോട് സ്വദേശി പൂളഞ്ചേരി അബ്ദുൽ ലത്തീഫ് (42 ) ദമാമിൽ കോവിഡ് ബാധിച്ചു മരിച്ചു.ഒരാഴ്ച മുമ്പ് ശ്വാസ തടസ്സവും ചുമയും അനുഭവപെട്ടതിനെ തുടര്‍ന്ന് ദമാം സെൻട്രൽ ആശുപത്രി തീവ്രപരിചരണ വിഭാഗത്തിൽ ആയിരുന്നു. കോവിഡ് പരിശോധനയിൽ പോസിറ്റീവ് സ്ഥിരീകരിച്ചിരുന്ന   അതിനിടെ ന്യുമോണിയകൂടി ഉണ്ടായിരുന്നു. ഇന്ന് ഉച്ചക്ക് മൂന്നു മണിയോടെയാണ് അന്ത്യം സംഭവിച്ചത്.

ദമ്മാമിലെ സ്‌പെയർ പാര്ട്‌സ് ഷോപ്പിൽ സെയിൽസ്മാനായി ജോലി ചെയ്യുകയായിരുന്നു. പിതാവ്: അബ്ദുള്ളക്കുട്ടി, മാതാവ് : അലീമ, ഭാര്യ ഷഹനാസ്, മക്കൾ ഇര്‍ഷാദ് , റിൻഷാദ്. ദമ്മാം മെഡിക്കൽ കോംപ്ലക്‌സിൽ സൂക്ഷിച്ചിരിക്കുന്ന മൃതദേഹം ഖബറടക്കുന്നതിനുള്ള നടപടി ക്രമങ്ങൾ സാമൂഹ്യ പ്രവർത്തകരായ ഇഖ്ബാൽ ആനമാങ്ങാടിന്റെയും ജാഫർ കൊണ്ടോട്ടിയുടെയും നേതൃത്വത്തിൽ പുരോഗമിക്കുന്നു.

കോവിഡ് ബാധിച്ച് സൗദിയില്‍ മരിച്ച മലയാളികളുടെ എണ്ണം 58 ആയി .ഗള്‍ഫിലാകെ മരണപെട്ട മലയാളികളുടെ എണ്ണം 204 ആയി.