കോവിഡ് 19; ചൈനയെ പിന്തള്ളി മഹാരാഷ്ട്ര

ഇന്ന് മഹാരാഷ്ട്രയിൽ കോവിഡ് ബാധിതരുടെ എണ്ണം 86000 ത്തിനടുത്തെത്തിയപ്പോൾ ( 85,975), 83000 രോഗികളുള്ള ചൈനയെയാണ് അവർ പിന്നിലാക്കിയിരിക്കുന്നത്.

ഇന്ത്യയിൽ ഏറ്റവും കൂടുതൽ കോവിഡ് മരണവും മഹാരാഷ്ട്രയിലാണ് - 3060 പേർ. മഹാരാഷ്ട്രയിൽ ഇന്നലെ 3007 കേസുകളാണ് റിപ്പോർട്ട് ചെയ്യപ്പെട്ടത്. മഹാരാഷ്ട്രയിൽ 3000 ത്തിലധികം പോലീസുകാർ കോവിഡ് ബാധിതരാണ്.ഇതുവരെ 30 പോലീസുകാർ മരിക്കുകയും ചെയ്തു.

മഹാരഷ്ട്രയിലെ 60 ജയിലുകളിൽനിന്ന് 11000 ജയിൽപ്പുള്ളികളെക്കൂടി അടിയന്തര പരോൾ നൽകി മോചിപ്പിക്കാൻ സർക്കാർ തീരുമാനിച്ചിരിക്കുന്നു.നേരത്തെ മോചിപ്പിച്ച 9671 തടവുകാരെ കൂടാതെയാണിത്.മഹാരാഷ്ട്രയിലെ ജയിലുകളിലാകെ 38000 ത്തിലധികം ജയിൽപ്പുള്ളികളുണ്ട്.

കോവിഡ് രോഗബാധിതരിൽ രണ്ടാം സ്ഥാനത്തുള്ള തമിഴ്നാട്ടിൽ രോഗബാധിതർ 31,000 ത്തിലധികമാണ്. ഇന്നലെ 1515 പേരാണ് രോഗബാധിതരായത്. മരണം - 272.ഇന്ത്യയിൽ രോഗികൾ 2.58 ലക്ഷമായപ്പോൾ രോഗമുക്തരായവർ - 1.23 ലക്ഷമാണ്. മരണം -7207.