ന്യൂഡല്‍ഹി: കൊവിഡ് ചികിത്സയ്ക്കുള്ള ടൊസിലിസുമാബ് ഇന്‍ജക്‌ഷന്‍ മരുന്ന് കേരളമടക്കമുള്ള സംസ്ഥാനങ്ങള്‍ക്ക് കേന്ദ്രം നല്‍കിയതായി കേന്ദ്ര വിദേശകാര്യ സഹമന്ത്രി വി.മുരളീധരന്‍ . കേന്ദ്രം സംസ്ഥാനങ്ങള്‍ക്ക് നല്‍കിയ 50,024 വയലില്‍ 4500 വയലാണ് കേരളത്തിന് നല്‍കിയത്.
/sathyam/media/post_attachments/sdU30kKf9i2XPo2zEkul.jpg "publive-image")
മഹാരാഷ്‌ട്രയും കര്‍ണാടകവും കഴിഞ്ഞാല്‍ ഏറ്റവും കൂടുതല്‍ മരുന്ന് ലഭിച്ചത് കേരളത്തിനാണ്. കൊവിഡ് അനുബന്ധ ചികിത്സയില്‍ പ്രധാനപ്പെട്ട ആംഫോടെറിസിന്‍-ബിയുടെ ഉദ്പാദനം കൂട്ടാന്‍ കേന്ദ്രസര്‍ക്കാര്‍ നിര്‍ദേശിച്ചിട്ടുണ്ടെന്നും മന്ത്രി അറിയിച്ചു.
കാന്‍സര്‍ രോഗികള്‍ക്കുള്ള കൊവിഡ് പ്രതിരോധ ചികിത്സയ്ക്ക് അറ്റോമിക് എനര്‍ജി വകുപ്പിന് കീഴിലുള്ള ടാറ്റാ മെമ്മോറിയല്‍ സെന്റര്‍, ഓക്‌സിജന്‍ കോണ്‍സെന്‍ട്രേറ്റര്‍, എന്‍ -95 മാസ്‌കുകള്‍ തുടങ്ങിയവ ഏകോപിപ്പിച്ച്‌ നല്‍കുന്നു. കേരളത്തില്‍ മലബാര്‍ കാന്‍സര്‍ സെന്റര്‍, സെന്റ് ഗ്രിഗോറിയോസ് മെഡിക്കല്‍ മിഷന്‍ ഹോസ്പിറ്റല്‍, തിരുവല്ലയിലെ ബി.സി.എം മെഡിക്കല്‍ കോളേജ് തുടങ്ങിയ കൊവിഡ് ഗ്രിഡിലുള്ള സ്ഥാപനങ്ങള്‍ക്ക് സഹായം ലഭിക്കുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
