തിരുവനന്തപുരം: സംസ്ഥാനത്ത് ഒരാള്ക്ക് കൂടി ജനിതക വകഭേദം വന്ന തീവ്ര വൈറസ് സ്ഥിരീകരിച്ചു. യുകെയില് നിന്നും എത്തിയ കണ്ണൂര് സ്വദേശിയ്ക്കാണ് (34) ജനിതക വകഭേദം വന്ന വൈറസ് സ്ഥീരികരിച്ചത്.
ഡല്ഹിയിലെ സിഎസ്ഐആര് ഐജിഐബിയില് അയച്ച സാമ്പിളിലാണ് വൈറസിനെ കണ്ടെത്തിയത്. ഇതോടെ സംസ്ഥാനത്ത് ആകെ 10 പേരില് ജനിതക വകഭേദം വന്ന വൈറസിനെ കണ്ടെത്തിയിട്ടുണ്ട്.
യുകെയില് നിന്നും വന്ന രണ്ടു പേര്ക്ക് കഴിഞ്ഞ 24 മണിക്കൂറിനകം കോവിഡ് സ്ഥിരീകരിച്ചു. ഇതോടെ അടുത്തിടെ യുകെയില് നിന്നും വന്ന 68 പേര്ക്കാണ് ഇതുവരെ കോവിഡ് സ്ഥിരീകരിച്ചത്. ഇവരില് 41 പേരുടെ പരിശോധനാഫലം നെഗറ്റീവായി.