സൗദിയില്‍ ആകെ കോവിഡ് ബാധിതര്‍ മൂന്ന് ലക്ഷമായി, രോഗമുക്തി നിരക്ക് 89.49 ശതമാനം.

റിയാദ്: സൗദിയിൽ ഇന്ന്‍ പുതിയ കോവിഡ് വാഹകര്‍ 1372 പേർ. 1432 പേർ സുഖം പ്രാപിക്കുകയും ചെയ്തു. ഇതോടെ രോഗമുക്തി നിരക്ക് 89.49 ശതമാനമായി ഉയർന്നു. അതേസമയം, 28 കോവിഡ് മരണവും രേഖപ്പെടുത്തി. 73 പേർക്ക് കോവിഡ് പോസറ്റിവ് ഹഫൂഫിലാണ് കഴിഞ്ഞ 24 മണിക്കൂറിനുള്ളിൽ കൂടുതൽ രോഗികളെ കണ്ടെത്തിയത്.

ഹൈല്‍ 65, തബൂക്ക് 64, മക്ക 64, ജിസാന്‍ 63, മദീന 53, റിയാദ് 45 തുടങ്ങി സൗദിയിലെ ചെറുതും വലുതുമായ 113 നഗരങ്ങളിലാണ് പുതിയ കേസുകള്‍ റിപ്പോര്‍ട്ട്‌ ചെയ്തത്. 28,089 രോഗികൾ നിലവിൽ രാജ്യത്ത് ചികിൽസയിൽ കഴിയുന്നുണ്ട്. ഇവരിൽ 1758 പേരുടെ നില ഗുരുതരമാണ്. ഇതോടെ രാജ്യത്ത് ആകെ കോവിഡ് ബാധിതർ 299,914 ഉം മരണസംഖ്യ 3436 ഉം രോഗമുക്തി നേടിയവർ 268,385 ആയി.

സൗദിയിലെ ചെറുതും വലുതുമായ 208 പട്ടണങ്ങളാണ് രോഗത്തിന്‍റെ പിടിയിലുള്ളത്.. ആഗസ്റ്റ് പതിനേഴ് വരെ രാജ്യത്ത് ഇതുവരെ ആകെ 43,17, 705 സ്രവസാമ്പിളുകളില്‍ പി.സി.ആര്‍ ടെസ്റ്റുകള്‍ പൂര്‍ത്തിയായി കഴിഞ്ഞ ഇരുപത്തിനാല് മണിക്കൂറിനുള്ളില്‍ മാത്രം 505,613 സ്രവസാമ്പിളുകള്‍ ടെസ്റ്റ് നടത്തി.

ലോകത്താകമാനം കോവിഡ് ബാധിതരുടെ എണ്ണം ,21,868,073 , മരണസംഖ്യ,773,730  രോഗമുക്തി നേടിയത് 14,591,414, , ചികിത്സയില്‍ ഉള്ളവര്‍ 6,502,929 പേരാണ്.