സൗദിയില്‍ ഇന്ന്‍ 42 മരണം , രോഗമുക്തി നേടിയത് 1385 പേര്‍ , പുതിയ കേസുകള്‍ 1287.

റിയാദ്: സൗദിയിൽ ഇന്ന്‍ പുതിയ കോവിഡ് വാഹകര്‍ 1287 പേർ. 1385 പേർ സുഖം പ്രാപിക്കുകയും ചെയ്തു.  ഇതോടെ രോഗമുക്തി നിരക്ക് 89.64 ശതമാനമായി ഉയർന്നു. അതേസമയം, 42 കോവിഡ് മരണവും രേഖപ്പെടുത്തി. 68 പേർക്ക് കോവിഡ് പോസറ്റിവ് രേഖപെടുത്തിയ ജിദ്ദയിലാണ് കഴിഞ്ഞ 24 മണിക്കൂറിനുള്ളിൽ കൂടുതൽ രോഗികളെ കണ്ടെത്തിയത്.

മക്ക 67, ജിസാന്‍ 64, റിയാദ് 59, ഖമിസ് മുഷിയാത് 55, ഹൈല്‍ 47, മദീന 39, തുടങ്ങി 115 നഗരങ്ങിലാണ് പുതിയ കേസുകള്‍ റിപ്പോര്‍ട്ട്‌ ചെയ്തത്.24,949 രോഗികൾ നിലവിൽ രാജ്യത്ത് ചികിത്സയില്‍ കഴിയുന്നുണ്ട്. ഇവരിൽ 1682 പേരുടെ നില ഗുരുതരമാണ്. ഇതോടെ രാജ്യത്ത് ആകെ കോവിഡ് ബാധിതർ 303,973 ഉം മരണസംഖ്യ 3548 ഉം രോഗമുക്തി നേടിയവർ 275,476 ആയി.,

ചെറുതും വലുതുമായ 205 പട്ടണങ്ങളാണ് രോഗത്തിന്‍റെ പിടിയിലുള്ളത്.. ആഗസ്റ്റ് ഇരുപത് വരെ രാജ്യത്ത് ഇതുവരെ ആകെ 45,01,104 ,സ്രവസാമ്പിളുകളില്‍ പി.സി.ആര്‍ ടെസ്റ്റുകള്‍ പൂര്‍ത്തിയായി കഴിഞ്ഞ ഇരുപത്തിനാല് മണിക്കൂറിനുള്ളില്‍ മാത്രം 61,620 സ്രവസാമ്പിളുകള്‍ ടെസ്റ്റ് നടത്തി.
ഇന്ത്യയിലും കൊവിഡ് വ്യാപനം രൂക്ഷമാവുകയാണ്. രാജ്യത്ത് രോഗബാധിതരുടെ എണ്ണം ഇരുപത്തിയെട്ട് ലക്ഷം കടന്നു. മരണസംഖ്യ അരലക്ഷം കടന്നു.പ്രതിദിന രോഗ വർദ്ധന ഏറ്റവും കൂടുതൽ ഇന്ത്യയിലാണ് രോഗമുക്തി നേടിയത് 2,097,766 പേരാണ് , മരണസംഖ്യ 54,017

ലോകത്ത് കൊവിഡ് ബാധിതരുടെ എണ്ണം 22,613,985 ആയി ഉയർന്നു. ഇതുവരെ 791,709, പേരാണ് വൈറസ് ബാധമൂലം മരണമടഞ്ഞത്. രോഗമുക്തി നേടിയവരുടെ എണ്ണം 15,340,076 ആയി എന്നത് ആശ്വാസം നൽകുന്നു. അമേരിക്കയിൽ രോഗബാധിതരുടെ എണ്ണം അമ്പത്തിയേഴു   ലക്ഷം പിന്നിട്ടു.176,377  മരണങ്ങളും റിപ്പോർട്ട് ചെയ്തു. 3,063,252 പേർ സുഖം പ്രാപിച്ചു. ബ്രസീലിലും സ്ഥിതി ഗുതരുതരമായി തുടരുകയാണ്. ആകെ രോഗബാധിതരുടെ എണ്ണം 34 ലക്ഷം പിന്നിട്ടു. മരണസംഖ്യ 111,189 ആയി ഉയർന്നു. 2,615,254 പേർ രോഗമുക്തി നേടി.