തൊട്ടടുത്തുള്ള കൊവിഡ്-19 വാക്‌സിനേഷൻ കേന്ദ്രം വാട്സ്ആപ്പിലൂടെ ഇങ്ങനെ കണ്ടെത്താം

തൊട്ടടുത്തുള്ള വാക്‌സിനേഷൻ കേന്ദ്രം ഏതെന്നു കൃത്യമായി മനസ്സിലാക്കാത്തതാണ് ഒരു പരിധിവരെ വാക്‌സിനേഷൻ കേന്ദ്രങ്ങളിലെ തിരക്ക് വർദ്ധിപ്പിക്കുന്നത്. ഇൻസ്റ്റന്റ് മെസ്സേജിങ് ആപ്പ് ആയ വാട്സ്ആപ്പ് നിങ്ങളുടെ തൊട്ടടുത്തുള്ള കൊവിഡ്-19 വാക്‌സിനേഷൻ കേന്ദ്രം കൃത്യമായി കണ്ടു പിടിക്കാൻ സാധിക്കും.

9013151515 എന്ന നമ്പർ നിങ്ങളുടെ ഫോണിൽ സേവ് ചെയ്യുകയാണ് ആദ്യം ചെയ്യേണ്ടത്. കേന്ദ്ര സർക്കാറിന്റെ കൊറോണ ഹെൽപ്‌ഡെസ്‌ക് നമ്പറാണിത്.

തുടർന്ന് വാട്സ്ആപ്പ് തുറന്ന് ഈ നമ്പറിലേക്ക് Hi അല്ലെങ്കിൽ Hello എന്ന് മെസേജ് അയക്കുക.

ഉടനെ നിങ്ങൾക്ക് ഓട്ടോ ജനറേറ്റഡ് മെസ്സജ് ലഭിക്കും. കൊറോണ രക്ഷപ്രവർത്തനവുമായി
ബന്ധപ്പെട്ട എമർജൻസി കോൺടാക്ട് നമ്പറുകൾ, ആരോഗ്യ സേതു ആപ്പ് ലിങ്ക്, ഭാഷ മാറ്റാനുള്ള സംവിധാനം തുടങ്ങിയവയാണ് ഈ മെസ്സേജിൽ ഉണ്ടാകുക.

കൊവിഡ്-19 വാക്‌സിനേഷൻ കേന്ദ്രങ്ങളെപ്പറ്റിയുള്ള വിവരങ്ങൾ അറിയാൻ 1 എന്ന് മെസ്സേജ് അയക്കുക.

നിങ്ങളുടെ സ്ഥലത്തിന്റെ ആറക്ക പിൻകോഡ് ആണ് തുടർന്ന് ചോദിക്കുക. ഇത് നൽകുക.

തുടർന്ന് നിങ്ങളുടെ അടുത്തുള്ള കൊവിഡ്-19 വാക്‌സിനേഷൻ കേന്ദ്രങ്ങളുടെ ലിസ്റ്റ് ലഭിക്കും.ഓരോ ദിവസവും എത്ര സ്ലോട്ടുകളുണ്ട് എന്നിങ്ങനെ വിശദമായ വിവരങ്ങൾ മെസ്സേജിൽ വായിക്കാം.മാത്രമല്ല ആരോഗ്യ സേതു ആപ്പിലേക്ക് നേരിട്ട് കയറാനുള്ള ലിങ്കും ഈ മെസ്സേജിലുണ്ടാവും.