അഹമ്മദാബാദ്: ഏകദിന ക്രിക്കറ്റ് ലോകകപ്പില് ഇന്ന് ദക്ഷിണാഫ്രിക്ക- അഫ്ഗാനിസ്ഥാന് പോരാട്ടം. ലോകകപ്പ് സെമി ബെര്ത്ത് ഉറപ്പിച്ചെങ്കിലും ഇന്ത്യയോടേറ്റ കനത്ത തോല്വിയുടെ ക്ഷീണം തീര്ത്ത് വിജയവഴിയില് തിരിച്ചെത്താനാണ് ദക്ഷിണാഫ്രിക്ക ഇന്ന് ഇറങ്ങുന്നത്. മറുവശത്ത് ദക്ഷിണാഫ്രിക്കയ്ക്കെതിരെ കൂറ്റന് വിജയം നേടി വിദൂര സെമി സാധ്യത നിലനിര്ത്താന് അഫ്ഗാന് ഇറങ്ങും. അഹമ്മദാബാദിലെ നരേന്ദ്ര മോദി സ്റ്റേഡിയത്തില് ഉച്ചയ്ക്ക് രണ്ട് മണിക്കാണ് മത്സരം.