Advertisment

താന്‍ ഏറ്റവും പുതിയതായി നിര്‍മ്മിക്കുന്ന ‘ലേഡീസ് നോട്ട് അലൗഡ്’ എന്ന ചിത്രം സെന്‍സര്‍ ചെയ്യാൻ ബോര്‍ഡ് കൈക്കൂലി ആവശ്യപ്പെട്ടു ; ആരോപണവുമായി ഷക്കീല

author-image
ഫിലിം ഡസ്ക്
New Update

ചെന്നൈ: താന്‍ ഏറ്റവും പുതിയതായി നിര്‍മ്മിക്കുന്ന ‘ലേഡീസ് നോട്ട് അലൗഡ്’ എന്ന ചിത്രം സെന്‍സര്‍ ചെയ്യാൻ ബോര്‍ഡ് കൈക്കൂലി ആവശ്യപ്പെട്ടെന്ന് നടി ഷക്കീല. ചിത്രം രണ്ട് തവണ ആണ് സെന്‍സര്‍ ബോര്‍ഡ് നിരസിച്ചത്. തെലുങ്കിലാണ് ചിത്രം നിര്‍മ്മിച്ചിരിക്കുന്നത്.

Advertisment

publive-image

ഇതൊരു കുടുംബ ചിത്രമല്ല അഡല്‍റ്റ് കോമഡിയായാണ് ചിത്രം ഒരുക്കിയിരിക്കുന്നത്. ചിത്രം സെന്‍സര്‍ ചെയ്യാനായി ഇപ്പോള്‍ കൈക്കൂലി വേണമെന്നാണ് ആവശ്യം. ഞാന്‍ നിശബ്ദമായിരിക്കാന്‍ ആഗ്രഹിക്കുന്നില്ല. എല്ലാം ഞാന്‍ റെക്കോര്‍ഡ് ചെയ്ത് വച്ചിട്ടുണ്ട്. പലരോടും കടം വാങ്ങിയാണ് ഈ ചിത്രം എടുത്തത്. ഷക്കീല പ്രതികരിച്ചു.

ഈ വിഭാഗത്തില്‍പ്പെടുന്ന പല ചിത്രങ്ങളും മുമ്ബ് സെന്‍സര്‍ ചെയ്തിട്ടുണ്ട്. പിന്നെ ഈ ചിത്രത്തിനോട് മാത്രം എന്താണ് പ്രശ്‌നം?. ഇതൊരു കുടുംബ ചിത്രമല്ല. അഡല്‍ട്ട് കോമഡി സിനിമയാണെന്ന് നേരത്തെ തന്നെ വ്യക്തമാക്കിയിട്ടുണ്ട്.

ഇക്കാര്യം സിനിമയുടെ തുടക്കത്തിനും പറയുന്നുണ്ട്. ഞാന്‍ നിര്‍മ്മാതാവ് ആയതു കൊണ്ട് മാത്രമാണ് സെന്‍സര്‍ ബോര്‍ഡ് അംഗങ്ങള്‍ സര്‍ട്ടിഫിക്കറ്റ് നല്‍കാത്തത് ” ഷക്കീല പറയുന്നു. ചിത്രത്തിന്റെ ട്രെയ്‌ലര്‍ നേരത്തെ റിലീസ് ചെയ്തിരുന്നു.

Advertisment