കോഴിക്കോട്: രാഹുൽ ഗാന്ധി കേരളത്തിൽ മത്സരിക്കുന്ന വിഷയത്തിൽ നിലപാട് വ്യക്തമാക്കി സിപിഐ സംസ്ഥാന സെക്രട്ടറി ബിനോയ് വിശ്വം. രാഹുൽ ഗാന്ധി പ്രധാന കളിക്കളം വിട്ട് കേരളത്തിലേക്ക് വരുന്നത് ശരിയാണൊയെന്ന് കോൺഗ്രസ് ചിന്തിക്കണമെന്നായിരുന്നു ബിനോയ് വിശ്വത്തിൻ്റെ അഭിപ്രായം.
ഉത്തരേന്ത്യയാണ് പ്രധാന കളിക്കളമെന്നും ബിനോയ് വിശ്വം കോൺഗ്രസിനെയും രാഹുൽ ഗാന്ധിയെയും ഓർമ്മിപ്പിച്ചു. ബാബറി മസ്ജിദിൻ്റെ ശ്മശാന ഭൂമിയിൽ കെട്ടി പൊക്കിയ ക്ഷേത്രത്തിൻ്റെ ഉദ്ഘാടനത്തിന് പങ്കെടുക്കുന്ന കാര്യത്തിൽ നിലപാട് സ്വീകരിക്കുന്നതിൽ കോൺഗ്രസിന് എന്തിനാണ് ചാഞ്ചാട്ടമെന്നും ബിനോയ് വിശ്വം ചോദിച്ചു.