/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/9Jtk9IX9KLos9maLmdRt.jpg)
ന്യൂഡല്ഹി: പ്രധാനമന്ത്രി നരേന്ദ്ര മോദിയുടെ ക്രിസ്മസ് വിരുന്നില് പങ്കെടുത്തതില് സഭാപ്രതിനിധികള്ക്കെതിരെ വിമര്ശനവുമായി സിപിഐ. മണിപ്പൂരിനെക്കുറിച്ച് മൗനമെന്തെന്ന് ബിഷപ്പുമാര് മോദിയോട് ചോദിക്കണമായിരുന്നുവെന്ന് സിപിഐ സംസ്ഥാന സെക്രട്ടറി ബിനോയ് വിശ്വം പറഞ്ഞു. മത മേലധ്യക്ഷന്മാരും ക്രൈസ്തവ വിഭാഗത്തില് നിന്നുള്ള പ്രമുഖരുമാണ് ഇന്ന് പ്രധാനമന്ത്രിയുടെ വസതിയില് നടത്തിയ ക്രിസ്മസ് വിരുന്നില് പങ്കെടുത്തത്.
ബിഷപ്പുമാര് വിചാരധാര വായിക്കണമെന്നും വിരുന്നിന് പിന്നിലെ രാഷ്ട്രീയ അജണ്ട മനസിലാക്കണമെന്നും ബിനോയ് വിശ്വം ആവശ്യപ്പെട്ടു. പ്രധാനമന്ത്രിയുടെ ഓഫീസ് നേരിട്ടാണ് പരിപാടി നടത്തിയത്. ക്രൈസ്തവ വിഭാഗത്തെ ഒപ്പം നിര്ത്താന് ബിജെപി സ്നേഹ യാത്ര സംഘടിപ്പിക്കുന്നതിനിടെയാണ് വിരുന്ന് സംഘടിപ്പിച്ചത്. യേശു ഉയര്ത്തിയ മൂല്യങ്ങളും ജീവത്യാഗങ്ങളും ഓര്ക്കേണ്ട ദിനമാണിന്ന് എന്ന് പ്രധാനമന്ത്രി ക്രിസ്മസ് വിരുന്നില് പറഞ്ഞു .
യേശു കരുണയുടെയും സ്നേഹത്തിന്റെയും പാത കാണിച്ചു തന്നു. ഈ മൂല്യങ്ങള് രാജ്യത്തിന്റെ വളര്ച്ചയ്ക്ക് വെളിച്ചമാകുന്നുവെന്നും അദ്ദേഹം പറഞ്ഞു. ക്രൈസ്തവ സമൂഹം രാജ്യത്തിന് നല്കുന്ന സംഭവനകള്ക്ക് നന്ദി പറഞ്ഞ പ്രധാനമന്ത്രി രാജ്യത്തെ തുടര്ന്നുള്ള വികസനങ്ങള്ക്ക് ക്രിസ്ത്യന് സഭകളുടെ പിന്തുണയും തേടി. ഫ്രാന്സിസ് മാര്പാപ്പ രണ്ടുവര്ഷത്തിനകം ഇന്ത്യയിലെത്തുമെന്നും നരേന്ദ്രമോദി പറഞ്ഞു. 2024 മധ്യത്തിലോ 2025 ആദ്യമോ ഇന്ത്യയിലെത്തുമെന്നാണ് അദ്ദേഹം പറഞ്ഞത്. കേരളത്തിലും മാര്പാപ്പ സന്ദര്ശനം നടത്തുമെന്നും പ്രധാനമന്ത്രി അറിയിച്ചു.
മതമേലധ്യക്ഷരും ക്രൈസ്തവ സഭയിലെ പ്രമുഖരും സാമൂഹ്യ സാംസ്കാരിക രം?ഗത്തെ പ്രമുഖരും വിരുന്നില് പങ്കെടുത്തു. പ്രധാനമന്ത്രിയുടെ വസതിയില് ആദ്യമായാണ് ഇത്തരമൊരു ചടങ്ങ് സംഘടിപ്പിച്ചത്. വിരുന്നില് രാഷ്ട്രീയം ചര്ച്ചയായില്ലെന്ന് സഭാ പ്രതിനിധികള് പറഞ്ഞു. മണിപ്പൂര് വിഷയവും ചര്ച്ചയായില്ലെന്ന് സഭാ പ്രതിനിധികള് വ്യക്തമാക്കി. ചടങ്ങില് കായികമേഖലയെക്കുറിച്ച് സംസാരിക്കാനായെന്ന് ഒളിമ്പ്യന് അഞ്ജു ബോബി ജോര്ജ് പ്രതികരിച്ചു.