/sathyam/media/agency_attachments/5VspLzgrB7PML1PH6Ix6.png)
Follow Us/sathyam/media/media_files/Q6ikSTgjaZfgIfqV3r1X.jpg)
തെലങ്കാന മുഖ്യമന്ത്രി ആരെന്നുള്ള ചോദ്യത്തിനുള്ള ഔദ്യോഗിക പ്രഖ്യാപനം ചൊവ്വാഴ്ച വൈകീട്ട് കോണ്ഗ്രസ് നേതൃത്വം നടത്തുമെന്ന് വൃത്തങ്ങള് അറിയിച്ചു. കോണ്ഗ്രസ് അധ്യക്ഷന് രേവന്ത് റെഡ്ഡി സംസ്ഥാന മുഖ്യമന്ത്രിയാകാനുള്ള സാധ്യതയാണ് കൂടുതല്. ഡിസംബര് ഏഴിന് വ്യാഴാഴ്ച രാവിലെ 11 മണിക്ക് റെഡ്ഡി സത്യപ്രതിജ്ഞ ചെയ്തേക്കുമെന്ന് വൃത്തങ്ങള് ഇന്ത്യാ ടുഡേ ടിവിയോട് പറഞ്ഞു. മുതിര്ന്ന കോണ്ഗ്രസ് നേതാക്കളായ ഉത്തം കുമാര് റെഡ്ഡിക്കും ഭട്ടി വിക്രമാര്കയ്ക്കും ഉപമുഖ്യമന്ത്രി സ്ഥാനം നല്കുകയോ പ്രധാനപ്പെട്ട സ്ഥാനം നല്കി അവരെ ഉള്പ്പെടുത്തുകയോ ചെയ്തേക്കും. സംസ്ഥാനത്ത് റൊട്ടേഷന് മുഖ്യമന്ത്രി ഫോര്മുല ഉണ്ടാകില്ലെന്നും വൃത്തങ്ങള് അറിയിച്ചു.
അതേസമയം രേവന്ത് റെഡ്ഡി തെലങ്കാനയുടെ പുതിയ മുഖ്യമന്ത്രിയായേക്കുമെന്ന വാര്ത്തകള്ക്കിടയില് ഉത്തം റെഡ്ഡി കര്ണാടക കോണ്ഗ്രസ് അധ്യക്ഷന് ഡികെ ശിവകുമാറിനെ കാണാന് അദ്ദേഹത്തിന്റെ വസതിയിലെത്തി. രേവന്ത് മുഖ്യമന്ത്രിയാകുമോ ബിആര്എസ്, കോണ്ഗ്രസ് എംഎല്എമാരെ സമീപിച്ചോ എന്നീ ചോദ്യങ്ങള്ക്ക് ഉത്തം റെഡ്ഡി മറുപടി നല്കിയില്ല. പരിചയസമ്പന്നനായ രാഷ്ട്രീയക്കാരനും മല്കജ്ഗിരിയില് നിന്നുള്ള ലോക്സഭാ എംപിയുമായ രേവന്ത് റെഡ്ഡി തെലങ്കാന രാഷ്ട്രീയത്തിലെ ഒരു നിര്ണായക സ്വാധീനമുള്ള വ്യക്തിയാണ്. 2017-ല് തെലുങ്കുദേശം പാര്ട്ടിയില് നിന്ന് (ടിഡിപി) കോണ്ഗ്രസിലേക്കുള്ള അദ്ദേഹത്തിന്റെ മാറ്റം സംസ്ഥാനത്തിന്റെ രാഷ്ട്രീയ ചലനാത്മകതയില് കാര്യമായ മാറ്റമുണ്ടാക്കി.
രണ്ട് തവണ എം.എല്.എ.യും ഇപ്പോള് തെലങ്കാനയില് കോണ്ഗ്രസിന്റെ മുഖവുമാണ് റെഡ്ഡിയുടെ ആക്രമണാത്മക പ്രചാരണ തന്ത്രങ്ങളും മുഖ്യമന്ത്രി കെ.സി.ആറുമായുള്ള നേരിട്ടുള്ള ഏറ്റുമുട്ടലുകളും അദ്ദേഹത്തെ ജനക്കൂട്ടത്തിന്റെ പ്രിയങ്കരനാക്കുകയും മുഖ്യമന്ത്രി സ്ഥാനാര്ത്ഥിയായി ഉയര്ത്തുകയും ചെയ്തു. റെഡ്ഡിയുടെ തെരുവ് പ്രതിഷേധങ്ങളും കേന്ദ്ര കോണ്ഗ്രസ് നേതാക്കള്ക്കൊപ്പം നടന്ന പൊതു റാലികളും അധികാരത്തിലിരിക്കുന്ന ബിആര്എസ് സര്ക്കാരിന് ശക്തമായ വെല്ലുവിളി ഉയര്ത്തിയിരുന്നു. അദ്ദേഹത്തിന്റെ സംസാരഭാഷയും മറ്റും തെലങ്കാനയിലുടനീളമുള്ള വോട്ടര്മാരില് പ്രതിധ്വനിച്ചു. സ്വന്തം മണ്ഡലത്തിനപ്പുറം മറ്റ് സ്ഥലങ്ങളിലും സ്വാധീനം ചെലുത്താന് അദ്ദേഹത്തിന് കഴിഞ്ഞു.
ഭരണ കക്ഷിയായ കെ ചന്ദ്രശേഖര് റാവുവിന്റെ നേതൃത്വത്തിലുള്ള ഭാരത് രാഷ്ട്ര സമിതി സര്ക്കാരിനെ പുറത്താക്കി 64 സീറ്റുകള് നേടിയാണ് കോണ്ഗ്രസ് അധികാരത്തില് വരുന്നത്. 119 അംഗ സംസ്ഥാന നിയമസഭയില് 39 സീറ്റുകള് മാത്രമാണ് ബിആര്എസ് നേടിയത്. അതേസമയം കെസിആര് സംസ്ഥാന ഗവര്ണര്ക്ക് രാജിക്കത്ത് നല്കി.