കൊച്ചി: ഡോളര് കടത്ത് കേസില് സ്പീക്കര് പി. ശ്രീരാമകൃഷ്ണന് കസ്റ്റംസ് നോട്ടീസ്. ചോദ്യം ചെയ്യലിന് ഈ മാസം 12ന് ഹാജരാകണമെന്നാവശ്യപ്പെട്ട് നോട്ടീസ് നല്കി. കൊച്ചിയിലെ കസ്റ്റംസ് ഓഫീസില് ഹാജരാകണമെന്നാണ് ആവശ്യപ്പെട്ടിരിക്കുന്നത്.
ഹൈക്കോടതിയില് കസ്റ്റംസ് ഹൈക്കമ്മീഷണര് നല്കിയ സത്യവാങ്മൂലത്തില് ഡോളര്ക്കടത്തില് സ്പീക്കര് പി ശ്രീരാമകൃഷ്ണനും മുഖ്യമന്ത്രി പിണറായി വിജയനും മൂന്ന് മന്ത്രിമാര്ക്കും പങ്കുണ്ടെന്ന് പറയുന്നുണ്ട്.
സ്വര്ണക്കടത്ത് കേസിലെ പ്രതി സ്വപ്ന സുരേഷിന്റെ രഹസ്യമൊഴിയുടെ അടിസ്ഥാനത്തിലുള്ള സത്യവാങ്മൂലമാണ് കസ്റ്റംസ് സമര്പ്പിച്ചത്. ഈ പശ്ചാത്തലത്തിലാണ് കസ്റ്റംസ് സ്പീക്കര്ക്ക് നോട്ടീസ് നല്കിയത്.