കരൂരില്‍ ശക്തമായ കാറ്റിലും മഴയിലും നാശനഷ്ടം; അടിയന്തിര സഹായം എത്തിക്കണം - ജോസ് കെ.മാണി

പാലാ:കരൂര്‍ പഞ്ചായത്തിലെ കരൂര്‍, പയപ്പാര്‍, ചിറ്റാര്‍ ഭാഗങ്ങളില്‍ കഴിഞ്ഞ ദിവസമുണ്ടായ ശക്തമായ കാറ്റിലും, മഴയിലും നാശനഷ്ടം സംഭവിച്ച പ്രദേശങ്ങള്‍ കേരളാ കോണ്‍ഗ്രസ്സ് (എം) ചെയര്‍മാന്‍ ജോസ് കെ.മാണി സന്ദര്‍ശിച്ചു.

ലക്ഷകണക്കിന് രൂപയുടെ കൃഷിയിടങ്ങള്‍ക്കും, കെട്ടിടങ്ങള്‍ക്കുമാണ് നഷ്ടം സംഭവിച്ചത്. ഇവര്‍ക്ക് അടിയന്തിര സഹായം എത്തിക്കണമെന്ന് റവന്യൂ അധികൃതരോട് ആവശ്യപ്പെട്ടതായും ജോസ് കെ.മാണി പറഞ്ഞു.

ജില്ലാ പഞ്ചായത്ത് മെമ്പര്‍ രാജേഷ് വാളിപ്ലാക്കല്‍, ഫ്രാന്‍സിസ് മൈലാടൂര്‍ എന്നിവര്‍ ജോസ് കെ മാണിക്കൊപ്പമുണ്ടായിരുന്നു.