27
Friday May 2022
മലയാള സിനിമ

സീ കേരളം ഡാൻസ് കേരള ഡാൻസിന്റെ ആദ്യ സീസണിന്റെ ഭാഗമാവാൻ കഴിയാഞ്ഞതിൽ സങ്കടമുണ്ടായിരുന്നു; ഡാൻസ് കേരള ഡാൻസ് സീസൺ 2 വിശേഷങ്ങൾ പങ്കു വെച്ച് പ്രസന്ന മാസ്റ്റർ

ന്യൂസ് ബ്യൂറോ, കൊച്ചി
Tuesday, May 10, 2022

കൊച്ചി: സ്വകാര്യ ചാനലുകളിലെ ഡാന്‍സ് റിയാലിറ്റി ഷോകളിലെ സ്ഥിര സാന്നിധ്യമാണ് നൃത്ത സംവിധായകന്‍ പ്രസന്ന മാസ്റ്റര്‍. സീ കേരളത്തില്‍ സംപ്രേക്ഷണം ചെയ്യുന്ന ഡാന്‍സ് കേരള ഡാന്‍സ് റിയാലിറ്റി ഷോയിലാണ് നിലവില്‍ അദ്ദേഹം വിധി കര്‍ത്താവായിരിക്കുന്നത്. ഡാന്‍സ് കേരള ഡാന്‍സ് സീസണ്‍ 1ന്റെ ഭാഗമാകാന്‍ കഴിയാത്തതില്‍ സങ്കടമുണ്ടായിരുന്നുവെന്ന് പറയുകയാണ് പ്രസന്ന മാസ്റ്റര്‍.

ഡാൻസ് കേരള ഡാൻസ് സീസൺ 2 വിശേഷങ്ങൾ പങ്കു വെച്ച് ജനപ്രിയ നൃത്ത സംവിധായകൻ പ്രസന്ന മാസ്റ്റർ പറയുന്നത് ഇങ്ങനെ. 

1) ചെറിയൊരിടവേളക്ക് ശേഷം റിയാലിറ്റി ഷോ വിധികർത്താവായി തിരികെയെത്തുമ്പോൾ എന്താണ് തോന്നുന്നത്?

നമ്മൾ എല്ലാവരും രണ്ടു വർഷമായി കോവിഡ് മഹാമാരി ഭീതിയിൽ വീടിനുള്ളിൽ അടച്ചിരിക്കുകയായിരുന്നല്ലോ, ക്യാമറക്കു മുൻപിലേക്ക് തിരികെയെത്തുമ്പോൾ തികച്ചും സന്തോഷം നിറഞ്ഞ ഒരു അവസ്ഥയാണുള്ളത്. അത് സീ കേരളം പോലുള്ള ഒരു ജനപ്രിയ ചാനലിലെ ജനപ്രിയ ഡാൻസ് റിയാലിറ്റി ഷോയുടെ വിധികർത്താവായി കൂടിയാകുമ്പോൾ ഇരട്ടിമധുരം.

2) മറ്റു ഡാൻസ് റിയാലിറ്റി ഷോകളിൽ നിന്നും ഡാൻസ് കേരള ഡാൻസിനെ വ്യത്യസ്തമാക്കുന്നതെന്താണ്?

ഡാൻസ് കേരള ഡാൻസിനെ മറ്റു റിയാലിറ്റി ഷോകളിൽ നിന്നും വ്യത്യസ്തമാക്കുന്നത് തീർച്ചയായും മത്സരാർഥികൾ തന്നെയാണ്. ഓഡിഷൻ മുതൽക്കു തന്നെ പ്രതീക്ഷകൾക്കപ്പുറം ഏറ്റവും മികച്ച പ്രകടനം കാഴ്ച വെച്ച നർത്തകരുടെ മത്സരകാഴ്ചകൾക്കായി ഞാനും കാത്തിരിക്കുകയാണ്.

കൂടാതെ ഡാൻസ് കേരള ഡാൻസിന്റെ ഷൂട്ടിംഗ് അന്തരീക്ഷവും എനിക്കേറെ ഇഷ്ടമാണ്. കൂടെ വർക്ക് ചെയ്യുന്ന ഓരോരുത്തരും അവതാരകരുമെല്ലാം ഓരോ നിമിഷവും രസകരമാക്കുന്നുണ്ട്.

3) ഡാൻസ് കേരള ഡാൻസിൽ പ്രസന്ന മാസ്റ്റർ എന്ന കോറിയോഗ്രാഫറെ ആവേശഭരിതനാക്കുന്നത് എന്താണ്?

കേരളത്തിലെ നമ്പർ 1 റിയാലിറ്റി ഷോയായ ഡാൻസ് കേരള ഡാൻസിന്റെ ഭാഗമാകാൻ കഴിഞ്ഞതിൽ അതിയായ സന്തോഷമുണ്ട്. മറ്റു ഷോകളിൽ നിന്ന് വ്യത്യസ്തമായി പ്രായപരിധിയെന്ന സ്ഥിരം മാനദണ്ഡത്തെ കാറ്റിൽപ്പറത്തി 6 മുതൽ 60 വയസ്സു വരെയുള്ള കഴിവുറ്റ കലാകാരന്മാരാണ് ഈ പരിപാടിയിൽ മാറ്റുരക്കുന്നത്. ഏറ്റവും പ്രായം കുറഞ്ഞ കുട്ടികലാകാരന്മാരുടെ കൂടെയുള്ള നിമിഷങ്ങൾ ഏറെ പ്രിയപ്പെട്ടതാണ്.

4) ഡാൻസ് കേരള ഡാൻസിന്റെ വിധികർത്താവായി ഇത് വരെയുള്ള അനുഭവം വിവരിക്കാമോ?

സീ കേരളം കുടുംബത്തിന്റെ ഭാഗമാകാൻ കഴിഞ്ഞത് വളരെക്കാലമായുള്ളൊരു സ്വപ്നസാക്ഷാത്കാരമാണ്. ഡാൻസ് കേരള ഡാൻസിന്റെ ആദ്യ സീസണിന്റെ ഭാഗമാവാൻ കഴിയാഞ്ഞതിൽ സങ്കടമുണ്ടായിരുന്നു. എന്നാൽ ഈ സീസണിൽ വിധികർത്താവായെത്തുമ്പോൾ ഏറെ സന്തോഷമുണ്ട്.

5) ഡാൻസ് കേരള ഡാൻസിന്റെ വിവിധ മത്സര വിഭാഗങ്ങളെപ്പറ്റി?

പ്രധാനമായും സോളോ, ഡ്യുയറ്റ്, ഗ്രൂപ്പ് തുടങ്ങി മൂന്ന് മത്സര വിഭാഗങ്ങളാണ് ഡാൻസ് കേരള ഡാൻസിലുള്ളത്. അതിൽ ഏറ്റവും കൂടുതൽ അത്ഭുതപ്പെടുത്തിയത് ചെറിയ കുട്ടികളുടെ പ്രകടനങ്ങളാണ്. കുട്ടികൾ ശെരിക്കും മുതിർന്നവർക് വെല്ലുവിളി തന്നെ ആവും എന്നതിൽ സംശയമില്ല.

6) സഹ- വിധികർത്താക്കളെപ്പറ്റി ?

എന്നോടൊപ്പം മിയ, ഐശ്വര്യ രാധാകൃഷ്ണൻ എന്നിവരാണ് ഡാൻസ് കേരള ഡാൻസിന്റെ വിധികർത്താക്കളായെത്തുന്നത്. മിയയെ എനിക്ക് നേരത്തെ തന്നെ പരിചയമുണ്ട്. ഞങ്ങൾ വളരെ അടുത്ത സുഹൃത്തുക്കളാണ്. മലയാളികൾക്ക് ഐശ്വര്യ പുതിയ മുഖമാണെങ്കിലും ഈ ഷോയിലൂടെ ഏറ്റവും കൂടുതൽ ആരാധകരുണ്ടാകാൻ പോകുന്നത് ഐശ്വര്യ രാധാകൃഷ്ണൻ എന്ന ഇന്ത്യയിലുടനീളം മികവുറ്റ നൃത്ത പ്രകടനങ്ങളാൽ പ്രശസ്തി നേടിയ മലയാളിയായ നൃത്തസംവിധായകയ്ക്കായിരിക്കും. പിന്നെ എടുത്ത് പറയാനുള്ളത് ഡാൻസ് കേരള ഡാൻസിന്റെ അവതാരകനായ ശില്പ, അരുൺ കൂട്ടുകെട്ടാണ്. ചിരി നിറഞ്ഞ നിരവധി നിമിഷങ്ങൾക്ക് വരും എപ്പിസോഡുകൾ സാക്ഷിയാകുന്നുണ്ട്.

7) സീ കേരളം കുടുംബത്തിന്റെ ഭാഗമാകുമ്പോൾ എന്താണ് തോന്നുന്നത് ?

സീ കേരളത്തിന്റെ ഭാഗമാവുകയെന്നത് എനിക്ക് ഒരു സ്വപ്നസാക്ഷാത്കാരം പോലെയാണ്. ഇന്ത്യയിലുടനീളം ഖ്യാതി നേടിയ സീ നെറ്റ് വർക്കിൻ്റെ കുടുംബത്തിൽ അംഗമാകുമ്പോൾ ഏറെക്കാലത്തെ സ്വപ്നം നേടിയെടുത്ത നിറവിലാണ് ഞാനിപ്പോൾ.

More News

ഡൽഹി: ചൈനീസ് വീസ കോഴക്കേസിൽ കാർത്തി ചിദംബരത്തെ സിബിഐ ഇന്ന് വീണ്ടും ചോദ്യം ചെയ്യും. കഴിഞ്ഞ ദിവസം ഒൻപത് മണിക്കൂറോളം നീണ്ട ചോദ്യം ചെയ്യലിൽ സിബിഐയുടെ ആരോപണങ്ങൾ കാർത്തി ചിദംബരം നിഷേധിച്ചിരുന്നു. താൻ നിയമവിരുദ്ധമായി പ്രവർത്തിച്ചിട്ടില്ല എന്നാണ് കാർത്തി സിബിഐയെ അറിയിച്ചത്. ചോദ്യം ചെയ്യലിനോട് കാർത്തി ചിദംബരം പൂർണമായി സഹകരിക്കുന്നില്ലെന്ന് സിബിഐ വൃത്തങ്ങൾ പറഞ്ഞു. ഇടപാടുമായി ബന്ധപ്പെട്ട് വിശദമായ ചോദ്യങ്ങളിലേക്ക് ഇന്ന് കടക്കും. കാർത്തിയുടെ ചാർട്ടേഡ് അക്കൗണ്ടന്റ് എസ് ഭാസ്‌കര രാമനെ ചോദ്യം ചെയ്തതിൽ നിന്നും ലഭിച്ച […]

കൊച്ചി: പോപ്പുലർ ഫ്രണ്ട് പ്രകടനത്തിലെ വിദ്വേഷ മുദ്രാവാക്യ കേസിൽ കുട്ടിയുടെ പിതാവിനെ കണ്ടെത്താൻ അന്വേഷണം ഊർജിതമാക്കി. കൊച്ചി തോപ്പുംപടിയിലെ താമസക്കാരായ കുട്ടിയുടെ കുടുംബം ഒളിവിലാണ്. ഇവർക്കായി ഈരാറ്റുപേട്ടയിലേക്കും അന്വേഷണം വ്യാപിപ്പിച്ചു. കുടുംബത്തിന് ഒളിവിൽ കഴിയാനുള്ള സഹായം ഈരാറ്റുപേട്ടയിൽ നിന്ന് കിട്ടിയെന്ന സംശയത്തിന്‍റെ അടിസ്ഥാനത്തിലാണ് പൊലീസ് നീക്കം. പോപ്പുലർ ഫ്രണ്ട് പ്രവർത്തകനായ പിതാവാണ് പ്രകടനത്തിലേക്ക് കുട്ടിയെ കൊണ്ടുവന്നത്. പൗരത്വ ഭേദഗതി നിയമത്തിനെതിരെ നടന്ന സമരങ്ങളിലും കുട്ടിയെ പങ്കെടുപ്പിച്ചിരുന്നു. കുട്ടിയെ ചുമലിലേറ്റിയ ഈരാറ്റുപേട്ട സ്വദേശിയായ അൻസാറിനെ പൊലീസ് പിടികൂടിയിരുന്നു. മതവിദ്വേഷം […]

മലപ്പുറം: മലപ്പുറം ജില്ലാ ആസ്ഥാനമായ സിവിൽ സ്റ്റേഷൻ, കെ എസ്‌ ആർ ട്ടി സി ബസ്‌ സ്റ്റാന്റ്‌ , മലപ്പുറം ടൗൺ ഹാൾ, കലക്ടർ ബംഗ്ലാവ്‌, മഞ്ചേരി റോഡിലെ ബസ്‌ കാത്തിരിപ്പ്‌ കേന്ദ്രം, മുനിസിപ്പൽ ബസ്‌ സ്റ്റാന്റ്‌ പരിസരങ്ങളിലെല്ലാം തെരുവ്‌ നായ്ക്കളുടെ ക്രമാധീതമായ വർദ്ധനവ്‌ കാരണം ശല്യം രൂക്ഷമായിരിക്കയാണ്‌. കുട്ടികളേയും മുതിർന്നവരേയും തെരുവ്‌ നായ്ക്കൾ ആക്രമിക്കുന്നത്‌ മൂലം പുറത്തിറങ്ങാൻ ഭയക്കുകയാണ്‌. മലപ്പുറം നഗരത്ത്‌ തെരുവ്‌ നായ്ക്കളുടെ ശല്യം രൂക്ഷമായത്‌ അധികാരികളുടെയടുത്ത്‌ പല പ്രാവശ്യം പരാതി നൽകിയിട്ടും ഇതുവരെ […]

ജിദ്ദ: സ്വന്തം സ്‌പോൺസർഷിപ്പിൽ ഉള്ള വിദേശി തൊഴിലാളികൾ തങ്ങളുടെ കീഴിൽ തന്നെയാണ് ജോലി ചെയ്യുന്നതെന്ന് ഉറപ്പ് വരുത്തണമെന്ന് സൗദി അധികൃതർ. അനധികൃതമായി മറ്റാർക്കെങ്കിലും വേണ്ടിയോ സ്വന്തം സമ്പാദ്യത്തിനായോ ജോലി ചെയ്യാൻ വിദേശി തൊഴിലാളികൾക്ക് സൗദിയിൽ അനുമതിയില്ല. ഇക്കാര്യം ഉറപ്പ് വരുത്തേണ്ടത് സ്പോണ്സർമാരുടെ കടമയാണ്. പ്രവാസി തൊഴിലാളികളെ മറ്റു ജോലികൾക്കു വിട്ടു എന്ന് കണ്ടെത്തിയാൽ സ്പോൺസർക്ക് കടുത്ത ശിക്ഷ ലഭിക്കുമെന്ന് സൗദി പൊതുസുരക്ഷാ വകുപ്പ് മുന്നറിയിപ്പ് നൽകി. ഒരു ലക്ഷം റിയാൽ വരെ പിഴയും ആറു മാസം വരെ […]

  കൊച്ചി: വിദ്വേഷപ്രസംഗ കേസിൽ ജയിലിൽ കഴിയുന്ന പി സി ജോർജ് നൽകിയ ജാമ്യ ഹർജി അടക്കം മൂന്ന് ഹർജികൾ ഹൈക്കോടതി ഇന്ന് പരിഗണിക്കും. തിരുവനന്തപുരം കിഴക്കേക്കോട്ടെ കേസില്‍ ജാമ്യം റദ്ദാക്കിയ മജിസ്ട്രേറ്റ് കോടതി ഉത്തരവ് ചോദ്യം ചെയ്ത് നൽകിയ റിവിഷൻ ഹർജിയാണ് ആദ്യം പരിഗണിക്കുക. രാവിലെ പത്തേകാലിന് ജസ്റ്റിസ് സിയാദ് റഹ്മാനാണ് കേസ് പരിഗണിക്കുന്നത്. ഇതേ കേസിൽ പി സി ജോർജിന്റെ ജാമ്യാപേക്ഷയും വെണ്ണല കേസിലെ മുൻക്കൂർ ജാമ്യ ഹർജിയും മറ്റൊരു ബഞ്ച് ഉച്ചയ്ക്ക് പരിഗണിക്കും. […]

തിരുവനന്തപുരം: കൂടുതൽ സ്ത്രീകൾ തിരഞ്ഞെടുപ്പുകളിൽ മത്സരിച്ചു ജയിക്കണമെന്ന് രാഷ്ട്രപതി റാംനാഥ് കോവിന്ദ് നിർദേശിച്ചു. ജനസംഖ്യയിൽ പകുതി വരുന്ന സ്ത്രീകളുടെ കഴിവിന്റെ അടുത്തെങ്ങും പ്രാതിനിധ്യം രാഷ്ട്രീയത്തിലും തൊഴിൽ മേഖലകളിലും അവർക്കു ലഭിച്ചിട്ടില്ലെന്നും കേരള നിയമസഭ സംഘടിപ്പിച്ച ദ്വിദിന ദേശീയ വനിതാ സാമാജിക സമ്മേളനം ഉദ്ഘാടനം ചെയ്ത് രാഷ്ട്രപതി പറഞ്ഞു. സാമൂഹികമായ മുൻവിധികളാണ് സ്ത്രീകളെ തടഞ്ഞുനിർത്തുന്നത്. വിവിധ തലങ്ങളിൽ സ്ത്രീകൾ പിന്തള്ളപ്പെടുന്നത് ലോകമെമ്പാടുമുള്ള പ്രതിഭാസമാണ്. മനോഭാവവും ചിന്താഗതിയും മാറുക മാത്രമാണു പരിഹാരം. ഇന്ത്യയിൽ ഒരു വനിതാ പ്രധാനമന്ത്രിയും ഒരു വനിതാ […]

കൊച്ചി: നടിയെ ആക്രമിച്ച കേസ് അട്ടിമറിക്കുന്നുവെന്നാരോപിച്ച് അതിജീവിത നൽകിയ ഹർജി ഹൈക്കോടതി ഇന്ന് വീണ്ടും പരിഗണിക്കും. ഹർജിയിൽ കഴിഞ്ഞ ദിവസം സർക്കാരിനോട് കോടതി വിശദീകരണം തേടിയിരുന്നു. കേസന്വേഷണം പാതിവഴിയിൽ അവസാനിപ്പിക്കാനായി ഭരണ തലത്തിൽ നിന്നും രാഷ്ട്രീയ ഇടപെടൽ ഉണ്ടാകുന്നുവെന്നതടക്കം സർക്കാരിനെതിരെ ഗുരുതര ആരോപണങ്ങൾ ഉയർത്തിയാണ് അതിജീവിതയുടെ ഹർജി. കേസിൽ കുറ്റപത്രം നൽകുന്നത് തടയണമെന്നും അതിജീവിത ആവശ്യപ്പെട്ടിട്ടുണ്ട്. എന്നാൽ, ഹർജിയിലെ ആക്ഷേപങ്ങൾ തെറ്റാണെന്നാണ് സർക്കാർ വാദം. കൂടാതെ കേസിനെ രാഷ്ട്രീയമായി ഉപയോഗിക്കരുതെന്നും അന്വേഷണം സംബന്ധിച്ചുള്ള നടിയുടെ ഭീതിഅനാവശ്യമാണെന്നുമാണ് ഡയറക്ടർ […]

കൊച്ചി: നടി അർച്ചന കവിയുടെ ആരോപണത്തിൽ എസ്.എച്ച്.ഒയ്‌ക്കെതിരെ നടപടി. ഫോർട്ട് കൊച്ചി എസ്.എച്ച്.ഒ സി.എസ് ബിജുവിനെ സിറ്റി പൊലീസ് കമ്മീഷണർ താക്കീത് ചെയ്തു. ആഭ്യന്തര അന്വേഷണത്തിൽ എസ്.എച്ച്.ഒയുടെ ഭാഗത്ത് തെറ്റ് സംഭവിച്ചെന്ന് കണ്ടെത്തിയിരുന്നു. കൊച്ചിയിൽ വാഹന പരിശോധനക്കിടെ പൊലീസ് നടത്തിയത് സദാചാര പൊലീസിംഗെന്ന് നേരത്തെ നടി അർച്ചന കവി ആരോപിച്ചിരുന്നു. രാത്രി യാത്രയ്ക്കിടെ കൊച്ചി പൊലീസിൽ നിന്ന് ഉണ്ടായ ദുരനുഭവം പങ്കുവച്ചെങ്കിലും നടി അർച്ച കവി സംഭവത്തിൽ പരാതി നൽകിയിരുന്നില്ല. ഈ സാഹചര്യത്തിലാണ് നടപടി താക്കീതിൽ ഒതുങ്ങിയത്. […]

ആലപ്പുഴ: അർത്തുങ്കലിൽ 21 ദിവസം പ്രായമായ കുഞ്ഞിനെ അമ്മ പ്ലാസ്റ്റിക്കിൽ പൊതിഞ്ഞ് വീടിനു സമീപത്തെ തോട്ടിലെറിഞ്ഞു. ഇത് കണ്ട ഭർതൃസഹോദരൻ കുട്ടിയെ രക്ഷിച്ച് ആശുപത്രിയിൽ എത്തിച്ചു. സംഭവത്തിൽ യുവതിയ്‌ക്കെതിരെ പോലീസ് കേസ് എടുത്തിട്ടുണ്ട്. രാത്രി ഒൻപത് മണിയോടെയായിരുന്നു സംഭവം. യുവതിയ്‌ക്ക് മാനസികാസ്വാസ്ഥ്യം ഉള്ളതായാണ് ബന്ധുക്കളിൽ നിന്നും ലഭിക്കുന്ന വിവരം. ആശുപത്രിയിൽ ചികിത്സയിലുള്ള കുട്ടിയുടെ ആരോഗ്യനില തൃപ്തികരമാണ്. സംഭവത്തിൽ വധശ്രമത്തിനാണ് പോലീസ് കേസ് എടുത്തത്.

error: Content is protected !!