ച​ക്കി​ക്കൊ​ത്തൊ​രു ച​ങ്ക​ര​ൻ എ​ന്ന​തു വെ​റു​മൊ​രു പ​ഴ​മൊ​ഴി​യ​ല്ല. മോ​ദി​ക്കൊ​ത്തൊ​രു ട്രം​പ് - എ​ന്ന​താ​കും പു​തി​യ​കാ​ല​ത്തെ മൊ​ഴി .. തമ്മിലും തള്ളിലും ഭേദമില്ലാതെ ! മുതിര്‍ന്ന മാധ്യമപ്രവര്‍ത്തകന്‍ ജോര്‍ജ് കള്ളിവയലില്‍ എഴുതുന്നു !

ച​ക്കി​ക്കൊ​ത്തൊ​രു ച​ങ്ക​ര​ൻ എ​ന്ന​തു വെ​റു​മൊ​രു പ​ഴ​മൊ​ഴി​യ​ല്ല. മോ​ദി​ക്കൊ​ത്തൊ​രു ട്രം​പ് എ​ന്ന​താ​കും പു​തി​യ​കാ​ല​ത്തെ മൊ​ഴി. ലോ​ക​ത്തി​ന്‍റെ ഗ​തി​വി​ഗ​തി​ക​ൾ നി​ർ​ണ​യി​ക്കു​ന്ന അ​മേ​രി​ക്ക​യു​ടെ​യും ഇ​ന്ത്യ​യു​ടെ​യും രാ​ഷ്‌‌​ട്ര​നാ​യ​ക​ർ​ക്കു ചി​ല കാ​ര്യ​ങ്ങ​ളി​ൽ സ​മാ​ന​ത​ക​ൾ ഏ​റെ​യാ​ണ്. ലോ​ക​ത്തി​ലെ ഏ​റ്റ​വും പ​ഴ​ക്ക​മു​ള്ള ജ​നാ​ധി​പ​ത്യ രാ​ജ്യ​ത്തി​ന്‍റെ​യും ലോ​ക​ത്തി​ലെ ഏ​റ്റ​വും വ​ലി​യ ജ​നാ​ധി​പ​ത്യ രാ​ജ്യ​ത്തി​ന്‍റെ​യും ഭ​ര​ണ​ത്ത​ല​വ​ന്മാ​ർ ത​മ്മി​ൽ ന​ല്ല സൗ​ഹൃ​ദ​വു​മു​ണ്ട്.

പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ​ക്കു​റി​ച്ചും പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​നെ​ക്കു​റി​ച്ചും എ​ല്ലാ​വ​ർ​ക്കും അ​റി​യാ​വു​ന്ന ഒ​രു കാ​ര്യ​മു​ണ്ട്. വ​ലി​യ ജ​ന​ക്കൂ​ട്ട​ങ്ങ​ളെ ഇ​രു​വ​ർ​ക്കും പെ​രു​ത്ത ഇ​ഷ്ട​മാ​ണ്. ജ​ന​ങ്ങ​ളെ കൈ​യി​ലെ​ടു​ക്കാ​നും ആ​വേ​ശ​ഭ​രി​ത​രാ​ക്കാ​നും ഇ​രു​വ​രും മോ​ശ​മ​ല്ല. നാ​ട​കീ​യ​ത​യോ​ടെ​യും താ​ള​ത്തോ​ടെ​യും കാ​ര്യ​ങ്ങ​ൾ പ​റ​യു​ന്ന​തി​നും പ്ര​ത്യേ​ക​മാ​യൊ​രു ശൈ​ലി ത​ന്നെ ട്രം​പി​നും മോ​ദി​ക്കും സ്വ​ന്തം.

ആ​വേ​ശം കൂ​ടി​യാ​ൽ ഇ​ന്ത്യ​ൻ പ്ര​ധാ​ന​മ​ന്ത്രി​യും അ​മേ​രി​ക്ക​ൻ പ്ര​സി​ഡ​ന്‍റും എ​ന്തൊ​ക്കെ പ​റ​യു​മെ​ന്നോ, എ​ന്തെ​ല്ലാം മോ​ഹ​ന സ്വ​പ്ന​ങ്ങ​ൾ ന​ൽ​കു​മെ​ന്നോ കൂ​ടെ​യു​ള്ള​വ​ർ​ക്കു പോ​ലും തി​ട്ട​മു​ണ്ടാ​കി​ല്ല. നാ​ട​ൻ മ​ല​യാ​ള​ത്തി​ൽ "ത​ള്ള് ’എ​ന്നു പ​റ​ഞ്ഞു ചി​ല​ർ പ​രി​ഹ​സി​ക്കു​മാ​യി​രി​ക്കും. മോ​ദി​യാ​ണോ ട്രം​പ് ആ​ണോ ത​ള്ളി​നു മു​ന്നി​ലെ​ന്നേ അ​റി​യാ​നു​ള്ളൂ. വ​ലി​യ ജ​ന​ക്കൂ​ട്ട​ത്തെ ക​ണ്ടാ​ൽ ഇ​രു​വ​രും സ്റ്റേ​ജി​ൽ ക​യ​റി എ​ന്തും ത​ട്ടി​വി​ടും. പ​റ​ഞ്ഞ​തി​ൽ ന​ട​ക്കാ​തെ പോ​യ​തി​ന്‍റെ ലി​സ്റ്റ് എ​ടു​ക്കാ​നാ​ണ് രാ​ഷ്‌​ട്രീ​യ എ​തി​രാ​ളി​ക​ൾ പെ​ടാ​പ്പാ​ടു പെ​ടു​ന്ന​ത്.

അ​ധി​കാ​ര​ത്തി​ലേ​റി​യാ​ൽ 15 ല​ക്ഷം രൂ​പ വീ​തം പോ​ക്ക​റ്റി​ലെ​ത്തു​മെ​ന്നു മോ​ദി​യെ വി​ശ്വ​സി​ച്ചു മോ​ഹി​ച്ചു​പോ​യ ഇ​ന്ത്യ​യി​ലെ കോ​ടി​ക്ക​ണ​ക്കി​നു പൗ​ര​ന്മാ​രു​ടെ കാ​ര്യം പ​റ​യാ​തി​രി​ക്കാം. ഇ​ന്ത്യ​യു​ടെ സ​ന്പ​ദ്ഘ​ട​ന അ​ഞ്ചു ല​ക്ഷം കോ​ടി ഡോ​ള​റാ​യി ഉ​യ​ർ​ത്തു​മെ​ന്നു വീ​ന്പി​ള​ക്കി​യ​തി​നു ശേ​ഷ​മാ​ണ് രാ​ജ്യ​ത്തു സാ​ന്പ​ത്തി​ക മു​ര​ടി​പ്പു രൂ​ക്ഷ​മാ​യ​തും ജി​ഡി​പി വ​ള​ർ​ച്ചാ​നി​ര​ക്ക് 11 വ​ർ​ഷ​ത്തി​നി​ടെ ആ​ദ്യ​മാ​യി അ​ഞ്ചു ശ​ത​മാ​ന​ത്തി​ലും താ​ഴെ വീ​ണ​തെ​ന്ന​തും വി​രോ​ധാ​ഭാ​സ​മാ​കും.

വ​ര​വേ​ൽ​പ്പി​ന്‍റെ വീമ്പ്

പ​ക്ഷേ, വാ​യി​ൽ തോ​ന്നു​ന്ന​തൊ​ക്കെ കോ​ത​യ്ക്കു പാ​ട്ടെ​ന്നപോ​ലെ എ​ങ്ങ​നെ​യാ​ണ് അ​മേ​രി​ക്ക​ൻ പ്ര​സി​ഡ​ന്‍റി​ന് പ​റ​യാ​ൻ ക​ഴി​യു​ക! കൊ​ള​റാ​ഡോ​യി​ലെ പാ​ർ​ട്ടി ക​ണ്‍വ​ൻ​ഷ​നി​ൽ ട്രം​പ് ഇ​ന്ന​ലെ പ​റ​യു​ന്ന​തു കേ​ട്ട് മോ​ദി​യു​ടെ പോ​ലും ക​ണ്ണു ത​ള്ളി​പ്പോ​കാ​നാ​ണു സാ​ധ്യ​ത. അ​ഹ​മ്മ​ദാ​ബാ​ദ് വി​മാ​ന​ത്താ​വ​ളം മു​ത​ൽ മൊ​ട്ടേ​റ സ്റ്റേ​ഡി​യം വ​രെ​യു​ള്ള 22 കി​ലോ​മീ​റ്റ​ർ ദൂ​ര​ത്തി​ലാ​യി 10 മി​ല്യ​ണ്‍ (ഒ​രു കോ​ടി) ജ​ന​ങ്ങ​ൾ വ​ര​വേ​ൽ​ക്കാ​ൻ ഉ​ണ്ടാ​കു​മെ​ന്നാ​ണു ട്രം​പി​ന്‍റെ വീ​ര​വാ​ദം. 70 ല​ക്ഷം പേ​ർ ത​ന്നെ സ്വീ​ക​രി​ക്കാ​ൻ ഗു​ജ​റാ​ത്തി​ലു​ണ്ടാ​കു​മെ​ന്നു ട്രം​പ് പ​റ​ഞ്ഞ​തു വി​വാ​ദ​മാ​യ​തി​നു പി​ന്നാ​ലെ​യാ​ണ് അ​തി​ലും വ​ലി​യ ത​ള്ള് വീ​ണ്ടും ന​ട​ത്തി​യ​ത്.

“അ​വി​ടെ 10 മി​ല്യ​ണ്‍ ആ​ളു​ക​ൾ വ​ര​വേ​ൽ​ക്കാ​നാ​യി ഉ​ണ്ടാ​കു​മെ​ന്നാ​ണ് പ്ര​ധാ​ന​മ​ന്ത്രി മോ​ദി പ​റ​ഞ്ഞ​ത്. ലോ​ക​ത്തി​ലെ ഏ​റ്റ​വും വ​ലി​യ ക്രി​ക്ക​റ്റ് സ്റ്റേ​ഡി​യം വ​രെ ആ​റു മു​ത​ൽ പ​ത്തു വ​രെ മി​ല്യ​ണ്‍ (60 ല​ക്ഷം മു​ത​ൽ ഒ​രു കോ​ടി വ​രെ) ആ​ളു​ക​ൾ ഉ​ണ്ടാ​കു​മെ​ന്നാ​ണ് അ​വ​ർ പ​റ​ഞ്ഞ​ത്. അ​താ​ണ് എ​ന്‍റെ പ്ര​ശ്നം. ന​മു​ക്ക് പാ​ക്ക്ഡ് ഹൗ​സ് ഉ​ണ്ട്. ന​മു​ക്ക് വ​ള​രെ​യ​ധി​കം പേ​രു​ണ്ട്. ആ​യി​ര​ങ്ങ​ൾ​ക്ക് അ​ക​ത്തു ക​യ​റാ​നാ​യി​ട്ടി​ല്ല. പ​ക്ഷേ ഇ​നി​മു​ത​ൽ ഇ​തൊ​ക്കെ വെ​റും പ​യ​ർ​മ​ണി​ക​ൾ പോ​ലെ​യാ​കും കാ​ണു​ക. ഇ​ന്ത്യ​യി​ൽ സ്വീ​ക​രി​ക്കാ​ൻ 100 ല​ക്ഷം പേ​രു​ണ്ടെങ്കി​ൽ ഞാ​നൊ​രി​ക്ക​ലും ന​മ്മു​ടെ ജ​ന​ക്കൂ​ട്ട​ത്തി​ൽ തൃ​പ്ത​നാ​കി​ല്ല.”

ട്രം​പ് പ​റ​ഞ്ഞ​തു കേ​ട്ട് ഞെ​ട്ടാ​തെ വേ​റെ വ​ഴി​യി​ല്ല. ഒ​രു ല​ക്ഷം മു​ത​ൽ 1,20,000 വ​രെ​യാ​ണ് മൊ​ട്ടേ​റ സ്റ്റേ​ഡി​യ​ത്തി​ന്‍റെ പ​ര​മാ​വ​ധി ശേ​ഷി. അ​ഹ​മ്മ​ദാ​ബാ​ദി​ലെ മൊ​ത്തം ജ​ന​സം​ഖ്യ പോ​ലും 55 ല​ക്ഷ​ത്തി​ലൊ​തു​ങ്ങും. എ​ത്ര ശ്ര​മി​ച്ചാ​ലും ര​ണ്ടു ല​ക്ഷം പേ​രു​പോ​ലും ആ​കെ വ​രാ​നി​ട​യി​ല്ല.

അ​ടി​മു​ടി സ്റ്റേ​ജ് ഷോ

അ​മേ​രി​ക്ക​ൻ പ്ര​സി​ഡ​ന്‍റ് ഡോ​ണ​ൾ​ഡ് ട്രം​പി​ന്‍റെ ആ​ദ്യ ഇ​ന്ത്യാ സ​ന്ദ​ർ​ശ​നം തി​ങ്ക​ളാ​ഴ്ച​യാ​ണ്. പ്ര​ഥ​മ വ​നി​ത മെ​ലാ​നി​യ ട്രം​പി​നോ​ടൊ​പ്പ​മാ​ണ് ര​ണ്ടു ദി​വ​സ​ത്തെ ഒൗ​ദ്യോ​ഗി​ക സ​ന്ദ​ർ​ശ​ന​ത്തി​നാ​യി ട്രം​പ് വ​രു​ന്ന​ത്. പോ​ട്ട​സും (പി​ഒ​ടി​യു​എ​സ്- ദി ​പ്ര​സി​ഡ​ന്‍റ് ഓ​ഫ് ദി ​യു​ണൈ​റ്റ​ഡ് സ്റ്റേ​റ്റ്സ്) ഫ്ളോ​ട്ട​സും (എ​ഫ്എ​ൽ​ഒ​ടി​യു​എ​സ്- ഫ​സ്റ്റ് ലേ​ഡി ഓ​ഫ് ദി ​യു​ണൈ​റ്റ​ഡ് സ്റ്റേ​റ്റ്സ്) എ​ന്നാ​ണ് ഇ​രു​വ​രു​ടെ​യും ചു​രു​ക്ക കോ​ഡ് ഭാ​ഷ.

മോ​ദി​യു​ടെ സ്വ​ന്തം നാ​ടാ​യ ഗു​ജ​റാ​ത്തി​ലെ അ​ഹ​മ്മ​ദാ​ബാ​ദി​ലേ​ക്കാ​ണ് ട്രം​പി​നെ ആ​ദ്യം എ​ഴു​ന്ന​ള്ളി​ക്കു​ന്ന​ത്. വി​മാ​ന​ത്താ​വ​ള​ത്തി​ലെ​ത്തി ആ​ലിം​ഗ​നം ചെ​യ്താ​കും പ്ര​ധാ​ന​മ​ന്ത്രി മോ​ദി അ​മേ​രി​ക്ക​ൻ പ്ര​സി​ഡ​ന്‍റി​നെ വ​ര​വേ​ൽ​ക്കു​ക. പി​ന്നീ​ടൊ​രു റോ​ഡ് ഷോ​യാ​ണ്. അ​ഹ​മ്മ​ദാ​ബാ​ദ് ഹ​ൻ​സോ​ളി​ലു​ള്ള സ​ർ​ദാ​ർ വ​ല്ലാ​ഭ്ഭാ​യ് പ​ട്ടേ​ൽ അ​ന്താ​രാ​ഷ്‌​ട്ര വി​മാ​ന​ത്താ​വ​ളം മു​ത​ൽ മൊ​ട്ടേ​റ വ​രെ 22 കി​ലോ​മീ​റ്റ​റാ​ണ് ട്രം​പ്-മോ​ദി റോ​ഡ് ഷോ. ​ചു​രു​ങ്ങി​യ​ത് അ​ര ല​ക്ഷം പേ​രെ റോ​ഡി​നി​രു​വ​ശ​വും അ​ണി​നി​ര​ത്താ​ൻ ബി​ജെ​പി നേ​താ​ക്ക​ളും പ്ര​വ​ർ​ത്ത​ക​രും സ​ർ​ക്കാ​രും അ​ണി​യ​റ​യി​ൽ സ​ജീ​വ​മാ​ണ്.

ഇതിനിടെ, സ​ബ​ർ​മ​തി​യി​ലെ മ​ഹാ​ത്മാ​ഗാ​ന്ധി​യു​ടെ ആ​ശ്ര​മ​ത്തി​ലെ​ത്തി ഇ​ന്ത്യ​യു​ടെ രാ​ഷ്‌​ട്ര​പി​താ​വി​ന് അ​മേ​രി​ക്ക​ൻ പ്ര​സി​ഡ​ന്‍റ് ആ​ദ​രാ​ഞ്ജ​ലി അ​ർ​പ്പി​ക്കും. സ​ബ​ർ​മ​തി​യി​ൽ നി​ന്ന് നേ​രെ മൊ​ട്ടേ​റ സ്റ്റേ​ഡി​യ​ത്തി​ലേ​ക്ക്. ലോ​ക​ത്തി​ലെ ഏ​റ്റ​വും വ​ലി​യ ക്രി​ക്ക​റ്റ് സ്റ്റേ​ഡി​യ​ത്തി​ലെ ന​മ​സ്തേ ട്രം​പ് പ​രി​പാ​ടി​യി​ൽ ഒ​രു ല​ക്ഷ​ത്തോ​ളം പേ​രെ​യെ​ങ്കി​ലും അ​ണി​നി​ര​ത്താ​ൻ സ​ർ​ക്കാ​രും ബി​ജെ​പി​യും സ​ർ​വ​സ​ന്നാ​ഹ​ത്തി​ലാ​ണ്. ക​ഴി​ഞ്ഞ വ​ർ​ഷം സെ​പ്റ്റം​ബ​ർ 23ന് ​അ​മേ​രി​ക്ക​യി​ലെ ഹൂ​സ്റ്റ​ണി​ൽ ന​ട​ത്തി​യ ഹൗ​ഡി മോ​ദി ഷോ​യേ​ക്കാ​ൾ ഗം​ഭീ​ര​മാ​ക്കാ​നാ​ണ് ഒ​രു​ക്കം.

മ​തി​ലു​ക​ൾ​ക്ക​പ്പു​റ​ത്ത് ഇ​ന്ത്യ

അ​ഹ​മ്മ​ദാ​ബാ​ദ് ന​ഗ​ര​ത്തി​ലെ ചേ​രി​ക​ളെ മ​റ​ച്ചു പ​ണി​ത പു​തി​യ മ​തി​ലു​ക​ളി​ലെ ഛായാ​ചി​ത്ര​ങ്ങ​ളും വ​ലി​യ ഹോ​ർ​ഡിം​ഗു​ക​ളും പൂ​ക്ക​ളും മു​ത​ൽ ക​ര​ഘോ​ഷം മു​ഴ​ക്കി ട്രം​പി​നെ സ​ന്തോ​ഷി​പ്പി​ക്കാ​ൻ പ​തി​നാ​യി​ര​ക്ക​ണ​ക്കി​നു മ​നു​ഷ്യ​രും വ​രെ​യാ​ണ് മോ​ദി​ക്ക് ഒ​രു​ക്കേ​ണ്ട ത്. ​ട്രം​പി​നും ഭാ​ര്യ​ക്കും ന​ല്ല കാ​ഴ്ച​യൊ​രു​ക്കാ​ൻ വ​ഴി​യോ​ര​ത്തെ പാ​വ​ങ്ങ​ളെ​യും ത​ട്ടു​ക​ട​ക്കാ​രെ​യും ഉ​ന്തു​വ​ണ്ടി ക​ച്ച​വ​ട​ക്കാ​രെ​യും സൈ​ക്കി​ൾറി​ക്ഷ​ക്കാ​രെ​യു​മെ​ല്ലാം മാ​റ്റു​ന്ന​തും പാ​വം മോ​ദി​യു​ടെ ത​ല​വേ​ദ​ന​യാ​ണ്. വോ​ട്ടു ചെ​യ്യാ​ൻനേ​രം ഈ ​പാ​വ​ങ്ങ​ളോ​ടെ​ല്ലാം ഭ​ര​ണ​ക്കാ​ർ​ക്ക് എ​ന്തു സ്നേ​ഹ​മാ​യി​രു​ന്നു!

പ​ന്ത്ര​ണ്ടു വ​ർ​ഷം മു​ഖ്യ​മ​ന്ത്രി​യാ​യും ആ​റു വ​ർ​ഷം പ്ര​ധാ​ന​മ​ന്ത്രി​യാ​യും ഭ​രി​ച്ച ഗു​ജ​റാ​ത്തി​ൽ ഇ​പ്പോ​ഴും ചേ​രി​ക​ൾ മി​ച്ച​മു​ണ്ടോ എ​ന്നു ട്രം​പി​നു മാ​ത്ര​മാ​കും സം​ശ​യം. ഇ​ന്ത്യ​യി​ലെ എ​ല്ലാ ന​ല്ല നേ​ട്ട​ങ്ങ​ളും മോ​ദി​യു​ടെ സ്വ​ന്ത​മാ​ണെ​ന്ന​വ​കാ​ശ​പ്പെ​ടു​ന്ന സം​ഘി​ക​ൾ മോ​ശ​പ്പെ​ട്ട​തെ​ല്ലാം നെ​ഹ്റു​വി​ന്‍റെ സം​ഭാ​വ​ന​യാ​ണെ​ന്ന് ആ​ക്ഷേ​പി​ക്കു​ന്ന​തും മോ​ദി​കേ​ൾ​ക്കു​ന്നു​ണ്ട്. രാ​ജ്യ​ത്താ​കെ ക​ക്കൂ​സ് പ​ണി​ത മോ​ദി എ​ന്തേ ഗു​ജ​റാ​ത്തി​ലെ ചേ​രി​നി​വാ​സി​ക​ൾ​ക്കു മാ​ത്രം ക​ക്കൂ​സ് പ​ണി​തു ന​ൽ​കാ​തി​രു​ന്ന​ത് എ​ന്നു ചോ​ദി​ക്കു​ന്ന​തും ദോ​ഷൈ​ക​ദൃ​ക്കു​ക​ളാ​യ കോ​ണ്‍ഗ്ര​സു​കാ​രും ക​മ്യൂ​ണി​സ്റ്റു​കാ​രു​മാ​കും.

അ​ഹ​മ്മ​ദാ​ബാ​ദ് ന​ഗ​ര​ത്തി​ലെ റോ​ഡു​ക​ളു​ടെ ന​വീ​ക​ര​ണ​ത്തി​നും മ​തി​ലു​ക​ൾ കെ​ട്ടാ​നു​മാ​യി 45 കോ​ടി രൂ​പ​യാ​ണ് ചെ​ല​വ​ഴി​ച്ച​ത്. മ​തി​ലു​ക​ൾ ഇ​ല്ലാ​ത്ത സ്ഥ​ല​ങ്ങ​ളി​ൽ മി​ക്ക​യി​ട​ത്തും ബാ​രി​ക്കേ​ഡു​ക​ളും തു​ണി​ക​ൾ കെ​ട്ടി​യു​ള്ള കാ​ഴ്ച​മ​റ​യ്ക്ക​ലും ത​കൃ​തി​യാ​യി ന​ട​ക്കു​ന്നു. ന​ഗ​രസൗ​ന്ദ​ര്യ​വ​ത്ക​ര​ണ​ത്തി​നാ​യി മാ​ത്രം ഇ​ന്ന​ലെ വ​രെ എ​ട്ടു കോ​ടി​യോ​ളം രൂ​പ ചെ​ല​വ​ഴി​ച്ച​താ​യും ഗു​ജ​റാ​ത്ത് സ​ർ​ക്കാ​ർ പ​റ​യു​ന്നു.

വെ​റും മൂ​ന്നു മ​ണി​ക്കൂ​ർ നീ​ളു​ന്ന ട്രം​പി​ന്‍റെ അ​ഹ​മ്മ​ദാ​ബാ​ദ് സ​ന്ദ​ർ​ശ​ന​ത്തി​നാ​യി മാ​ത്രം 80 മു​ത​ൽ 85 വ​രെ കോ​ടി രൂ​പ​യാ​ണു ചെ​ല​വ​ഴി​ക്കു​ന്ന​ത്. സു​ര​ക്ഷാ ചെ​ല​വു​ക​ൾ വേ​റെ​യും. ചേ​രി​ക​ളി​ലെ പാ​വ​പ്പെ​ട്ട ഇ​ന്ത്യ​ൻ പൗ​ര​ന്മാ​ർ​ക്ക് അ​ടി​സ്ഥാ​ന സൗ​ക​ര്യ​ങ്ങ​ൾ ഒ​രു​ക്കാ​ൻ 50 കോ​ടി രൂ​പ​യെ​ങ്കി​ലും ചെ​ല​വ​ഴി​ച്ചി​രു​ന്നെ​ങ്കി​ൽ എ​ന്നു ചോ​ദി​ക്കു​ന്ന​വ​ർ​ക്കു വി​വ​ര​മി​ല്ലെ​ന്നാ​ണു ബി​ജെ​പി​ക്കാ​ർ പ​റ​യു​ന്ന​ത്. ചേ​രി​ചേ​രാ പ്ര​സ്ഥാ​ന​ത്തി​ന്‍റെ ഉ​പ​ജ്ഞാ​താ​വാ​യി ജ​വ​ഹ​ർ​ലാ​ൽ നെ​ഹ്റു എ​ന്ന​തു പോ​ലെ ചേ​രി​മ​റ​യ്ക്ക​ലി​ന്‍റെ ഉ​പ​ജ്ഞാ​താ​വാ​യി മോ​ദി​യെ ക​ളി​യാ​ക്കു​ന്ന​വ​രോ​ടു അ​ദ്ദേ​ഹം എ​ന്തു പ​റ​യാ​ൻ?

രു​ചി​ക്ക് സ​സ്യേ​ത​ര​വും

പോ​ട്ട​സി​നും ഫ്ളോ​ട്ട​സി​നും അ​ഹ​മ്മ​ദാ​ബാ​ദി​ൽ ഉ​ച്ച​വി​രു​ന്നു ന​ൽ​കാ​നും മോ​ദി ത​യാ​റെ​ടു​പ്പു​ക​ൾ പൂ​ർ​ത്തി​യാ​ക്കി. മാ​ംസാഹാ​രി​യാ​യ ട്രം​പി​നും മെ​ലാ​നി​യ​യ്ക്കു​മാ​യി ഇ​ന്ത്യ​യു​ടെ ത​ന​തു ശൈ​ലി​യി​ലു​ള്ള ന​ല്ല നോ​ണ്‍ വെ​ജി​റ്റേ​റി​യ​ൻ വി​ഭ​വ​ങ്ങ​ളും ആ​തി​ഥേ​യ​ൻ ഒ​രു​ക്കി​യി​ട്ടു​ണ്ടെന്നാ​ണു റി​പ്പോ​ർ​ട്ട്. അ​ഹ​മ്മദാ​ബാ​ദി​ൽ നി​ന്നു നേ​രെ ആ​ഗ്ര​യി​ലേ​ക്കാ​ണ് ട്രം​പി​ന്‍റെ യാ​ത്ര ക്ര​മീ​ക​രി​ച്ചി​രി​ക്കു​ന്ന​ത്.

പ്ര​ണ​യ​ത്തി​ന്‍റെ ലോ​കാ​ത്ഭു​ത​മാ​യ താ​ജ് മ​ഹ​ലി​ൽ അ​മേ​രി​ക്ക​ൻ പ്ര​സി​ഡ​ന്‍റി​ന്‍റെ സ​ന്ദ​ർ​ശ​ന സ​മ​യ​ത്ത് പൊ​തു​ജ​ന​ങ്ങ​ളെ മാ​റ്റി​നി​ർ​ത്തും. താ​ജ്മ​ഹ​ലി​നെ ശു​ചി​യാ​ക്കാ​ൻ ഇ​ന്ന​ലെ​യും സ​ന്ദ​ർ​ശ​ക​രെ പൂ​ർ​ണ​മാ​യി വി​ല​ക്കി. 2000ൽ ​ബി​ൽ ക്ലി​ന്‍റ​ണ്‍ ആ​ഗ്ര സ​ന്ദ​ർ​ശി​ച്ച​പ്പോ​ൾ പ്ര​ധാ​ന മാ​ൾ റോ​ഡി​ലെ ക​ട​ക​ൾ വ​രെ സു​ര​ക്ഷ​യു​ടെ പേ​രി​ൽ അ​ട​പ്പി​ച്ചി​രു​ന്നു. വ​ള​രെ കു​റ​ച്ചാ​ളു​ക​ളെ ക​ണ്ട്, ഇ​തെ​ന്താ​ണ് പ്രേ​ത​ന​ഗ​രം ആ​ണോ​യെ​ന്ന് അ​ന്ന് ക്ലി​ന്‍റ​ണ്‍ ചോ​ദി​ച്ച​ത് ഇ​ന്ത്യ​ക്കാ​കെ നാ​ണ​ക്കേ​ടാ​യി​രു​ന്നു.
ദു​ഷ്പേ​രു മാ​റ്റാ​ൻ ഇ​ത്ത​വ​ണ വി​മാ​ന​ത്താ​വ​ള​ത്തി​ൽ നി​ന്നു താ​ജ്മ​ഹ​ൽ വ​രെ​യു​ള്ള 14 കി​ലോ​മീ​റ്റ​ർ റോ​ഡി​ൽ ട്രം​പി​നെ വ​ര​വേ​ൽ​ക്കാ​ൻ 26,000 വി​ദ്യാ​ർ​ഥി​ക​ളെ​യാ​ണ് അ​ണി​നി​ര​ത്തു​ക. കു​ട്ടി​ക​ളെ​ല്ലാം 12 വ​യ​സി​നു മു​ക​ളി​ലാ​യി​രി​ക്ക​ണ​മെ​ന്നും നി​ർ​ദേ​ശ​മു​ണ്ട്.

ഉ​ണ​ങ്ങി​വ​ര​ണ്ട്, മ​ലി​ന​മാ​യ യ​മു​നാ ന​ദി​യു​ടെ താ​ജ് മ​ഹ​ലി​ന്‍റെ പ​രി​സ​ര പ്ര​ദേ​ശ​ങ്ങ​ളെ​ല്ലാം വൃ​ത്തി​യാ​ക്കി​യി​ട്ടു​ണ്ട്. വ​ലി​യ ജെ​സി​ബി​ക​ളും ട്ര​ക്കു​ക​ളും ഉ​പ​യോ​ഗി​ച്ചാ​ണു യ​മു​നാ തീ​ര​ത്തെ ട​ണ്‍ ക​ണ​ക്കി​നു മാ​ലി​ന്യം നീ​ക്കി​യ​ത്. പോ​രാ​ത്ത​തി​ന് 900 ക്യു​സ​ക്സ് വെ​ള്ള​വും ന​ദി​യി​ലേ​ക്ക് ഒ​ഴു​ക്കും. എ​ത്ര മ​നോ​ഹ​ര​മാ​യ ഇ​ന്ത്യ. അ​ഹ​മ്മ​ദാ​ബാ​ദി​ലെ ചേ​രി മ​റ​യ്ക്ക​ൽ പോ​ലെ മ​റ്റൊ​രു ആ​ഗ്ര സ്വ​ച്ഛ് ഭാ​ര​ത് അ​ഭി​യാ​ൻ.

ഹാ​പ്പി​നെ​സ് കോ​ഴ്സ്

ആ​ഗ്ര​യി​ൽ നി​ന്നു ഡ​ൽ​ഹി​യി​ലെ വ്യോ​മ​സേ​നാ വി​മാ​ന​ത്താ​വ​ള​ത്തി​ലി​റ​ങ്ങു​ന്ന ട്രം​പും മെ​ലാ​നി​യ​യും നേ​രേ ഐ​ടി​സി മൗ​ര്യ ഹോ​ട്ട​ലി​ലെ​ത്തി വി​ശ്ര​മി​ക്കും. സ​പ്തന​ക്ഷ​ത്ര ആ​ഡം​ബ​ര ഹോ​ട്ട​ലാ​യ മൗ​ര്യ​യി​ലെ ഭൂ​രി​പ​ക്ഷം താ​മ​സ​ക്കാ​രെ​യും ഒ​ഴി​പ്പി​ച്ചാ​ണ് അ​മേ​രി​ക്ക​ൻ പ്ര​സി​ഡ​ന്‍റി​നും സം​ഘ​ത്തി​നും സു​ര​ക്ഷ​യൊ​രു​ക്കു​ന്ന​ത്.

ചൊ​വ്വാ​ഴ്ച രാ​വി​ലെ രാ​ജ്ഘ​ട്ടി​ലെ​ത്തി മ​ഹാ​ത്മാഗാ​ന്ധി​ക്ക് ട്രം​പ് വീ​ണ്ട ും ഒൗ​ദ്യോ​ഗി​ക​മാ​യി ആ​ദ​ര​വ് പ്ര​ക​ടി​പ്പി​ക്കും. തു​ട​ർ​ന്ന് രാ​ഷ്‌ട്രപ​തി ഭ​വ​നി​ൽ ആ​ചാ​ര​പ​ര​മാ​യ വ​ര​വേ​ൽ​പും പി​ന്നീ​ട് ഹൈ​ദ​രാ​ബാ​ദ് ഹൗ​സി​ൽ ഒൗ​ദ്യോ​ഗി​ക ച​ർ​ച്ച​ക​ളും ന​ട​ക്കും. ട്രം​പും മോ​ദി​യും ച​ർ​ച്ച ന​ട​ത്തു​ന്പോ​ൾ മെ​ലാ​നി​യ ട്രം​പ് ഡ​ൽ​ഹി നാ​നാ​ക്പു​ര​യി​ലെ സ​ർ​ക്കാ​ർ സ്കൂ​ൾ സ​ന്ദ​ർ​ശി​ക്കും. ഡ​ൽ​ഹി​യി​ലെ ആം ​ആ​ദ്മി പാ​ർ​ട്ടി സ​ർ​ക്കാ​രി​ന്‍റെ ഹാ​പ്പി​നെ​സ് കോ​ഴ്സ് മ​ന​സി​ലാ​ക്കു​ക​യാ​ണു ല​ക്ഷ്യം. പ്ര​ധാ​ന​മ​ന്ത്രി മോ​ദി​യും മു​ഖ്യ​മ​ന്ത്രി അ​ര​വി​ന്ദ് കേ​ജ​രി​വാ​ളും ത​മ്മി​ലു​ള്ള അ​ന്ത​ർ​ധാ​ര സ​ജീ​വ​മാ​കു​ന്ന​തി​ന്‍റെ മ​റ്റൊ​രു ഉ​ദാ​ഹ​ര​ണം കൂ​ടി​യാ​കും മെ​ലാ​നി​യ​യു​ടെ സ്കൂ​ൾ സ​ന്ദ​ർ​ശ​ന​മെ​ന്നു സം​ശ​യി​ക്കു​ന്നു.

രാ​ഷ്‌ട്രപ​തി രാം​നാ​ഥ് കോ​വി​ന്ദും ഭാ​ര്യ സ​വി​ത​യും ചേ​ർ​ന്നും പോ​ട്ട​സി​നും ഫ്ളോ​ട്ട​സി​നും ന​ൽ​കു​ന്ന അ​ത്താ​ഴ​വി​രു​ന്നി​ൽ മോ​ദി​യും മു​തി​ർ​ന്ന കേ​ന്ദ്ര​മ​ന്ത്രി​മാ​രും അ​ട​ക്കം പ​ങ്കെ​ടു​ക്കും. ഇ​തി​നു മു​ന്നോ​ടി​യാ​യി ചാ​ണ​ക്യ​പു​രി​യി​ലെ അ​മേ​രി​ക്ക​ൻ എം​ബ​സി​യി​ൽ ഇ​ന്ത്യ​യി​ലെ ബി​സി​ന​സ് രാ​ജാ​ക്ക​ന്മാ​രു​മാ​യി ട്രം​പ് സി​ഇ​ഒ റൗ​ണ്ട് ടേ​ബി​ൾ എ​ന്ന കൂ​ടി​ക്കാ​ഴ്ച​യും ന​ട​ത്തും. രാ​ഷ്‌​ട്ര​പ​തിഭ​വ​നി​ലെ വി​രു​ന്നി​നു ശേ​ഷം രാ​ത്രി പ​ത്തി​ന് ട്രം​പും മെ​ലാ​നി​യ​യും സം​ഘാം​ഗ​ങ്ങ​ളും ഡ​ൽ​ഹി​യി​ൽ നി​ന്നു അ​മേ​രി​ക്ക​യി​ലേ​ക്കു മ​ട​ങ്ങു​ക​യും ചെ​യ്യും.

ക​ണ്ണ് ക​രു​ത​ലി​ലാ​ക​ണം

അ​മേ​രി​ക്ക​യെ​യും ഇ​ന്ത്യ​യെ​യും ലോ​ക​ത്തി​ന്‍റെ മു​ന്നി​ലെ​ത്തി​ക്കു​മെ​ന്നാ​ണു ട്രം​പും മോ​ദി​യും പ​റ​യു​ന്ന​ത്. ശോ​ഭ​നഭാ​വി​ക്കു ക​രു​ത്തു​റ്റ സൗ​ഹൃ​ദം എ​ന്ന​താ​ണ് ട്രം​പി​നെ ഇ​ന്ത്യ​യി​ലേ​ക്കു വ​ര​വേ​ൽ​ക്കു​ന്ന മോ​ദി​യു​ടെ മു​ദ്രാ​വാ​ക്യം. ഇ​ന്ത്യ- അ​മേ​രി​ക്ക ആ​ണ​വ ക​രാ​ർ സാ​ക്ഷാ​ത്ക​രി​ച്ച പ്ര​ധാ​ന​മ​ന്ത്രി ഡോ. ​മ​ൻ​മോ​ഹ​ൻ സിം​ഗ് ഉൗ​ർ​ജി​ത​മാ​ക്കി​യ സൗ​ഹൃ​ദം പ്ര​ധാ​ന​മ​ന്ത്രി മോ​ദി കൂ​ടു​ത​ൽ ശ​ക്ത​മാ​ക്കു​ക​യാ​ണ്.

ഡ​ൽ​ഹി​യി​ലെ​ത്തു​ന്പോ​ൾ ഇ​ന്ത്യ​ൻ നാ​വി​ക സേ​ന​യ്ക്ക് എം​എ​ച്ച്-60 ആ​ർ സീ​ഹോ​ക്ക് ഹെ​ലി​കോ​പ്റ്റ​റു​ക​ൾ 24 എ​ണ്ണം വാ​ങ്ങു​ന്ന​തി​നാ​യി മാ​ത്രം 2.6 ബി​ല്യ​ണ്‍ ഡോ​ള​റി​ന്‍റെ (2,60,00,00,000 ഡോ​ള​ർ അ​ല്ലെ​ങ്കി​ൽ ഏ​ക​ദേ​ശം 1,87,14,15,00,000 രൂ​പ) ക​രാ​റി​ലാ​ണു ഇ​ന്ത്യ ഒ​പ്പി​ടു​ന്ന​ത്. ഇ​ത​ട​ക്കം അ​ഞ്ചു പ്ര​ധാ​ന ക​രാ​റു​ക​ളാ​ണ് ട്രം​പി​ന്‍റെ ല​ക്ഷ്യം. ലോ​ക​ത്തി​ലെ വ​ൻ​ശ​ക്തി​യു​ടെ ആ​യു​ധ വി​പ​ണി​യാ​ക്കി ഇ​ന്ത്യ​യെ മാ​റ്റു​ന്നി​ല്ലെ​ങ്കി​ൽ മാ​ത്ര​മേ അ​മേ​രി​ക്ക​യു​മാ​യി ഈ ​സ​ഹ​ക​ര​ണം രാ​ജ്യ​ത്തി​നു ഗു​ണ​ക​ര​മാ​കൂ. ജ​യി​ക്ക​ണം ഇ​ന്ത്യ.

കടപ്പാട് : ഡൽഹി ഡയറി / ദീപിക