ന്യൂഡല്ഹി: പൗരത്വ ഭേഗദതി നിയമത്തിനെതിരെ വടക്കുകിഴക്കന് ഡല്ഹിയില് പ്രതിഷേധം ശക്തമായ സാഹചര്യത്തില് ഡല്ഹിയിലെ നാലു മെട്രോ സ്റ്റേഷനുകള് അടച്ചു. മൗജ്പുര്- ബാബര്പുര്, ഗോകുല്പുരി, ജോഹ്രി എന്ക്ലേവ്, ശിവ് വിഹാര് എന്നിവിടങ്ങളിലെ സ്റ്റേഷനുകളാണ് അടച്ചത്.
സുരക്ഷാ കാരണങ്ങള് കണക്കിലെടുത്താണ് സ്റ്റേഷനുകളുടെ പ്രവേശന കവാടം അടച്ചതെന്ന് ഡിഎംആര്സി വൃത്തങ്ങള് അറിയിച്ചു.
സിഎഎയ്ക്കെതിരായ പ്രതിഷേധത്തിനിടെ വടക്കുകിഴക്കന് ഡല്ഹിയിലാണ് വീണ്ടും സംഘര്ഷം പൊട്ടിപ്പുറപ്പെട്ടത്. ഭജന്പുര, മൗജ്പുര് എന്നിവിടങ്ങളിലാണ് അക്രമങ്ങള് അരങ്ങേറിയത്.