ന്യൂഡല്ഹി: ഡല്ഹിയിലെ ജഫ്രാബാദില് റിയല് എസ്റ്റേറ്റ് ഏജന്റിനെ വെടിവച്ചു കൊലപ്പെടുത്തിയ സംഭവത്തില് ഒരാള് അറസ്റ്റില്. ഉത്തര്പ്രദേശിലെ ബുലന്ദേശ്വര് സ്വദേശിയായ മൊഹ്ദ് ഉമര്(19)നെയാണ് പോലീസ് പിടികൂടിയത്. ഇയാള്ക്കൊപ്പമുണ്ടായിരുന്നയാളെ കണ്ടെത്താനുള്ള ശ്രമത്തിലാണ് പോലീസ്.
റായീസ് അന്സാരി(45) ആണ് കൊല്ലപ്പെട്ടത്. വീടിന് പുറത്ത് നില്ക്കുകയായിരുന്ന റായീസിനെ വാക്കുതര്ക്കത്തിനൊടുവിലാണ് ആക്രമി കൊലപ്പെടുത്തിയത്.
സംഭവത്തിന്റെ ദൃശ്യങ്ങള് സിസിടിവിയില് പതിഞ്ഞിരുന്നു. തുടര്ന്ന് പോലീസ് നടത്തിയ അന്വേഷണത്തിലാണ് അക്രമികളിലൊരാളെ പിടികൂടിയത്. 2010ല് നടന്ന ഒരു കൊലപാതകവുമായി ബന്ധപ്പെട്ട പ്രതികാരമാണ് സംഭവത്തിന് കാരണമെന്ന് പിടിയിലായ പ്രതി പോലീസിനോട് കുറ്റസമ്മതം നടത്തി.