ഇ​ന്ത്യ പ​ല ഭാ​ഷ​ക​ളി​ൽ എ​ഴു​തു​ന്നു. അ​തി​ലേ​റെ ശ​ബ്ദ​ങ്ങ​ളി​ൽ സം​സാ​രി​ക്കു​ന്നു. എ​ന്നി​ട്ടും ഈ ​ഉ​പ​ഭൂ​ഖ​ണ്ഡ​ത്തി​ൽ ആ​ശ​യ​വി​നി​മ​യം ഒ​രി​ക്ക​ലും ത​ക​ർ​ന്നി​ട്ടി​ല്ല; “ഒ​രാ​ളോ​ട് അ​യാ​ൾ​ക്കു മ​ന​സി​ലാ​കു​ന്ന ഭാ​ഷ​യി​ൽ സം​സാ​രി​ച്ചാ​ൽ അ​ത​വ​ന്‍റെ ത​ല​യി​ലേ​ക്കു പോ​കു​ന്നു. എ​ന്നാ​ൽ അ​വ​ന്‍റെ സ്വ​ന്തം ഭാ​ഷ​യി​ൽ സം​സാ​രി​ച്ചാ​ൽ അ​ത​വ​ന്‍റെ ഹൃ​ദ​യ​ത്തി​ലേ​ക്കാ​ണു പോ​കു​ന്ന​ത്; ജോര്‍ജ്ജ് കള്ളിവയലില്‍ എഴുതുന്നു

ഡൽഹി ഡയറി

​“അമ്മ​ത​ൻ വാ​ത്സ​ല്യം അ​മ്മി​ഞ്ഞപ്പാ​ൽ എ​ങ്കി​ൽ അ​തി​ൻ മാ​ധു​ര്യം എ​ന്നു​ടെ മാ​തൃ​ഭാ​ഷ. മ​റ്റു​ള്ള ഭാ​ഷ​ക​ൾ കേ​വ​ലം ധാ​ത്രി​മാ​ർ; മ​ർ​ത്യ​നു പെ​റ്റ​മ്മ ത​ൻ ഭാ​ഷ.’’ മാ​തൃ​ഭാ​ഷ​യോ​ളം വ​ലു​താ​യ മ​റ്റൊ​രു ഭാ​ഷ​യും ഇ​ന്നോ​ളം ഭൂ​ലോ​ക​ത്തി​ല്ല. ഒ​രോ​രു​ത്ത​രു​ടെ​യും ജീ​വി​തസം​സ്കാ​ര​മാ​ണ് അ​വ​ന്‍റെ മാ​തൃ​ഭാ​ഷ. സം​വേ​ദ​ന​ത്തി​ന്‍റെ​യും ത​ത്വ​ബോ​ധ​ത്തി​ന്‍റെ​യും എ​ല്ലാം അ​ടി​സ്ഥാ​നം മാ​തൃ​ഭാ​ഷ​യാ​ണ്.

മ​നു​ഷ്യ​ർ​ക്കി​ട​യി​ലെ ഏ​റ്റ​വും മ​നോ​ഹ​ര​മാ​യ ആ​ശ​യ​വി​നി​മ​യ ക​ണ്ണി​യാ​ണു ഭാ​ഷ. ഭാ​ഷ​ക​ളി​ലെ വൈ​വി​ധ്യം സൗ​ന്ദ​ര്യ​വും ശ​ക്തി​യും അ​റി​വു​മാ​ണ്.

“ഒ​രാ​ളോ​ട് അ​യാ​ൾ​ക്കു മ​ന​സി​ലാ​കു​ന്ന ഭാ​ഷ​യി​ൽ സം​സാ​രി​ച്ചാ​ൽ അ​ത​വ​ന്‍റെ ത​ല​യി​ലേ​ക്കു പോ​കു​ന്നു. എ​ന്നാ​ൽ അ​വ​ന്‍റെ സ്വ​ന്തം ഭാ​ഷ​യി​ൽ സം​സാ​രി​ച്ചാ​ൽ അ​ത​വ​ന്‍റെ ഹൃ​ദ​യ​ത്തി​ലേ​ക്കാ​ണു പോ​കു​ന്ന​ത്’’- നെ​ൽ​സ​ണ്‍ മ​ണ്ടേ​ല പ​റ​ഞ്ഞ​തും ന​മു​ക്ക് അ​റി​യാ​വു​ന്ന​തു​മാ​ണീ സ​ത്യം.

“വ്യ​ത്യ​സ്ത​മാ​യ ഒ​രു ഭാ​ഷ ജീ​വി​ത​ത്തി​ന്‍റെ വ്യ​ത്യ​സ്ത​മാ​യ കാ​ഴ്ച​പ്പാ​ടാ​ണ്’’ എ​ന്ന് ഇ​റ്റാ​ലി​യ​ൻ സി​നി​മാ സം​വി​ധാ​യ​ക​നും തി​ര​ക്ക​ഥാ​കൃ​ത്തു​മാ​യി​രു​ന്ന ഫെ​ഡ​റി​ക്കോ ഫെ​ല്ലി​നി ചൂ​ണ്ടി​ക്കാ​ട്ടു​ന്നു. “എ​ന്‍റെ ഭാ​ഷ​യു​ടെ പ​രി​മി​തി​ക​ൾ എ​ന്‍റെ ലോ​ക​ത്തി​ന്‍റെ അ​തി​രു​ക​ളെ​യാ​ണ് അ​ർ​ഥ​മാ​ക്കു​ന്ന​ത്’’ എ​ന്ന് ഓ​സ്ട്രി​യ​ൻ- ബ്രി​ട്ടീ​ഷ് ത​ത്വ​ചി​ന്ത​ക​നാ​യി​രു​ന്ന ലു​ഡ്വി​ഗ് വി​റ്റ്ഗെ​ൻ​സ്റ്റൈ​ൻ എ​ഴു​തി. ഒ​രു ഭാ​ഷ ന​മ്മുടെ ജീ​വി​ത​ത്തി​നു​ള്ള ഒ​രു ഇ​ട​നാ​ഴി​യി​ൽ സ​ജ്ജ​മാ​ക്കു​ന്നു. ര​ണ്ടോ അ​തി​ല​ധി​ക​മോ ഭാ​ഷ​ക​ൾ വ​ഴി​യി​ലെ എ​ല്ലാ വാ​തി​ലു​ക​ളും തു​റ​ക്കു​മെ​ന്നും ന​മു​ക്ക​റി​യാം.

ദീ​ർ​ഘ​കാ​ല അ​ജ​ൻ​ഡ

ഹി​ന്ദി ഭാ​ഷ അ​ടി​ച്ചേ​ൽ​പ്പി​ക്കാ​നു​ള്ള ശ്ര​മ​ങ്ങ​ൾ പു​തി​യ​ത​ല്ല. വി​ദ്യാ​ഭ്യാ​സ, സ​ർ​ക്കാ​ർ സ്ഥാ​പ​ന​ങ്ങ​ൾ, ഹൈ​ക്കോ​ട​തി​ക​ൾ തു​ട​ങ്ങി സ​ർ​ക്കാ​ർ ജോ​ലി​ക​ളി​ൽ വ​രെ ഹി​ന്ദി നി​ർ​ബ​ന്ധ​മാ​ക്കാ​നു​ള്ള കേ​ന്ദ്രസ​ർ​ക്കാ​രി​ന്‍റെ പു​തി​യ നീ​ക്കം പ​തി​വു​പോ​ലെ വി​വാ​ദ​മാ​യി.

ഐ​ഐ​ടി​ക​ളും ഐ​ഐ​എ​മ്മു​ക​ളും ഉ​ൾ​പ്പെ​ടെ​യു​ള്ള സാ​ങ്കേ​തി​ക സ്ഥാ​പ​ന​ങ്ങ​ളി​ൽ അ​ട​ക്കം രാ​ജ്യ​ത്തെ എ​ല്ലാ ഉ​ന്ന​തവി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ഹി​ന്ദി​യി​ലും അ​ത​തു സം​സ്ഥാ​ന​ത്തെ പ്രാ​ദേ​ശി​ക ഭാ​ഷ​യി​ലും ആ​ക​ണം അ​ധ്യ​യ​ന​മെ​ന്ന് അ​മി​ത് ഷാ ​അ​ധ്യ​ക്ഷ​നാ​യ ഒൗ​ദ്യോ​ഗി​ക ഭാ​ഷ​ക​ൾ​ക്കാ​യു​ള്ള പാ​ർ​ല​മെ​ന്‍റ​റി സ​മി​തി നി​ർ​ദേ​ശി​ച്ചു.

ഹി​ന്ദി നി​ർ​ബ​ന്ധ​മാ​ക്കു​ന്ന​തി​നു പു​റ​മേ ചോ​ദ്യ​ക്ക​ട​ലാ​സ് ഹി​ന്ദി​യി​ലാ​യി​രി​ക്ക​ണ​മെ​ന്നും നി​ർ​ദേ​ശി​ച്ചു. കേ​ന്ദ്ര വി​ദ്യാ​ഭ്യാ​സ സ്ഥാ​പ​ന​ങ്ങ​ളി​ലും ഹി​ന്ദി​വ​ത്ക​ര​ണം ക​ടു​പ്പി​ക്കും. കേ​ന്ദ്ര സ​ർ​വീ​സി​ലും സ​ർ​ക്കാ​ർ ജോ​ലി​ക​ൾ​ക്കും ഹി​ന്ദി നി​ർ​ബ​ന്ധ​മാ​ക്കും. ഇ​തോ​ടെ മ​റ്റു ഭാ​ഷ​ക്കാ​രെ​ല്ലാം ര​ണ്ടാം ത​രം പൗ​ര​ന്മാ​രാ​കു​മെ​ന്ന​തി​ൽ സം​ശ​യി​ക്കേ​ണ്ട. ഇം​ഗ്ലീ​ഷ് പോ​ലും ഇ​ച്ഛാ​പൂ​ർ​വം മാ​ത്ര​മു​ള്ള​താ​ക​ണം. ഇം​ഗ്ലീ​ഷി​നു മേ​ൽ ഹി​ന്ദി​ക്കും പ്രാ​ദേ​ശി​ക​മാ​യ ഉ​പ​ഭാ​ഷ​യ്ക്കും പ്രാ​മു​ഖ്യം ന​ൽ​ക​ണ​മെ​ന്നും ക​ഴി​ഞ്ഞ മാ​സം രാ​ഷ്‌ട്ര​പ​തി​ക്കു ന​ൽ​കി​യ റി​പ്പോ​ർ​ട്ടി​ൽ പ​റ​യു​ന്നു.

ഉ​ത്ത​ർ​പ്ര​ദേ​ശ്, ബി​ഹാ​ർ, മ​ധ്യ​പ്ര​ദേ​ശ്, രാ​ജ​സ്ഥാ​ൻ, ഡ​ൽ​ഹി, ഹ​രി​യാ​ന, ഹി​മാ​ച​ൽ പ്ര​ദേ​ശ്, ഉ​ത്ത​രാ​ഖ​ണ്ഡ്, ഛത്തീ​സ്ഗ​ഡ്, ജാ​ർ​ഖ​ണ്ഡ് ആ​ൻ​ഡ​മാ​ൻ നി​ക്കോ​ബ​ർ എ​ന്നീ എ ​വി​ഭാ​ഗം സം​സ്ഥാ​ന​ങ്ങ​ളി​ലെ​ല്ലാം പൂ​ർ​ണ​മാ​യി ഹി​ന്ദി ഉ​പ​യോ​ഗി​ക്കാ​നാ​ണ് ശി​പാ​ർ​ശ. കൂ​ടു​ത​ൽ പേ​ർ ഹി​ന്ദി സം​സാ​രി​ക്കു​ന്ന സം​സ്ഥാ​ന​ങ്ങ​ളെ​ന്നാ​ണ് എ ​മേ​ഖ​ല​യു​ടെ നി​ർ​വ​ച​നം. കേ​ര​ളം അ​ട​ക്ക​മു​ള്ള ബി, ​സി മേ​ഖ​ല​ക​ളി​ലെ ഇ​ത​ര സം​സ്ഥാ​ന​ങ്ങ​ളി​ൽ ത​ത്കാ​ലം ഹി​ന്ദി നി​ർ​ബ​ന്ധ​മാ​ക്കി​ല്ലെ​ന്നു പി​ന്നീ​ടു വി​ശ​ദീ​ക​രി​ച്ചു.

ഇ​ന്ത്യ​ക്കി​ല്ല ദേ​ശീ​യ​ഭാ​ഷ

ദേ​ശീ​യഭാ​ഷ എ​ന്നൊ​ന്ന് ഇ​ല്ലെ​ന്നും ഹി​ന്ദി​യും ഇം​ഗ്ലീ​ഷും ഒൗ​ദ്യോ​ഗി​ക ഭാ​ഷ ആ​യി ഉ​പ​യോ​ഗി​ക്കാ​മെ​ന്നു​മാ​ണ് ഇ​ന്ത്യ​ൻ ഭ​ര​ണ​ഘ​ട​ന വ്യ​ക്ത​ത​യോ​ടെ പ​റ​യു​ന്ന​ത്. ഭ​ര​ണ​ഘ​ട​ന​യു​ടെ അ​നു​ച്ഛേ​ദം 343ൽ ​ഇ​ക്കാ​ര്യ​ത്തി​ൽ സ​ന്ദേ​ഹ​മോ അ​വ്യ​ക്ത​ത​യോ ഇ​ല്ല. മ​ല​യാ​ളം ഉ​ൾ​പ്പെ​ടെ 22 ഭാ​ഷ​ക​ൾ അം​ഗീ​കൃ​ത ഒൗ​ദ്യോ​ഗി​ക ഭാ​ഷ​ക​ളാ​യി അം​ഗീ​ക​രി​ച്ചി​ട്ടു​ണ്ട്.

ആ​സാ​മീ​സ്, ഗു​ജ​റാ​ത്തി, ബം​ഗാ​ളി, ഹി​ന്ദി, കാ​ഷ്മീ​രി, ക​ന്ന​ഡ, കൊ​ങ്ക​ണി, മ​ണി​പ്പൂ​രി, മ​റാ​ത്തി, മ​ല​യാ​ളം, ഒ​ഡി​യ, നേ​പ്പാ​ളി, പ​ഞ്ചാ​ബി, സം​സ്കൃ​തം, ത​മി​ഴ്, തെ​ലു​ങ്ക്, ബോ​ഡോ, ഉ​റു​ദു, സി​ന്ധി, സ​ന്താ​ലി, മ​റാ​ത്തി, ഡോ​ഗ്രി എ​ന്നി​വ​യാ​ണു ഭ​ര​ണ​ഘ​ട​ന​യു​ടെ എ​ട്ടാം ഷെ​ഡ്യൂ​ളി​ൽ ഉ​ള്ള​ത്. ഹി​ന്ദി​യോ, ഇം​ഗ്ലീ​ഷോ അ​ട​ക്കം ഇ​വ​യി​ലൊ​ന്നും ഇ​ന്ത്യ​യു​ടെ ദേ​ശീ​യ ഭാ​ഷ (നാ​ഷ​ണ​ൽ ലാം​ഗ്വേ​ജ്) അ​ല്ല. വ​ള​രെ​യ​ധി​കം ആ​ലോ​ച​ന​ക​ൾ​ക്കു ശേ​ഷ​മാ​ണു ഭ​ര​ണ​ഘ​ട​നാ ശി​ല്​പി​ക​ൾ ഈ ​തീ​രു​മാ​ന​മെ​ടു​ത്ത​ത്.

ഭ​ര​ണ​ഘ​ട​ന വ്യ​ക്ത​മാ​യി നി​ർ​വ​ചി​ച്ചി​ട്ടു​ണ്ടെ​ങ്കി​ലും ദ​ക്ഷി​ണേ​ന്ത്യ​യി​ല​ട​ക്കം ഹി​ന്ദി അ​ടി​ച്ചേ​ൽ​പ്പിക്കാ​നും നി​ർ​ബ​ന്ധ​മാ​ക്കാ​നും ശ്ര​മ​ങ്ങ​ൾ പ​ല​പ്പോ​ഴാ​യി തു​ട​രു​ക​യാ​ണ്. ഇ​ന്ത്യ​യി​ലെ എ​ല്ലാ സ്കൂ​ളു​ക​ളി​ലും ഹി​ന്ദി നി​ർ​ബ​ന്ധ​മാ​ക്കു​ന്ന വ്യ​വ​സ്ഥ 2019 മേ​യ് 31ന് ​കേ​ന്ദ്രം പു​റ​ത്തി​റ​ക്കി​യ ദേ​ശീ​യ വി​ദ്യാ​ഭ്യാ​സ ന​യ​ത്തി​ന്‍റെ ക​ര​ടി​ലു​ണ്ടാ​യി​രു​ന്നു. ത​മി​ഴ്നാ​ട്ടി​ൽ അ​ട​ക്കം പ്ര​തി​ഷേ​ധ​മാ​യ​പ്പോ​ൾ വി​വാ​ദ വ്യ​വ​സ്ഥ ഒ​ഴി​വാ​ക്കി​യ​ന്നെു കേ​ന്ദ്രസ​ർ​ക്കാ​ർ അ​റി​യി​ച്ചു.

പ​ക്ഷേ 2019 സെ​പ്റ്റം​ബ​ർ 14ന് ​ഹി​ന്ദിദി​വ​സ ആ​ച​ര​ണ​ത്തി​നി​ടെ കേ​ന്ദ്രആ​ഭ്യ​ന്ത​ര മ​ന്ത്രി അ​മി​ത് ഷാ "ഒ​രു രാ​ഷ‌്ട്രം, ഒ​രു ഭാ​ഷ' എ​ന്നൊ​രു പ്ര​ഖ്യാ​പ​നം ന​ട​ത്തി. അ​പ്പോ​ഴും ഒൗ​ദ്യോ​ഗി​ക ഭാ​ഷ​ക​ൾ​ക്കാ​യു​ള്ള പാ​ർ​ല​മെ​ന്‍റ​റി സ​മി​തി അ​ധ്യ​ക്ഷ​നാ​ണ് ഷാ. ​വീ​ണ്ടും പ്ര​തി​ഷേ​ധം ശ​ക്ത​മാ​യ​പ്പോ​ൾ തി​രു​ത്തി. മ​റ്റു ഭാ​ഷ​ക​ളെ നി​ഹ​നി​ക്കാ​തെ​യും പ്രോ​ത്​സാ​ഹി​പ്പി​ച്ചുകൊ​ണ്ടു​മാ​കും ഹി​ന്ദി​യെ ഉ​യ​ർ​ത്തു​ക​യെ​ന്നാ​യി​രു​ന്നു വി​ശ​ദീ​ക​ര​ണം.

അ​ത്ര വ്യാ​പ​ക​മ​ല്ല ഹി​ന്ദി

ഉ​ത്ത​രേ​ന്ത്യ​യി​ലെ​യും മ​ധ്യേ​ന്ത്യ​യി​ലെ​യും ചി​ല സം​സ്ഥാ​ന​ങ്ങ​ൾ ഒ​ഴി​കെ മി​ക്ക സം​സ്ഥാ​ന​ങ്ങ​ളി​ലും പ്രാ​ഥ​മി​ക​മാ​യി ഹി​ന്ദി സം​സാ​രി​ക്കു​ന്നി​ല്ലെ​ന്ന് 2011ലെ ​സെ​ൻ​സ​സ് വ്യ​ക്ത​മാ​ക്കു​ന്നു. ഹി​ന്ദി​യും ഇം​ഗ്ലീ​ഷും ദ്വി​തീ​യ ഭാ​ഷ​ക​ളാ​യി മി​ക്ക സം​സ്ഥാ​ന​ങ്ങ​ളും സ്വീ​ക​രി​ച്ചി​രി​ക്കു​ന്നു.

അ​ന്ന​ത്തെ 35 സം​സ്ഥാ​ന​ങ്ങ​ളി​ൽ 12 സം​സ്ഥാ​ന​ങ്ങ​ളി​ലാ​ണ് ആ​ശ​യ​വി​നി​മ​യ​ത്തി​നു​ള്ള ആ​ദ്യ ചോ​യ്സാ​യി ഹി​ന്ദി തെ​ര​ഞ്ഞെ​ടു​ത്ത​ത്. ഇ​ന്ത്യ​യി​ൽ ഭൂ​രി​പ​ക്ഷം പേ​രും ആ​ശ​യ​വി​നി​മ​യ​ത്തി​നാ​യി ഇം​ഗ്ലീ​ഷ് ആ​ണു തെ​ര​ഞ്ഞെ​ടു​ത്ത​തെ​ന്ന് ഈ ​സെ​ൻ​സ​സ് റി​പ്പോ​ർ​ട്ടി​ലു​ണ്ട്. ജ​ന​സം​ഖ്യ​യു​ടെ 43.63% പേ​രാ​ണ് ത​ങ്ങ​ളു​ടെ മാ​തൃ​ഭാ​ഷ ഹി​ന്ദി​യാ​ണെ​ന്നു പ​റ​ഞ്ഞ​ത്.

ഉ​ത്ത​ർ​പ്ര​ദേ​ശ്, ഡ​ൽ​ഹി, ഉ​ത്ത​രാ​ഖ​ണ്ഡ്, ഹി​മാ​ച​ൽ പ്ര​ദേ​ശ് എ​ന്നി​വി​ട​ങ്ങ​ളി​ൽ ജ​ന​സം​ഖ്യ​യു​ടെ 96 ശ​ത​മാ​നം പേ​ർ ഹി​ന്ദി സം​സാ​രി​ക്കു​ന്നു. കേ​ര​ള​ത്തി​ൽ വെ​റും ആ​റു ശ​ത​മാ​ന​വും ത​മി​ഴ്നാ​ട്ടി​ൽ ഒ​രു ശ​ത​മാ​ന​വും ആ​ളു​ക​ളാ​ണു ഹി​ന്ദി സം​സാ​രി​ക്കു​ന്ന​ത്. ഹി​ന്ദി​ക്കാ​രാ​യ ഇ​ത​രസം​സ്ഥാ​ന തൊ​ഴി​ലാ​ളി​ക​ളു​ടെ സ്വാ​ധീ​ന​മാ​ണ് കേ​ര​ള​ത്തി​ൽ ഇ​പ്പോ​ൾ ഒൗ​ദ്യോ​ഗി​ക ഹി​ന്ദിഭാ​ഷാ പ​ഠ​ന​ത്തേ​ക്കാ​ളേ​റെ​യു​ള്ള​ത്.

ഇ​ന്ത്യ​യി​ൽ ഏ​റ്റ​വും കൂ​ടു​ത​ൽ ഇം​ഗ്ലീ​ഷ് സം​സാ​രി​ക്കു​ന്ന​വ​രു​ടെ അ​നു​പാ​തം ഗോ​വ​യി​ലാ​ണ്. ബി​ഹാ​റും ഛത്തിസ്ഗ​ഡു​മാ​ണ് ഇം​ഗ്ലീ​ഷി​ൽ പി​ന്നി​ൽ. എ​ണ്ണ​ത്തി​ൽ കൂ​ടു​ത​ലു​ള്ള കേ​ര​ള​ത്തി​ലും ത​മി​ഴ്നാ​ട്ടി​ലും യ​ഥാ​ക്ര​മം 20.15 ശ​ത​മാ​നം, 18.49 ശ​ത​മാ​നം ആ​ളു​ക​ൾ ഇം​ഗ്ലീ​ഷ് സം​സാ​രി​ക്കു​ന്നു. വ​ട​ക്കുകി​ഴ​ക്ക​ൻ സം​സ്ഥാ​ന​ങ്ങ​ളി​ൽ പൊ​തു​വേ ഇം​ഗ്ലീ​ഷ് ഭാ​ഷ​യ്ക്കു വ​ലി​യ പ്രാ​മു​ഖ്യ​മു​ണ്ട്.

ഭാ​ഷ​ക​ൾ​ക്കു പ​ഞ്ഞ​മി​ല്ല

നാ​ലാ​യി​ര​ത്തി​ല​ധി​കം വ​ർ​ഷ​ങ്ങ​ൾ​ക്കു മു​ന്പ്, സി​ന്ധു ന​ദീ​ത​ട സം​സ്കാ​ര​ത്തി​ന്‍റെ കാ​ലം മു​ത​ൽ ബ്രാ​ഹ്മി, ഖ​രോ​സ്തി തു​ട​ങ്ങി​യ മ​ഹ​ത്താ​യ എ​ഴു​ത്തു സ​ന്പ്ര​ദാ​യ​ങ്ങ​ൾ ഇ​ന്ത്യ​യി​ലു​ണ്ടാ​യി​രു​ന്നു. ഏ​ക​ദേ​ശം 500 ബി​സി​യി​ൽ ഇ​വി​ടെ ലി​പി​ക​ളു​ണ്ടാ​യി. ഓ​രോ വ​ർ​ഷ​വും 70,000ല​ധി​കം പു​സ്ത​ക​ങ്ങ​ൾ പ്ര​സി​ദ്ധീ​ക​രി​ക്കു​ന്ന രാ​ജ്യ​മാ​ണി​ന്ന് ഇ​ന്ത്യ. ഹി​ന്ദി​യി​ലേ​ക്കാ​ളേ​റെ പു​സ്ത​ക​ങ്ങ​ൾ മ​റ്റു ഭാ​ഷ​ക​ളി​ലാ​ണ്.

ഇ​ന്ത്യ പ​ല ഭാ​ഷ​ക​ളി​ൽ എ​ഴു​തു​ന്നു. അ​തി​ലേ​റെ ശ​ബ്ദ​ങ്ങ​ളി​ൽ സം​സാ​രി​ക്കു​ന്നു. എ​ന്നി​ട്ടും ഈ ​ഉ​പ​ഭൂ​ഖ​ണ്ഡ​ത്തി​ൽ ആ​ശ​യ​വി​നി​മ​യം ഒ​രി​ക്ക​ലും ത​ക​ർ​ന്നി​ട്ടി​ല്ല.

ലോ​ക ജ​ന​സം​ഖ്യ​യു​ടെ 16 ശ​ത​മാ​നം വ​രു​ന്ന ഇ​ന്ത്യ​യി​ൽ 1,652 "​മാ​തൃ​ഭാ​ഷ​ക​ൾ​' ഉ​ണ്ടെ​ന്നാ​ണ് പ​ഠ​ന റി​പ്പോ​ർ​ട്ട് (ജെ​യിം​സ് ഹെ​യി​റ്റ്സ്​മാ​നും റോ​ബ​ർ​ട് എ​ൽ. വോ​ർ​ഡ​നും എ​ഴു​തി​യ ഗ​വേ​ഷ​ണ പു​സ്ത​ക​മാ​യ ഇ​ന്ത്യ: എ ​ക​ണ്‍ട്രി സ്റ്റ​ഡി). ഇ​ന്ത്യ​യി​ൽ ഉ​പ​യോ​ഗ​ത്തി​ലു​ള്ള 103 വി​ദേ​ശ ഭാ​ഷ​ക​ൾ ഉ​ൾ​പ്പെ​ടെ​യാ​ണി​തെ​ന്ന് (1961ലെ ​ക​നേ​ഷു​മാ​രി​യി​ലും 1972ലെ ​പ​ഠ​ന റി​പ്പോ​ർ​ട്ടി​ലു​മു​ണ്ട്.)

വ​ലി​യ വാ​തി​ലു​ള്ള​പ്പോ​ൾ

ദ്രാ​വി​ഡ പ്ര​സ്ഥാ​ന​ത്തി​ന്‍റെ നാ​യ​ക​ൻ പെ​രി​യാ​ർ ഇ.​വി. രാ​മ​സ്വാ​മി​യു​ടെ ശി​ഷ്യ​ൻ അ​ണ്ണാ​ദു​രൈ പ​റ​ഞ്ഞ ഒ​രു വാ​ച​കം പ്ര​സ​ക്ത​മാ​ണ്. ബ്രാ​ഹ്മ​ണാ​ധി​പ​ത്യ​ത്തി​നും ജാ​തിവി​വേ​ച​ന​ത്തിനുമെ​തി​രെ​ ശ​ബ്ദ​മു​യ​ർ​ത്തി​യ ഇ​രു​വ​രും ഹി​ന്ദിഭാ​ഷ അ​ടി​ച്ചേ​ൽ​പി​ക്കു​ന്ന​തി​നെ മു​ന്പേത​ന്നെ എ​തി​ർ​ത്തി​രു​ന്നു. “വ​ലി​യ നാ​യ​യ്ക്ക് വീ​ടി​നു​ള്ളി​ൽ ക​യ​റാ​ൻ വ​ലി​യ വാ​തി​ൽ പ​ണി​തി​ട്ടു​ണ്ട്. ചെ​റി​യ നാ​യ​യ്ക്ക് വീ​ടി​നു​ള്ളി​ൽ ക​യ​റാ​ൻ ചെ​റി​യ വാ​തി​ൽ പ​ണി​യേ​ണ്ട ആ​വ​ശ്യ​മു​ണ്ടോ? വ​ലി​യ വാ​തി​ലി​ലൂ​ടെ ത​ന്നെ അ​ത് അ​ക​ത്തു ക​യ​റി​ല്ലേ?’’ എ​ന്നാ​യി​രു​ന്നു അ​ണ്ണാ​ദു​രൈ​യു​ടെ പ​രി​ഹാ​സം.

ഇ​ന്ത്യ​യി​ലെ എ​ല്ലാ സ്കൂ​ളു​ക​ളി​ലും ഇം​ഗ്ലീ​ഷ് പ​ഠി​പ്പി​ക്കു​ന്നു​ണ്ട്. അ​തു​കൊ​ണ്ടു​ത​ന്നെ എ​ല്ലാ​വ​ർ​ക്കും ഇം​ഗ്ലീ​ഷ് ഒ​രു​വി​ധം കൈ​കാ​ര്യം ചെ​യ്യാ​ന​റി​യാം. അ​പ്പോ​ൾ എ​ല്ലാ​ർ​ക്കും സം​സാ​രി​ക്കാ​നും എ​ഴു​താ​നും വാ​യി​ക്കാ​നും ക​ഴി​യു​ന്ന ഒ​രു ഭാ​ഷ എ​ന്ന​ത് ഇം​ഗ്ലീ​ഷ് അ​ല്ലേ.

ഇ​ന്ത്യ​ക്കാ​യി ഒ​രു ഭാ​ഷ​യും ലോ​ക​ത്തി​നാ​യി വേ​റൊ​രു ഭാ​ഷ​യും പ​ഠി​ക്കു​ന്ന​തു മ​ണ്ട​ത്ത​ര​മ​ല്ലേ എ​ന്നാ​യി​രു​ന്നു അ​ണ്ണാ​ദു​രൈ​യു​ടെ ചോ​ദ്യ​ത്തി​ന്‍റെ പൊ​രു​ൾ. മാ​തൃ​ഭാ​ഷ​യും ഇം​ഗ്ലീ​ഷും ഹി​ന്ദി​യും ചേ​ർ​ന്ന ത്രി​ഭാ​ഷ പ​ദ്ധ​തി​യാ​ണ് ഇ​ന്ത്യ​ക്കു ന​ല്ല​തെ​ന്ന​തി​ൽ ഭ​ര​ണ​ഘ​ട​നാ ശില്​പി​ക​ൾ​ക്കു സം​ശ​യ​മി​ല്ലാ​യി​രു​ന്നു.

ഭി​ന്നി​പ്പി​ക്ക​രു​ത്; വേ​ണം ഒ​രു​മ

വ​ള​രെ​യേ​റെ പേ​ർ സം​സാ​രി​ക്കു​ന്ന ഹി​ന്ദി​ക്ക് ഇ​ത​ര സം​സ്ഥാ​ന​ങ്ങ​ളി​ലും പ്രോ​ത്സാ​ഹ​നം ന​ൽ​കു​ന്ന​തു ന​ല്ല​താ​ണ്. പ​ക്ഷേ ഇ​ന്ത്യ​ൻ യു​വ​ത​യ്ക്കു ലോ​ക​ത്തെ​വി​ടെ​യും ജോ​ലി നേ​ടാ​ൻ സ​ഹാ​യി​ച്ച ഇം​ഗ്ലീ​ഷി​നെ​യും അ​മ്മി​ഞ്ഞപ്പാ​ലു പോ​ലെ പ്ര​ധാ​ന​മാ​യ മാ​തൃ​ഭാ​ഷ​യെ​യും ത​മ​സ്ക​രി​ക്കാ​ൻ അ​നു​വ​ദി​ച്ചുകൂ​ടാ. ഹി​ന്ദി​യേ​ക്കാ​ളും പാ​ര​ന്പ​ര്യ​മു​ള്ള ത​മി​ഴ്, മ​ല​യാ​ളം, സം​സ്കൃ​തം, ക​ന്ന​ഡ, തെ​ലു​ങ്ക് തു​ട​ങ്ങി​യ ഭാ​ഷ​ക​ൾ​ക്കുംകൂ​ടി പ്ര​ചാ​രം കൂ​ട്ടാ​നാ​ക​ണം സ​ർ​ക്കാ​ർ ശ്ര​മം.

ജ​ന​ങ്ങ​ളെ കോ​ർ​ത്തി​ണ​ക്കാ​നും ഒ​ന്നി​പ്പി​ക്കാ​നു​മു​ള്ള​താ​ക​ണം ഭാ​ഷ. ഭി​ന്നി​പ്പി​ക്കാ​നു​ള്ള​ത​ല്ല. ഹി​ന്ദി അ​ടി​ച്ചേ​ൽ​പ്പിക്കാ​ൻ ഒ​ളി​ഞ്ഞും തെ​ളി​ഞ്ഞു​മു​ള്ള ശ്ര​മ​ങ്ങ​ൾ രാ​ജ്യ​ത്തു കൂ​ടു​ത​ൽ അ​ക​ൽ​ച്ച​യും വി​ദ്വേ​ഷ​വും വ​ള​ർ​ത്താ​നേ ഉ​പ​ക​രി​ക്കൂ. ഒ​രു രാ​ജ്യം ഒ​രു ഭാ​ഷ​യെ​ന്ന ആ​വ​ശ്യം ഐ​ക്യ​ത്തി​ന​ല്ല, ഐ​ക്യം ത​ക​ർ​ക്കാ​നു​ള്ള​താ​ണ്.

ഭാ​ഷ, മ​തം, ഭ​ക്ഷ​ണം, വ​സ്ത്രം തു​ട​ങ്ങി പ​ല​തി​ന്‍റെ​യും പേ​രി​ൽ ഭി​ന്നി​പ്പി​ക്കാ​നും മു​ത​ലെ​ടു​ക്കാ​നു​മു​ള്ള ശ്ര​മ​ങ്ങ​ൾ ഇ​ന്ത്യ​യു​ടെ ഐ​ക്യ​ത്തി​നും അ​ഖ​ണ്ഡ​ത​യ്ക്കും സ​മാ​ധാ​ന​ത്തി​നും പു​രോ​ഗ​തി​ക്കും വി​ഘാ​ത​മാ​കും. നാ​നാ​ത്വ​ത്തി​ൽ ഏ​ക​ത്വ​മാ​ണ് ഇ​ന്ത്യ​യു​ടെ മ​നോ​ഹാ​രി​ത​യും ക​രു​ത്തും.