ഹി​മാ​ച​ൽ പ്ര​ദേ​ശി​ലെ വി​ജ​യ​ത്തി​ലൂ​ടെ കോ​ണ്‍ഗ്ര​സി​നു നാ​ണം മ​റ​യ്ക്കാ​നാ​യി; ഡ​ൽ​ഹി​യും പ​ഞ്ചാ​ബും പോ​ലെ ആ​യി​ല്ലെ​ങ്കി​ലും ഗു​ജ​റാ​ത്ത് നി​യ​മ​സ​ഭാ പ്ര​വേ​ശ​ന​ത്തി​ലൂ​ടെ ദേ​ശീ​യ പാ​ർ​ട്ടി​യെ​ന്ന അം​ഗീ​കാ​രം നേ​ടു​ന്ന ആം ​ആ​ദ്മി പാ​ർ​ട്ടി​ക്കു കി​ട്ടി​യ​തു ലോ​ട്ട​റി​യാ​യി; കോ​ണ്‍ഗ്ര​സി​നു വെ​ള്ളി​വെ​ളി​ച്ച​മാ​യി ഹി​മാ​ച​ൽ പ്ര​ദേ​ശെ​ങ്കി​ലും മാ​റി​യ​തു ജ​നാ​ധി​പ​ത്യ​ത്തി​ന്‍റെ സൗ​ന്ദ​ര്യ​മാ​യി; തിരഞ്ഞെടുപ്പു ഫലങ്ങള്‍ വിലയിരുത്തി മുതിര്‍ന്ന മാധ്യമപ്രവര്‍ത്തകന്‍ ജോര്‍ജ്ജ് കള്ളിവയലില്‍ എഴുതുന്നു

ഡല്‍ഹി: ഗു​ജ​റാ​ത്തി​ലെ ബി​ജെ​പി​യു​ടെ മി​ന്നു​ന്ന സ്വ​പ്ന​വി​ജ​യ​വും കോ​ണ്‍ഗ്ര​സി​ന്‍റെ വ​ൻ ത​ക​ർ​ച്ച​യും ആം ​ആ​ദ്മി പാ​ർ​ട്ടി​യു​ടെ അ​ര​ങ്ങേ​റ്റ​വും ഇ​ന്ത്യ​ൻ രാ​ഷ്‌ട്രീയ​ത്തി​ലെ സൂ​ച​ന​ക​ളാ​ണ്. ഹി​മാ​ച​ൽ പ്ര​ദേ​ശി​ലാ​ക​ട്ടെ കി​ണ​ഞ്ഞുശ്ര​മി​ച്ചി​ട്ടും ബി​ജെ​പി ദേ​ശീ​യ അ​ധ്യ​ക്ഷ​ൻ ജെ.​പി നദ്ദയു​ടെ ത​ട്ട​ക​ത്തി​ൽ മോ​ദി മാ​ജി​ക്കും ബി​ജെ​പി ത​ന്ത്ര​ങ്ങ​ളും ഫ​ലി​ക്കാ​തെ പോ​യ​തിനും എ​എ​പി തീ​രെ അ​പ്ര​സ​ക്ത​മാ​യ​തി​നും കാ​ര​ണ​ങ്ങ​ളേ​റെ. കോ​ണ്‍ഗ്ര​സി​നു വെ​ള്ളി​വെ​ളി​ച്ച​മാ​യി ഹി​മാ​ച​ൽ പ്ര​ദേ​ശെ​ങ്കി​ലും മാ​റി​യ​തും ജ​നാ​ധി​പ​ത്യ​ത്തി​ന്‍റെ സൗ​ന്ദ​ര്യ​മാ​യി.

മോ​ദി​ഫൈ ചെ​യ്ത ഗു​ജ​റാ​ത്തി​ൽ ബി​ജെ​പി​യു​ടെ റി​ക്കാ​ർ​ഡ് വി​ജ​യ​ത്തി​നു സ​മാ​ന​ത​ക​ളി​ല്ല. തു​ട​ർ​ച്ച​യാ​യ ഏ​ഴാം​ ത​വ​ണ​യും ഭ​ര​ണം പി​ടി​ച്ച​തു മാ​ത്ര​മ​ല്ല, ഭ​ര​ണ​വി​രു​ദ്ധ വി​കാ​ര​വും മോ​ർ​ബി തൂ​ക്കു​പാ​ലം ദു​ര​ന്ത​വും വ​ർ​ധി​ച്ച തൊ​ഴി​ലി​ല്ലാ​യ്മ​യും വി​ല​ക്ക​യറ്റ​വും മു​ത​ൽ റി​ബ​ൽ​ ശ​ല്യം വ​രെ മ​റി​ക​ട​ന്നാ​ണു ബി​ജെ​പി ഇ​ക്കു​റി വ​ൻ​വി​ജ​യം പോ​ക്ക​റ്റി​ലാ​ക്കി​യ​ത്.

ഹി​മാ​ച​ൽ പ്ര​ദേ​ശി​ലെ വി​ജ​യ​ത്തി​ലൂ​ടെ കോ​ണ്‍ഗ്ര​സി​നു നാ​ണം മ​റ​യ്ക്കാ​നാ​യി. ഡ​ൽ​ഹി​യും പ​ഞ്ചാ​ബും പോ​ലെ ആ​യി​ല്ലെ​ങ്കി​ലും ഗു​ജ​റാ​ത്ത് നി​യ​മ​സ​ഭാ പ്ര​വേ​ശ​ന​ത്തി​ലൂ​ടെ ദേ​ശീ​യ പാ​ർ​ട്ടി​യെ​ന്ന അം​ഗീ​കാ​രം നേ​ടു​ന്ന ആം ​ആ​ദ്മി പാ​ർ​ട്ടി​ക്കു കി​ട്ടി​യ​തു ലോ​ട്ട​റി​യാ​യി.

ക​ണ്ട​റി​യേ​ണ്ട ത​ന്ത്രം

തു​ട​ർ​ച്ച​യാ​യ വി​ജ​യ​ങ്ങ​ളി​ൽ മ​തി​മ​റ​ക്കാ​തെ, കൂ​ടു​ത​ൽ മി​ക​ച്ച വി​ജ​യം ആ​വ​ർ​ത്തി​ക്കു​മെ​ന്ന് ഉ​റ​പ്പാ​ക്കാ​ൻ വേ​ണ്ട​തെ​ല്ലാം ചെ​യ്യു​ക​യെ​ന്ന ബി​ജെ​പി​യു​ടെ രീ​തി മ​റ്റെ​ല്ലാ രാ​ഷ്‌ട്രീയ​പാ​ർ​ട്ടി​ക​ളും ക​ണ്ടു​പ​ഠി​ക്ക​ണം. വി​ജ​യം ഉ​റ​പ്പാ​യി​രു​ന്നെ​ങ്കി​ലും പ്ര​ധാ​ന​മ​ന്ത്രി മോ​ദി മു​ത​ൽ താ​ഴെ​ത്ത​ട്ടി​ലെ സം​ഘപ്ര​വ​ർ​ത്ത​ക​ൻ വ​രെ​യു​ള്ള​വ​ർ ക​ഠി​നാ​ധ്വാ​നം ചെ​യ്തു. ജ​ന​സം​ഘ​ത്തി​ന്‍റെ കാ​ലം മു​ത​ൽ ബി​ജെ​പി ഒ​രി​ക്ക​ലും ജ​യി​ച്ചി​ട്ടി​ല്ലാ​ത്ത ബോ​ർ​സാ​ദ്, ജ​ഗാ​ഡി​യ, വ്യാ​ര, ഖ​ർ​ബാ​ഡ, മ​ഹു​ദ്ദ, അ​ങ്ക്‌​ലാ​വ്, ഡാ​നി​ൽ​മി​ജ മ​ണ്ഡ​ല​ങ്ങ​ളി​ൽ ബി​ജെ​പി ഇ​ക്കു​റി ജ​യി​ച്ചു.

കാ​ൽ നൂ​റ്റാ​ണ്ടി​ലേ​റെ​യാ​യു​ള്ള തു​ട​ർ​ഭ​ര​ണ​ത്തി​നു ശേ​ഷ​വും ഒ​രുത​ര​ത്തി​ലു​ള്ള ആ​ല​സ്യ​വും പ്ര​വ​ർ​ത്ത​ക​രി​ലും നേ​താ​ക്ക​ളി​ലും ഉ​ണ്ടാ​കാ​തെ നോ​ക്കി​യ​തു ചെ​റി​യ കാ​ര്യ​മ​ല്ല.

മു​ഖ്യ​മ​ന്തി​യെ​യും, മോ​ർ​ബി ദു​ര​ന്തം ഉ​ണ്ടാ​യ മ​ണ്ഡ​ല​ത്തി​ല​ട​ക്കം പ​ല സി​റ്റിം​ഗ് എം​എ​ൽ​എ​മാ​രെ​യും മാ​റ്റാ​ൻ ബി​ജെ​പി മ​ടി​ച്ചി​ല്ല. ഭ​ര​ണ​വി​രു​ദ്ധ വി​കാ​രം മ​റി​ക​ട​ക്കാ​ൻ എ​ന്ത് എ​വി​ടെ വേ​ണ​മെ​ന്നു ക​ണ്ടെ​ത്തി അ​തി​നു പ​രി​ഹാ​രം കാ​ണാ​ൻ ശ്ര​മി​ച്ചു. പ​ട്ടേ​ൽ സം​വ​ര​ണം അ​ട​ക്ക​മു​ള്ള പ്ര​ശ്ന​ങ്ങ​ൾ നേ​ര​ത്തേ പ​രി​ഹ​രി​ച്ചു. കോ​ണ്‍ഗ്ര​സി​ലാ​യി​രു​ന്ന പ​ട്ടേ​ൽ സ​മ​രനേ​താ​വ് ഹാ​ർ​ദി​ക് പ​ട്ടേ​ൽ അ​ട​ക്ക​മു​ള്ള​വ​രെ ബി​ജെ​പി​യി​ലെ​ത്തി​ച്ച​തി​നും കൃ​ത്യ​മാ​യ ആ​സൂ​ത്ര​ണ​മു​ണ്ടാ​യി​രു​ന്നു. രാ​ഹു​ൽ ഗാ​ന്ധി ഈ ​വീ​ടി​ന്‍റെ ഐ​ശ്വര്യം എ​ന്നാ​ണ് ബി​ജെ​പി നേ​താ​ക്ക​ൾ ഗു​ജ​റാ​ത്തി​ലെ തൂ​ത്തു​വാ​രി​യ വി​ജ​യ​ത്തെ വി​ശേ​ഷി​പ്പി​ച്ച​ത്.

നാ​യ​ക​നി​ല്ലാ​ത്ത പ​ട

കോ​ണ്‍ഗ്ര​സാ​ക​ട്ടെ തു​ട​ക്കം മു​ത​ൽ പോ​രാ​ടാ​ൻ പോ​ലും ക​ഴി​യാ​ത്ത നി​രാ​ശ​യി​ലും മ​ന്ദ​ത​യി​ലു​മാ​യി​രു​ന്നു. പ​ട​നാ​യ​ക​ൻ ഉ​പേ​ക്ഷി​ച്ച യു​ദ്ധ​ക്ക​ളം പോ​ലെ​യാ​യി​രു​ന്നു നി​ല. പേ​രി​ന് ഒ​ന്ന​ര ദി​വ​സം മൂ​ന്നു യോ​ഗ​ത്തി​ലാ​ണു രാ​ഹു​ൽ ഗാ​ന്ധി മു​ഖം കാ​ണി​ച്ച​ത്. ഹി​മാ​ച​ലി​ൽ പ്ര​ചാ​ര​ണം ന​ട​ത്തി​യ പ്രി​യ​ങ്ക വ​ദ്ര​യാ​ക​ട്ടെ ഗു​ജ​റാ​ത്തി​ലേ​ക്കു പോ​യി​ല്ല! കേ​ര​ള​ത്തി​ലും ക​ർ​ണാ​ട​ക​യി​ലും നി​റ​ഞ്ഞാ​ടി​യ ഭാ​ര​ത് ജോ​ഡോ യാ​ത്ര തെ​ര​ഞ്ഞെ​ടു​പ്പു ന​ട​ന്ന ഗു​ജ​റാ​ത്തി​നെ ഒ​ഴി​വാ​ക്കി​യെ​ന്ന​തു ഞെ​ട്ടി​​ക്കു​ന്നു.

ഗു​ജ​റാ​ത്തി​ന്‍റെ പ്ര​ധാ​ന ചു​മ​ത​ല​ക്കാ​ര​നാ​യി​രു​ന്ന രാ​ജ​സ്ഥാ​ൻ മു​ഖ്യ​മ​ന്ത്രി അ​ശോ​ക് ഗെ​ഹ്​ലോ​ട്ടി​ന് അ​തി​ലേ​റെ താ​ത്പ​ര്യം സ​ച്ചി​ൻ പൈ​ല​റ്റി​നെ ചീ​ത്ത പ​റ​യാ​നും ഗ്രൂ​പ്പു​ക​ളി മൂ​പ്പി​ക്കാ​നു​മാ​യി​രു​ന്നു. ഗു​ജ​റാ​ത്തി​ൽ പോ​യി വേ​ണ്ട​തു ചെ​യ്യാ​ൻ മെ​ന​ക്കെ​ടാ​തെ രാ​ഹു​ലി​ന്‍റെ യാ​ത്ര​യു​ടെ പു​റ​കേ ന​ട​ക്കു​ക​യാ​യി​രു​ന്നു കോ​ണ്‍ഗ്ര​സ് ഹൈ​ക്ക​മാ​ൻ​ഡി​ലെ പ്ര​ബ​ല​ർ. ശ​ശി ത​രൂ​ർ അ​ട​ക്കം പ്ര​മു​ഖ​രെ ബോ​ധ​പൂ​ർ​വം ഒ​ഴി​വാ​ക്കു​ക​യും ചെ​യ്തു. ത​രൂ​ർ ചെ​ന്നാ​ലും മാ​റ്റമു​ണ്ടാ​കി​ല്ലാ​യി​രു​ന്നെ​ങ്കി​ലും അ​ദ്ദേ​ഹ​ത്തെ പ്ര​ചാ​ര​ക​രു​ടെ പ​ട്ടി​ക​യി​ൽനി​ന്നു വെ​ട്ടി​മാ​റ്റി​യ​തു തെ​റ്റാ​യ സ​ന്ദേ​ശ​മാ​ണു ന​ൽ​കി​യ​ത്. തെ​ര​ഞ്ഞെ​ടു​പ്പി​നു​ള്ള മു​ന്നൊ​രു​ക്ക​ങ്ങ​ളു​ടെ പ​രാ​ജ​യം വ്യ​ക്ത​മാ​ണ്.

പ്രാ​ദേ​ശി​ക വി​ജ​യം

അ​തേ​സ​മ​യം, ജ​ന​കീ​യ പ്ര​ശ്ന​ങ്ങ​ൾ ഉ​യ​ർ​ത്തു​ന്ന​തി​ലും ഭ​ര​ണ​പ​രാ​ജ​യം തു​റ​ന്നു​കാ​ട്ടു​ന്ന​തി​ലും ഹി​മാ​ച​ലി​ലെ കോ​ണ്‍ഗ്ര​സു​കാ​ർ​ക്കു ക​ഴി​ഞ്ഞു. ജ​ന​ക്ഷേ​മ, വി​ക​സ​ന വാ​ഗ്ദാ​ന​ങ്ങ​ളു​ടെ പ്ര​ക​ട​നപ​ത്രി​ക​യും ഇ​തി​നാ​യു​ള്ള പ്ര​ചാ​ര​ണ​വും ഫ​ലം ക​ണ്ടു. പ​ഴ​യ പെ​ൻ​ഷ​ൻ സ്കീ​മും സ്ത്രീ​ക​ൾ​ക്കുള്ള സ​ഹാ​യപ​ദ്ധ​തി​യും മു​ത​ൽ തൊ​ഴി​ൽ ന​ൽ​കാ​നു​ള്ള പ​ദ്ധ​തി​ക​ൾ വ​രെ വോ​ട്ട​ർ​മാ​രെ ആ​ക​ർ​ഷി​ച്ചു.

ആ​പ്പി​ളി​ന്‍റെ സം​സ്ഥാ​ന​മാ​യ ഹി​മാ​ച​ലി​ൽ ക​ർ​ഷ​ക​ർ​ക്ക് പ്ര​തീ​ക്ഷ ന​ൽ​കാ​ൻ കോ​ണ്‍ഗ്ര​സി​നാ​യ​താ​ണ് ആ​പ്പി​ൾ കാ​ർ​ഷി​കമേ​ഖ​ല​യി​ൽ ഒ​ന്പ​തി​ൽ എ​ട്ടു സീ​റ്റി​ലും കോ​ണ്‍ഗ്ര​സി​നു വി​ജ​യം സ​മ്മാ​നി​ച്ച​ത്. സം​സ്ഥാ​ന നേ​താ​ക്ക​ൾ ഭി​ന്ന​ത​ക​ൾ മ​റ​ന്ന് വി​ജ​യ​ത്തി​നാ​യി ക​ഠി​നാ​ധ്വാ​നം ചെ​യ്ത​തും ഹൈ​ക്ക​മാ​ൻ​ഡ് കാ​ര്യ​മാ​യി ഇ​ട​പെ​ട്ടു കു​ള​മാ​ക്കാ​തി​രു​ന്ന​തും ഗു​ണം ചെ​യ്തു.

ഗു​ജ​റാ​ത്ത്

ഗു​ജ​റാ​ത്തി​ൽ ഭൂ​രി​പ​ക്ഷ വോ​ട്ടു​ക​ളു​ടെ ധ്രുവീ​ക​ര​ണം നേ​ര​ത്തേ ഉ​റ​പ്പാ​ക്കി​യ നി​ല​യ്ക്ക് ഇ​ത്ത​വ​ണ വ​ർ​ഗീ​യ​ത​യേ​ക്കാ​ളേ​റെ വൈ​കാ​രി​ക​ത​യാ​യി​രു​ന്നു മോ​ദി​യു​ടെ തു​റ​പ്പു​ചീ​ട്ട്. തെ​ര​ഞ്ഞെ​ടു​പ്പി​നു മു​ന്പാ​യി കോ​ടി​ക്ക​ണ​ക്കി​നു രൂ​പ​യു​ടെ വി​ക​സ​ന പ​ദ്ധ​തി​ക​ൾ പ്ര​ധാ​ന​മ​ന്ത്രി പ്ര​ഖ്യാ​പി​ച്ച​തും കേ​ന്ദ്ര​മ​ന്ത്രി​മാ​രെ ഓ​രോ മേ​ഖ​ല​യി​ലും അ​യ​ച്ചു ന​ട​ത്തി​യ വി​പു​ല​മാ​യ പ്ര​ചാ​ര​ണ ത​ന്ത്ര​വു​മെ​ല്ലാം ബി​ജെ​പി ജ​യ​ത്തി​ന്‍റെ വ്യാ​പ്തി കൂ​ട്ടി.

തൊ​ഴി​ലി​ല്ലാ​യ്മ, വി​ല​ക്ക​യ​റ്റം, ക​ർ​ഷ​ക​രു​ടെ​യും ചെ​റു​കി​ട വ്യ​വ​സാ​യി​ക​ളു​ടെ​യും പ്ര​തി​സ​ന്ധി​- ഇവയിൽനി​ന്നെല്ലാം ശ്ര​ദ്ധ​തി​രി​ക്കാ​നും ബി​ജെ​പി​ക്കു ക​ഴി​ഞ്ഞു. കോ​ണ്‍ഗ്ര​സ് അ​ധ്യ​ക്ഷ​ൻ മ​ല്ലി​കാ​ർ​ജു​ൻ ഖാ​ർ​ഗെ​യു​ടെ രാ​വ​ണ​ൻ പ​രാ​മ​ർ​ശ​ത്തെ പൊ​ക്കി​പ്പി​ടി​ച്ച് മോ​ദി അ​തും ത​നി​ക്ക​നു​കൂ​ല​മാ​ക്കി മാ​റ്റി.

ബി​ജെ​പി​യു​ടെ പോ​ലും പ്ര​തീ​ക്ഷ​ക​ളെ ക​ട​ത്തി​വെ​ട്ടി​യ ച​രി​ത്ര​വി​ജ​യ​ത്തി​നു പ​ക്ഷേ, മോ​ദി​യും അ​മി​ത് ഷാ​യും രാ​ഹു​ൽ ഗാ​ന്ധി​ക്കും അ​ര​വി​ന്ദ് കേ​ജ​രി​വാ​ളി​നും കൂ​ടി ന​ന്ദി പ​റ​യു​ന്നു​ണ്ടാ​കും. എ​എ​പി​യു​ടെ കാ​ടി​ള​ക്കി​യു​ള്ള പ്ര​ചാ​ര​ണ​ത്തി​ലൂ​ടെ ബി​ജെ​പി വി​രു​ദ്ധ വോ​ട്ടു​ക​ൾ ഭി​ന്നി​പ്പി​ച്ച​താ​കും ബി​ജെ​പി പോ​ലും സ്വ​പ്നം ക​ണ്ട​തി​ലേ​റെ വ​ലി​യ വി​ജ​യ​ത്തി​നു വ​ഴി​തെ​ളി​ച്ച​ത്.

സം​ഘ​ട​നാ ദൗ​ർ​ബ​ല്യ​ങ്ങ​ളും പ്ര​ചാ​ര​ണ​ത്തി​ലെ കു​റ​വും ജ​ന​കീ​യ, വി​ക​സ​ന പ്ര​ശ്ന​ങ്ങ​ളും സ​ർ​ക്കാ​രി​ന്‍റെ വീ​ഴ്ച​ക​ളും ഉ​യ​ർ​ത്തു​ന്ന​തി​ലെ പ​രാ​ജ​യ​വും കോ​ണ്‍ഗ്ര​സി​നു ച​രി​ത്ര​ത്തി​ലെ ഏ​റ്റ​വും നാ​ണം​കെ​ട്ട തോ​ൽ​വി​ക്കു കാ​ര​ണ​മാ​യി. തെ​ര​ഞ്ഞെ​ടു​പ്പു യു​ദ്ധം ജ​യി​ക്കാ​ൻ വേ​ണ്ട​തൊ​ന്നും ചെ​യ്യാ​തെ രാ​ഹു​ലി​ന്‍റെ ഭാ​ര​ത് ജോ​ഡോ യാ​ത്ര​യി​ലേ​ക്കു മാ​ത്രം ശ്ര​ദ്ധ​യൂ​ന്നി​യ കോ​ണ്‍ഗ്ര​സ് ദേ​ശീ​യ നേ​തൃ​ത്വ​ത്തി​ന്‍റെ പ​രാ​ജ​യംകൂ​ടി​യാ​ണ് ഗു​ജ​റാ​ത്തി​ലേ​ത്.

വി​ക​സ​ന പ്ര​ശ്ന​ങ്ങ​ളേ​ക്കാ​ളും ക​റ​ൻ​സി നോ​ട്ടു​ക​ളി​ൽ ഹി​ന്ദു ദൈ​വ​ങ്ങ​ളു​ടെ ചി​ത്രം വേ​ണ​മെ​ന്നാ​വ​ശ്യ​പ്പെ​ട്ടു ഭൂ​രി​പ​ക്ഷ വ​ർ​ഗീ​യ​ത​യി​ലൂ​ന്നി ബി​ജെ​പി​യെ മ​റി​ക​ട​ക്കാ​മെ​ന്ന കേ​ജ​രി​വാ​ളി​ന്‍റെ അ​തി​മോ​ഹ​ത്തി​നും ര​ണ്ടു സം​സ്ഥാ​ന​ങ്ങ​ളി​ലും തി​രി​ച്ച​ടി ന​ൽ​കാ​ൻ വോ​ട്ട​ർ​മാ​ർ മ​ടി​ച്ചി​ല്ല. ഗു​ജ​റാ​ത്തി​ൽ അ​ര​ങ്ങേ​റ്റം ന​ട​ത്തി​യ​തി​ലും ദേ​ശീ​യ പാ​ർ​ട്ടി​യാ​യ​തി​ലും എ​എ​പി​ക്ക് അ​ഭി​മാ​നി​ക്കാം. ന​ഷ്ട​പ്പെ​ടാ​ൻ ഒ​ന്നു​മി​ല്ലാ​ത്ത പാ​ർ​ട്ടി​ക്ക് കി​ട്ടി​യ​തെ​ല്ലാം നേ​ട്ട​മാ​യി.

ഹി​മാ​ച​ൽ പ്ര​ദേ​ശ്

അ​ഞ്ചു വ​ർ​ഷം തോ​റും ഭ​ര​ണം മാ​റു​ന്ന ഹി​മാ​ച​ലി​ൽ ബി​ജെ​പി​യി​ലെ ത​മ്മി​ല​ടി​ക​ളും ഭ​ര​ണ​വി​രു​ദ്ധ വി​കാ​ര​വും മു​ഖ്യ​മ​ന്ത്രി ജ​യ്റാം ഠാ​ക്കൂ​റി​ന്‍റെ ബ​ല​ഹീ​ന​ത​ക​ളും കോ​ണ്‍ഗ്ര​സി​നെ തു​ണ​ച്ചു. ഒ​പ്പം പ്രാ​ദേ​ശി​ക, ജ​ന​കീ​യ പ്ര​ശ്ന​ങ്ങ​ളി​ൽ കേ​ന്ദ്രീ​ക​രി​ച്ചു​ള്ള കോ​ണ്‍ഗ്ര​സി​ന്‍റെ ത​ന്ത്ര​ങ്ങ​ളി​ൽ ബി​ജെ​പി​ക്കു കാ​ലി​ട​റി. സ്വ​ന്തം മ​ണ്ഡ​ല​ത്തി​ൽ മു​ഖ്യ​മ​ന്ത്രി ജ​യ് റാം ​മി​ക​ച്ച മാ​ർ​ജി​നി​ൽ വി​ജ​യി​ച്ചു. അ​ദ്ദേ​ഹ​ത്തി​ന് 76% വോ​ട്ടു​ക​ളും ല​ഭി​ച്ചു. പ​ക്ഷേ മു​ഖ്യ​മ​ന്ത്രി​യു​ടെ പ്ര​വ​ർ​ത്ത​നശൈ​ലി മ​ല​യോ​ര സം​സ്ഥാ​ന​ത്ത് ബി​ജെ​പി​ക്കു തി​രി​ച്ച​ടി​യാ​യി.

മി​ത​വാ​ദി​യാ​യ ഠാ​ക്കൂ​റി​നെ പാ​ർ​ട്ടി ദേ​ശീ​യ അ​ധ്യ​ക്ഷ​ൻ ജെ.പി. ന​ദ്ദയു​ടെ ആ​ളാ​യാ​ണു ക​ണ്ട​ത്. ന​ദ്ദ ക്യാ​ന്പും പ്രേം​കു​മാ​ർ ധു​മാ​ലു​മാ​യി അ​ടു​പ്പ​മു​ള്ള​വ​രു​ടെ ക്യാ​ന്പും ത​മ്മി​ലു​ള്ള ത​ർ​ക്കം ചെ​റി​യ ദോ​ഷ​മ​ല്ല വ​രു​ത്തി​യ​ത്. ബി​ജെ​പി നേ​താ​ക്ക​ൾ​ക്കി​ട​യി​ലെ ഗ്രൂ​പ്പ് പോ​രു​ക​ളും റി​ബ​ലു​ക​ളും ബി​ജെ​പി ദേ​ശീ​യ അ​ധ്യ​ക്ഷ​ൻ ജെ.​പി. ന​ദ്ദയു​ടെ ത​ട്ട​ക​ത്തി​ൽ പ്ര​ധാ​ന​മ​ന്ത്രി മോ​ദി​യു​ടെ സ്വ​പ്ന​ങ്ങ​ൾ​ക്കുകൂ​ടി വി​ന​യാ​യി. ഡ​ബി​ൾ എ​ൻ​ജി​ൻ ഭ​ര​ണ​മെ​ന്ന മോ​ദി​യു​ടെ പ​തി​വു വേ​ല​യും ഹി​മാ​ച​ലി​ൽ ചെ​ല​വാ​യി​ല്ല. മോ​ദി മാ​ജി​ക് എ​ന്ന മോ​ദി​യു​ടെ പ്ര​തി​ച്ഛാ​യ​യി​ൽ ഉൗ​ന്നി​യു​ള്ള പ്ര​ചാ​ര​ണ​വും ഹി​മാ​ച​ലി​ൽ ക്ല​ച്ചു പി​ടി​ച്ചി​ല്ല.

എ​ന്താ​ണ് ചൂ​ണ്ടു​പ​ല​ക?

ബി​ജെ​പി അ​ട​ക്കം ഒ​രു പാ​ർ​ട്ടി​യും അ​പ്ര​തി​രോ​ധ്യ​മ​ല്ല. ശ​ക്ത​മാ​യ പ്ര​തി​പ​ക്ഷം ഉ​ള്ള സം​സ്ഥാ​ന​ങ്ങ​ളി​ൽ മോ​ദി​യും ബി​ജെ​പി​യും പ​രാ​ജ​യം നു​ണ​യു​ന്ന​തു പ​തി​വാ​യ​തു പ്ര​തി​പ​ക്ഷ​ത്തി​നാ​കെ പ്ര​തീ​ക്ഷ​യാ​ണ്. ബം​ഗാ​ൾ മു​ത​ൽ കേ​ര​ളം വ​രെ നി​ര​വ​ധി ഉ​ദാ​ഹ​ര​ങ്ങ​ളു​ണ്ട്. ത​മി​ഴ്നാ​ട്ടി​ലും ആ​ന്ധ്ര​യി​ലും തെ​ലു​ങ്കാ​ന​യി​ലും ഒ​ഡീ​ഷ​യി​ലും പ​ഞ്ചാ​ബി​ലും ഡ​ൽ​ഹി​യി​ലും ഛത്തീ​സ്ഗ​ഡി​ലും ജാ​ർ​ഖ​ണ്ഡി​ലും രാ​ജ​സ്ഥാ​നി​ലും ബി​ജെ​പി തോ​റ്റ​തു ചെ​റി​യ ഭൂ​രി​പ​ക്ഷ​ത്തി​ന​ല്ല.

ക​ർ​ണാ​ട​ക, മ​ധ്യ​പ്ര​ദേ​ശ്, മ​ഹാ​രാ​ഷ്ട്ര, ഉ​ത്ത​രാ​ഖ​ണ്ഡ്, ഗോ​വ എ​ന്നി​വ മു​ത​ൽ പ​ല വ​ട​ക്കു കി​ഴ​ക്ക​ൻ സം​സ്ഥാ​ന​ങ്ങി​ലും ബി​ജെ​പി​ക്കു ഭൂ​രി​പ​ക്ഷം ത​ട്ടി​ക്കൂ​ട്ടി​യ​തും കു​തി​ര​ക്ക​ച്ച​വ​ട​ത്തി​ലൂ​ടെ ജ​ന​വി​ധി അ​ട്ടി​മ​റി​ച്ച​തും പ​ല​രും ഓ​ർ​ക്കാ​തി​രി​ക്കി​ല്ല. ശ​ക്ത​മാ​യ പ്ര​തി​പ​ക്ഷം ഉ​ണ്ടെ​ങ്കി​ൽ ബി​ജെ​പി​യു​ടെ തേ​രോ​ട്ടം എ​ളു​പ്പ​മാ​കി​ല്ല. പ്ര​തി​പ​ക്ഷ​ത്തി​ന്‍റെ ദൗ​ർ​ബ​ല്യ​ങ്ങ​ളാ​ണ് ബി​ജെ​പി​യു​ടെ പ്ര​തീ​ക്ഷ.