ലോ​ക്സ​ഭ​യി​ൽ​നി​ന്ന് രാ​ഹു​ലി​നെ അ​യോ​ഗ്യ​നാ​ക്കി​യ അ​നാ​വ​ശ്യ തി​ടു​ക്ക​വും രീ​തി​യും രാ​ഹു​ലി​നാ​കും ഗു​ണം ചെ​യ്യു​ക. അ​ഞ്ചു മാ​സം നീ​ണ്ട ഭാ​ര​ത് ജോ​ഡോ പ​ദ​യാ​ത്ര​യി​ലൂ​ടെ പ്ര​തി​ച്ഛാ​യ മെ​ച്ച​പ്പെ​ടു​ത്തി​യ രാ​ഹു​ലി​ന്‍റെ ശ​ബ്ദം കൂ​ടു​ത​ൽ ഉ​റ​ക്കെ കേ​ൾ​ക്കാ​നേ പു​തി​യ സം​ഭ​വം കാ​ര​ണമാ​കൂ; ജോര്‍ജ്ജ് കള്ളിവയലില്‍ എഴുതുന്നു

രാ​ഹു​ൽ​ ഗാ​ന്ധി​യെ ഇ​ന്ത്യ​ൻ രാ​ഷ്‌ട്രീ​യ​ത്തി​ലെ വ​ൻ താ​ര​മാ​ക്കി​യേ അ​ട​ങ്ങൂ എ​ന്ന വാ​ശി​യി​ലാ​ണ് ബി​ജെ​പി​യും സം​ഘപ​രി​വാ​ർ സം​ഘ​ട​ന​ക​ളും. ലോ​ക്സ​ഭ​യി​ൽ​നി​ന്ന് രാ​ഹു​ലി​നെ അ​യോ​ഗ്യ​നാ​ക്കി​യ അ​നാ​വ​ശ്യ തി​ടു​ക്ക​വും രീ​തി​യും രാ​ഹു​ലി​നാ​കും ഗു​ണം ചെ​യ്യു​ക. അ​ഞ്ചു മാ​സം നീ​ണ്ട ഭാ​ര​ത് ജോ​ഡോ പ​ദ​യാ​ത്ര​യി​ലൂ​ടെ പ്ര​തി​ച്ഛാ​യ മെ​ച്ച​പ്പെ​ടു​ത്തി​യ രാ​ഹു​ലി​ന്‍റെ ശ​ബ്ദം കൂ​ടു​ത​ൽ ഉ​റ​ക്കെ കേ​ൾ​ക്കാ​നേ പു​തി​യ സം​ഭ​വം കാ​ര​ണമാ​കൂ.

കൂ​ടു​ത​ൽ ധീ​ര​നും ജ​ന​ഹി​ത​മ​റി​ഞ്ഞ് പോ​രാ​ടു​ന്ന​വ​നു​മാ​യി രാ​ഹു​ലി​ന്‍റെ പ്ര​തി​ച്ഛാ​യ മാ​റി​ക്ക​ഴി​ഞ്ഞു. കേ​ന്ദ്രസ​ർ​ക്കാ​രും ബി​ജെ​പി​യും വ​ള​ഞ്ഞി​ട്ട് ആ​ക്ര​മി​ക്കു​ന്പോ​ൾ സാ​ധാ​ര​ണ​ക്കാ​ർ​ക്കി​ട​യി​ൽ രാ​ഹു​ലി​ന് അ​നു​കൂ​ല​മാ​യ സ​ഹ​താ​പ​ത​രം​ഗം രൂ​പ​പ്പെ​ട്ടേ​ക്കും. രാ​ഹു​ൽ​ ഗാ​ന്ധി​യെ എം​പി സ്ഥാ​ന​ത്തു​നി​ന്ന് അ​യോ​ഗ്യ​നാ​ക്കി​യ​തു ജ​നാ​ധി​പ​ത്യ​ത്തി​ന് ഭൂ​ഷ​ണ​മ​ല്ല. വ​യ​നാ​ട്ടി​ലെ ജ​ന​വി​ധി അ​ട്ടി​മ​റി​ക്ക​പ്പെ​ട്ട​ത് അ​പ​ക​ട​ക​ര​മാ​കും. വ​ൻ അ​ഴി​മ​തി​ക്കാ​രും കൊ​ല​പാ​ത​കി​ക​ളും വ​ർ​ഗീ​യ ക​ലാ​പ​ത്തി​ന് ഉ​ത്ത​ര​വാ​ദി​ക​ളു​മാ​യ​വ​ർ സ്വ​ത​ന്ത്ര​മാ​യി വി​ല​സു​ന്പോ​ഴാ​ണ് ഒ​രു പ​രാ​മ​ർ​ശ​ത്തെ വ്യാ​ഖ്യാ​നം ചെ​യ്തു രാ​ഹു​ലി​ന്‍റെ ലോ​ക്സ​ഭാം​ഗ​ത്വം റ​ദ്ദാ​ക്കി​യ​ത്!

അ​നാ​വ​ശ്യ തി​ടു​ക്കം

ലോ​ക്സ​ഭാം​ഗ​ത്വ​ത്തി​ൽ​നി​ന്ന് രാ​ഹു​ലി​നെ അ​യോ​ഗ്യ​നാ​ക്കി​ക്കൊ​ണ്ടു ലോ​ക്സ​ഭാ സെ​ക്ര​ട്ടേ​റി​യ​റ്റ് ഇ​ന്ന​ലെ വി​ജ്ഞാ​പ​നം ഇ​റ​ക്കി​യ​തി​ലെ അ​നാ​വ​ശ്യ തി​ടു​ക്കം ശ​രി​യ​ല്ല. പ്ര​ധാ​ന​മ​ന്ത്രി ന​രേ​ന്ദ്ര​ മോ​ദി പ​തി​വി​ല്ലാ​തെ ലോ​ക്സ​ഭാ സ്പീ​ക്ക​ർ ഓം ​ബി​ർ​ല​യെ വ്യാ​ഴാ​ഴ്ച വൈ​കു​ന്നേ​രം ആ​റി​നു​ശേ​ഷം സ്പീ​ക്ക​റു​ടെ മു​റി​യി​ൽ ചെ​ന്നു​ക​ണ്ട​തു വെ​റു​തേ​യാ​യി​ല്ല. സൂ​റ​ത്തിലെ മ​ജി​സ്ട്രേ​റ്റ് കോ​ട​തി വി​ധി പ്ര​ഖ്യാ​പി​ച്ചു മ​ണി​ക്കൂ​റു​ക​ൾ​ക്ക​ക​മാ​ണ് മു​തി​ർ​ന്ന മ​ന്ത്രി​മാ​രെ​യും കൂ​ട്ടി മോ​ദി സ്പീ​ക്ക​റു​ടെ ചേം​ബ​റി​ൽ ചെ​ന്ന​ത്. ആ ​ച​ർ​ച്ച​യു​ടെ ല​ക്ഷ്യം ഇ​ന്ന​ല​ത്തെ ഉ​ത്ത​ര​വി​ലൂ​ടെ വ്യ​ക്ത​മാ​യി.

പ്ര​തി​രോ​ധ​മ​ന്ത്രി രാ​ജ്നാ​ഥ് സിം​ഗ്, പാ​ർ​ല​മെ​ന്‍റ​റി​കാ​ര്യ മ​ന്ത്രി പ്ര​ഹ്ലാ​ദ് ജോ​ഷി, നി​യ​മ​മ​ന്ത്രി കി​ര​ണ്‍ റി​ജിജു എ​ന്നി​വ​രെ​യും കൂ​ട്ടി പ്ര​ധാ​ന​മ​ന്ത്രി സ്പീ​ക്ക​റെ ക​ണ്ട​പ്പോ​ൾ​ത്ത​ന്നെ രാ​ഹു​ലി​ന്‍റെ കാ​ര്യ​ത്തി​ൽ തീ​രു​മാ​ന​മാ​യെ​ന്ന് ആ​രോ​പി​ച്ചാ​ൽ കു​റ്റ​പ്പെ​ടു​ത്താ​നാ​കി​ല്ല. ശി​ക്ഷ വി​ധി​ച്ച കോ​ട​തി പോ​ലും അ​പ്പീ​ലി​നാ​യി 30 ദി​വ​സ​ത്തേ​ക്കു വി​ധി മ​ര​വി​പ്പി​ച്ച​തു ക​ണ​ക്കി​ലെ​ടു​ക്കാ​ൻ ത​യാ​റാ​യി​ല്ല. സ്വാ​ഭാ​വി​ക നി​യ​മ​ന​ട​പ​ടി​യെ​ന്നു ബി​ജെ​പി എ​ത്ര തൊ​ടു​ന്യാ​യം പ​റ​ഞ്ഞാ​ലും സാ​ധാ​ര​ണ​ക്കാ​ർ പോ​ലും വി​ശ്വ​സി​ക്കാ​നി​ട​യി​ല്ല.

വ​ള​ഞ്ഞ വ​ഴി​ക​ൾ

രാ​ജ്യ​ത്തെ ഏ​റ്റ​വും പ്ര​ധാ​ന പ്ര​തി​പ​ക്ഷ നേ​താ​വും അ​ദാ​നി, റ​ഫാ​ൽ അ​ട​ക്കം മോ​ദി​ക്കെ​തി​രേ ആ​രോ​പ​ണം ശ​ക്ത​മാ​യി ഉ​ന്ന​യി​ക്കു​ക​യും ചെ​യ്ത രാ​ഹു​ലി​നെ നി​ശ​ബ്ദ​നാ​ക്കാ​നു​ള്ള വ​ള​ഞ്ഞ വ​ഴി​ക​ളോ​ടു മാ​ന്യ​ന്മാ​ർ യോ​ജി​ക്കി​ല്ല. പ്ര​തി​പ​ക്ഷ​ത്തെ നി​ശ​ബ്ദ​മാ​ക്കാ​നും ജ​ന​വി​ധി​യെ അ​ട്ടി​മ​റി​ക്കാ​നു​മു​ള്ള വ​ഴി​വി​ട്ട ശ്ര​മ​ങ്ങ​ൾ ന​ല്ല​തി​ന​ല്ല. സാ​ങ്കേ​തി​ക​ത്വ​ത്തി​ന്‍റെ മ​റ​പി​ടി​ച്ച് തെ​ര​ഞ്ഞെ​ടു​ക്ക​പ്പെ​ട്ട ജ​ന​പ്ര​തി​നി​ധി​യെ ജ​നാ​ധി​പ​ത്യ​ത്തി​ന്‍റെ ശ്രീ​കോ​വി​ലി​ൽ​നി​ന്നു പു​റ​ത്താ​ക്കാ​ൻ ശ്ര​മി​ക്കു​ന്ന​തി​ൽ ആ​പ​ത്തു​ണ്ട്. ഉ​ന്ന​ത​കോ​ട​തി​ക​ളി​ലെ അ​പ്പീ​ലി​നു കാ​ത്തു​നി​ൽ​ക്കാ​തെ തെ​ര​ഞ്ഞെ​ടു​ക്ക​പ്പെ​ട്ട ജ​ന​പ്ര​തി​നി​ധി​യെ പു​റ​ത്താ​ക്കാ​മെ​ന്ന നി​ല അ​പ​ക​ട​ക​ര​മാ​ണ്.

വി​ധി​യി​ലും പി​ഴ​വ്

ഗു​ജ​റാ​ത്തി​ലെ സൂ​റ​ത്ത് സി​ജെ​എം കോ​ട​തി വി​ധി​യി​ൽ അ​പാ​ക​ത​ക​ളും പി​ഴ​വു​ക​ളു​മു​ണ്ട്. ക​ർ​ണാ​ട​ക​യി​ലെ കോ​ലാ​റി​ൽ 2019 ഏ​പ്രി​ൽ 13ന് ​ന​ട​ത്തി​യ തെ​ര​ഞ്ഞെ​ടു​പ്പു പ്ര​സം​ഗ​ത്തി​ന്‍റെ പേ​രി​ലാ​ണു ന​ട​പ​ടി! ന​ട​പ​ടി​ക്ര​മ​ങ്ങ​ൾ പാ​ലി​ക്കാ​തെ​യാ​ണ് അ​ധി​കാ​ര​പ​രി​ധി​ക്കു പു​റ​ത്തു​ള്ള കോ​ട​തി ഇ​ട​പെ​ട​ലെ​ന്നാ​ണ് ആ​രോ​പ​ണം.

വ്യ​ക്തി​പ​ര​മ​ല്ലാ​ത്ത വി​ശാ​ല പ​രാ​മ​ർ​ശം ക്രി​മി​ന​ൽ മാ​ന​ന​ഷ്ട​ത്തി​ന്‍റെ പ​രി​ധി​യി​ൽ വ​രാ​നി​ട​യി​ല്ല. ല​ക്ഷ്യ​മി​ട്ട വ്യ​ക്തിയായി​രി​ക്ക​ണം പ​രാ​തി​ക്കാ​ര​ൻ എ​ന്ന​തു മാ​ന​ന​ഷ്ട നി​യ​മ​ത്തി​ന്‍റെ ആ​ദ്യത​ത്വ​മാ​ണ്. രാ​ഹു​ലി​ന്‍റെ പ്ര​സം​ഗ​ത്തി​ൽ ല​ക്ഷ്യം വ​ച്ച ന​രേ​ന്ദ്ര മോ​ദി, നീ​ര​വ് മോ​ദി, ല​ളി​ത് മോ​ദി എ​ന്നി​വ​ർ പ​രാ​തി ന​ൽ​കി​യി​ട്ടേ​യി​ല്ല. നി​യ​മ​ത്തി​ൽ ഒ​രു വ്യ​ക്തി​ക്കെ​തി​രേ പ്ര​ത്യേ​കം അ​പ​കീ​ർ​ത്തി​ക​ര​മാ​യ ആ​രോ​പ​ണം ആ​വ​ശ്യ​മാ​ണ്.

പൊ​തു​വാ​യ ആ​രോ​പ​ണം ഈ ​നി​ർ​വ​ച​ന​ത്തി​ൽ വ​രി​ല്ല. വി​ല​ക്ക​യ​റ്റ​ത്തെ​ക്കു​റി​ച്ചു പ​റ​യു​ന്ന​തി​നി​ട​യി​ലെ ചെ​റി​യൊ​രു ഭാ​ഗ​മാ​ണ് മോ​ദി പ​രാ​മ​ർ​ശം. ‘എ​ല്ലാ ക​ള്ള​ന്മാ​ർ​ക്കും എ​ങ്ങ​നെ മോ​ദി എ​ന്ന പേ​രു​ണ്ടാ​യി’ എ​ന്ന പ​രാ​മ​ർ​ശ​ത്തി​ൽ പ​രാ​തി​ക്കാ​ര​നെ​തി​രേ കൃ​ത്യ​മാ​യ ദു​രു​ദ്ദേ​ശ്യം തെ​ളി​യി​ക്കു​ക പ്ര​യാ​സ​മാ​കും. ക​ള്ള​ന്മാ​ര​ല്ലാ​ത്ത​വ​ർ​ക്കു പ​രാ​തി ഉ​ണ്ടാ​കി​ല്ല.

അ​തി​ലേ​റെ, 2019ൽ ​ഫ​യ​ൽ ചെ​യ്ത പ​രാ​തി നേ​ര​ത്തേ മ​റ്റൊ​രു മ​ജി​സ്ട്രേ​റ്റ് പ​രി​ഗ​ണി​ച്ചി​രു​ന്നു​വെ​ന്നാ​ണ് കോ​ണ്‍ഗ്ര​സ് വ​ക്താ​വും നി​യ​മ​ജ്ഞ​നു​മാ​യ അ​ഭി​ഷേ​ക് സിം​ഗ്വി പ​റ​യു​ന്ന​ത്. ഉ​യ​ർ​ന്ന കോ​ട​തി​യി​ൽ പോ​യി മു​ഴു​വ​ൻ കേ​സും പ​രാ​തി​ക്കാ​ര​ൻ സ്റ്റേ ​ചെ​യ്തു. ഏ​താ​നും ആ​ഴ്ച മു​ന്പു നി​യ​മി​ച്ച ഇ​പ്പോ​ഴ​ത്തെ മ​ജി​സ്ട്രേ​റ്റ് വ​ന്ന​ശേ​ഷ​മാ​ണു ന​ട​പ​ടി​ക​ൾ പു​ന​രു​ജ്ജീ​വി​പ്പി​ച്ചു വി​ധി സ​ന്പാ​ദി​ച്ച​തെ​ന്ന ആ​രോ​പ​ണ​വും ഗു​രു​ത​ര​മാ​ണ്.

പ​ക്ഷ​പാ​ത നീ​തി

മോ​ദി​യെ​ന്ന​ത് സ​ർ​നെ​യിം ആ​യ​തി​നാ​ൽ സ​ർ​നെ​യിം വി​വാ​ദ​ത്തി​ന്‍റെ മ​റു​വ​ശ​വും പ​രി​ശോ​ധി​ക്കേ​ണ്ട​തു​ണ്ട്. നെ​ഹ്റു​വി​ന്‍റെ കൊ​ച്ചു​മ​ക​ൻ നെ​ഹ്റു എ​ന്ന സ​ർ​നെ​യിം ഉ​പ​യോ​ഗി​ക്കു​ന്നി​ല്ലെ​ന്ന് പ്ര​ധാ​ന​മ​ന്ത്രി മോ​ദി ആ​ക്ഷേ​പി​ച്ച​തു പാ​ർ​ല​മെ​ന്‍റി​ലാ​ണ്. ഫി​റോ​സ് ഗാ​ന്ധി​യു​ടെ ഭാ​ര്യ ഇ​ന്ദി​ര​യും മ​ക​ൻ രാ​ജീ​വും കൊ​ച്ചു​മ​ക​ൻ രാ​ഹു​ലും നെ​ഹ്റു​വി​ന്‍റെ സ​ർ​നെ​യിം ഉ​പ​യോ​ഗി​ച്ചാ​ലാ​ണ് അ​പാ​ക​ത​യെ​ന്ന് അ​ദ്ദേ​ഹ​ത്തി​നു പ​റ​ഞ്ഞു​കൊ​ടു​ക്കേ​ണ്ട​തി​ല്ല. ഇ​തി​നെ​തി​രേ സൂ​റ​ത്തി​ലെ കോ​ട​തി​യി​ൽ രാ​ഹു​ൽ അ​പ​കീ​ർ​ത്തിക്കേ​സ് കൊ​ടു​ത്താ​ൽ ഫ​ല​മെ​ന്താ​കു​മെ​ന്ന ചോ​ദ്യം ബാ​ക്കി.

വ​യ​നാ​ട്ടി​ൽ ഉ​ട​ൻ ഉ​പ​തെ​ര​ഞ്ഞെ​ടു​പ്പു പ്ര​ഖ്യാ​പി​ച്ചാ​ലും അ​ദ്ഭു​ത​പ്പെ​ടാ​നി​ല്ല. ല​ക്ഷ​ദ്വീ​പ് എം​പി മു​ഹ​മ്മ​ദ് ഫൈ​സ​ലി​നെ അ​യോ​ഗ്യ​നാ​ക്കി മ​ണി​ക്കൂ​റു​ക​ൾ​ക്ക​കം ഉ​പ​തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ച​തു ഞെ​ട്ടി​ച്ചി​രു​ന്നു. ക​ഴി​ഞ്ഞ ജ​നു​വ​രി 13നാ​ണ് ഫൈ​സ​ലി​നെ കോ​ട​തി അ​യോ​ഗ്യ​നാ​ക്കി​യ​ത്. ജ​നു​വ​രി 14ന് ​ത​ന്നെ ല​ക്ഷ​ദ്വീ​പി​ൽ ഉ​പ​തെ​ര​ഞ്ഞെ​ടു​പ്പ് പ്ര​ഖ്യാ​പി​ച്ചു. എ​ത്ര വേ​ഗ​ത! ആ​റു മാ​സ​ത്തി​ന​കം ഉ​പ​തെ​ര​ഞ്ഞെ​ടു​പ്പു ന​ട​ത്തി​യാ​ൽ മ​തി​യെ​ന്നാ​ണു ച​ട്ടം. ഫെ​ബ്രു​വ​രി 27ന് ​ഉ​പ​തെ​ര​ഞ്ഞെ​ടു​പ്പ് ന​ട​ത്താ​നു​ള്ള തെ​ര​ഞ്ഞെ​ടു​പ്പു ക​മ്മീ​ഷ​ൻ തീ​രു​മാ​നം കേ​ര​ള ഹൈ​ക്കോ​ട​തി വി​ല​ക്കി​യ​തോ​ടെ ക​ള്ള​ക്ക​ളി വെ​ളി​ച്ച​ത്താ​യി.

രാ​ഹു​ൽ​ഗാ​ന്ധി​യെ ലോ​ക്സ​ഭ​യി​ൽ​നി​ന്നു പു​റ​ത്താ​ക്കാ​നു​ള്ള റോ​ക്ക​റ്റ് വേ​ഗ​ത​യും സ​മാ​ന​മാ​ണ്. രാ​ഷ്്‌ട്രീയ പ്ര​തി​യോ​ഗി​ക​ളെ രാ​ഷ്‌ട്രീ​യ​മാ​യി എ​തി​രി​ടു​ക​യും മോ​ദി-​അ​ദാ​നി ബ​ന്ധം സം​ബ​ന്ധി​ച്ച ചോ​ദ്യ​ങ്ങ​ൾ​ക്കു മാ​ന്യ​മാ​യി ഉ​ത്ത​രം ന​ൽ​കു​ക​യും ജെ​പി​സി അ​ന്വേ​ഷ​ണ​ത്തി​നു ത​യാ​റാ​കു​ക​യും ചെ​യ്യാ​തെ​യാ​ണ് പാ​ർ​ല​മെ​ന്‍റി​ലെ രാ​ഹു​ലി​ന്‍റെ ശ​ബ്ദം ഇ​ല്ലാ​യ്മ ചെ​യ്യാ​നു​ള്ള തി​ടു​ക്കം!

മു​ഖം മ​റ​യ്ക്കാ​ൻ

പ​ത്തുല​ക്ഷം കോ​ടി​യി​ലേ​റെ ഡോ​ള​റി​ന്‍റെ ന​ഷ്ടം സം​ഭ​വി​ച്ച അ​ദാ​നി-​ഹി​ൻ​ഡ​ൻ​ബ​ർ​ഗ് പ്ര​ശ്ന​ത്തി​ൽ ജെ​പി​സി അ​ന്വേ​ഷ​ണ​ത്തി​ൽ​നി​ന്നു കേ​ന്ദ്ര​സ​ർ​ക്കാ​രും മോ​ദി​യും ഒ​ളി​ച്ചോ​ടി​യ​തി​ന്‍റെ ല​ക്ഷ്യം ര​ഹ​സ്യ​മാ​കി​ല്ല. അ​ദാ​നി വി​ഷ​യ​ത്തി​ൽ ച​ർ​ച്ച ഒ​ഴി​വാ​ക്കാ​നും ജെ​പി​സി അ​ന്വേ​ഷ​ണം ഒ​ഴി​വാ​ക്കാ​നു​മാ​ണു ലോ​ക്സ​ഭ​യി​ലും രാ​ജ്യ​സ​ഭ​യി​ലും ഭ​ര​ണ​പ​ക്ഷം തു​ട​ർ​ച്ച​യാ​യി ബ​ഹ​ളം കൂ​ട്ടി സ്തം​ഭി​പ്പി​ച്ച​തെ​ന്ന പ്ര​തി​പ​ക്ഷ ആ​രോ​പ​ണം തീ​ർ​ത്തും ത​ള്ളാ​നാ​കി​ല്ല.

ഇം​ഗ്ല​ണ്ടി​ൽ മാ​തൃ​വി​ദ്യാ​ല​യ​മാ​യ കേം​ബ്രിജി​ലെ പ്ര​സം​ഗ​ത്തി​ൽ ഇ​ന്ത്യ​ൻ ജ​നാ​ധി​പ​ത്യം വെ​ല്ലു​വി​ളി നേ​രി​ടു​ന്നു എ​ന്ന രാ​ഹു​ലി​ന്‍റെ പ​രാ​മ​ർ​ശ​ത്തി​ൽ തൂ​ങ്ങി മാ​പ്പു പ​റ​യ​ണ​മെ​ന്ന ആ​വ​ശ്യം ഒ​രു മ​റ​യാ​ണെ​ന്നാ​ണ് ആ​ക്ഷേ​പം. ഇ​ന്ത്യ​യി​ലെ ആ​ഭ്യ​ന്ത​രപ്ര​ശ്ന​ത്തി​ൽ ഒ​രു വി​ദേ​ശ​രാ​ജ്യ​ത്തി​ന്‍റെ​യും ഇ​ട​പെ​ട​ൽ ആ​വ​ശ്യ​മി​ല്ലെ​ന്ന ശ​രി​യാ​യ ഉ​റ​ച്ച നി​ല​പാ​ട് കേം​ബ്രി​ജി​ലെ മ​റു​പ​ടി​ക്കി​ടെ രാ​ഹു​ൽ വ്യ​ക്ത​മാ​ക്കി​യ​താ​ണ്. ചൈ​ന​യി​ല​ട​ക്കം വി​ദേ​ശ​ങ്ങ​ളി​ൽ പോ​യി ന​രേ​ന്ദ്ര​ മോ​ദി ന​ട​ത്തി​യ പ്ര​സം​ഗ​ങ്ങ​ൾ ഇ​തി​ലേ​റെ രാ​ജ്യ​വി​രു​ദ്ധ​മാ​ണെ​ന്നാ​ണ് കോ​ണ്‍ഗ്ര​സി​ന്‍റെ പ​രാ​തി.

നി​യ​മ​ത്തി​ന്‍റെ മ​റ​വി​ൽ

ഇ​ന്ത്യ​ൻ ഭ​ര​ണ​ഘ​ട​ന​യു​ടെ അ​നു​ച്ഛേ​ദം 19 (1) (എ) ​അ​നു​സ​രി​ച്ച് എ​ല്ലാ പൗ​ര​ന്മാ​ർ​ക്കും അ​ഭി​പ്രാ​യ സ്വാ​ത​ന്ത്ര്യ​ത്തി​നും അ​തി​ന്‍റെ പ്ര​ക​ട​ന​ത്തി​നും അ​വ​കാ​ശ​മു​ണ്ട്. ഈ ​ആ​ർ​ട്ടി​ക്കി​ളി​നു പി​ന്നി​ലെ ത​ത്വ​ശാ​സ്ത്രം ഭ​ര​ണ​ഘ​ട​ന​യു​ടെ ആ​മു​ഖ​ത്തി​ലാ​ണ്. സ്വ​ത​ന്ത്ര​ചി​ന്ത, അ​ഭി​പ്രാ​യം, ആ​വി​ഷ്കാ​രം തു​ട​ങ്ങി​യ​വ എ​ല്ലാ പൗ​ര​ന്മാ​ർ​ക്കും സു​ര​ക്ഷി​ത​മാ​ക്കാ​ൻ ഇ​വി​ടെ ദൃ​ഢ​നി​ശ്ച​യം ചെ​യ്യു​ന്നു.

ഏ​തു വി​ഷ​യ​ത്തി​ലും ത​ന്‍റെ അ​ഭി​പ്രാ​യ​ങ്ങ​ളും വീ​ക്ഷ​ണ​ങ്ങ​ളും ഏ​തു മാ​ധ്യ​മ​ത്തി​ലൂ​ടെ​യും പ്ര​ക​ടി​പ്പി​ക്കാ​ൻ എ​ല്ലാ​വ​ർ​ക്കും അ​വ​കാ​ശ​മു​ണ്ട്. വാ​ക്കു​ക​ൾ, എ​ഴു​ത്ത്, അ​ച്ച​ടി, ടെ​ലി​വി​ഷ​ൻ, ചി​ത്ര​ങ്ങ​ൾ, സി​നി​മ, ഡോ​ക്യു​മെ​ന്‍റ​റി, പോ​സ്റ്റ​റു​ക​ൾ തു​ട​ങ്ങി​യ​വ​യെ​ല്ലാം ഇ​തി​ലു​ണ്ടെ​ന്നു കോ​ട​തി​ക​ൾ വി​ശ​ദീ​ക​രി​ച്ചി​ട്ടു​ണ്ട്. അ​ഭി​പ്രാ​യ, ആ​വി​ഷ്കാ​ര സ്വാ​ത​ന്ത്ര്യ​ത്തി​നു​ള്ള മൗ​ലി​കാ​വ​കാ​ശം ഉ​റ​പ്പു​ന​ൽ​കാ​ൻ ഭ​ര​ണ​കൂ​ടം പ​രാ​ജ​യ​പ്പെ​ടു​ന്ന​ത് ആ​ർ​ട്ടി​ക്കി​ൾ 19(1)(എ)​യു​ടെ ലം​ഘ​ന​മാ​ണ്.

ഭ​ര​ണ​ഘ​ട​ന​യു​ടെ അ​നു​ച്ഛേ​ദം 19 (2) പ്ര​കാ​രം ചു​മ​ത്തു​ന്ന ചി​ല നി​യ​ന്ത്ര​ണ​ങ്ങ​ൾ​ക്കു വി​ധേ​യ​മാ​ണി​ത്. ഇ​ന്ത്യ​യു​ടെ പ​ര​മാ​ധി​കാ​രം, അ​ഖ​ണ്ഡ​ത, സു​ര​ക്ഷ, വി​ദേ​ശ​രാ​ജ്യ​ങ്ങ​ളു​മാ​യു​ള്ള ബ​ന്ധം, പൊ​തു​ക്ര​മം, മ​ര്യാ​ദ, ധാ​ർ​മി​ക​ത, കോ​ട​തി​യ​ല​ക്ഷ്യം എ​ന്നി​വ​യി​ൽ ന്യാ​യ​മാ​യ നി​യ​ന്ത്ര​ണ​ങ്ങ​ൾ ഏ​ർ​പ്പെ​ടു​ത്തു​ന്ന​തി​ന് നി​യ​മ​ങ്ങ​ൾ രൂ​പീ​ക​രി​ക്കാ​ൻ ഇ​തു സ​ർ​ക്കാ​രി​നെ അ​നു​വ​ദി​ക്കു​ന്നു. ഇ​തി​ന്‍റെ മ​റ​വി​ലാ​ണു കാ​ല​ഹ​ര​ണ​പ്പെ​ട്ട അ​പ​കീ​ർ​ത്തിക്കേ​സു​ക​ൾ.

ഒ​റ്റ​ക്കെ​ട്ടാ​യി മ​റി​ക​ട​ക്ക​ണം

രാ​ഹു​ൽ​ഗാ​ന്ധി​യെ ആ​രു ഭ​യ​പ്പെ​ടു​ന്നു? ഉ​ത്ത​രം ക​ണ്ടെ​ത്താ​ൻ പ്ര​യാ​സ​മി​ല്ല. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യും ബി​ജെ​പി​യും മു​ന്പെ​ങ്ങു​മി​ല്ലാ​ത്ത​പോ​ലെ രാ​ഹു​ലി​നെ ഭ​യ​ക്കു​ന്നു. പ്ര​ത്യേ​കി​ച്ച് അ​ദാ​നി- മോ​ദി ബ​ന്ധം തു​റ​ന്നു​കാ​ട്ടി​യ​തു സ​ഹി​ക്കാ​നാ​കി​ല്ല. ഭാ​ര​ത് ജോ​ഡോ യാ​ത്ര​യി​ലൂ​ടെ രാ​ഹു​ൽ നേ​ടി​യ ജ​ന​പി​ന്തു​ണ​യും മെ​ച്ച​പ്പെ​ട്ട പ്ര​തി​ച്ഛാ​യ​യും ഭ​ര​ണ​ക്കാ​രു​ടെ ഉ​റ​ക്കം കെ​ടു​ത്തും. രാ​ഹു​ലി​നെ മാ​ത്ര​മ​ല്ല, എ​തി​ർ​ശ​ബ്ദ​ങ്ങ​ളെ​യെ​ല്ലാം നി​ശ​ബ്ദ​മാ​ക്കാ​ൻ പ​ല വ​ഴി​ക​ളും കേ​ന്ദ്രം തേ​ടു​ന്നു.

സി​ബി​ഐ, ഇ​ഡി, ആ​ദാ​യ​നി​കു​തി അ​ട​ക്ക​മു​ള്ള കേ​ന്ദ്ര ഏ​ജ​ൻ​സി​ക​ളെ പ്ര​തി​പ​ക്ഷ​ത്തി​നെ​തി​രാ​യ ആ​യു​ധ​മാ​യി കേ​ന്ദ്ര​സ​ർ​ക്കാ​ർ ഉ​പ​യോ​ഗി​ക്കു​ക​യാ​ണെ​ന്ന് ചൂ​ണ്ടി​ക്കാ​ട്ടി 14 രാ​ഷ്്‌ട്രീയ പാ​ർ​ട്ടി​ക​ൾ ഇ​ന്ന​ലെ സു​പ്രീം​കോ​ട​തി​യെ സ​മീ​പി​ച്ചി​ട്ടു​ണ്ട്. കോ​ണ്‍ഗ്ര​സ്, ഡി​എം​കെ, ആ​ർ​ജെ​ഡി, ശി​വ​സേ​ന, സി​പി​എം, ജെ​ഡി​യു, എ​ൻ​സി​പി, സി​പി​ഐ, ജെ​എം​എം എ​ന്നി​വ​യ്ക്കു പു​റ​മെ തൃ​ണ​മൂ​ൽ കോ​ണ്‍ഗ്ര​സും സ​മാ​ജ്‌​വാ​ദി പാ​ർ​ട്ടി​യും ഭാ​ര​തീ​യ രാ​ഷ്‌ട്രസ​മി​തി​യും ഹ​ർ​ജി​ക്കാ​രാ​ണ്.

ഭ​ര​ണ​ക്കാ​ർ​ക്ക് ഒ​രു നീ​തി, പ്ര​തി​പ​ക്ഷ​ത്തി​നു മ​റ്റൊ​രു നീ​തി എ​ന്ന​തു തീ​ർ​ത്തും തെ​റ്റാ​ണ്. ജ​നാ​ധി​പ​ത്യ​ത്തി​നും ഭ​ര​ണ​ഘ​ട​ന​യ്ക്കു​മെ​തി​രാ​യ വെ​ല്ലു​വി​ളി​ക​ളെ രാഷ്‌ട്രീ​യ, മ​ത വ്യ​ത്യാ​സ​ങ്ങ​ളി​ല്ലാ​തെ ഒ​ന്നി​ച്ചു നേ​രി​ടേ​ണ്ട​തു​ണ്ട്.