ഔറംഗസേബ് എങ്ങനെയാണ് നമ്മുടെ നേതാവാകുക? നമ്മുടെ രാജാവ് ഒരാൾ മാത്രമാണ്, അത് ഛത്രപതി ശിവജി മഹാരാജ് ആണ്. ഇന്ത്യയിലെ മുസ്ലീങ്ങൾ പോലും ഔറംഗസേബിന്റെ പിൻഗാമികളല്ല. ഔറംഗസേബിന്റെ പിൻഗാമി ആരാണെന്ന് പറയൂ? ദേശീയവാദികളായ മുസ്ലീങ്ങൾ ഔറംഗസേബിനെ നേതാവായി അംഗീകരിക്കുന്നില്ല: ഫഡ്‌നാവിസ്

ഡല്‍ഹി: ഇന്ത്യയിലെ ഒരു മുസ്ലീമും ഔറംഗസേബിന്റെ പിൻഗാമിയല്ലെന്നും രാജ്യത്തെ ദേശീയവാദികളായ മുസ്ലീങ്ങൾ മുഗൾ ചക്രവർത്തിയെ തങ്ങളുടെ നേതാവായി അംഗീകരിക്കുന്നില്ലെന്നും മഹാരാഷ്ട്ര ഉപമുഖ്യമന്ത്രി ദേവേന്ദ്ര ഫഡ്‌നാവിസ് ഞായറാഴ്ച പറഞ്ഞു.

ഔറംഗബാദ് ജില്ലയിൽ ഔറംഗസേബിന്റെ ശവകുടീരം സന്ദർശിച്ചതിന് വഞ്ചിത് ബഹുജൻ അഘാഡി (വിബിഎ) തലവൻ പ്രകാശ് അംബേദ്കറിനെതിരെയും അദ്ദേഹം വിമർശിച്ചു. ശിവസേന (യുബിടി) അധ്യക്ഷൻ ഉദ്ധവ് താക്കറെ ഈ പ്രവൃത്തിയെ അംഗീകരിച്ചോ എന്നും അദ്ദേഹം ചോദിച്ചു. ഈ വർഷം ആദ്യം താക്കറെയും അംബേദ്കറും തമ്മിൽ സഖ്യമുണ്ടാക്കിയിരുന്നു.

ഔറംഗസേബിനെ പ്രകീർത്തിച്ചുകൊണ്ടുള്ള സോഷ്യൽ മീഡിയ പോസ്റ്റുകളുടെ പേരിൽ മഹാരാഷ്ട്രയുടെ ചില ഭാഗങ്ങളിൽ അടുത്തിടെ നടന്ന പ്രതിഷേധങ്ങളുടെയും സംഘർഷങ്ങളുടെയും പശ്ചാത്തലത്തിലാണ് ശനിയാഴ്ച വിബിഎ നേതാവ് ശവകുടീരം സന്ദർശിച്ചത്.

"അകോല, സംഭാജിനഗർ, കോലാപ്പൂർ എന്നിവിടങ്ങളിൽ നടന്നത് യാദൃശ്ചികമല്ല, പക്ഷേ ഇത് ഒരു പരീക്ഷണമാണ്. എങ്ങനെയാണ് ഇത്രയധികം അനുഭാവികൾ സംസ്ഥാനത്ത് ഔറംഗസേബബിന് വന്നത്? നരേന്ദ്ര മോദി സർക്കാരിന്റെ ഒമ്പത് വർഷം തികയുന്നതിന്റെ ഭാഗമായി അകോലയിൽ നടന്ന പൊതു റാലിയിൽ സംസാരിക്കവെയാണ് ഫഡ്‌നാവിസിന്റെ പ്രതികരണം

"ഔറംഗസേബ് എങ്ങനെയാണ് നമ്മുടെ നേതാവാകുക? നമ്മുടെ രാജാവ് ഒരാൾ മാത്രമാണ്, അത് ഛത്രപതി ശിവജി മഹാരാജ് ആണ്. ഇന്ത്യയിലെ മുസ്ലീങ്ങൾ പോലും ഔറംഗസേബിന്റെ പിൻഗാമികളല്ല. ഔറംഗസേബിന്റെ പിൻഗാമി ആരാണെന്ന് പറയൂ?

ഈ രാജ്യത്തെ ദേശീയവാദികളായ മുസ്ലീങ്ങൾ അദ്ദേഹത്തെ അംഗീകരിക്കുന്നില്ലെന്നും അവർ ഛത്രപതി ശിവാജി മഹാരാജിനെ മാത്രമാണ് തങ്ങളുടെ നേതാവായി അംഗീകരിക്കുന്നതെന്നും അദ്ദേഹം കൂട്ടിച്ചേർത്തു. ഔറംഗസേബിന്റെ ശവകുടീരം സന്ദർശിച്ചത്തിലൂടെ അംബേദ്കർ എന്താണ് ലക്ഷ്യമിടുന്നതെന്നും ഫഡ്‌നാവിസ് ചോദിച്ചു.

"അംബേദ്കർ പറയുന്നത് ഔറംഗസേബ് നമ്മുടെ രാജ്യം ഭരിച്ചു എന്നാണ്, ഹിറ്റ്‌ലറും ജർമ്മനി ഭരിച്ചു. പലരും ഹിറ്റ്‌ലറെ ദൈവത്തെപ്പോലെ ബഹുമാനിച്ചിരുന്നു. നിങ്ങളിൽ നിന്ന് ഇത് പ്രതീക്ഷിച്ചിരുന്നില്ല. ഉദ്ധവ് താക്കറെ അംബേദ്കറുമായി സഖ്യമുണ്ടാക്കി. നിങ്ങളും (താക്കറെ) അംബേദ്കറുടെ പ്രവൃത്തി അംഗീകരിക്കുകയാണോ?" അദ്ദേഹം ചോദിച്ചു. സംസ്ഥാനത്ത് സമാധാനം തകർക്കാൻ ശ്രമിക്കുന്നവരെ കർശനമായി നേരിടുമെന്നും ഫഡ്‌നാവിസ് പറഞ്ഞു.