വി​വി​ധ​ങ്ങ​ളാ​യ സം​സ്കാ​ര​ങ്ങ​ൾ, മ​ത​ങ്ങ​ൾ, ഗോ​ത്ര​ങ്ങ​ൾ, ഭാ​ഷ​ക​ൾ എ​ന്നി​വ​യു​ടെ അ​സാ​ധാ​ര​ണ സം​യോ​ജ​ന​മാ​ണ് ഇ​ന്ത്യ. നാ​നാ​ത്വ​ത്തി​ലെ ഏ​ക​ത്വ​മാ​ണ് ഇ​ന്ത്യ​യു​ടെ ശ​ക്തി​യും സൗ​ന്ദ​ര്യ​വും. ജൈ​വ വൈ​വി​ധ്യം പോ​ലെത​ന്നെ മ​നു​ഷ്യ​നും മ​ത​പ​ര​മാ​യ വൈ​വി​ധ്യ​ത്തി​നും സം​ര​ക്ഷ​ണം ആ​വ​ശ്യ​മാ​ണ്. മ​നു​ഷ്യ​ര​ട​ക്കം എ​ല്ലാ ജീ​വ​ജാ​ല​ങ്ങ​ളു​ടെ​യും വൈ​വി​ധ്യം പൂ​ന്തോ​ട്ട​ത്തി​ലെ പൂ​ക്ക​ൾ പോ​ലെ സൗ​ന്ദ​ര്യം ന​ൽ​കും; ജോര്‍ജ്ജ് കള്ളിവയലില്‍ എഴുതുന്നു

നാ​നാ​ത്വ​ത്തി​ലെ ഏ​ക​ത്വ​മാ​യി​രി​ക്കും എ​ന്നും ഇ​ന്ത്യ​യു​ടെ ഏ​ക​ത്വം -​ര​വീ​ന്ദ്ര​നാ​ഥ ടാ​ഗോ​റി​ന്‍റെ വാ​ക്കു​ക​ളാ​ണി​ത്. ദൈ​വം ആ​ഗ്ര​ഹി​ച്ചി​രു​ന്നെ​ങ്കി​ൽ എ​ല്ലാ ഇ​ന്ത്യ​ക്കാ​രും ഒ​രു ഭാ​ഷ​യി​ൽ സം​സാ​രി​ക്കു​മാ​യി​രു​ന്നു​വെ​ന്ന് അ​ദ്ദേ​ഹം ചൂ​ണ്ടി​ക്കാ​ട്ടി. ദൈ​വം ന​മ്മെ വ്യ​ത്യ​സ്ത​രാ​ക്കി​യ​തി​ന് ഒ​രു കാ​ര​ണ​മു​ണ്ട്. നാം ​അ​തി​നെ മാ​നി​ക്ക​ണം.

“നാ​നാ​ത്വ​ത്തി​ൽ ഏ​ക​ത്വ​ത്തി​ലെ​ത്താ​നു​ള്ള ന​മ്മു​ടെ ക​ഴി​വ് ന​മ്മു​ടെ സം​സ്കാ​ര​ത്തി​ന്‍റെ സൗ​ന്ദ​ര്യ​വും പ​രീ​ക്ഷ​ണ​വു​മാ​യി​രി​ക്കു’’മെ​ന്ന് രാ​ഷ്‌​ട്ര​പി​താ​വ് മ​ഹാ​ത്മാ​ഗാ​ന്ധി ഓ​ർ​മി​പ്പി​ക്കു​ന്നു. നാ​നാ​ത്വ​മി​ല്ലാ​തെ ഏ​ക​ത്വം ഉ​ണ്ടാ​കി​ല്ല. ബ​ഹു​സ്വ​ര​ത​യി​ലും സ​ഹി​ഷ്ണു​ത​യി​ലു​മാ​ണ് ഇ​ന്ത്യ​യു​ടെ ആ​ത്മാ​വ് കു​ടി​കൊ​ള്ളു​ന്ന​തെ​ന്നു മു​ൻ രാ​ഷ്‌​ട്ര​പ​തി പ്ര​ണ​ബ് മു​ഖ​ർ​ജി ത​റ​പ്പി​ച്ചുപ​റ​ഞ്ഞി​രു​ന്നു. നൂ​റ്റാ​ണ്ടു​ക​ളാ​യു​ള്ള ആ​ശ​യ​ങ്ങ​ളു​ടെ സ്വാം​ശീ​ക​ര​ണ​ത്തോ​ടെ​യാ​ണ് ഈ ​ബ​ഹു​സ്വ​ര​ത ഉ​ണ്ടാ​യ​ത്. മ​തേ​ത​ര​ത്വ​മാ​ണ് ഇ​ന്ത്യ​ക്കാ​രു​ടെ വി​ശ്വാ​സ​മെ​ന്നും പ്ര​ണ​ബ് ഓ​ർ​മി​പ്പി​ച്ചു.

അ​സാ​ധാ​ര​ണ​മീ സം​യോ​ജ​നം

വി​വി​ധ​ങ്ങ​ളാ​യ സം​സ്കാ​ര​ങ്ങ​ൾ, മ​ത​ങ്ങ​ൾ, ഗോ​ത്ര​ങ്ങ​ൾ, ഭാ​ഷ​ക​ൾ എ​ന്നി​വ​യു​ടെ അ​സാ​ധാ​ര​ണ സം​യോ​ജ​ന​മാ​ണ് ഇ​ന്ത്യ. നാ​നാ​ത്വ​ത്തി​ലെ ഏ​ക​ത്വ​മാ​ണ് ഇ​ന്ത്യ​യു​ടെ ശ​ക്തി​യും സൗ​ന്ദ​ര്യ​വും. ജൈ​വ വൈ​വി​ധ്യം പോ​ലെത​ന്നെ മ​നു​ഷ്യ​നും മ​ത​പ​ര​മാ​യ വൈ​വി​ധ്യ​ത്തി​നും സം​ര​ക്ഷ​ണം ആ​വ​ശ്യ​മാ​ണ്. മ​നു​ഷ്യ​ര​ട​ക്കം എ​ല്ലാ ജീ​വ​ജാ​ല​ങ്ങ​ളു​ടെ​യും വൈ​വി​ധ്യം പൂ​ന്തോ​ട്ട​ത്തി​ലെ പൂ​ക്ക​ൾ പോ​ലെ സൗ​ന്ദ​ര്യം ന​ൽ​കും. പ്ര​കൃ​തി​യി​ലെ വൈ​വി​ധ്യ​ത്തി​ൽ​നി​ന്നാ​ണു മ​നു​ഷ്യ​ർ പാ​ഠ​ങ്ങ​ളും ശ​ക്തി​യും നേ​ടു​ന്ന​ത്.

മ​റ്റൊ​രു രാ​ജ്യ​ത്തും കാ​ണാ​ത്ത വൈ​വി​ധ്യ​മാ​ർ​ന്ന ഭാ​ഷ​ക​ൾ, വ​സ്ത്ര​ങ്ങ​ൾ, ഭ​ക്ഷ​ണ​ങ്ങ​ൾ, മ​ത​ങ്ങ​ൾ, ജാ​തി​ക​ൾ, വി​ശ്വാ​സ​ങ്ങ​ൾ, ആ​ചാ​ര​ങ്ങ​ൾ തു​ട​ങ്ങി​യ​വ​യാ​ണ് ഇ​ന്ത്യ​യു​ടെ വ്യ​ത്യ​സ്ത​ത. ഇ​ൻ​ഡ​സ് വാ​ലി, ഹാ​ര​പ്പ​ൻ തു​ട​ങ്ങി ആ​ധു​നി​ക​ത വ​രെ നി​ര​വ​ധി സം​സ്കാ​ര​ങ്ങ​ളു​ടെ സം​ഗ​മ​ഭൂ​മി​യാ​ണി​ത്. ലോ​ക​ത്തി​ലെ ഏ​താ​ണ്ടെ​ല്ലാ മ​ത​ങ്ങ​ളും രാ​ജ്യ​ത്തു​ണ്ട്. മു​ഗ​ൾ, ബ്രി​ട്ടീ​ഷ് ഭ​ര​ണ​കാ​ലം മു​ത​ൽ സ്വ​ത​ന്ത്ര ജ​നാ​ധി​പ​ത്യ, മ​തേ​ത​ര റി​പ്പ​ബ്ലി​ക് വ​രെ​യു​ള്ള കാ​ല​ത്തി​ന്‍റെ ഒ​ഴു​ക്കി​ലും ഭാ​ര​ത സം​സ്കാ​ര​ത്തി​ന്‍റെ ത​നി​മ​യാ​ണു വൈ​വി​ധ്യ​വും ബ​ഹു​സ്വ​ര​ത​യും നാ​നാ​ത്വ​ത്തി​ലെ ഏ​ക​ത്വ​വും.

ഒ​ന്നു മാ​ത്ര​മ​ല്ല ഒ​ന്നാ​ക​ൽ

ഒ​രു രാ​ഷ്‌​ട്രം, ഒ​രു നി​യ​മം, ഒ​രു തെ​ര​ഞ്ഞെ​ടു​പ്പ്, ഒ​രു നി​കു​തി, ഒ​രു ഭാ​ഷ, ഒ​രു സം​സ്കാ​രം, ഒ​രു മ​തം, ഒ​രു സ്വ​ത്വം എ​ന്നി​വ​യൊ​ക്കെ കേ​ൾ​ക്കാ​ൻ സു​ഖ​മു​ള്ള മു​ദ്രാ​വാ​ക്യ​ങ്ങ​ളാ​ണ്. ഇ​ന്ത്യ​യെ ഹി​ന്ദു രാ​ഷ്‌​ട്ര​മാ​ക്കാ​നു​ള്ള ആ​ർ​എ​സ്എ​സ് അ​ജ​ൻ​ഡ​യു​ടെ മു​ന്നൊ​രു​ക്ക​മാ​ണ് ഇ​വ​യൊ​ക്കെ​യെ​ന്ന​തു സം​ശ​യം മാ​ത്ര​മ​ല്ല. തു​ല്യ​ത​യു​ടെ പേ​രി​ൽ ഭൂ​രി​പ​ക്ഷ​ത്തി​ന്‍റെ അ​ഭി​പ്രാ​യം ദു​ർ​ബ​ല​രു​ടെ​യും ന്യൂ​ന​പ​ക്ഷ​ങ്ങ​ളു​ടെ​യും മേ​ൽ അ​ടി​ച്ചേ​ൽ​പ്പി​ക്കു​ന്ന​ത​ല്ല ജ​നാ​ധി​പ​ത്യം.

ലോ​ക്സ​ഭാ തെ​ര​ഞ്ഞെ​ടു​പ്പി​നു മു​ന്നോ​ടി​യാ​യി രാ​ജ്യ​ത്താ​കെ ഏ​ക വ്യ​ക്തിനി​യ​മം (യൂ​ണി​ഫോം സി​വി​ൽ കോ​ഡ്-യു​സി​സി) ന​ട​പ്പാ​ക്കാ​നു​ള്ള പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ​യും ബി​ജെ​പി​യു​ടെ​യും നീ​ക്കം വി​വാ​ദ​മാ​യ​തു വെ​റു​തെ​യ​ല്ല. ഒ​രു രാ​ജ്യ​മെ​ന്ന നി​ല​യി​ൽ നി​യ​മ​ങ്ങ​ൾ ക​ഴി​യു​ന്ന​ത്ര ഒ​രു​പോ​ലെ​യാ​കു​ന്ന​തി​നെ ആ​രും എ​തി​ർ​ക്കി​ല്ല. ജ​ന​ത​യ്ക്കാ​കെ തു​ല്യ​നീ​തി​യും സ​മ​ത്വ​വും ഉ​റ​പ്പാ​ക്കു​ക പ്ര​ധാ​ന​മാ​ണ്. പ​ക്ഷേ, രാ​ഷ്‌​ട്രീ​യ മു​ത​ലെ​ടു​പ്പി​നാ​യി ജ​ന​ങ്ങ​ളെ ഭി​ന്നി​പ്പി​ച്ചാ​ക​രു​ത് ഇ​ത്ത​രം നീ​ക്ക​ങ്ങ​ളും നി​യ​മ​ങ്ങ​ളും.

ഭൂ​രി​പ​ക്ഷ​വാ​ദ​മ​ല്ല; മ​റി​ച്ച്, നീ​തി​നി​ർ​വ​ഹ​ണ​വും ജ​ന​ത​യു​ടെ ഐ​ക്യ​വു​മാ​ക​ണം ഏ​ക വ്യ​ക്തി​നി​യ​മം. വ്യ​ക്തി​സ്വാ​ത​ന്ത്ര്യം, അ​ന്ത​സ്, സ​മ​ത്വം, നീ​തി എ​ന്നീ ഭ​ര​ണ​ഘ​ട​നാ മൂ​ല്യ​ങ്ങ​ളാ​ൽ ന​യി​ക്ക​പ്പെ​ടു​ന്ന നീ​തി​ന്യാ​യ സ​മൂ​ഹ​ത്തി​ന്‍റെ സൃ​ഷ്‌​ടി​യാ​യി​രി​ക്ക​ണം രാ​ജ്യം. ക​പ​ട ദേ​ശീ​യ​ത​യും ഭൂ​രി​പ​ക്ഷ​ത്തി​ന്‍റെ തീ​രു​മാ​ന​ങ്ങ​ൾ അ​ടി​ച്ചേ​ൽ​പ്പി​ക്കു​ന്ന​തും അ​പ​ക​ട​ക​ര​മാ​ണ്. ഇ​ന്ത്യ​ൻ രാ​ഷ്‌​ട്രീ​യ​ത്തി​ൽ ഭൂ​രി​പ​ക്ഷ​വാ​ദം പ്ര​ക​ട​മാ​യ ഭീ​ഷ​ണി​യാ​ണ്. ഭൂ​രി​പ​ക്ഷ മ​ത​വും സം​സ്കാ​ര​വും ആ​ചാ​ര​ങ്ങ​ളും ഭാ​ഷ​യും രാ​ഷ്‌​ട്രീ​യ​വു​മൊ​ക്കെ ദേ​ശീ​യ​ത​യു​മാ​യി കൂ​ട്ടി​ക്കു​ഴ​യ്ക്കു​ന്ന​ത് രാ​ജ്യ​ത്തി​ന്‍റെ സ്വ​ത്വ​ത്തി​നും ഭ​ര​ണ​ഘ​ട​ന​യു​ടെ സാരാം​ശ​ത്തി​നും ക​ട​ക​വി​രു​ദ്ധ​മാ​ണ്.

നി​ർ​ദേ​ശം നി​ർ​ബ​ന്ധ​മാ​കി​ല്ല

ഏ​ക വ്യ​ക്തിനി​യ​മം എ​ന്താ​ണെ​ന്നു പ​രി​ശോ​ധി​ക്കു​ന്പോ​ൾ സാ​ധ്യ​ത​യും അ​പ​ക​ട​വും തി​രി​ച്ച​റി​യാ​നാ​കും. വി​വാ​ഹം, വി​വാ​ഹ​മോ​ച​നം, ദ​ത്തെ​ടു​ക്ക​ൽ, അ​ന​ന്ത​രാ​വ​കാ​ശം, പി​ന്തു​ട​ർ​ച്ചാ​വ​കാ​ശം എ​ന്നി​വ​യു​ൾ​പ്പെ​ടെ​യു​ള്ള​വ മ​ത​വ്യ​ത്യാ​സ​മി​ല്ലാ​തെ നി​യ​ന്ത്രി​ക്കു​ന്ന നി​യ​മ​ങ്ങ​ളു​ടെ കൂ​ട്ട​മാ​ണ് ഏ​ക വ്യ​ക്തിനി​യ​മം എ​ന്ന ഏ​കീ​കൃ​ത സി​വി​ൽ കോ​ഡ്. ഹി​ന്ദു, മു​സ്‌​ലിം, ക്രി​സ്ത്യ​ൻ തു​ട​ങ്ങി​യ വ്യ​ക്തി​നി​യ​മ​ങ്ങ​ൾ​ക്കു പ​ക​ര​മാ​ണി​ത്. മ​തം, ജാ​തി, ആ​ചാ​ര​ങ്ങ​ൾ, പാ​ര​ന്പ​ര്യ​ങ്ങ​ൾ, ലിം​ഗ​വ്യ​ത്യാ​സം എ​ന്നി​വ​യൊ​ന്നും പ​രി​ഗ​ണി​ക്കാ​തെ എ​ല്ലാ​വ​ർ​ക്കും ഒ​രു പൊ​തു​നി​യ​മം എ​ന്ന​താ​ണു സ​ങ്ക​ല്പം.

ഹി​ന്ദു​- ബു​ദ്ധ​- ജൈ​ന​- സി​ക്കു മതങ്ങളിലെ എ​ന്നി​വ​രു​ടെ സ്ത്രീ​ക​ളു​ടെ പി​ന്തു​ട​ർ​ച്ചാ​വ​കാ​ശ​ങ്ങ​ൾ നി​യ​ന്ത്രി​ക്കു​ന്ന​ത് 1956ലെ ​ഹി​ന്ദു പി​ന്തു​ട​ർ​ച്ചാ​വ​കാ​ശ നി​യ​മ​പ്ര​കാ​ര​മാ​ണ്. ക്രൈ​സ്ത​വ​ർ, പാ​ഴ്സി​ക​ൾ, ജൂ​ത​ർ എ​ന്നി​വ​ർ​ക്ക് 1925ലെ ​ഇ​ന്ത്യ​ൻ പി​ന്തു​ട​ർ​ച്ചാ​വ​കാ​ശ നി​യ​മം ബാ​ധ​ക​മാ​ണ്. വി​വാ​ഹി​ത​രും അ​വി​വാ​ഹി​ത​രു​മാ​യ മ​ക്ക​ൾ​ക്കു പൂ​ർ​വി​കസ്വ​ത്ത് അ​ട​ക്കം മാ​താ​പി​താ​ക്ക​ളു​ടെ സ്വ​ത്തി​ൽ തു​ല്യാ​വ​കാ​ശ​മു​ണ്ട്. എ​ന്നാ​ൽ മു​സ്‌​ലിം വ്യ​ക്തി​നി​യ​മ​ത്തി​ൽ ചി​ല വ്യ​ത്യാ​സ​ങ്ങ​ളു​ണ്ട്. പെ​ണ്‍മ​ക്ക​ളു​ടെ വി​ഹി​തം ആ​ണ്‍മ​ക്ക​ളു​ടേ​തി​നു പ​കു​തി​യാ​ണ്. മ​ക്ക​ളു​ടെ എ​ണ്ണ​മ​നു​സ​രി​ച്ചാ​ണു ഭ​ർ​ത്താ​വി​ന്‍റെ സ്വ​ത്തി​ന്മേ​ലു​ള്ള സ്ത്രീ​ക​ളു​ടെ അ​ർ​ഹ​ത. മു​ത്ത​ലാ​ക്ക് നി​രോ​ധി​ച്ച​തു​പോ​ലെ ഇ​ക്കാ​ര്യ​ത്തി​ലും അ​നീ​തി ത​ട​യു​ക​യെ​ന്ന​താ​ണു ല​ക്ഷ്യ​മെ​ന്നാ​ണു ബി​ജെ​പി​യു​ടെ വാ​ദം.

വി​വാ​ഹ​ത്തെ​ക്കു​റി​ച്ചു​ള്ള സ​ങ്ക​ല്പം പോ​ലും വി​വി​ധ മ​ത​വി​ഭാ​ഗ​ങ്ങ​ളി​ൽ വ്യ​ത്യ​സ്ത​മാ​ണ്. ഹി​ന്ദു​ക്ക​ൾ​ക്കും ക്രൈ​സ്ത​വ​ർ​ക്കും മ​റ്റും വി​വാ​ഹം പ​വി​ത്ര​മാ​യൊ​രു കൂ​ദാ​ശ​യാ​ണ്. മു​സ്‌​ലിം​ക​ൾ​ക്ക് ഒ​രു ക​രാ​റാ​ണ​ത്. പ​ക്ഷേ നി​യ​മ​ത്തി​നു​ മു​ന്നി​ൽ എ​ല്ലാ​വ​രും തു​ല്യ​രാ​ക​ണം. ആ​ദി​വാ​സി​ക​ൾ​ക്ക് അ​വ​രു​ടെ ഭൂ​മി​യി​ലു​ള്ള അ​വ​കാ​ശം ന​ഷ്‌​ട​മാ​കു​മെ​ന്ന് വ​ട​ക്കു-​കി​ഴ​ക്ക​ൻ സം​സ്ഥാ​ന​ങ്ങ​ളി​ലെ ബി​ജെ​പി​യു​ടെ സ​ഖ്യ​ക​ക്ഷി​ക​ൾ ആ​ശ​ങ്ക​പ്പെ​ടു​ന്ന​തും വെ​റു​തെ​യ​ല്ല.

ഇ​ന്ത്യ​യി​ലാ​കെ ഒ​രു ഏ​കീ​കൃ​ത സി​വി​ൽ കോ​ഡി​ന് ഭ​ര​ണ​കൂ​ടം ശ്ര​മി​ക്ക​ണ​മെ​ന്നു ഭ​ര​ണ​ഘ​ട​ന​യു​ടെ 44-ാം അ​നു​ച്ഛേ​ദം പ​റ​യു​ന്നു. പ​ക്ഷേ ഇ​തൊ​രു നി​ർ​ദേ​ശ​കത​ത്വം മാ​ത്ര​മാ​യാ​ണു ഭ​ര​ണ​ഘ​ട​ന​യി​ൽ ഉ​ൾ​പ്പെ​ടു​ത്തി​യ​ത്. അ​നു​ച്ഛേ​ദം 37ൽ ​ഇ​തു വ്യ​ക്ത​മാ​ക്കു​ന്നു​ണ്ട്. മാ​ർ​ഗ​നി​ർ​ദേ​ശകത​ത്വ​ങ്ങ​ൾ ന​ട​പ്പാ​ക്കാ​ൻ കോ​ട​തി​ക​ൾ​ക്കും ക​ഴി​യി​ല്ല. നി​ർ​ബ​ന്ധ​മാ​യും ന​ട​പ്പാ​ക്കേ​ണ്ട നി​യ​മ​ത്തി​ൽ​നി​ന്ന് ഏ​ക വ്യ​ക്തി​നി​യ​മ​ത്തെ ഭ​ര​ണ​ഘ​ട​നാ​ ശി​ല്പി​ക​ൾ ഒ​ഴി​വാ​ക്കി​യ​തു വി​ശ​ദ ച​ർ​ച്ച​ക​ൾ​ക്കു​ ശേ​ഷ​മാ​ണ്. ഏ​ക വ്യ​ക്തി​ന​ിയ​മം ഈ ​ഘ​ട്ട​ത്തി​ൽ ആ​വ​ശ്യ​മോ അ​ഭി​കാ​മ്യ​മോ അ​ല്ലെ​ന്ന് 21-ാം നി​യ​മ ക​മ്മീ​ഷ​ൻ ചൂ​ണ്ടി​ക്കാ​ട്ടി​യി​രു​ന്നു. എ​ങ്കി​ലും വ്യ​ക്തി​നി​യ​മ​ങ്ങ​ളി​ലെ വി​വേ​ച​ന​വും അ​സ​മ​ത്വ​വും പ​രി​ഹ​രി​ക്കു​ന്ന​തി​ന് നി​ല​വി​ലു​ള്ള കു​ടും​ബ​നി​യ​മ​ങ്ങ​ൾ പ​രി​ഷ്ക​രി​ക്കാ​നും ക്രോ​ഡീ​ക​രി​ക്കാ​നും ക​മ്മീ​ഷ​ൻ ശി​പാ​ർ​ശ ചെ​യ്തി​രു​ന്നു; ശ​രി​യു​മാ​ണ​ത്.

അ​നീ​തി​യി​ൽ പാ​വ​ങ്ങ​ൾ, സ്ത്രീ​ക​ൾ

നീ​തി, സ​മ​ത്വം, ഏ​ക​ത തു​ട​ങ്ങി​യ​വ​യു​ടെ മ​റ​വി​ൽ തെ​ര​ഞ്ഞെ​ടു​പ്പി​ൽ ഭൂ​രി​പ​ക്ഷ വോ​ട്ടു​ക​ളു​ടെ ധ്രു​വീ​ക​ര​ണ​ത്തി​നാ​ണു ബി​ജെ​പി ശ്ര​മി​ക്കു​ന്ന​തെ​ന്ന് പ്ര​തി​പ​ക്ഷം ആ​രോ​പി​ക്കു​ന്നു. ര​ണ്ടു മാ​സ​ത്തോ​ള​മാ​യി മ​ണി​പ്പു​ർ ക​ത്തി​യെ​രി​യു​ന്പോ​ഴും മി​ണ്ടാ​ത്ത പ്ര​ധാ​ന​മ​ന്ത്രി മോ​ദി​യു​ടെ ഏ​ക വ്യ​ക്തി നി​യ​മ​ത്തി​നാ​യു​ള്ള പ​ര​സ്യ​മാ​യ ആ​ഹ്വാ​ന​ത്തെ സം​ശ​യി​ക്കു​ന്ന​വ​രെ കു​റ്റ​പ്പെ​ടു​ത്താ​നാ​കി​ല്ല. മ​ണി​പ്പു​രി​ൽ സ​മാ​ധാ​നം പു​നഃ​സ്ഥാ​പി​ക്കാ​നും ക​ലാ​പ​ത്തി​ലെ ഇ​ര​ക​ളെ സ​ഹാ​യി​ക്കാ​നും ഉ​ത്ത​ര​വാ​ദ​പ്പെ​ട്ട സ​ർ​ക്കാ​രി​ന്‍റെ​യും പ്ര​ധാ​ന​മ​ന്ത്രി​യു​ടെ​യും മൗ​ന​വും വീ​ഴ്ച​ക​ളും അ​നാ​സ്ഥ​യും രാ​ജ്യ​ത്താ​കെ ചോ​ദ്യം ചെ​യ്യ​പ്പെ​ടു​ന്പോ​ൾ അ​തി​ൽ​നി​ന്ന് ഒ​ളി​ച്ചോ​ടാ​നും ശ്ര​ദ്ധ തി​രി​ക്കാ​നും ന​ട​ത്തു​ന്ന ഏ​തൊ​രു വാ​ക്കും പ്ര​വൃ​ത്തി​യും ദുഃ​ഖ​ക​ര​വും അ​പ​ല​പ​നീ​യ​വു​മാ​ണ്.

കു​തി​ച്ചു​യ​രു​ന്ന വി​ല​ക്ക​യ​റ്റം, തൊ​ഴി​ലി​ല്ലാ​യ്മ, വി​ദ്വേ​ഷ കു​റ്റ​കൃ​ത്യ​ങ്ങ​ൾ, കാ​ർ​ഷി​ക- വ്യ​വ​സാ​യ പ്ര​തി​സ​ന്ധി, ചൈ​ന​യു​ടെ ക​ട​ന്നു​ക​യ​റ്റ​ങ്ങ​ൾ, തീ​വ്ര​വാ​ദം, ഭീ​ക​ര​ത തു​ട​ങ്ങി രാ​ജ്യം നേ​രി​ടു​ന്ന പ്ര​ശ്ന​ങ്ങ​ളി​ൽ​നി​ന്നു ശ്ര​ദ്ധ തി​രി​ച്ചു​വി​ടാ​നും ജ​ന​ങ്ങ​ളെ ഭി​ന്നി​പ്പി​ച്ചു വോ​ട്ട് നേ​ടാ​നു​മാ​ണ് മോ​ദി ശ്ര​മി​ക്കു​ന്ന​തെ​ന്നാ​ണു കോ​ണ്‍ഗ്ര​സി​ന്‍റെ ആ​രോ​പ​ണം. ഏ​ക വ്യ​ക്തിനി​യ​മം ആ​ദ്യം ഹി​ന്ദു​ക്ക​ൾ​ക്കി​ട​യി​ൽ ന​ട​പ്പാ​ക്ക​ട്ടെയെ​ന്ന ത​മി​ഴ്നാ​ട് മു​ഖ്യ​മ​ന്ത്രി എം.​കെ. സ്റ്റാ​ലി​ന്‍റെ പ്ര​സ്താ​വ​ന​യും പ്ര​സ​ക്ത​മാ​കും. പാ​ർ​ല​മെ​ന്‍റി​ൽ പോ​ലും ച​ർ​ച്ച ചെ​യ്യാ​തെ തി​ടു​ക്ക​ത്തി​ൽ അ​ടി​ച്ചേ​ൽ​പ്പി​ക്കാ​നു​ള്ള​താ​ക​രു​ത് ഏ​ക വ്യ​ക്തി​നി​യ​മം.

എ​ല്ലാ പൗ​ര​ന്മാ​ർ​ക്കും മ​ത​വി​ഭാ​ഗ​ങ്ങ​ൾ​ക്കും ഭ​ര​ണ​ഘ​ട​ന ഉ​റ​പ്പു​ന​ൽ​കു​ന്ന അ​വ​കാ​ശ​ങ്ങ​ൾ ക​വ​രാ​തെ നോ​ക്കേ​ണ്ട​തു​ണ്ട്. ആ​ദി​വാ​സി, ദ​ളി​ത്, പ​ട്ടി​ക​ജാ​തി വി​ഭാ​ഗ​ങ്ങ​ളും ന്യൂ​ന​പ​ക്ഷ​ങ്ങ​ളും പ​ട്ടി​ണി​പ്പാ​വ​ങ്ങ​ളും നേ​രി​ടു​ന്ന വി​വേ​ച​ന​ങ്ങ​ളും അ​നീ​തി​ക​ളും അ​തി​ക്ര​മ​ങ്ങ​ളും അ​വ​സാ​നി​പ്പി​ക്കാ​നാ​ക​ണം സ​ർ​ക്കാ​രു​ക​ളു​ടെ മു​ഖ്യ​ശ്ര​ദ്ധ. ലിം​ഗ, സാ​ന്പ​ത്തി​ക, ജാ​തി വി​വേ​ച​ന​ങ്ങ​ൾ​ക്കു മ​ത​പ​ര​മാ​യ വേ​ർ​തി​രി​വു​ക​ൾ കു​റ​വാ​ണ്. പാ​ർ​ല​മെ​ന്‍റി​ലും നി​യ​മ​സ​ഭ​ക​ളി​ലും സ്ത്രീ​ക​ളു​ടെ​യും പാ​വ​ങ്ങ​ളു​ടെ​യും പ്രാ​തി​നി​ധ്യം ഇ​പ്പോ​ഴും വ​ള​രെ കു​റ​വാ​ണ്. വ​ലി​യ ഭൂ​രി​പ​ക്ഷ​ത്തോ​ടെ ഒ​ന്പ​ത് വ​ർ​ഷം ഭ​രി​ച്ചി​ട്ടും വ​നി​താ സം​വ​ര​ണ ബി​ൽ പാ​സാ​ക്കാ​ൻ ബി​ജെ​പി ത​യാ​റാ​യി​ല്ല.

സ​മ​ത്വസു​ന്ദ​ര സ​മ​വാ​യം

സ്വാ​ത​ന്ത്ര്യ​വും സ​മ​ത്വ​വും അ​ടി​ച്ചേ​ൽ​പ്പി​ക്കാ​ൻ ക​ഴി​യി​ല്ല. വ്യ​ക്തി​സ്വാ​ത​ന്ത്ര്യം, തു​ല്യ​നീ​തി, സ​മ​ത്വം എ​ന്നി​വ ഉ​റ​പ്പാ​ക്കേ​ണ്ട​തു​മു​ണ്ട്. അ​തി​നാ​ൽ ക​ണ്ണു​മ​ട​ച്ച് എ​തി​ർ​ക്കു​ക​യോ അ​നു​കൂ​ലി​ക്കു​ക​യോ വേ​ണ്ട. ഗു​ണ, ദോ​ഷ​ങ്ങ​ൾ വേ​രി​തി​രി​ക്ക​പ്പെ​ട​ട്ടെ. അ​നാ​വ​ശ്യ തി​ടു​ക്കം വേ​ണ്ട. പാ​ർ​ല​മെ​ന്‍റി​ലും നി​യ​മ​സ​ഭ​ക​ളി​ലും വി​ശ​ദ ച​ർ​ച്ച​ക​ളും ന​ട​ക്ക​ട്ടെ.

എ​ത്ര ന​ല്ല ആ​ശ​യ​മാ​യാ​ലും ജ​ന​ങ്ങ​ളെ ഭി​ന്നി​പ്പി​ക്കു​ന്ന​താ​ക​രു​ത്. സ്വേ​ച്ഛാ​ധി​പ​ത്യ തീ​രു​മാ​ന​ങ്ങ​ൾ ഗു​ണ​ത്തേ​ക്കാ​ളേ​റെ ദോ​ഷ​ക​ര​മാ​കും. ബ​ന്ധ​പ്പെ​ട്ട എ​ല്ലാ മ​ത, ഗോ​ത്ര, രാ​ഷ്‌​ട്രീ​യ നേ​താ​ക്ക​ൾ, സം​ഘ​ട​ന​ക​ൾ തു​ട​ങ്ങി​യ​വ​രു​മാ​യി വി​പു​ല​മാ​യ കൂ​ടി​യാ​ലോ​ച​ന​ക​ൾ ന​ട​ത്തി സ​മ​വാ​യ​മു​ണ്ടാ​ക്കേ​ണ്ട​തു​ണ്ട്. സ​മ​ത്വം പോ​ലെ സു​ന്ദ​ര​മാ​ണ് സ​മ​വാ​യ​വും സാ​ഹോ​ദ​ര്യ​വും സ്വാ​ത​ന്ത്ര്യ​വും.