ജനമൈത്രി പോലീസിൻ്റെ നേതൃത്വത്തിൽ പാലാ ബ്ലഡ് ഫോറത്തിൻ്റെ സന്നദ്ധ രക്തദാനം ശ്രദ്ധേയമാകുന്നു

പാലാ:  'കോവിഡ് 19' ജനമൈത്രി പോലീസിൻ്റെ നേതൃത്വത്തിലുള്ള പാലാ ബ്ലഡ് ഫോറത്തിൻ്റെ രക്തദാന രംഗത്തെ പ്രവർത്തനം ശ്രദ്ധേയമാകുന്നു.

ജില്ലയിലെ എല്ലാ ബ്ലഡ് ബാങ്കുകളിലും രക്തദാതാക്കളെ എത്തിച്ച്‌ രക്തം ദാനം ചെയ്യിച്ചുകൊണ്ടുള്ള പ്രവർത്തനമാണ് നടത്തുന്നത്.

പാലായിൽ കിസ്കോ - മരിയൻ ബ്ലഡ് ബാങ്കിൽ പാലാ സബ് ഇൻസ്പെക്ടർ കെ. എച്ച്. ഹാഷിമിൻ്റെ നേതൃത്വത്തിൽ നടന്ന രക്തദാന ക്യാമ്പ് പാലാ സി. ഐ. വി എ സുരേഷ്‌ ഉദ്ഘാടനം ചെയ്തു.

പാലാ ബ്ലഡ് ഫോറം ജനറൽ കൺവീനർ ഷിബു തെക്കേമറ്റം, ജനമൈത്രി സി. ആർ. ഒ. ബിനോയി തോമസ്, ജനസമിതി അംഗങ്ങളായ കെ. ആർ. സൂരജ് പാലാ, ലീലാ റ്റി ഐ, ബീറ്റ് ഓഫിസർ പ്രഭു കെ ശിവറാം എന്നിവർ നേതൃത്വം കൊടുത്തു.

ജില്ലയിലെ എല്ലാ ബ്ലഡ് ബാങ്കുകളിലും ജനമൈത്രി പോലീസിൻ്റെ നേതൃത്വത്തിൽ രക്തദാന ക്യാമ്പുകൾ സംഘടിപ്പിക്കുന്നുണ്ടെന്ന് ബ്ലഡ് ഫോറം ജനറൽ കൺവീനർ ഷിബു തെക്കേമറ്റം പറഞ്ഞു.

ജനമൈത്രി പോലീസുമായി ചേർന്ന് ക്യാമ്പുകൾ നടത്തുവാൻ തയാറായിട്ടുള്ള സംഘടനകൾക്കും വ്യക്തികൾക്കും 9447043388 എന്ന നമ്പരിൽ ബന്ധപ്പെടാവുന്നതാണ്.