ഡി.എം.കെ മുന്നണിയില്‍ സി.പി.എമ്മിന്​ ആറു​ സീറ്റ്​ നല്‍കാന്‍ ധാരണയായി

ചെന്നൈ: ഡി.എം.കെ മുന്നണിയില്‍ സി.പി.എമ്മിന്​ ആറു​ സീറ്റ്​ നല്‍കാന്‍ ധാരണയായി. തിങ്കളാഴ്​ച രാവിലെ ഡി.എം.കെ ആസ്​ഥാനമായ അണ്ണാ അറിവാലയത്തില്‍ നടന്ന ചടങ്ങില്‍ ഡി.എം.കെ അധ്യക്ഷന്‍ എം.കെ. സ്​റ്റാലിനും സി.പി.എം തമിഴ്നാട്​ ജനറല്‍ സെക്രട്ടറി കെ. ബാലകൃഷ്​ണനും ധാരണപത്രത്തില്‍ ഒപ്പുവെച്ചു.

കുറഞ്ഞ സീറ്റുകള്‍ അനുവദിച്ചതില്‍ അതൃപ്​തിയുണ്ടെങ്കിലും ബി.ജെ.പി -അണ്ണാ ഡി.എം.കെ സഖ്യത്തെ പരാജയപ്പെടുത്തുകയും മതേതര മുന്നണി അധികാരത്തില്‍ വരുകയും വേണമെന്ന ലക്ഷ്യം സാക്ഷാത്​കരിക്കുന്നതി​െന്‍റ ഭാഗമായി വിട്ടുവീഴ്​ചക്ക്​ തയാറാവുകയായിരുന്നുവെന്ന്​ സി.പി.എം ​സംസ്​ഥാന സെക്രട്ടറി കെ. ബാലകൃഷ്​ണന്‍ അറിയിച്ചു. മതേതര മുന്നണിയിലെ മറ്റു ഘടകകക്ഷികളായ സി.പി.​െഎ, എം.ഡി.എം.കെ, വിടുതലൈ ശിറുത്തൈകള്‍ കക്ഷി എന്നിവക്കും ആറു​ സീറ്റ്​ വീതമാണ്​ ലഭിച്ചത്​. മുസ്​ലിം ലീഗിന്​ മൂന്നു​ സീറ്റ്​​ അനുവദിച്ചു.

ഇതിനിടെ, അണ്ണാ ഡി.എം.കെ സഖ്യത്തിലായിരുന്ന തമീമുന്‍ അന്‍സാരി നയിക്കുന്ന മനിതനേയ ജനനായക കക്ഷിയും കരുണാസി​െന്‍റ മുകുലത്തോര്‍ പുലിപടൈയും ഇത്തവണ ഡി.എം.കെ മുന്നണിക്ക്​ പിന്തുണ പ്രഖ്യാപിച്ചു. ഇൗ രണ്ടു​ കക്ഷികള്‍ക്കും ഓരോ സീറ്റ്​ നല്‍കിയേക്കും.