മുതിർന്ന കേരള കോണ്‍ഗ്രസ് എം നേതാവ് ഇ സി ദേവസ്യാ ഈറ്റത്തോട്ട് അന്തരിച്ചു . വിട വാങ്ങിയത് മീനച്ചിൽ താലൂക്കിലെ ആദ്യകാല രാഷ്ട്രീയ രംഗത്തെ സൗമ്യ സാന്നിധ്യം

പാലാ : മുതിർന്ന കേരളാ കോണ്ഗ്രസ് എം നേതാവും മീനച്ചിൽ താലൂക്കിലെ ആദ്യകാല പൊതുപ്രവർത്തകനുമായ പൂവരണി ഈറ്റത്തോട്ട് ഇ സി ദേവസ്യ (82) നിര്യാതനായി. സംസ്കാരം ഞായറാഴ്ച്ച ഉച്ചകഴിഞ്ഞു 2.30 ന് പൂവരണി തിരുഹൃദയ ദേവാലയത്തിൽ. ഭാര്യ എലിക്കുട്ടി കാഞ്ഞിരമറ്റം മൂങ്ങാമാക്കൽ കുടുംബാംഗമാണ്.

മക്കൾ: ബിന്ദു സാബു കളപ്പുരക്കൽ (പൈക), ബ്ലെസ്സി സന്തോഷ് പാറേക്കാട്ട് (പച്ചാത്തോട്).

മരുമക്കൾ: സാബു കളപ്പുരക്കൽ (കെ.എം.എസ്. മോട്ടോഴ്‌സ്, പൈക), സന്തോഷ് സെബാസ്റ്റ്യൻ പാറേക്കാട്ട്, (പച്ചാത്തോട് )

മീനച്ചിൽ താലൂക്കിലെ പഴയകാല രാഷ്ട്രീയ പ്രവർത്തകനും ട്രേഡ് യൂണിയൻ നേതാവും സഹകാരിയുമായിരുന്ന ഇ. സി. ദേവസ്യ എല്ലാക്കാലത്തും കെ.എം മാണിസാറിന്റെ ഉറ്റ അനുയായി ആയിരുന്നു.

കേരളാ കോൺഗ്രസ് പലതവണ പിളർന്നിട്ടും കെ എം മാണിക്കൊപ്പം ഉറച്ചുനിന്ന ഇ സി ദേവസ്യാ പാലായിൽ മാണിസാറിന്റെ ഏറ്റവും അടുത്ത സൗഹൃദ വലയത്തിലെ അംഗമായിരുന്നു .

കഴിഞ്ഞ ദിവസം രോഗബാധിതനായി ഇ സി ദേവസ്യയെ ആശുപത്രിയിൽ എത്തിച്ച വിവരം അറിഞ്ഞ ഉടൻ മകൻ ജോസ് ജെ മാണി ആശുപത്രിയിലെത്തി ഇദ്ദേഹത്തെ സന്ദർശിച്ചിരുന്നു .

കേരളാ കോൺഗ്രസ് എം മണ്ഡലം പ്രസിഡന്റ് ആയിരുന്നു . മീനച്ചിൽ ഗ്രാമ പഞ്ചായത്ത് അംഗവും പൂവരണി ബാങ്ക് ഡയറക്ടർ ബോർഡ് അംഗവും ആയിരുന്നു .

കെ ടി യു സി-എം ജില്ലാ പ്രസിഡന്റും സംസ്ഥാന സെക്രട്ടറിയുമായിരുന്നു . റബ്ബർ നേഴ്‌സറി അസോസിയേഷൻ സംസ്ഥാന പ്രസിഡന്റായും പ്രവർത്തിച്ചിട്ടുണ്ട് .

മൃദദേഹം വസതിയിൽ എത്തിച്ചു . കോവിഡ് പ്രോട്ടോകോൾ പാലിച്ച്  പൊതുദർശനത്തിനു സൗകര്യം ഉണ്ടായിരിക്കുന്നതാണെന്ന് ബന്ധുക്കള്‍ അറിയിച്ചു .