29
Thursday September 2022
Editorial

ഗവര്‍ണറുടെ നീക്കങ്ങളെ രാഷ്ട്രീയമായി നേരിടാന്‍ കളമൊരുക്കി മുഖ്യമന്ത്രി; ഗവര്‍ണര്‍ക്കെതിരെ മുഖ്യമന്ത്രി വീണ്ടും വാര്‍ത്താസമ്മേളനം നടത്തിയത് രാഷ്ട്രീയ ലക്ഷ്യത്തോടെ; ഇതിന് മുഖ്യമന്ത്രിയെ സഹായിച്ചത് ഗവര്‍ണര്‍ തന്നെ! കഴിഞ്ഞ നിയമസഭാ തിരഞ്ഞെടുപ്പില്‍ കേരള കോണ്‍ഗ്രസ് മാണി വിഭാഗത്തിലൂടെ മധ്യകേരളത്തിലെ ക്രിസ്ത്യന്‍ വോട്ട് വന്‍തോതില്‍ ഇടതുപക്ഷത്തേക്ക് തിരിഞ്ഞു; ഇപ്പോഴിതാ രാഷ്ട്രീയ കൗശലത്തോടെ മറ്റു ലക്ഷ്യങ്ങളുമായും പിണറായി നീങ്ങുന്നു; സുധാകരനും സതീശനും ഇതുകാണുന്നുണ്ടോ ?- മുഖപ്രസംഗത്തില്‍ ചീഫ് എഡിറ്റര്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Thursday, September 22, 2022

വര്‍ണര്‍ ആര്‍.എസ്.എസ് അനുഭാവിയോ ? ചോദിക്കുന്നത് മുഖ്യമന്ത്രി പിണറായി വിജയനാണ്. ഗവര്‍ണര്‍ സ്ഥാനത്തിരുന്ന് ആര്‍.എസ്.എസ് പിന്തുണയുണ്ടെന്ന് ഊറ്റം കൊള്ളുന്നതു ശരിയാണോ എന്നാണ് ഗവര്‍ണര്‍ ആരിഫ് മുഹമ്മദ് ഖാനോട് മുഖ്യമന്ത്രിയുടെ ചോദ്യം.

ഗവര്‍ണര്‍ക്കെതിരെ നിലപാടു കടുപ്പിച്ചു മുന്നോട്ടുതന്നെയെന്ന സൂചനയുമായി വീണ്ടും പത്രസമ്മേളനം നടത്തിയ മുഖ്യമന്ത്രി പിണറായി വിജയന്‍ വ്യക്തമായ രാഷ്ട്രീയ ലക്ഷ്യത്തോടെയാണ് നീങ്ങുന്നത്. ഗവര്‍ണറുടെ നീക്കങ്ങളെ രാഷ്ട്രീയമായി നേരിടാന്‍ കളമൊരുക്കുകയാണ് മുഖ്യമന്ത്രി.

ഗവര്‍ണറും സര്‍ക്കാരിനെ ഞെരുക്കാന്‍ തന്നെ തുനിഞ്ഞിറങ്ങിയിരിക്കുന്നു. നിയമസഭ പാസാക്കിയ ഏഴു ബില്ലുകളില്‍ അഞ്ചെണ്ണത്തില്‍ ഗവര്‍ണര്‍ ഒപ്പുവെച്ചു. ലോകായുക്ത, സര്‍വകലാശാല, ബില്ലുകള്‍ ഒപ്പുവെയ്ക്കാതെ മാറ്റിവെയ്ക്കുകയും ചെയ്തിരിക്കുന്നു. ഈ ബില്ലുകള്‍ ഒപ്പുവെയ്ക്കാതെ, അതിന്‍റെ പേരില്‍ സര്‍ക്കാരിനെതിരെ അക്രമണത്തിന്‍റെ കുന്തമുന തിരിക്കാനാണ് ഗവര്‍ണറുടെ നീക്കം. സര്‍ക്കാരിന് ഒരു പരിഭ്രമവുമില്ലെന്ന ഭാവവുമായി മുഖ്യമന്ത്രിയും. ഭരണഘടനാ പ്രകാരം നിയമസഭ പാസാക്കുന്ന നിയമത്തിന് അംഗീകാരം നല്‍കുക എന്നതില്‍ കവിഞ്ഞ് ഗവര്‍ണര്‍ക്ക് ഒന്നും ചെയ്യാനാവില്ലെന്ന് മുഖ്യമന്ത്രി ഉറപ്പിച്ചു പറയുന്നു.


എങ്കിലും ഗവര്‍ണറുടെ ആര്‍.എസ്.എസ് ബന്ധത്തിലൂന്നിയായിരുന്നു മുഖ്യമന്ത്രിയുടെ പത്രസമ്മേളനം മുഴുവന്‍ എന്നു തന്നെ പറയണം. 1986 മുതല്‍ തന്നെ ആര്‍.എസ്.എസ് ബന്ധമുണ്ടെന്ന് നേരത്തേ ഗവര്‍ണര്‍ പറഞ്ഞതിലാണ് മുഖ്യമന്ത്രി കയറി പിടിച്ചത്.


എന്നാല്‍ 1990 -ല്‍ ആരിഫ് മുഹമ്മദ് ഖാന്‍ മന്ത്രിയായിരുന്ന വി.പി സിങ്ങ് ഗവണ്‍മെന്‍റിനെ താഴെയിറക്കിയത് ബി.ജെ.പിയും കോണ്‍ഗ്രസും ഒന്നുചേര്‍ന്നായിരുന്നുവെന്ന് മുഖ്യമന്ത്രി ചൂണ്ടിക്കാട്ടുന്നു.

മണ്ഡല്‍ വിഷയം ഉള്‍പ്പെടെയുള്ള കാര്യങ്ങള്‍ ഉന്നയിച്ച് ആര്‍.എസ്.എസ് വി.പി സിങ്ങ് സര്‍ക്കാരിനെ അട്ടിമറിച്ചപ്പോള്‍ താന്‍ അംഗമായിരുന്ന സര്‍ക്കാരിനെ താഴെയിട്ട ആര്‍.എസ്.എസുമായി ചങ്ങാത്തത്തിലായിരുന്നുവെന്ന ഗവര്‍ണറുടെ പ്രസ്താവനയെ കണക്കിനു പരിഹസിക്കുകയും ചെയ്യുന്നു മുഖ്യമന്ത്രി.

ആര്‍.എസ്.എസ് വിഷയത്തില്‍ മുഖ്യമന്ത്രി ശ്രദ്ധ കേന്ദ്രീകരിക്കുന്നതെന്തിന് ? ഇതില്‍ അദ്ദേഹം വലിയ രാഷ്ട്രീയം കാണുന്നുണ്ടെന്നതു വ്യക്തം. ആര്‍.എസ്.എസ് നിലപാടുകളെ എപ്പോഴും എതിര്‍ത്തിട്ടുള്ള മാര്‍ക്സിസ്റ്റ് ചിന്തകന്‍ ഇര്‍ഫാന്‍ ഹബീബിനെ ഗുണ്ട എന്നു വിളിച്ച കാര്യവും ഹിന്ദുത്വ അജണ്ടയ്ക്കെതിരെ പോരാടി ഇന്ത്യന്‍ ചരിത്ര ഗവേഷണ കൗണ്‍സില്‍ മെമ്പര്‍ സെക്രട്ടറി സ്ഥാനം രാജിവെച്ച കണ്ണൂര്‍ സര്‍വകലാശാലാ വൈസ് ചാന്‍സലര്‍ ഡോ. ഗോപിനാഥ് രവിന്ദ്രനെ ക്രിമിനല്‍ എന്നു വിളിച്ച കാര്യവും ചൂണ്ടിക്കാട്ടി ഗവര്‍ണര്‍ക്കെതിരെ ആക്ഷേപം ചൊരിയുകയാണ് മുഖ്യമന്ത്രി.


രാഷ്ട്രീയത്തിലെ വഴിക്കണക്കുകള്‍ കൃത്യമായി കൂട്ടിത്തന്നെയാണ് മുഖ്യമന്ത്രി പിണറായി വിജയന്‍ ഇതൊക്കെ പറഞ്ഞുവെയ്ക്കുന്നത്. അദ്ദേഹത്തിന്‍റെ രാഷ്ട്രീയ മനസ്സ് ഉന്നം വെയ്ക്കുന്നത് ന്യൂനപക്ഷ മുസ്ലിം സമുദായത്തെത്തന്നെ.


മൂന്നു വര്‍ഷം മുമ്പ് കണ്ണൂര്‍ സര്‍വകലാശാലയില്‍ നടന്ന ചരിത്ര കോണ്‍ഗ്രസില്‍ തനിക്കെതിരെ നടന്നതു വധശ്രമമാണെന്ന് ഓര്‍മിച്ചെടുത്ത് ആരോപണങ്ങളുടെ പെരുപ്പം കൂട്ടാന്‍ ഗവര്‍ണര്‍ ബദ്ധപ്പെടുമ്പോള്‍ അന്നു നടന്ന പൗരത്വ ഭേദഗതി ബില്ലിനെതിരായ നീക്കങ്ങളിലേക്കു വിരല്‍ ചൂണ്ടി ഹിന്ദു വര്‍ഗീയതയുടെയും കേന്ദ്ര സര്‍ക്കാരിന്‍റെ മുസ്ലിം വിരുദ്ധതയുടെയും പുതിയ മാനങ്ങള്‍ തപ്പിയെടുക്കുകയാണ് പിണറായി.

1986 മുതല്‍ താന്‍ ആര്‍.എസ്.എസുമായി അടുപ്പത്തിലാണെന്നുകൂടി ഗവര്‍ണര്‍ പറഞ്ഞത് പിണറായിയുടെ വാദങ്ങള്‍ക്കു മൂര്‍ച്ച നല്‍കുന്നതായി. ഈ സമയത്തുതന്നെയാണ് ഗവര്‍ണര്‍ ആരിഫ് മുഹമ്മദ് ഖാന്‍ മുന്‍കൂട്ടി പരിപാടിയൊന്നും നിശ്ചയിക്കാതെ തൃശൂരിലെത്തി അവിടെ ഒരു ആര്‍.എസ്.എസ് പ്രവര്‍ത്തകന്‍റെ വീട്ടില്‍ താമസിക്കുകയായിരുന്ന ആര്‍.എസ്.എസ് സര്‍സംഘ ചാലക് മോഹന്‍ ഭഗവതിനെ സന്ദര്‍ശിച്ചു സംഭാഷണം നടത്തിയത്. കേന്ദ്ര സര്‍ക്കാരിന്‍റെയും ബി.ജെ.പിയുടെയും ആര്‍.എസ്.എസിന്‍റെയും ന്യൂനപക്ഷവിരുദ്ധ നീക്കങ്ങള്‍ ആയുധമാക്കാന്‍ പിണറായി വിജയനെ സഹായിച്ചത് ഗവര്‍ണര്‍ ആരിഫ് മുഹമ്മദ് ഖാന്‍.

2021 നിയമസഭാ തെരഞ്ഞെടുപ്പില്‍ മധ്യകേരളത്തിലെ ക്രിസ്ത്യന്‍ വോട്ട് വന്‍തോതില്‍ ഇടതുപക്ഷത്തേക്കു തിരിഞ്ഞതാണ് പിണറായി സര്‍ക്കാരിന്‍റെ ഭരണത്തുടര്‍ച്ചയ്ക്കു കാരണമായത്. ഇതിന് ആക്കം കൂട്ടിയത് കേരളാ കോണ്‍ഗ്രസ് മാണി വിഭാഗം യു.ഡി.എഫ് വിട്ട് ഇടതുമുന്നണിയില്‍ ചേര്‍ന്നതും.


ഇപ്പോഴിതാ ഗവര്‍ണറുടെ നീക്കങ്ങളിലെയും നിലപാടുകളിലെയും മുസ്ലിം വിരുദ്ധതയും ആര്‍.എസ്.എസിനോട് അദ്ദേഹത്തിനുള്ള വിധേയത്വവും രാഷ്ട്രീയായുധമാക്കുകയാണ് മുഖ്യമന്ത്രി പിണറായി വിജയന്‍, കൗതുകകരമായ രാഷ്ട്രീയ കൗശലത്തോടെ.


ജനങ്ങളിലേക്കിറങ്ങുമെന്നു പറയുന്ന ഗവര്‍ണര്‍ ആരിഫ് മുഹമ്മദ് ഖാനെ വെല്ലുവിളിക്കാനും തയ്യാറാവുകയാണ് മുഖ്യമന്ത്രി. പോരിനിറങ്ങൂ, പോര്‍ക്കളത്തില്‍ കാണാം എന്ന ഭാവം തന്നെ പിണറായിക്ക്. സുധാകരനും സതീശനും ഇതുകാണുന്നുണ്ടോ ?

More News

ഇടയ്ക്ക് മോഡലിംഗും ചെയ്യാറുള്ള അഹാന വെറൈറ്റി ആയിട്ടുള്ള ഫോട്ടോഷൂട്ടുകളും നടത്താറുണ്ട്. ഇപ്പോഴിതാ പാടത്ത് പാറിനടക്കുന്ന ഒരു പറവയെ പോലെ തോന്നിപ്പിക്കുന്ന രീതിയിലുള്ള ഒരു മനോഹരമായ ഷൂട്ട് നടത്തിയിരിക്കുകയാണ് അഹാന. ജിക്സൺ ഫ്രാൻസിസ് എന്ന ഫോട്ടോഗ്രാഫറാണ് ചിത്രങ്ങൾ എടുത്തത്. ലൈഫ് ഓഫ് കളേഴ്സിന്റെ തൂവെള്ള നിറത്തിലെ ഔട്ട്ഫിറ്റാണ് അഹാന ധരിച്ചത്. സാംസൺ ലെയാണ് മേക്കപ്പ്. ടോവിനോ തോമസിന്റെ നായികയായി ലുക്കാ എന്ന ചിത്രത്തിൽ അഭിനയിച്ച അഹാന മലയാളത്തിൽ ഒരുപാട് ആരാധകരുള്ള ഒരു യുവനടിയായി മാറുകയും ചെയ്തു. നിഹാരിക ബാനർജി […]

കുവൈറ്റ്: കുവൈറ്റ് പ്രവാസമവസാനിപ്പിച്ചു നാട്ടിലേക്ക് പോകുന്ന ഫോക്കസ് കുവൈറ്റ് അഡ്ഹോക്ക് കമ്മറ്റി അംഗവും യൂണിറ്റ് മൂന്നിലെ സജീവ അംഗവുമായ കെ. ഇ.ഒ. കൺസൾട്ടന്റിലെ സീനിയർ ഡ്രാഫ്റ്റ്സ്മാനുമായ മാഹി സ്വദേശി സതീഷ് കുമാറിന് ഫോക്കസ് കുവൈറ്റ് യാത്രയയപ്പ് നൽകി. യൂണിറ്റ് കൺവീനർ എബ്രഹമിന്റെ അദ്ധ്യക്ഷതയിൽ കൂടിയ യോഗത്തിൽ പ്രസിഡന്റ് സലിം രാജ്, ജനറൽ സെക്രട്ടറി ഡാനിയേൽ തോമസ്, മുതിർന്ന അംഗം രതീഷ് കുമാർ , രവീന്ദ്രൻ എന്നിവർ ആശംസകളർപ്പിച്ചു. എക്സ്ക്യൂട്ടീവ് അംഗം സാബു തോമസ് സ്വാഗതവും, ജോ: കൺവീനർ […]

ഒന്നിച്ചു നിന്നാല്‍ കേരളം ആര് ഭരിക്കണമെന്ന് ഈഴവ സമുദായത്തിന് തീരുമാനിക്കാനാകുമെന്ന് എസ്എന്‍ഡിപി യോഗം ജനറല്‍ സെക്രട്ടറി വെളളാപ്പളളി നടേശന്‍. ഏത് സര്‍ക്കാര്‍ വന്നാലും ഈഴവരോട് അവഗണനയാണെന്നും വോട്ട് ബാങ്കായവര്‍ക്ക് പണം വാരിക്കോരികൊടുക്കാന്‍ രാഷ്ട്രീയട്രീയ നേതൃത്വം തയ്യാറാകുന്നെന്നും വെളളാപ്പളളി കുറ്റപ്പെടുത്തി. മതം പറയുന്നവര്‍ മതേതരത്വത്തില്‍ ഊന്നിനില്‍ക്കുന്ന എസ്എന്‍ഡിപിയെക്കാള്‍ മുകളില്‍ എത്തുന്നു. ഭരണം നിലനിര്‍ത്തുന്നതിനായി ആദര്‍ശം മാറ്റിവെച്ച് ഇടതുപക്ഷം സംഘടിത മതശക്തികളെ പിന്തുണയ്ക്കുകയാണ്. തിരഞ്ഞെടുപ്പ് വരുമ്പോള്‍ ജനറല്‍ സീറ്റില്‍ മുസ്ലീം അല്ലാത്ത ഒരാളെ മത്സരിപ്പിക്കാന്‍ ലീഗ് തയ്യാറാകുന്നില്ല. എന്നാല്‍ ലീഗ് […]

തിരുവനന്തപുരം: പോപ്പുലർ ഫ്രണ്ട് ഓഫ് ഇന്ത്യയെ നിരോധിച്ച കേന്ദ്ര ഉത്തരവിന്‍റെ അടിസ്ഥാനത്തിൽ തുടർ നടപടിക്കുള്ള സംസ്ഥാന സർക്കാർ ഉത്തരവിറക്കി. യുഎപിഎ നിയമനുസരിച്ച് തുടർ നടപടി സ്വീകരിക്കാൻ എസ്പിമാർക്കും ജില്ലാ കളക്ടർമാർക്കും അധികാരം നൽകി കൊണ്ടാണ് ഉത്തരവ്. ആഭ്യന്തര സെക്രട്ടറിയാണ് ഉത്തരവിറക്കിയത്. ഡിജിപി വിശദമായ സർക്കുലർ പുറത്തിറക്കും. പിഎഫ്ഐ ഓഫീസുകള്‍ സീല്‍ ചെയ്യുന്നതുള്‍പ്പടെയുള്ള നടപടികള്‍ ഇന്ന് തുടങ്ങും. അതേസമയം, പോപ്പുലർ ഫ്രണ്ടിന്റെ നിരോധന സാഹചര്യത്തിൽ സംസ്ഥാനങ്ങളിൽ ഏർപ്പെടുത്തിയ സുരക്ഷ തുടരും. പോപ്പുലർ ഫ്രണ്ടിന്റെ ഓഫീസുകൾ അടക്കമുള്ള മേഖലകളിൽ നിരീക്ഷണം തുടരും. […]

മാൻവി സാരി പോലെയുള്ള നാടൻവി വേഷങ്ങളിലാണ് മലയാളികൾ കൂടുതലായി കാണാറുള്ളത്. ഇപ്പോഴിതാ വനിതാ ഫാഷൻസിന്റെ ഡിസൈനിലുള്ള മനോഹരമായ സാരിയിൽ ഒരു കലക്കൻ ഫോട്ടോഷൂട്ട് ചെയ്തിരിക്കുകയാണ് മാൻവി. അമൽ രാജ്, ദൃശ്യ എന്നിവർ ചേർന്നാണ് ചിത്രങ്ങൾ എടുത്തിരിക്കുന്നത്. സാരിയിൽ ഇത്രയും ലുക്കുള്ള സീരിയൽ നടി വേറെയില്ല എന്നാണ് ആരാധകർ പറയുന്നത്. ഷെർലോക്ക് ടോംസ് എന്ന സിനിമയിലും മാൻവി അഭിനയിച്ചിട്ടുണ്ട്. തേനും വയമ്പും, സുമംഗലി ഭവ തുടങ്ങിയ സൂപ്പർഹിറ്റ് പരമ്പരകളിൽ മാൻവി ഭാഗമായിരുന്നു. ഇപ്പോൾ ഏഷ്യാനെറ്റിൽ സംപ്രേക്ഷണം ചെയ്യുന്ന കൂടെവിടെ, […]

തിരുവനന്തപുരം: എകെജി സെന്റര്‍ ആക്രമണക്കേസിലെ പ്രതി ജിതിന്റെ ജാമ്യാപേക്ഷ കോടതി തള്ളി. തിരുവനന്തപുരം ജുഡീഷ്യൽ ഒന്നാം ക്ലാസ് മജിസ്ട്രേറ്റ് കോടതിയാണ് (മൂന്ന്) അപേക്ഷ തള്ളിയത്. പ്രതിക്കു ജാമ്യം അനുവദിച്ചാൽ തെളിവുകൾ നശിപ്പിക്കാൻ സാധ്യതയുണ്ടെന്ന് പ്രോസിക്യൂഷൻ വാദിച്ചു. കൂട്ടു പ്രതികളെക്കുറിച്ചുള്ള അന്വേഷണം നടക്കുകയാണ്. സ്ഫോടക വസ്തു എറിയാൻ പ്രതി എത്തിയ സ്കൂട്ടർ കണ്ടെത്തേണ്ടതുണ്ട്. പൊട്ടാസ്യം ക്ലോറൈഡ് ചേർത്താണ് സ്ഫോടക വസ്തു നിർമിച്ചത്. ഇത്തരം ചെറിയ സ്ഫോടനത്തിൽനിന്നാണ് നൂറുകണക്കിനു പേരുടെ ജീവൻ നഷ്ടമായ പുറ്റിങ്ങൽ ദുരന്തം ഉണ്ടായത്. പ്രതി ചെയ്ത […]

ആലച്ചേരി: കണ്ണൂർ ആലച്ചേരിയിൽ നീന്തൽ പരിശീലനത്തിനിടയിൽ യുവാവ് മുങ്ങി മരിച്ചു. ആലച്ചേരി എടക്കോട്ട വരിക്കോളിൽ സദാനന്ദന്റെയും ബിന്ദുവിന്റെയും മകൻ സിബിൻ (23) ആണ് മരിച്ചത്. ഇന്ന് രാവിലെ പുത്തലത്തെ കോളയാട് പഞ്ചായത്ത് കുളത്തിൽ നീന്തൽ പരിശീലനത്തിന് ഇടയിലാണ് അപകടം. നീന്തൽ തീരെ വശമില്ലാത്ത സിബിൻ കൂട്ടുകാർ ട്യൂബ് എടുക്കാൻ പോയ സമയത്താണ് അപകടത്തിൽ പെട്ടതെന്ന് കൂടെയുള്ളവർ പറയുന്നു. ഇവരുടെ നിലവിളി കേട്ട് എത്തിയ നാട്ടുകാരാണ് മൃതദേഹം പുറത്തെടുത്തത്.

കുറവിലങ്ങാട്: പശ്ചിമ ബംഗാളിൽ നിന്നും ട്രയിൻ മാർഗ്ഗം കഞ്ചാവ് എത്തിച്ച് പൊതികളാക്കി കുറവിലങ്ങാട് ടൗണിലും പരിസര പ്രദേശങ്ങളിലും വില്പന നടത്തിയ ബoഗാൾ സ്വദേശി ടിപ്പു എസ്.കെ യെ കുറവിലങ്ങാട് എക്സൈസ് ഇൻസ്പെക്ടർ ഒ.പി വർമ്മ ദേവന്റെ നേതൃത്വത്തിലുള്ള സംഘം അറസ്റ്റ് ചെയ്തു. ഇയാൾ കുറവിലങ്ങാടിന് സമീപം വാടകയ്ക്ക്‌ താമസിച്ച് തൊഴിലാളികൾക്കും കോളേജ് വിദ്യാർത്ഥികൾക്കും പൊതി ഒന്നിന് 500/- രൂപ നിരക്കിൽ കഞ്ചാവ് വില്പന നടത്തി വരുകയായിരുന്നു. ഇയാളിൽ നിന്നും നാല് കഞ്ചാവ് പൊതികളും കഞ്ചാവ് വലിക്കുവാനുള്ള ചിലിം […]

നെടുങ്കണ്ടം: നിരോധനത്തിനു പിന്നാലെ ഇടുക്കി ജില്ലയിലെ ബാലൻപിള്ളസിറ്റിയിൽ പോപ്പുലർ ഫ്രണ്ടിനെ അനുകൂലിച്ച് പ്രകടനം നടത്തി. ആറുപേരാണ് പ്രകടനം നടത്തിയത്. പോപ്പുലർ ഫ്രണ്ടിന് അഭിവാദ്യം അർപ്പിച്ചും ആർ.എസ്.എസിനെ തെരുവിൽ നേരിടുമെന്ന് പറഞ്ഞായിരുന്നു പ്രകടനം. വീഡിയോ ദൃശ്യങ്ങൾ പരിശോധിച്ച് നടപടിയെടുക്കുമെന്നും അനുമതിയില്ലാതെ കൂട്ടംകൂടിയതിന് കേസെടുത്തെന്നും നെടുങ്കണ്ടം പോലീസ് അറിയിച്ചു.

error: Content is protected !!