02
Sunday October 2022
Editorial

ജോസഫ് മാഷിന്റെ കൈ വെട്ടിയ സംഭവവും, പ്രതികള്‍ കോടതിയുടെ ശിക്ഷ ഏറ്റുവാങ്ങി ക്യാമറകള്‍ക്കു മുന്നില്‍ ഒന്നും സംഭവിക്കാത്തതുപോലെ പൊട്ടിച്ചിരിക്കുന്ന ദൃശ്യങ്ങളും കേരളത്തെയാകെ ഞെട്ടിച്ചിരുന്നു; മതതീവ്രവാദ സംഘടനകള്‍ കേരളത്തില്‍ വളര്‍ന്നുകൊണ്ടേയിരുന്നു; അക്രമണങ്ങളിലൂടെ അവര്‍ സാന്നിധ്യമറിയിച്ചു ! മത തീവ്രവാദവും മതരാഷ്ട്രവാദവുംആപത്തു തന്നെ; അതു ഭൂരിപക്ഷ മതവിഭാഗത്തിന്‍റേതായാലും ന്യൂനപക്ഷ വിഭാഗത്തിന്‍റേതായാലും; ജനാധിപത്യ വ്യവസ്ഥിതിയില്‍ രാഷ്ട്രീയത്തിനാവണം സ്ഥാനം-മുഖപ്രസംഗത്തില്‍ ചീഫ് എഡിറ്റര്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Friday, September 23, 2022

തതീവ്രവാദവും മതരാഷ്ട്രവാദവും ആപത്തു തന്നെയാണ്. അതു ഭൂരിപക്ഷ മതവിഭാഗത്തിന്‍റേതായാലും ന്യൂനപക്ഷ വിഭാഗത്തിന്‍റേതായാലും.

പോപ്പുലര്‍ ഫ്രണ്ട് ഓഫ് ഇന്ത്യ എന്ന സംഘടനയ്ക്കു നേരേ കേന്ദ്ര ഏജന്‍സികള്‍ തുടങ്ങിവച്ച റെയ്ഡും അന്വേഷണവും അറസ്റ്റും ആ സംഘടനയുടെ നിരോധനം വരെ നീളുമെന്നാണു സൂചന. വിദേശ തീവ്രവാദി സംഘടനകളുമായുള്ള ബന്ധം മുതല്‍ യുവാക്കളെ തീവ്രവാദത്തിലേയ്ക്കു വശീകരിക്കുന്നു എന്നതുവരെ വിവിധങ്ങളായ ആരോപണങ്ങളാണ് അന്വേഷണത്തിനു നേതൃത്വം വഹിക്കുന്ന ദേശീയ അന്വേഷണ ഏജന്‍സി (എന്‍.ഐ.എ) കോടതിയില്‍ പറഞ്ഞിരിക്കുന്നത്. പുറമേ കേരളം ഉള്‍പ്പെടെയുള്ള സംസ്ഥാനങ്ങളില്‍ അക്രമണത്തിനും കൊലപാതകത്തിനും നേതൃത്വം നല്‍കുന്നുവെന്നും എന്‍.ഐ.എ കുറ്റപ്പെടുത്തുന്നു.


2010 ജൂലൈ 4 ന് തൊടുപുഴ ന്യൂമാന്‍സ് കോളജിലെ മലയാളം പ്രൊഫസര്‍ ടി.ജെ ജോസഫിന്‍റെ കൈ വെട്ടിമാറ്റിയ സംഭവം തന്നെ ഉദാഹരണം. എട്ടോളം അക്രമികള്‍ പ്രൊഫ. ജോസഫിനെ വഴിയില്‍ തടഞ്ഞു നിര്‍ത്തി അക്രമിക്കുകയായിരുന്നു. ദൈവനിന്ദ ആരോപിച്ചായിരുന്നു അക്രമണം. എന്‍.ഐ.എ അന്വേഷണം ഏറ്റെടുത്തു. പ്രതികളെല്ലാം പോപ്പുലര്‍ ഫ്രണ്ട് ഓഫ് ഇന്ത്യാ പ്രവര്‍ത്തകരും നേതാക്കളുമായിരുന്നു.


തൊടുപുഴ ന്യൂമാന്‍സ് കോളജ് മാനേജ്മെന്‍റും അതിനു നേതൃത്വം നല്‍കുന്ന കത്തോലിക്കാ സഭയും ഈ അക്രമണത്തിനു നേരേ തണുത്ത പ്രതികരണമാണു നടത്തിയത്. ചില വിഷയങ്ങളോട് സമുദായവും മതവുമൊക്കെ സ്വീകരിക്കുന്ന നിലപാടുകള്‍ ഏറെക്കുറെ ഒരുപോലെ തന്നെയെന്നു ബോധ്യമാക്കുന്നു ഈ സംഭവം.

ജോസഫ് മാഷിന്‍റെ കൈ വെട്ടിയ സംഭവം കേരള സമൂഹത്തെയാകെ ഞെട്ടിച്ചു. കൈവെട്ടു കേസിലെ പ്രതികള്‍ എന്‍.ഐ.എ കോടതിയുടെ ശിക്ഷ ഏറ്റുവാങ്ങി ക്യാമറകള്‍ക്കു മുന്നില്‍ ഒന്നും സംഭവിക്കാത്തതുപോലെ പൊട്ടിച്ചിരിക്കുന്ന ദൃശ്യങ്ങള്‍ കേരളത്തെ ഞെട്ടിച്ചു. മത തീവ്രവാദ സംഘടനകള്‍ എന്നിട്ടും കേരളത്തില്‍ വളര്‍ന്നുകൊണ്ടേയിരുന്നു. അക്രമണങ്ങളിലൂടെയും എണ്ണം പറഞ്ഞ കൊലപാതകങ്ങളിലൂടെയും അവര്‍ പിന്നെയും പിന്നെയും സാന്നിദ്ധ്യമറിയിച്ചു.


കേരളത്തിലെ ഏറ്റവും പ്രബല ന്യൂനപക്ഷ സമുദായമായ മുസ്ലിം സമുദായത്തെ പ്രതിനിധീകരിക്കുന്ന ഇന്ത്യന്‍ യൂണിയന്‍ മുസ്ലിം ലീഗ് കാലാകാലങ്ങളില്‍ മത തീവ്രവാദത്തിനെതിരെ കര്‍ശനമായ നിലപാട് സ്വീകരിച്ചിട്ടുണ്ട്.


1992 ഡിസംബറില്‍ ബാബ്റി മസ്ജിദ് തകര്‍ത്തതിന്‍റെ പേരില്‍ സംസ്ഥാനത്ത് സംഘര്‍ഷമൊന്നുമുണ്ടാവാതെ നോക്കിയത് സമുദായത്തില്‍ മുസ്ലിം ലീഗിന്‍റെ ഇടപെടലും അതിനു നേതൃത്വം കൊടുത്ത അന്നത്തെ അധ്യക്ഷന്‍ പാണക്കാട്ടു ശിഹാബ് തങ്ങളുടെ തികവാര്‍ന്ന സമചിത്തതയുമാണ്.

ബാബ്റി മസ്ജിദിനു നേരേ നടന്ന സംഘപരിവാര്‍ അക്രമണത്തിനു ശേഷമാണ് മുസ്ലിം സമുദായത്തില്‍ തീവ്രവാദം പൊട്ടിമുളച്ചത്. കൊല്ലം ജില്ലയിലെ അന്‍വാര്‍ശേരിയില്‍ അബ്ദുള്‍ നാസര്‍ മഹ്ദനി ആര്‍.എസ്.എസ് എന്ന പേരിന്‍റെ മാതൃകയില്‍ ഇസ്ലാമിക് സര്‍വീസ് സൊസൈറ്റി (ഐ.എസ്.എസ്) രൂപീകരിച്ചതും കോഴിക്കോടു കേന്ദ്രമായി എന്‍.ഡി.എഫ് രൂപമെടുത്തതും ഈ കാലയളവിലാണ്. എന്‍.ഡി.എഫ് എന്നാല്‍ നാഷണല്‍ ഡിഫന്‍സ് ഫ്രണ്ട്. നാഷണല്‍ ഡെമോക്രാറ്റിക് ഫ്രണ്ട് എന്നും പറയാം.


വിവിധ കേസുകളില്‍ പ്രതികളായി മഹ്ദനി ദീര്‍ഘകാലം തടവില്‍ കഴിഞ്ഞ ശേഷം ഇപ്പോള്‍ ബാംഗ്ളൂരില്‍ താമസിക്കുന്നു. പക്ഷെ ബാംഗ്ളൂര്‍ നഗരം വിട്ടു പോകാന്‍ അനുമതിയില്ല. കൊല്ലത്ത് ഒരു അക്രമണത്തില്‍ അദ്ദേഹത്തിന്‍റെ ഒരു കാല്‍ അറ്റുപോയി. തീരെ അവശതയിലാണിപ്പോള്‍.


തൊണ്ണൂറുകളില്‍ മുസ്ലിം ലീഗിലെ യുവ നേതൃത്വം മലബാര്‍ പ്രദേശങ്ങളിലൊക്കെയും തീവ്രവാദത്തിനെതിരെ ശക്തമായ പ്രചരണം നടത്തി. പല കേന്ദ്രങ്ങളിലും യുവാക്കള്‍ പ്രകടനങ്ങളും പൊതു യോഗങ്ങളും സംഘടിപ്പിച്ചു. എം.കെ മുനീര്‍, കെ.എം ഷാജി എന്നിങ്ങനെ അന്നു മുസ്ലിം ലീഗിന്‍റെ തലപ്പത്തുണ്ടായിരുന്ന പ്രമുഖ യുവ നേതാക്കളാണ് ഈ പ്രചരണ പരിപാടിക്കു തുടക്കം കുറിച്ചത്.

ഇന്നും മുസ്ലിം സമുദായത്തില്‍ മുസ്ലിം ലീഗിനെ വെല്ലുവിളിക്കാന്‍ തക്ക വണ്ണം തീവ്രവാദ സംഘടനകളൊന്നും വളര്‍ന്നിട്ടില്ല.

ഐക്യ ജനാധിപത്യ മുന്നണിയില്‍ കോണ്‍ഗ്രസ് കഴിഞ്ഞാല്‍ ഏറ്റവും വലിയ കക്ഷിയാണ് മുസ്ലിം ലീഗ്. ഒന്നിടവിട്ടുള്ള ഇടവേളകളില്‍ യു.ഡി.എഫ് ഭരണത്തിലെത്തിയപ്പോള്‍ മികച്ച വകുപ്പുകള്‍ കൈകാര്യം ചെയ്ത് ഭരണത്തില്‍ നല്ല പങ്കാളിത്തം ഉറപ്പുവരുത്താനും ലീഗിനു കഴിഞ്ഞു. ഏറ്റവുമൊടുവില്‍ മുഖ്യമന്ത്രി പിണറായി വിജയന്‍ ഭരണത്തുടര്‍ച്ച നേടിയ കഴിഞ്ഞ തെരഞ്ഞെടുപ്പില്‍ മാത്രമാണ് യു.ഡി.എഫിനു ഭരണം നഷ്ടപ്പെട്ടത്.

മത തീവ്രവാദത്തെ പരാജയപ്പെടുത്തേണ്ടത് ജനാധിപത്യ രീതികളും രാഷ്ട്രീയ പാര്‍ട്ടികളുമാണ്. മലബാര്‍ മേഖലകളില്‍ ഇക്കഴിഞ്ഞ തെരഞ്ഞെടുപ്പുകളിലൊന്നും മുസ്ലിം ലീഗിനെ രാഷ്ട്രീയമായി പരാജയപ്പെടുത്താന്‍ ഈ തീവ്രവാദ കക്ഷികള്‍ക്കൊന്നും കഴിഞ്ഞിട്ടില്ലെന്ന കാര്യം പ്രത്യേകം ഓര്‍ക്കണം.

അതെ. ഏതു വിധത്തിലുമുള്ള മത തീവ്രവാദവും ആപത്തു തന്നെ. ജനാധിപത്യ വ്യവസ്ഥിതിയില്‍ രാഷ്ട്രീയത്തിനാവണം സ്ഥാനം.

More News

കുവൈത്ത് : കുവൈത്ത് പ്രവാസിയും കുവൈത്തിലെ അമൃത ടെലിവിഷൻ പ്രതിനിധിയും കേരള പ്രസ്സ് ക്ലബ് ട്രഷററുമായ അനിൽ കെ നമ്പ്യാരുടെ അമ്മ കണ്ണൂർ ചിറ്റാരിപറമ്പിൽ വിമല കുമാരി (71) നിര്യാതയായി. മക്കൾ അനിൽ കെ നമ്പ്യാർ, ഷീജ. മരുമക്കൾ: രൂപ അനിൽ, പ്രേമരാജൻ. ശവസംസ്കാരം ചൊവ്വാഴ്ച നടക്കും.

തിരുവനന്തപുരം : പ്രായത്തിൽ വ്യത്യാസം ഉണ്ടെങ്കിലും സിപിഎമ്മിൽ ഏറ്റവും വലിയ ഒരു സൗഹൃദമായിരുന്നു പിണറായി – കോടിയേരി ബന്ധം. അതൊരിക്കലും ഉടയാത്തതായിരുന്നു, കോടിയേരിയുടെ മരണം വരെ. പിണറായിയുമായി ഇത്രയും സൗഹൃദം ഉള്ള മറ്റൊരു നേതാവും സിപിഎമ്മിൽ ഇല്ല. പലർക്കും പിണറായിയിലേക്കുള്ള മാർഗമായിരുന്നു കോടിയേരി . കോടിയേരിയുടെ വിയോഗത്തോടെ പാർട്ടിയിലെ വിശ്വസ്തനായ സഹപ്രവർത്തകനെയും ജീവിതത്തിലെ സഹോദര തുല്യനായ വ്യക്തിയേയും നഷ്ടപ്പെട്ട തീവ്ര വേദനയിലാണ് മുഖ്യമന്ത്രി പിണറായി വിജയൻ . കോടിയേരിയുടെ രാഷ്ട്രീയ ജീവിതത്തിന്റെ തുടക്കം മുതൽ ഇരുവർക്കുമിടയിൽ നിലനിന്നിരുന്നത് […]

മുംബൈ: സർക്കാർ സ്ഥാപനങ്ങളിൽ ജോലി ചെയ്യുന്ന എല്ലാ ജീവനക്കാരും പൗരന്മാരിൽ നിന്നോ സർക്കാർ ഉദ്യോഗസ്ഥരിൽ നിന്നോ ഫോൺ കോളുകൾ സ്വീകരിക്കുമ്പോൾ ‘ഹലോ’ എന്നതിന് പകരം ‘വന്ദേമാതരം’ എന്ന് അഭിവാദ്യം ചെയ്യണമെന്ന് മഹാരാഷ്ട്ര സർക്കാർ. ഇതു നിർബന്ധമാക്കി മഹാരാഷ്ട്ര പൊതുഭരണ വകുപ്പ് ശനിയാഴ്ച ഉത്തരവ് പുറത്തിറക്കി. സർക്കാർ ധനസഹായമുള്ള സ്ഥാപനങ്ങളിലും ഇതു പാലിക്കണം. ‘ഹലോ’ എന്ന വാക്ക് പാശ്ചാത്യ സംസ്‌കാരത്തിന്റെ അനുകരണമാണെന്നും അത് ഒഴിവാക്കി ‘വന്ദേമാതരം’ ഉപയോഗിച്ച് തുടങ്ങണമെന്നും ഉത്തരവിൽ പറയുന്നു. മന്ത്രി സുധീർ മുൻഗന്തിവാറാണ് ഈ നിർദേശം […]

കടയ്ക്കൽ: മൂന്നര വയസ്സുള്ള മകളെ അങ്കണവാടിയിൽ ആക്കിയ ശേഷം യുവാവിനൊപ്പം കടന്ന യുവതിയെ പൊലീസ് കണ്ടെത്തി. യുവതിയെയും കൂടെ ഉണ്ടായിരുന്ന കടയ്ക്കൽ ചരിപ്പറമ്പ് സുനിൽ വിലാസത്തിൽ അനിൽ കുമാറിനെയെും (36) പൊലീസ് അറസ്റ്റ് ചെയ്തു. ഇരുവരെയും കൊട്ടാരക്കര കോടതിയിൽ ഹാജരാക്കി റിമാൻഡ് ചെയ്തു. കഴിഞ്ഞ 22നാണ് യുവതിയെ കാണാതായത്. യുവതിക്ക് രണ്ടു കുട്ടികൾ ഉണ്ട്. മൂത്ത മകളെ ഉപേക്ഷിച്ച് ഇളയ കുട്ടിയുമായി അനിൽകുമാറിനൊപ്പം പോയതായി പൊലീസ് പറഞ്ഞു. മൊബൈൽ ഫോൺ നമ്പർ പ്രകാരം പൊലീസ് നടത്തിയ അന്വേഷണത്തിൽ […]

ജിദ്ദ: വിശുദ്ധിയുടെ നാട് പിന്നീട് വിനോദത്തിന്റെയും ഇപ്പോൾ വിദ്യാഭ്യാസത്തിന്റെയും കൂടി കേന്ദ്രമാവുന്നു. ടൂറിസം പരിപോഷിപ്പിക്കാനായി വിസ കാര്യങ്ങളിൽ ഒട്ടേറെ പരിഷ്കരണങ്ങളും പുതുമകളും നടപ്പാക്കിക്കൊണ്ടിരിക്കുന്ന സൗദി അറേബ്യ ഇപ്പോഴിതാ വിദ്യാഭ്യാസത്തിനും ഗവേഷണത്തിനും ഉത്തേജനം നൽകികൊണ്ട് ദീർഘകാല – ഹൃസ്വകാല “വിദ്യാഭ്യാസ വിസ” അവതരിപ്പിക്കുന്നു. 160 ഓളം രാജ്യങ്ങളിൽ നിന്നുള്ള പഠന – ഗവേഷണ കുതുകികൾക്ക് സൗദിയുടെ പുതിയ വിദ്യാഭ്യാസ വിസ ഉപയോഗപ്പെടുത്താനാകും. ഇന്ത്യയും ഈ ലിസ്റ്റിൽ ഉൾപ്പെടുന്നുവെന്ന വാർത്ത ഏറേ സഹർഷത്തോടെയാണ് സൗദിയിലെ മുപ്പത് ലക്ഷത്തോളം വരുന്ന ഇന്ത്യൻ […]

പൊന്നാനി: സാമൂഹ്യ സാംസ്കാരിക സംഘടനയായ എം എസ് എസ് (മുസ്ലിം സർവീസ് സൊസൈറ്റി) പൊന്നാനി ഘടകം അഖില കേരള ഖുർആൻ പാരായണ, മനഃപാഠ മത്സരങ്ങൾ സംഘടിപ്പിക്കുന്നു. മാനസിക വൈകല്യം അനുഭവിക്കുന്ന കുട്ടികൾക്കായി എം എസ് എസ് പൊന്നാനി ഘടകം നടത്തി വരുന്ന ഹോപ്പ് സ്പെഷ്യൽ സ്‌കൂൾ രജത ജൂബിലി ആഘോഷത്തിന്റെ ഭാഗമായാണ് “അഖില കേരള ഖുർആൻ പാരായണ, മനഃപാഠ മത്സരം 2022” അരങ്ങേറുക. ഡിസംബർ മൂന്ന്, നാല് തിയ്യതികളിലായിരിക്കും ഖുർആൻ മത്സരങ്ങൾ. ഒക്ടോബർ ആദ്യവാരത്തിൽ മത്സരത്തിൽ പങ്കെടുക്കുന്നതിനുള്ള […]

ബഹ്‌റൈന്‍: ബഹ്‌റൈനിലെ മലയാളികളുടെ വടം വലി അസോസിയേഷൻ രൂപീകരിച്ചു. ടഗ്ഗ് ഓഫ്‌ വാർ അസോസിയേഷൻ ബഹ്റൈൻ എന്ന പേരിലാണ് സംഘടന രൂപീകരിച്ചത്. സംഘടനയുടെ രക്ഷാധികാരിയായി ബഹ്‌റൈൻ മീഡിയ സിറ്റി ചെയർമാൻ ഫ്രാൻസിസ് കൈതാരത്തിനെ തിരഞ്ഞെടുത്തു. ഷാജി ആന്റണി, അമൽദേവ് ഒ .കെ, ഷജിൽ ആലക്കൽ, ശരത് സുരേന്ദ്രൻ ,രതിൻ തിലക്, രഞ്ജിത്ത് എന്നിവരെ അസോസിയേഷൻ ഒഫീഷ്യൽസ് ആയും തിരഞ്ഞെടുത്തു. 21 അംഗങ്ങളുള്ള പാനലും, 100 മെമ്പർമാരുമുള്ള അസോസിയേഷനുമാണ് രൂപീകരിച്ചത്.

തിരുവനന്തപുരം : സമീപ കാലത്തെല്ലാം കോടിയേരി ബാലകൃഷ്ണന്റെ തട്ടകം എകെജി സെന്ററായിരുന്നു. നേരരെ എതിർവശത്തെ ചിന്ത ഫ്‌ളാറ്റിലാണ് താമസമെങ്കിലും രാവിലെ മുതൽ രാത്രി വൈകുവോളം അദ്ദേഹം എകെജി സെന്റിലുണ്ടാകും. പാർട്ടിക്കാർക്കും അണികൾക്കുമെല്ലാം വേണ്ട നിർദ്ദേശങ്ങൾ നൽകികൊണ്ടും വായനയുമായും. കാണാനെത്തുന്നവരെ എല്ലാം ചെറിയ പുഞ്ചിരിയോടെ നേരിടും. കോടിയേരി ബാലകൃഷ്ണൻ ഇനി ഈ പടി കടന്നെത്തില്ലെന്ന വിഷമം ഉളളിലൊതുക്കിയാണ് എ.കെ.ജി സെന്ററിലെ ജീവനക്കാർ കോടിയേരിയുടെ മരണവിവരം ഉൾക്കൊണ്ടത്. നിറഞ്ഞ കണ്ണുകളോടെ നിരവധി പേരാണ് സെന്റിലേക്ക് എത്തിയത്. പലരും അവിടെ എത്തുന്നത് […]

ബഹ്‌റൈൻ : ഐ.വൈ.സി.സി ബഹ്‌റൈന്റെ ചരിത്രത്തിൽ ആദ്യമായി ഏരിയാ കമ്മറ്റികൾ തമ്മിലുള്ള എവറോളിങ് ട്രോഫി വോളിബോൾ ടൂർണമെന്റ് ഹിദ്ദ്-അറാദ് ഏരിയ കമ്മിറ്റി മിഡിൽ ഈസ്റ്റ് മെഡിക്കൽ സെൻറർ ഹിദ്ദ്മായി ചേർന്ന് നബി സേലാ സ്പോർട്സ് ക്ലബിൽ സംഘടിപ്പിച്ചു. ഐ.വൈ.വൈ.സി ദേശിയ പ്രസിഡന്റ് ജിതിൻ പരിയാരം ടൂർണമെന്റിന്റെ ഉൽഘാടനം നിർവഹിച്ചു. ഐ.വൈ.വൈ.സി യിലെ ഒൻപത് ഏരിയ കമ്മറ്റികളുടെ മാറ്റുരച്ച ടൂർണമെന്റിൽ അബ്ദുൽ ഹസീബിന്റെ നേതൃത്വത്തിൽ ടുബ്‌ളി-സൽമാബാദ് ഏരിയ കമ്മറ്റിയും ജെയ്‌സ് ജോയിയുടെ നേതൃത്വത്തിൽ ഹിദ്ദ്-അറാദ് ഏരിയ കമ്മറ്റിയും ഫൈനലിൽ […]

error: Content is protected !!