30
Wednesday November 2022
Editorial

അഭിമന്യുവിന്റെ കൊലപാതകം ഉള്‍പ്പെടെയുള്ള സംഭവങ്ങളിലൂടെ കേരളത്തെ ഏറെ ഞെട്ടിച്ചു പോപ്പുലര്‍ ഫ്രണ്ടിന്റെ പ്രവര്‍ത്തികള്‍; ഒടുവില്‍ ഹര്‍ത്താലില്‍ നടത്തിയ അക്രമങ്ങളും സംഘടനയെ ഒറ്റപ്പെടുത്തി! ഇന്ത്യന്‍ രാഷ്ട്രീയത്തിന്റെ പ്രത്യേകതകള്‍ മനസിലാക്കാനാകാത്തതും പോപ്പുലര്‍ ഫ്രണ്ടിന് തിരിച്ചടിയായി; ന്യൂനപക്ഷ വര്‍ഗീയതയാണ് ഭൂരിപക്ഷ വര്‍ഗീയതയ്ക്ക് വളമിടുന്നതെന്ന ഇഎംഎസിന്റെ പ്രസ്താവന ഇപ്പോഴും പ്രസക്തം തന്നെ! ഒരിക്കലും തിരിച്ചുവരാത്ത സിമിയുടെ അനുഭവം തന്നെ പോപ്പുലര്‍ ഫ്രണ്ടിനും- മുഖപ്രസംഗത്തില്‍ ചീഫ് എഡിറ്റര്‍ ജേക്കബ് ജോര്‍ജ്

ജേക്കബ് ജോര്‍ജ് - ചീഫ് എഡിറ്റര്‍
Wednesday, September 28, 2022

പ്രതീക്ഷിച്ചതുപോലെ കേന്ദ്ര സര്‍ക്കാര്‍ പോപ്പുലര്‍ ഫ്രണ്ട് ഓഫ് ഇന്ത്യ എന്ന മുസ്ലിം സംഘടനയെ നിരോധിച്ചു. തീവ്രവാദം, ആഗോള ഭീകരപ്രവര്‍ത്തക സംഘടനകളുമായുള്ള ബന്ധം എന്നിങ്ങനെ നിയമവിരുദ്ധ, ദേശവിരുദ്ധ കുറ്റങ്ങള്‍ ആരോപിച്ചുകൊണ്ടാണ് സംഘടനയെ നിരോധിച്ചിരിക്കുന്നത്. അഞ്ചു വര്‍ഷത്തേക്കാണ് നിരോധനം.

സംഘടനയുടെ നിരോധനത്തെ നിയമപരമായി ചോദ്യം ചെയ്യാമെങ്കിലും ഇനി പോപ്പുലര്‍ ഫ്രണ്ട് ഓഫ് ഇന്ത്യ (പി.എഫ്.ഐ) എന്ന സംഘടനയ്ക്ക് ഇന്ത്യയില്‍ വീണ്ടും പ്രവര്‍ത്തിക്കാനാകുമെന്നു കരുതുക വയ്യ. 1977 ല്‍ രൂപംകൊണ്ട സിമി (സ്റ്റുഡന്‍റ്സ് ഇസ്ലാമിക് മൂവ്മെന്‍റ് ഓഫ് ഇന്ത്യ) 2001 – ല്‍ നിരോധിക്കപ്പെട്ട കാര്യം ഉദാഹരണം. സിമിയിലെ പ്രവര്‍ത്തകര്‍ പല വഴിക്കു തിരി‍ഞ്ഞു.


പ്രകടമായ തീവ്രവാദ നിലപാടുമായി ഇന്ത്യയില്‍ രൂപംകൊണ്ട ഈ സംഘടന കേരളത്തില്‍ വളരെ വേഗം വേരുപിടിച്ചു വളര്‍ന്നു. ‘ഇന്ത്യയുടെ മോചനം ഇസ്ലാമിലൂടെ’ എന്ന മുദ്രാവാക്യം ‘സിമി’യുടെ പേരില്‍ മലബാറിലെ ചുവരുകളില്‍ പ്രത്യക്ഷപ്പെട്ടു. ഹൈന്ദവ സംഘടനകള്‍ പ്രതികരിച്ചത് എതിര്‍ മുദ്രാവാക്യവുമായാണ്: “ഇസ്ലാമിന്‍റെ അന്ത്യം ഇന്ത്യയില്‍”.


സിമി ഒരിക്കലും തിരികെ വന്നില്ല. പ്രവര്‍ത്തകര്‍ വിവിധ സംഘടനകളിലേക്കു വഴിമാറി. ചിലര്‍ വിവിധ രാഷ്ട്രീയ കക്ഷികളിലും ചേര്‍ന്നു.

പോപ്പുലര്‍ ഫ്രണ്ട് പ്രവര്‍ത്തകര്‍ വളരെ ആത്മാര്‍ത്ഥതയോടെയാണ് സംഘടനാ പ്രവര്‍ത്തനം നടത്തിയതും സംഘടന വളര്‍ത്തിയതും. അതിനുവേണ്ടി പല വഴികളും അവര്‍ കണ്ടെത്തി. പണം പിരിക്കാനും ആളെ റിക്രൂട്ട് ചെയ്യാനും അവരെ പരിശീലിപ്പിക്കാനും വലിയ ശ്രദ്ധ ചെലുത്തി. ഇതിനിടയ്ക്ക് ഇന്ത്യന്‍ രാഷ്ട്രീയ രംഗത്തിന്‍റെ പ്രത്യേകതകളും വെല്ലുവിളികളും അവര്‍ മനസിലാക്കിയതുമില്ല.

അതില്‍ ഏറ്റവും വലിയ വെല്ലുവിളി കേന്ദ്രസര്‍ക്കാരിന്‍റേതു തന്നെയാണ്. ആര്‍.എസ്.എസിന്‍റെ പൂര്‍ണ പിന്തുണയോടെ അധികാരത്തിലേറിയ ബി.ജെ.പി സര്‍ക്കാരിന്‍റെ പ്രധാന നിലപാടുതന്നെ മുസ്ലിം വിരുദ്ധതയാണ്. ബി.ജെ.പി – ആര്‍.എസ്.എസ് കൂട്ടുകെട്ടിനെയും അതിന്‍റെ സര്‍ക്കാരിനെയും വെല്ലുവിളിച്ച് ഇസ്ലാമിക തീവ്രവാദ സംഘടന പ്രവര്‍ത്തിപ്പിക്കാന്‍ സാഹസം കാണിച്ചിടത്തുതന്നെ പോപ്പുലര്‍ ഫ്രണ്ടിന്‍റെ പിന്നിലെ ബുദ്ധികേന്ദ്രങ്ങള്‍ക്കു തെറ്റു പറ്റി.


കേരളത്തില്‍ ആര്‍.എസ്.എസിനു നേരേ പോരിനിറങ്ങാന്‍ തന്നെയാണ് പോപ്പുലര്‍ ഫ്രണ്ട് തീരുമാനിച്ചത്. ആലപ്പുഴയിലും പാലക്കാടും സംഘടന നടത്തിയ കൊലപാതകങ്ങള്‍ ഉദാഹരണം. ആര്‍.എസ്.എസ് നടത്തിയ കൊലപാതകത്തിനു പകരമായി നടത്തിയതായിരുന്നു ഈ കൊലപാതകങ്ങളെങ്കിലും അതിന്‍റെ പ്രത്യേകതകള്‍ കേരള സമൂഹത്തെ ഞെട്ടിക്കുക തന്നെ ചെയ്തു.


എറണാകുളം മഹാരാജാസ് കോളജിലെ എസ്.എഫ്.ഐ നേതാവ് അഭിമന്യുവിനെ കൊലപ്പെടുത്തിയ സംഭവവും കേരളത്തെ ഞെട്ടിച്ചു. അതിലും ഭീകരമായിരുന്നു മതനിന്ദയുടെ പേരില്‍ തൊടുപുഴ ന്യൂമാന്‍സ് കോളജിലെ മലയാളം പ്രൊഫസര്‍ ടി.ജെ. ജോസഫിന്‍റെ കൈ വെട്ടിമാറ്റിയ സംഭവം. 2010 ജൂലൈ നാലിനു നടന്ന ഈ സംഭവം കേരളത്തിലെ മന:സാക്ഷിയെ ഏറെ ഞെട്ടിച്ചു.

ഏറ്റവും ഒടുവില്‍ കഴിഞ്ഞ ആഴ്ച നടന്ന ഹര്‍ത്താല്‍. രാജ്യവ്യാപകമായി ദേശീയാന്വേഷണ ഏജന്‍സിയും എന്‍ഫോഴ്സ്മെന്‍റ് ഡയറക്ടറേറ്റും ചേര്‍ന്നു പോപ്പുലര്‍ ഫ്രണ്ട് ഓഫീസുകളിലും നേതാക്കളുടെ വീടുകളിലും നടത്തിയ റെയ്ഡിലും അറസ്റ്റിലും പ്രതിഷേധിച്ചായിരുന്നു ഹര്‍ത്താല്‍. ഹര്‍ത്താലില്‍ സംസ്ഥാനത്തുടനീളം വ്യാപകമായ അക്രമണമുണ്ടായി.

കെ.എസ്.ആര്‍.ടി.സിക്കു തന്നെ അഞ്ചു കോടിയിലധികം രൂപയുടെ നാശനഷ്ടങ്ങളുണ്ടായതായി മാനേജ്മെന്‍റ് ഹൈക്കോടതിയെ ധരിപ്പിക്കാനൊരുങ്ങുന്നു. നിരവധി ജീവനക്കാര്‍ക്കും യാത്രക്കാര്‍ക്കും പരിക്കേറ്റു. സ്വകാര്യ സ്ഥാപനങ്ങള്‍ക്കും വ്യക്തികള്‍ക്കും നേരെയും അക്രമണമുണ്ടായി.


ഹര്‍ത്താല്‍ കേരള സമൂഹത്തിനു നേരെയുള്ള അക്രമണമായി മാറുകയായിരുന്നു. സമൂഹത്തില്‍ പിന്നെയും പോപ്പുലര്‍ ഫ്രണ്ട് ഒറ്റപ്പെടാനും ഇതു കാരണമായി.


കേന്ദ്ര സര്‍ക്കാരിന്‍റെ വര്‍ഗീയ നലപാടുകള്‍ക്കും വിഭാഗീയ ചിന്താഗതിക്കും മുസ്ലിം വിരുദ്ധ നീക്കങ്ങള്‍ക്കുമെതിരെ എപ്പോഴും നിലകൊള്ളുന്ന കേരളത്തിലെ മുഖ്യധാരാ രാഷ്ട്രീയ കക്ഷികളില്‍ നിന്നും പോപ്പുലര്‍ ഫ്രണ്ട് അകന്നു പോയി. കേരള രാഷ്ട്രീയത്തിനും ഇവിടുത്തെ രാഷ്ട്രീയ കക്ഷികള്‍ക്കും തൊട്ടുകൂടാ സംഘടന തന്നെയാണ് പോപ്പുലര്‍ ഫ്രണ്ട് ഓഫ് ഇന്ത്യ.

മുസ്ലിം സമുദായത്തിലും ശരിയായ പിന്തുണ ആര്‍ജിക്കാന്‍ ഇതുവരെ പോപ്പുലര്‍ ഫ്രണ്ടിനു കഴിഞ്ഞിട്ടില്ല. മുസ്ലിം സമുദായത്തിന്‍റെ യഥാര്‍ഥ സംഘടനയായി ഇന്ത്യന്‍ യൂണിയന്‍ മുസ്ലിം ലീഗ് തന്നെ നിലകൊള്ളുന്നു. പ്രകടമായ ജനാധിപത്യ – മതേതര നിലപാടുകളും ഐക്യ ജനാധിപത്യ മുന്നണിയുമായുള്ള അഭേദ്യമായ ബന്ധവും മുസ്ലിം ലീഗിനെ കേരള രാഷ്ട്രീയത്തില്‍ നിര്‍ണായകമായ വിശ്വാസ്യത നല്‍കുന്നു.

1992 -ല്‍ ബാബ്റി മസ്ജിദിന്‍റെ തകര്‍ച്ചയെ തുടര്‍ന്ന് മുസ്ലിം ലീഗ് നേതൃത്വം വലിയ വെല്ലുവിളി നേരിട്ടതാണ്. പാര്‍ട്ടി ദേശീയാധ്യക്ഷനായിരുന്ന ഇബ്രാഹിം സുലൈമാന്‍ സേട്ടാണ് അന്ന് ലീഗ് നേതൃത്വത്തിനു വെല്ലുവിളിയായത്. ബാബ്റിമസ്ജിദ് പൊളിക്കാന്‍ തീവ്ര ഹിന്ദു വികാരങ്ങള്‍ക്കു പരോക്ഷമായ സഹായം നല്‍കിയ കോണ്‍ഗ്രസുമായുള്ള ബന്ധം അവസാനിപ്പിക്കണമെന്നായിരുന്നു അദ്ദേഹത്തിന്‍റെ ആവശ്യം. എന്നാല്‍ അന്ന് സംസ്ഥാനാദ്ധ്യക്ഷനായിരുന്ന പാണക്കാട്ടു ശിഹാബ് തങ്ങള്‍ അതിനോടു യോജിച്ചില്ല.


തങ്ങളുടെ പക്വതയും സമചിത്തതയുമാണ് അന്നു മുസ്ലിം ലീഗിനെ നയിച്ചത്. രാജ്യത്തെ പൊതുസമൂഹവുമായി ഇഴുകി ചേര്‍ന്ന് പൊതു രാഷ്ട്രീയത്തില്‍ പ്രവര്‍ത്തിച്ചു മാത്രമേ ന്യൂനപക്ഷ താല്‍പര്യങ്ങള്‍ സംരക്ഷിക്കാനാവൂ എന്നു തന്നെയാണ് അന്നും ഇന്നും മുസ്ലിം ലീഗിന്‍റെ നയം. മുസ്ലിം സമുദായത്തില്‍ പരക്കെ അംഗീകരിക്കപ്പെടുന്നതും ഈ നിലപാടുതന്നെയാണ്.


ന്യൂനപക്ഷ വര്‍ഗീയതയാണ് ഭൂരിപക്ഷ വര്‍ഗീയതയ്ക്കു വളമിടുന്നതെന്ന് 1984 -ലെ ലോക്സഭാ തെരഞ്ഞെടുപ്പിനു ശേഷം ഇ.എം.എസ് നമ്പൂതിരിപ്പാട് പ്രസ്താവിച്ചത് ഇപ്പോഴും പ്രസക്തമാണ്. ആ തെര‍ഞ്ഞെടുപ്പില്‍ കോണ്‍ഗ്രസ് സ്ഥാനാര്‍ത്ഥി എ. ചാള്‍സ് ഒന്നാം സ്ഥാനത്തും ഇടതുമുന്നണി സ്ഥാനാര്‍ത്ഥി എ. നീലലോഹിതദാസന്‍ നാടാര്‍ രണ്ടാം സ്ഥാനത്തുമെത്തിയെങ്കിലും ഹിന്ദുമുന്നണി സ്ഥാനാര്‍ത്ഥി കേരളവര്‍മ്മരാജാ തിളക്കമാര്‍ന്ന മൂന്നാം സ്ഥാനം നേടിയതാണ് ഇ.എം.എസിനെ ആശങ്കപ്പെടുത്തിയത്. കേരളവര്‍മ്മരാജയ്ക്ക് അന്നു കിട്ടിയത് 1,10,500 വോട്ട്. നേമം നിയമസഭാ മണ്ഡല പരിധിയില്‍ അദ്ദേഹം രണ്ടാം സ്ഥാനത്തെത്തി.

അന്ന് അഖിലേന്ത്യാ ലീഗ് ഇടതുപക്ഷ മുന്നണിയിലായിരുന്നു. കെ. കരുണാകരനായിരുന്നു മുഖ്യമന്ത്രി. നാടാര്‍ ഘടകം കേരള രാഷ്ട്രീയത്തില്‍ പ്രയോഗിക്കുകയായിരുന്നു കരുണാകരന്‍. എ. ചാള്‍സ് നാടാര്‍ സമുദായാംഗമാണ്.

1982 ഡിസംബര്‍ 28 -ാം തീയതി നടന്ന നബിദിനാഘോഷങ്ങളുടെ ഭാഗമായി ആലപ്പുഴയില്‍ മാത്രം സംഘര്‍ഷമുണ്ടാവുകയും അതു നിയന്ത്രിക്കാന്‍ പോലീസ് വെടിവെയ്പ്പു നടത്തുകയും ചെയ്തിരുന്നു. വെടിവെയ്പ്പില്‍ പ്രതിഷേധിച്ച് മുസ്ലിം സംഘടനകള്‍ 30 -ാം തീയതി ആഹ്വാനം ചെയ്ത ഹര്‍ത്താല്‍ സംസ്ഥാനത്തെങ്ങും സമാധാനപരമായിരുന്നുവെങ്കിലും തിരുവനന്തപുരത്ത് വലിയ അക്രമണവും തീവെയ്പ്പും പൊട്ടിപ്പുറപ്പെട്ടു. ചാലക്കമ്പോളം കത്തിയെരിഞ്ഞു.

അക്രമം നടക്കുമ്പോള്‍ പോലീസ് നോക്കിനില്‍ക്കുകയായിരുന്നു. അന്ന് ലീഗ് നേതാവ് സി.എച്ച് മുഹമ്മദ് കോയ ഉപമുഖ്യമന്ത്രിയായിരുന്നു, ലീഗിനെ സന്തോഷിപ്പിച്ചു നിര്‍ത്താന്‍ മുഖ്യമന്ത്രി കരുണാകരന്‍ പോലീസിനെ നിയന്ത്രിക്കുകയായിരുന്നുവെന്ന് അന്നേ ആരോപണമുയര്‍ന്നു. ഒരു വര്‍ഷം കഴിഞ്ഞായിരുന്നു പ്രധാനമന്ത്രി ഇന്ദിരാഗാന്ധിയെ സുരക്ഷാ ഭടന്മാര്‍ വെടിവെച്ചു കൊലപ്പെടുത്തിയത്. പിന്നീടു നടന്ന തെരഞ്ഞെടുപ്പില്‍ തിരുവനന്തപുരത്ത് ഹിന്ദു മുന്നണിയുടെ മുന്നേറ്റവും.

ഹിന്ദു മുന്നണിയുടെ വളര്‍ച്ച കണ്ട് മനം നൊന്താണ് ന്യൂനപക്ഷ വര്‍ഗീയത ആപത്താണെന്നും അതു ഭുരിപക്ഷ വര്‍ഗീയതയ്ക്കു കളമൊരുക്കുമെന്നും ഇ.എം.എസ് പ്രസ്താവിച്ചത്. ഇന്നു പോപ്പുലര്‍ ഫ്രണ്ടിനെ കേന്ദ്ര സര്‍ക്കാര്‍ നിരോധിക്കുമ്പോള്‍ കേരളത്തിന്‍റെ പൊതു സമൂഹം നിശബ്ദമായി നോക്കി നില്‍ക്കുകയാണ്. സമൂഹത്തില്‍ അത്രകണ്ട് ഒറ്റപ്പെട്ടിരിക്കുന്നു പോപ്പുലര്‍ ഫ്രണ്ട്.

More News

കൊച്ചി: യൂണിയന്‍ എംഎംസി ലാര്‍ജ് കാപ്, മിഡ് കാപ്, സ്‌മോള്‍ കാപ് ഓഹരികളിലെല്ലാം നിക്ഷേപിക്കുന്ന ഓപണ്‍ എന്‍ഡഡ് ഇക്വിറ്റി പദ്ധതിയായ യൂണിയന്‍ മള്‍ട്ടി കാപ് പദ്ധതിക്കു തുടക്കം കുറിച്ചു. നിഫ്റ്റി 500 മള്‍ട്ടി കാപ് 50-25-25 ടിആര്‍ഐ ആയിരിക്കും പദ്ധതിയുടെ അടിസ്ഥാന സൂചിക. വിവിധ വിപണി ഘട്ടങ്ങളില്‍ അച്ചടക്കത്തോടെ വൈവിധ്യവല്‍കൃതമായി നിക്ഷേപിച്ചു നേട്ടമുണ്ടാക്കുന്നതായിരിക്കും യൂണിയന്‍ മള്‍ട്ടി കാപ് പദ്ധതിയെന്ന് ഇതേക്കുറിച്ചു സംസാരിക്കവെ യൂണിയന്‍ എഎംസി ചീഫ് എക്‌സിക്യൂട്ടീവ് ഓഫിസര്‍ ജി പ്രദീപ് കുമാര്‍ പറഞ്ഞു. ദീര്‍ഘകാലത്തില്‍ മൂലധന […]

കുവൈറ്റ്: സീറോ മലബാർ സഭ അംഗങ്ങളുടെ കൂട്ടായ്മയായ കുവൈത്ത് കത്തോലിക്കാ കോൺഗ്രസിന്റെ നേതൃത്വത്തിൽ കുവൈറ്റിലെ  കബദ എന്ന സ്ഥലത്ത് വെച്ച് രണ്ടുദിവസം നിരവധി കുടുംബങ്ങളെ പങ്കെടുപ്പിച്ചുകൊണ്ട് ജോലി മേഖലയിലും പ്രവാസ ലോകത്തും അനുഭവിക്കുന്ന  മാനസിക സമ്മർദ്ദങ്ങളിൽ നിന്ന്   ആശ്വാസമേകുവാനായി വിവിധ മാനസിക ഉല്ലാസ പരിപാടികളെ കോർത്തിണക്കി പിക്നിക് സംഘടിപ്പിച്ചു. കുട്ടികൾക്കും മുതിർന്നവർക്കും ഉള്ള വിവിധ കലാപരിപാടികൾ പിക്നിക്കിന് കൂടുതൽ ശോഭയേകി. വടംവലി ഉൾപ്പെടെയുള്ളവിവിധ തരത്തിലുള്ള  വിവിധ സ്പോർട്സ് ആൻഡ് ഗെയിംസ് പരിപാടികൾ പിക്നിക് കൂടുതൽ വർണ്ണാഭമാക്കി മാറ്റി. കുവൈത്ത് […]

കൊച്ചി: മനുഷ്യന്റെ ചിന്താശേഷിയെ ഉത്തേജിപ്പിച്ച് സ്വയം വളര്‍ച്ചയ്ക്ക് സഹായിക്കുന്ന ദി പാറ്റേണ്‍ ഇന്‍സ്റ്റിറ്റ്യൂട്ടിന്റെ ഔപചാരിക ഉദ്ഘാടനം ഡിസംബര്‍ 3-ന് വൈകീട്ട് 5-ന് ടിഡിഎം ഹാളില്‍ നടക്കുന്ന ചടങ്ങില്‍ നിര്‍വഹിക്കും. ചടങ്ങില്‍ ‘ പ്രേരണ- മനുഷ്യ ചിന്തയെ പ്രചോദിപ്പിക്കുക’ എന്ന വിഷയത്തില്‍ സെമിനാറും സംഘടിപ്പിക്കുമെന്ന് ദി പാറ്റേണ്‍ ഇന്‍സ്റ്റിറ്റ്യൂട്ട് സ്ഥാപക ഡയറക്ടര്‍ സതീഷ്‌കുമാര്‍ മേനോന്‍ വാര്‍ത്താ സമ്മേളനത്തില്‍ അറിയിച്ചു. കുട്ടികളുടെ മനസ് ശരിയായി രൂപപ്പെടുത്താനും അവരില്‍ മൂല്യബോധം വളര്‍ത്താനും അതോടൊപ്പം അവരുടെ സര്‍ഗശേഷിയും സൃഷ്ടിപരതയും ഉയര്‍ത്താനും ലക്ഷ്യമിടുന്നതിന് പുറമേ […]

മലപ്പുറം: ദുബൈ കെഎംസിസി മലപ്പുറം ജില്ലാ കമ്മിറ്റിയുടെ മാഗസിൻ “ഡ്രിസിൽ” കോട്ടക്കൽ ആര്യവൈദ്യശാല മാനേജിംങ്ങ് ട്രസ്‌റ്റി പി.എം വാര്യർക്ക് ദുബൈ കെഎംസിസി മലപ്പുറം ജില്ലാ പ്രസിഡന്റ്‌ ചെമ്മുക്കൻ യാഹുമോൻ യു.എ നസീർ സാഹിബിന്റെ സാന്നിദ്ധ്യത്തിൽ കൈമാറി. മാഗസിൻ ചെയർമാൻ ആർ ഷുക്കൂർ,എഡിറ്റർ എ. പി. നൗഫൽ ,കെ.എം.സി.സി. നേതാക്കളായ അലി കോട്ടക്കൽ,പി.ടി.എം. വില്ലൂർ, മുസ്ലിം ലീഗ് നേതാക്കളായ സാജിദ് മങ്ങാട്ടിൽ,അഷ്‌റഫ് ,മൂസ ഹാജി കാലൊടി എന്നിവർ സമീപം.

കോഴിക്കോട്: മെഡിക്കൽ കോളജ് നഴ്സിങ് വിഭാഗത്തിൽ തുടർവിദ്യാഭ്യാസ പരിപാടിയുടെ ഭാഗമായി മൂർഖൻ പാമ്പിനെ പ്രദർശിപ്പിച്ച് ക്ലാസെടുത്ത വാവ സുരേഷിനെതിരെ വനം വകുപ്പ് കേസെടുത്തു. വന്യജീവി സംരക്ഷണ നിയമം സെക്ഷൻ 2, 9 എന്നിവ പ്രകാരമാണ് താമരശേരി റേഞ്ച് ഫോറസ്റ്റ് ഓഫിസർ കേസെടുത്തത്. വാവ സുരേഷിനോട് ഹാജരാകാൻ നോട്ടീസ് നൽകുമെന്ന് റേഞ്ച് ഓഫിസർ വ്യക്തമാക്കി. നിയമവിരുദ്ധമായും അശാസ്ത്രീയമായും പാമ്പുകളെ പ്രദർശിപ്പിച്ചതിന് താമരശേരി റേഞ്ച് ഓഫിസറോട് കേസെടുക്കാൻ നിർദേശിച്ചതായി ഡിവിഷനൽ ഫോറസ്റ്റ് ഓഫിസർ അബ്ദുൽ ലത്തീഫ് ചോലയിൽ പറഞ്ഞു. പരാതിയുടെ […]

കൊച്ചി: എറണാകുളം കരയോഗത്തിന്‍റെ ആഭിമുഖ്യത്തില്‍ സ്വാമി ചിദാനന്ദപുരിയുടെ ഉപനിഷദ് വിചാരയജ്ഞം ഡിസംബര്‍ 1 -ാം തീയതി മുതല്‍ ടിഡിഎം ഹാളില്‍ ആരംഭിക്കുന്നു. വൈകുന്നേരം 5.45ന് കേരള ഹൈക്കോര്‍ട്ട് ജഡ്ജ് ജസ്റ്റിസ് പി. സോമരാജന്‍ ഭദ്രദീപം തെളിയിച്ച് ഉത്ഘാടനം ചെയ്യുന്നു. ചടങ്ങില്‍ ജനറല്‍ സെക്രട്ടറി പി. രാമചന്ദ്രന്‍ (വേണു), അഡ്വ. എ. ബാലഗോപാലന്‍ എന്നിവര്‍ സംസാരിക്കും. ഡിസംബര്‍ 1 -ാം തീയതി മുതല്‍ 7-ാം തീയതി വരെ വൈകുന്നേരം 6 മണി മുതല്‍ 8 മണി വരെ ടിഡിഎം […]

കൊച്ചി; മലബാര്‍ സിമന്റ്‌സ് കമ്പനി സെക്രട്ടറിയായിരുന്ന വി ശശീന്ദ്രന്റെയും മക്കളുടെയും മരണത്തില്‍ വീണ്ടും അന്വേഷണം പ്രഖ്യാപിച്ച് ഹൈക്കോടതി. മരണങ്ങളുടെ കൊലപാതക സാധ്യതയടക്കംഎല്ലാം വിശദമായി പരിശോധിക്കണമെന്ന് ഹൈക്കോടതി നിര്‍ദേശിച്ചു. ഈ കേസില്‍ തന്നെ സിബിഐ രണ്ടുതവണ തുടരന്വേഷണം നടത്തിയിരുന്നു. മരണകാരണം കണ്ടെത്താന്‍ അടുത്ത നാലുമാസത്തിനുളളില്‍ സിബിഐ അന്വേഷണം പൂര്‍ത്തിയാക്കണമെന്നാണ് ഹൈക്കോടതി നിര്‍ദേശിച്ചിരിക്കുന്നത്. മലബാര്‍ സിമന്റ്‌സ് കമ്പനി സെക്രട്ടറിയായിരുന്ന ശശീന്ദ്രനെയും (46) മക്കളായ വിവേക് (10), വ്യാസ് (എട്ട്) എന്നിവരെയും 2011 ജനുവരി 24 നു രാത്രിയാണു കഞ്ചിക്കോട് കുരുടിക്കാട്ടെ […]

ന്യൂഡൽഹി: ശ്രദ്ധ വോൾക്കർ കൊലപാതകക്കേസിലെ പ്രതി അഫ്‌താബ് അമീൻ പൂനവാലയുടെ ക്രൂരതകളിൽ ഞെട്ടി പുതിയ കാമുകി. ശ്രദ്ധയെ കൊലപ്പെടുത്തി കഷണങ്ങളാക്കി സൂക്ഷിച്ച വീട്ടിൽ രണ്ടു തവണ പോയെങ്കിലും അത്തരം സൂചനകളൊന്നും കണ്ടില്ലെന്നു കാമുകി പൊലീസിനോടു പറഞ്ഞു. വിവിധ ഡേറ്റിങ് ആപ്പുകളിലായി 15–20 യുവതികളുമായി അഫ്താബിന് ബന്ധമുണ്ടായിരുന്നു. ശ്രദ്ധയുടെ കൊലപാതകത്തിന് ശേഷം 12–ാം ദിവസമാണു ഡേറ്റിങ് ആപ് വഴി അഫ്താബ് പുതിയ കാമുകിയായി മനോരോഗ വിദഗ്ധയെ കണ്ടെത്തിയത്. ഇവർക്ക് അഫ്താബ് സമ്മാനമായി നൽകിയ മോതിരം ശ്രദ്ധയുടേതാണെന്നാണു സൂചന. സംശയിക്കത്തക്കതായി അഫ്താബിൽ […]

കൊച്ചി: ദൈന്യത, അഗണന, പോരാട്ടം, ശാക്തീകരണം…നാല് രാജ്യങ്ങളിൽ നിന്നായി 52 ചിത്രകാരൻമാരുടെ 71 ചിത്രങ്ങളിൽ തെളിയുന്നത് മത്സ്യമേഖലയിലെ സ്ത്രീകളുടെ നേർചിത്രം. ബേ ഓഫ് ബംഗാൾ പ്രോഗ്രാം ഇന്റർഗവൺമെന്റൽ ഓർഗനൈസേൻ (ബിഒബിപി) പുറത്തിറക്കിയ ‘വേവ്‌സ് ഓഫ് ആർട്’ ചിത്രസമാഹരത്തിലാണ് മത്സ്യമേഖലയിലെ സ്ത്രീകളുടെ പങ്ക് വെളിപ്പെടുത്തുന്ന ജീവൻതുടിക്കുന്ന ചിത്രങ്ങൾ ഇടംപിടിച്ചത്. ഇന്ത്യ, ശ്രീലങ്ക, ബംഗ്ലാദേശ്, മാലിദ്വീപ് എന്നീ നാല് രാജ്യങ്ങളിലെ മത്സ്യമേഖലയിലെ സ്ത്രീകളുടെ ജീവിതമാണ് ‘വേവ്‌സ് ഓഫ് ആര്ട്’ ചിത്രസമാഹാരത്തിലുള്ളത്. വേമ്പനാട് കായൽ ഉൾപ്പെടെയുള്ള ഉൾനാടൻജലാശയങ്ങളിലെ മത്സ്യബന്ധനം, മത്സ്യകൃഷി, മത്സ്യസംസ്‌കരണം, […]

error: Content is protected !!