06
Thursday October 2022
Editorial

ചാരപ്പണി സോഫ്റ്റ്‌വെയർ പെഗാസസ് ഇന്ത്യയില്‍ ഉപയോഗിക്കപ്പെട്ടതിന് കാരണം വെളിപ്പെടുത്തേണ്ടതുതന്നെ. പതിവുപോലെ സര്‍ക്കാര്‍ മൗനത്തില്‍ ഒളിപ്പിക്കേണ്ട ഒന്നല്ല, അതിനുള്ള ഉത്തരം – മുഖപ്രസംഗത്തില്‍ ജേക്കബ് ജോര്‍ജ് എഴുതുന്നു

ജേക്കബ് ജോര്‍ജ് - ചീഫ് എഡിറ്റര്‍
Wednesday, July 21, 2021

ലോകത്തേറ്റവും കൂടുതല്‍ ബുദ്ധിയുള്ള മനുഷ്യര്‍ ഇസ്രായേലികളാണെന്നാണു പറയുന്നത്. തീരെ ചെറിയ രാജ്യമാണെങ്കിലും ആഗോളതലത്തില്‍ ഇസ്രയേലിന്‍റെ പ്രസക്തി വളരെ വലുതുതന്നെ.

ലോക ശക്തികളില്‍ ഏറ്റവും മുന്നില്‍ നില്‍ക്കുന്ന അമേരിക്കയില്‍പോലും പല നിര്‍ണായക രംഗങ്ങളും ജൂതന്മാരുടെ നിയന്ത്രണത്തിലാണ്. പ്രത്യേകിച്ച് സാമ്പത്തികരംഗം. ലോകത്തേറ്റവും മികച്ച ചാര സംഘടന ഇസ്രായേലിന്‍റേതാണത്രെ – മൊസാദ്.

ഇസ്രായേലില്‍ ജന്മം കൊണ്ട സ്ഥാപനമായ എന്‍.എസ്.ഒ നിര്‍മിച്ച പെഗാസസ് എന്ന ചാര സോഫ്റ്റ്‌വെയറിനെപ്പറ്റി പൊട്ടിപ്പുറപ്പെട്ട വാര്‍ത്തകള്‍ ലോകമെങ്ങും കോളിളക്കമുണ്ടാക്കിയിരിക്കുന്നു.

സ്മാര്‍ട്ട് ഫോണുകളിലേയ്ക്ക് വെറുമൊരു ഫോണ്‍വിളിയിലൂടെ, അല്ലെങ്കില്‍ ഒരു മിസ്‌ഡ് കോളിലൂടെ കടത്തിവിട്ട് എല്ലാ സംഭാഷണങ്ങളും ചിത്രങ്ങളും വാട്ട്സ്ആപ്പ് സന്ദേശങ്ങളുമൊക്കെയും ചോര്‍ത്തിയെടുക്കാന്‍ ശേഷിയുള്ള ഒരത്യുഗ്രന്‍ സാധനം.

കാര്യം സാധിച്ചു കഴിഞ്ഞാല്‍ ഒരു തരി തെളിവും അവശേഷിപ്പിക്കാതെ പാടേ അപ്രത്യക്ഷമാവുന്ന വില്ലന്‍. വന്ന വഴിപോലും കണ്ടുപിടിക്കാന്‍ കഴിയാത്ത വിധം എല്ലാം ശുദ്ധീകരിച്ചിട്ടാവും ചാരപ്പണി നടത്തിയ ശേഷമുള്ള മടക്കം.

ഇന്ത്യയില്‍ ഈ സോഫ്റ്റ്‌വെയര്‍ വളരെ വ്യാപകമായി ഉപയോഗത്തിലായതു സംബന്ധിച്ച് പെഗാസസിന്‍റെ ഡേറ്റാബേസില്‍ നിന്നു മാധ്യമപ്രവര്‍ത്തകര്‍ ചോര്‍ത്തിയെടുത്ത അരലക്ഷത്തോളം ഫോണ്‍ കോളുകളില്‍ ഏതാണ്ട് 300 എണ്ണം ഇന്ത്യയിലേതാണ്.

ലോകത്തെങ്ങും വിവിധ രാജ്യങ്ങളിലായി ഇത്രയും ഫോണുകളില്‍ നിന്ന് ഈ സോഫ്റ്റ്‌വെയര്‍ വഴി രഹസ്യങ്ങള്‍ ചോര്‍ത്തിയിട്ടുണ്ട്. 16 അന്താരാഷ്ട്ര മാധ്യമങ്ങള്‍ നടത്തിയ അന്വേഷണത്തിലെ വിവരങ്ങളാണ് ലോകത്തെ ഞെട്ടിച്ചുകൊണ്ട് പുറത്തു വന്നിരിക്കുന്നത്.

പെഗാസസ് ഡേറ്റാബേസില്‍ നിന്നു ചോര്‍ത്തിയെടുത്ത വിവരങ്ങള്‍ സൂക്ഷ്മമായി പരിശോധിച്ച് വിശകലനം ചെയ്തത് ആംനസ്റ്റി ലാബിലും.

എല്ലാ രാജ്യങ്ങളിലും ഒരേ തരം ആള്‍ക്കാരാണ് പെഗാസസിന് ഇരയായതെന്നും കണ്ടിരിക്കുന്നു. അതതു രാജ്യത്തെ സര്‍ക്കാരുകള്‍ക്കു വേണ്ടിയാണ് പെഗാസസ് ചാരപ്പണി നടത്തിയത്. പ്രധാന ലക്ഷ്യം ഈ രാജ്യങ്ങളിലെ പ്രതിപക്ഷം തന്നെയായിരുന്നു.

പിന്നെ മനുഷ്യാവകാശ പ്രവര്‍ത്തകരും മാധ്യമ പ്രവര്‍ത്തകരും അഭിഭാഷകരും. എന്തിന് പ്രമുഖ ജഡ്ജിമാരുടെ ഫോണ്‍വിളികള്‍ പോലും നിരീക്ഷിക്കപ്പെട്ടു.

ഇന്ത്യയില്‍ നിരീക്ഷണത്തിലായി എന്നു പറയുന്ന ഫോണുകളില്‍ പ്രധാനമായും രാഹുല്‍ ഗാന്ധി ഉള്‍പ്പെടെയുള്ള പ്രതിപക്ഷ നേതാക്കളുടേതാണ്. കര്‍ണാടകയില്‍ ജനതാദള്‍ (എസ്) – കോണ്‍ഗ്രസ് സഖ്യം ഭരണത്തിലെത്തിയപ്പോള്‍ ഭരണകക്ഷി നേതാക്കളുടെ നീക്കം മനസിലാക്കാന്‍ പെഗാസസ് വ്യാപകമായി ഉപയോഗിച്ചിരുന്നതായും കണ്ടെത്തി.

മുന്‍ മുഖ്യമന്ത്രി എച്ച്.ഡി കുമാരസ്വാമിയുടെ സെക്രട്ടറി, മുന്‍ മുഖ്യമന്ത്രിയും കോണ്‍ഗ്രസ് നേതാവുമായ സിദ്ധരാമയ്യയുടെ സെക്രട്ടറി, ഉപമുഖ്യമന്ത്രി ജി പരമേശ്വര, മുന്‍ പ്രധാന മന്ത്രിയും ദള്‍ നേതാവുമായ എച്ച്.ഡി ദേവഗൗഡയുടെ സുരക്ഷാ ചുമതലയുള്ള പോലീസുകാരന്‍ എന്നിങ്ങനെ പലരുടെയും ടെലിഫോണില്‍ പെഗാസസ് അതിക്രമിച്ചുകയറിയതായി ഇന്ത്യയില്‍ ഈ വാര്‍ത്തകള്‍ പുറത്തുവിട്ട ‘ദ വയര്‍’ എന്ന പോര്‍ട്ടല്‍ വെളിപ്പെടുത്തി.

ദ ഗാര്‍ഡിയന്‍, ദ വാഷിങ്ങ്ടണ്‍ പോസ്റ്റ്, ലേ മൊന്ദെ എന്നിങ്ങനെയുള്ള ലോകത്തെ പ്രമുഖ മാധ്യമങ്ങളോടൊത്താണ് ഇന്ത്യന്‍ പോര്‍ട്ടല്‍ ദ വയറും വളരെ രഹസ്യവും വിദഗ്ദ്ധവുമായ ഈ അന്വേഷണത്തില്‍ ഏര്‍പ്പെട്ടത്.

പൂനെയിലെ ഭീമാ കൊറേഗാവ് ലഹളയുമായി ബന്ധപ്പെട്ട കേസില്‍ അറസ്റ്റിലായ റോണ വില്‍സന്‍റെ ലാപ്ടോപ്പില്‍ സൈബര്‍ ആക്രമണം നടന്നിരുന്നതായി ആരോപണമുണ്ടായിരുന്നു.

ഇതേ കേസില്‍ അറസ്റ്റിലായ മനുഷ്യാവകാശ പ്രവര്‍ത്തകന്‍ സുരേന്ദ്ര ഗാഡ്‌ലിങ്ങിനെതിരെയും സമാനമായ രീതിയില്‍ തെളിവുണ്ടാക്കാന്‍ ശ്രമം നടന്നിരുന്നു.

മനുഷ്യാവകാശ പ്രവ‍ര്‍ത്തകനും ജെസ്യൂട്ട് പുരോഹിതനുമായ ഫാദര്‍ സ്റ്റാന്‍ സ്വാമിയുടെ ലാപ്ടോപ്പില്‍ താനറിയാതെ ചില മെസേജുകള്‍ കടന്നുകൂടിയ കാര്യം ഫാദര്‍ തന്നെ പോലീസിനു മൊഴിനല്‍കിയതാണ്.

ഇതേ കേസില്‍ പ്രതി ചേര്‍ക്കപ്പെട്ടിരുന്ന ഫാദര്‍ സ്റ്റാന്‍ സ്വാമി ജുഡീഷ്യല്‍ കസ്റ്റഡിയില്‍ കഴിയവെ അടുത്തകാലത്ത് മരണമടഞ്ഞത് വലിയ വിവാദമുണ്ടാക്കിയിരുന്നു.

ചാരപ്പണിക്കു മാത്രം, എന്നു പറഞ്ഞാല്‍, രഹസ്യാന്വേഷണത്തിനു മാത്രം ഉപയോഗിക്കുന്ന ഈ സോഫ്റ്റ്‌വെയർ സര്‍ക്കാരുകള്‍ക്കു മാത്രമേ വില്‍ക്കാറുള്ളുവെന്ന് എന്‍.എസ്.ഒ നേരത്തേതന്നെ അറിയിച്ചിട്ടുണ്ട്.

സര്‍ക്കാരിനോ സര്‍ക്കാര്‍ ഏജന്‍സികള്‍ക്കോ മാത്രമേ ഇതു വില്‍ക്കാറുമുള്ളു. ഔദ്യോഗികമായി ഒരു സര്‍ക്കാരിനോ സര്‍ക്കാരിന്‍റെ അന്വേഷണ ഏജന്‍സികള്‍ക്കോ മാത്രമേ ഇതുപയോഗിക്കാനാവൂ എന്നര്‍ത്ഥം.

സ്വാഭാവികമായും ലോകം മുഴുവന്‍ വിവാദമായിരിക്കുന്ന പെഗാസസ് വിഷയത്തില്‍ ഇന്ത്യയില്‍ ബിജെപി സര്‍ക്കാര്‍ പ്രതിക്കൂട്ടിലായിരിക്കുകയാണ്. പാര്‍ലമെന്‍റ് സമ്മേളനം തുടക്കം മുതലേ ബഹളത്തില്‍ മുങ്ങിപ്പോയിരിക്കുന്നു. മാധ്യമങ്ങളിലൊക്കെയും ചൂടന്‍ വാര്‍ത്തകള്‍. പരക്കെ ഉയരുന്ന വലിയ ചോദ്യങ്ങള്‍.

ഒന്നിനും ഒരുത്തരവുമില്ലാതെ മൗനമവലംബിച്ചു നില്‍ക്കുകയാണ് ബി.ജെ.പി ഗവണ്‍മെണ്ട്. പെഗാസസ് കേന്ദ്ര സര്‍ക്കാര്‍ വാങ്ങിയോ അതോ ഇല്ലയോ എന്നാണ് പ്രതിപക്ഷത്തിന്‍റെ ചോദ്യം. ഒന്നുകില്‍ വാങ്ങി, അല്ലെങ്കില്‍ ഇല്ല എന്ന മറുപടി പറയണമെന്നും ആവശ്യപ്പെടുന്നു. ഇന്ത്യ കാത്തിരിക്കുകയാണ് ആ ഉത്തരത്തിനായി.

-ചീഫ് എഡിറ്റര്‍

More News

കുവൈറ്റ്: ഒക്ടോബര്‍ 9ന് കുവൈറ്റിലെ ഇന്ത്യന്‍ എംബസി അവധി. Milad-un-Nabi യോനുബന്ധിച്ചാണ് അവധി. അന്നെ ദിവസം അടിയന്തിര കോണ്‍സുലാര്‍ സേവനങ്ങള്‍ ലഭ്യമായിരിക്കും.

ബര്‍ലിന്‍: വര്‍ദ്ധിച്ചുവരുന്ന വൈദ്യുതി ബില്ലുകള്‍ക്ക് സബ്സിഡി നല്‍കുമെന്ന് ജര്‍മ്മന്‍ സര്‍ക്കാര്‍ വാഗ്ദാനം ചെയ്തു. ജര്‍മ്മനിയിലെ മിക്ക വൈദ്യുതി ഉപഭോക്താക്കള്‍ക്കും അടുത്ത വര്‍ഷം ഗ്രിഡ് ഫീസ് ഉയരും. എന്നാല്‍ ഉപഭോക്താക്കളുടെ ഭാരം ലഘൂകരിക്കാന്‍ 13 ബില്യണ്‍ യൂറോയുടെ സബ്സിഡി നല്‍കാനാണ് സര്‍ക്കാര്‍ പദ്ധതിയിടുന്നത്. ഗ്രിഡ് ഫീസിന്റെ വില അടുത്ത വര്‍ഷം ഒരു കിലോവാട്ട് മണിക്കൂറിന് ശരാശരി 3.12 സെന്‍റ് ആയി സജ്ജീകരിക്കുമെന്ന് നാല് പ്രധാന ട്രാന്‍സ്മിഷന്‍ സിസ്ററം ഓപ്പറേറ്റര്‍മാര്‍ (TSOs) പറഞ്ഞു, ഇത് നിലവിലെ ശരാശരിയായ 3.08 സെന്‍റ്/kWhനേക്കാള്‍ […]

തെന്നിന്ത്യൻ നായിക താരം ഐശ്വര്യ രാജേഷ് നായികയാകുന്ന പുതിയ ചിത്രം ‘ ഫര്‍ഹാനാ ‘ യുടെ ഫസ്റ്റ് ലുക്ക് പുറത്തുവിട്ടു. ഒരു നാൾ കൂത്ത്, മോൺസ്റ്റർ എന്നീ വ്യത്യസ്ത പ്രമേയ സിനിമകളിലൂടെ ശ്രദ്ധേയനായ നെല്‍സണ്‍ വെങ്കടേശനാണ് സംവിധായകൻ. നെല്‍സണ്‍ വെങ്കടേശൻ തന്നെയാണ് ചിത്രത്തിന്റെ തിരക്കഥയും എഴുതുന്നത്. സ്ത്രീ പ്രാധാന്യമുള്ള സിനിമയിൽ ‘ഫര്‍ഹാന’ എന്ന കഥാപാത്രമായിട്ടു തന്നെയാണ് ഐശ്വര്യ രാജേഷ് അഭിനയിക്കുന്നത്. മലയാളി താരം അനുമോളും സംവിധായകൻ സെല്‍വരാഘവനും, ജിത്തൻ രമേഷ്,ഐശ്വര്യ ദത്ത എന്നിവരും ചിത്രത്തില്‍ പ്രധാന കഥാപാത്രത്തെ […]

തിരുവനന്തപുരം: മുസ്‌ളിംലീഗ് സംസ്ഥാന ഘടകത്തിലെ ചേരിപ്പോരിലിടപ്പെട്ട് പാണക്കാട് സാദിഖലി ശിഹാബ് തങ്ങള്‍. ചേരിതിരിവും ഭിന്നാഭിപ്രായങ്ങളും അവസാനിപ്പിക്കാന്‍ സംസ്ഥാന അദ്ധ്യക്ഷന്‍ കൂടിയായ സാദിഖലി നേതാക്കള്‍ക്ക് അന്ത്യശാസനം നല്‍കി. പോപ്പുലര്‍ ഫ്രണ്ട് നിരോധനം സംബന്ധിച്ച് പാര്‍ട്ടി നേതാക്കളില്‍ നിന്ന് വ്യത്യസ്തമായ പ്രതികരണങ്ങള്‍ പുറത്തുവന്നതിന് പിന്നാലെയാണ് പാണക്കാട് സാദിഖലി തങ്ങളുടെ ശാസന. പാര്‍ട്ടിക്ക് ഒറ്റനിലപാട് മാത്രമേ പാടുളളുവെന്നും നിലപാട് പുറത്തുപറയുമ്പോള്‍ ആശയക്കുഴപ്പം ഉണ്ടാകരുതെന്നുമാണ് സാദിഖലി തങ്ങള്‍ നേതാക്കള്‍ക്ക് നല്‍കിയിരിക്കുന്ന മുന്നറിയിപ്പ്. നേതാക്കളെ നേരിട്ട് വിളിച്ചുവരുത്തിയും സാദിഖലി നിലപാട് അറിയിച്ചിട്ടുണ്ട്. നേതാക്കളുടെ പ്രതികരണത്തിന് […]

അയർലണ്ട് : ഡബ്ലിൻ സീറോ മലബാർ സഭയുടെ നാവൻ കുർബാന സെൻ്ററിൽ ഇടവക മദ്ധ്യസ്ഥയായ നിത്യസഹായ മാതാവിൻ്റെ തിരുനാളും, ഇടവക ദിനവും സൺഡേ സ്കൂൾ വാർഷികവും ആഘോഷമായി നടന്നു. ഒക്ടോബർ ഒന്നാം തീയതി ശനിയാഴ്ച നാവൻ ജോൺസ്ടൗൺ നേറ്റിവിറ്റി ദേവാലയ അങ്കണത്തിൽ ഫാ. റോയ് വട്ടക്കാട്ട് കൊടിയേറ്റ് കർമ്മം നിർവ്വഹിച്ചതോടെ തിരുനാളിനു തുടക്കമായി.   ആഘോഷമായ തിരുനാൾ കുർബാനയ്ക്ക് സീറോ മലബാർ സഭ അയർലണ്ട് നാഷണൽ കോർഡിനേറ്റർ റവ. ഡോ. ക്ലെമൻ്റ് പാടത്തിപറമ്പിൽ മുഖ്യകാർമ്മികനായിരുന്നു.  ഫാ. ജോസഫ് […]

കൊച്ചി: വടക്കഞ്ചേരിയിൽ അപകടത്തിൽ മരിച്ച അഞ്ചു വിദ്യാർഥികളുടെയും മൃതദേഹങ്ങൾ മുളന്തുരുത്തി ബസേലിയസ് വിദ്യാനികേതൻ സ്കൂളില്‍ വൈകിട്ട് മൂന്നുമണിയോടെ പൊതുദർശനത്തിന് എത്തിച്ചു. പ്രിയ വിദ്യാർഥികളുടെ വിയോഗത്തിൽ ദുഃഖം താങ്ങാനാകാതെ കലാലയം കണ്ണീരണിഞ്ഞു. പ്രതിപക്ഷ നേതാവ് വി.ഡി.സതീശൻ ഉള്‍പ്പെടെ അന്ത്യാഞ്ജലി അർപ്പിച്ചു. മരിച്ച അധ്യാപകന് കോവിഡ് സ്ഥിരീകരിച്ചതിനാൽ മൃതദേഹം പൊതുദർശനത്തിന് എത്തിച്ചില്ല. കുരുന്നുകളുടെയും അവരുടെ പ്രിയപ്പെട്ട അധ്യാപകന്റെയും വേർപാടിന്റെ പശ്ചാത്തലത്തിൽ മുളന്തുരുത്തിയും തിരുവാണിയൂരും ഹർത്താൽ ആചരിക്കുകയാണ്. ഉച്ചയ്ക്കു ശേഷം ഇവിടെ കടകമ്പോളങ്ങൾ അടഞ്ഞു കിടക്കുകയാണ്. മരിച്ചവർ എല്ലാവരും തന്നെ ഈ […]

ന്യൂഡൽഹി: ഇന്ത്യയിലെ ഏറ്റവും വലിയ ഇലക്ട്രിക് ഇരുചക്ര വാഹന കമ്പനിയായ ഹീറോ ഇലക്ട്രിക് ഹൈദരാബാദിലെ ആറാമത് ഡീലർഷിപ് ഉദ്‌ഘാടനം ചെയ്‌തു. കുക്കട്ട്പള്ളി അങ്കൂർ മോട്ടോഴ്‌സുമായി സഹകരിച്ചാണ് പുതിയ ഡീലർഷിപ്പിന് തുടക്കം കുറിച്ചിരിക്കുന്നത്. ഹൈദരാബാദിൽ ഇലക്ട്രിക് സ്‌കൂട്ടറിന്റെ ആവശ്യം വർധിച്ചുവരുന്ന സാഹചര്യത്തിലാണ് ഹീറോയുടെ നീക്കം. ഉപഭോക്താക്കൾക്ക് പെട്ടെന്ന് എത്തിപ്പെടാൻ സാധിക്കുന്ന ഓട്ടോമൊബൈൽ ഹബ്ബിലാണ് പുതിയ ഡീലർഷിപ് തുറന്നിരിക്കുന്നത്. ഹീറോ ഇലക്ട്രിക് വിദഗ്‌ധരുടെ പ്രത്യേക മേൽനോട്ടവും ഇവിടെയുണ്ടാകും. സെയിൽസും സർവീസുമടക്കം ഉപഭോക്താക്കൾക്ക് വേണ്ട സേവനങ്ങൾ മികച്ച രീതിയിൽ ലഭ്യമാക്കാനുള്ള എല്ലാ […]

ന്യൂഡൽഹി: പാലക്കാട്ടെ ബസ് അപകടത്തിൽ അതീവ ദുഃഖം രേഖപ്പെടുത്തി പ്രധാനമന്ത്രി നരേന്ദ്ര മോദി. മരിച്ചവരുടെ കുടുംബത്തിന് 2 ലക്ഷം രൂപ വീതം ധനസഹായം പ്രഖ്യാപിച്ചു. പരുക്കേറ്റവർക്ക് 50,000 രൂപയും നൽകുമെന്ന് പ്രധാനമന്ത്രി പറഞ്ഞു. രാഷ്ട്രപതി ദ്രൗപദി മുർമുവും ദുഃഖം രേഖപ്പെടുത്തി. ‘‘സ്കൂൾ കുട്ടികളുടെയും മറ്റും വിലപ്പെട്ട ജീവനുകൾ നമുക്ക് നഷ്ടമായിരിക്കുന്നു. മരിച്ചവരുടെ കുടുംബത്തിന് അനുശോചനം അറിയിക്കുകയാണ്. പരുക്കേറ്റവർ അതിവേഗം സുഖംപ്രാപിക്കട്ടെ’’ – രാഷ്ട്രപതി ട്വിറ്ററിൽ കുറിച്ചു.

തിരുവനന്തപുരം: പോലീസുദ്യോഗസ്ഥർക്ക് പോപ്പുലർ ഫ്രണ്ട് അടക്കം നിരോധിത തീവ്രവാദ സംഘടനകളുമായുള്ള ബന്ധം കണ്ടെത്താൻ നടപടി തുടങ്ങി പോലീസ് നേതൃത്വം. പോപ്പുലർ ഫ്രണ്ടുമായി ബന്ധമുണ്ടെന്നു സംശയിക്കുന്ന പോലീസുകാരുടെ പ്രവർത്തനങ്ങൾ രഹസ്യമായി നിരീക്ഷിക്കാൻ ഇന്റലിജൻസ് വിഭാഗത്തെ ചുമതലപ്പെടുത്തി. ഇവരുടെ ഫോൺ വിവരങ്ങളടക്കം പരിശോധിച്ച് റിപ്പോർട്ട് നൽകാനാണ് നിർദ്ദേശം. പോലീസുദ്യോഗസ്ഥർക്ക് പോപ്പുലർ ഫ്രണ്ടുമായി ബന്ധമുണ്ടെന്ന് എൻ.ഐ.എ നേരത്തേ പോലീസ് മേധാവിക്ക് വിവരം നൽകിയിരുന്നു. രാജ്യത്തു നിരോധിച്ച പോപ്പുലർ ഫ്രണ്ടും അനുബന്ധ സംഘടനകളുമായി ബന്ധമുള്ള പോലീസുകാരുടെ നീക്കങ്ങളാണ് പോലീസ് ഇന്റലിജൻസ്, സ്‌പെഷൽ ബ്രാഞ്ച് […]

error: Content is protected !!