30
Friday September 2022

നയം വ്യക്തമാക്കാതെ നെയ്യശ്ശേരി, പിടി തരാതെ പള്ളിക്കാമുറി; കരിമണ്ണൂരിന്റെ പ്രാദേശിക രാഷ്ട്രീയം !

ന്യൂസ് ബ്യൂറോ, ഇടുക്കി
Sunday, November 29, 2020

തെരഞ്ഞെടുപ്പിന് ഇനി ദിവസങ്ങൾ മാത്രം അവശേഷിച്ചിരിക്കെ കരിമണ്ണൂർ ഗ്രാമപഞ്ചായത്ത് ഒന്നാം നിയോജക മണ്ഡലം നെയ്യശ്ശേരി, എട്ടാം നിയോജക മണ്ഡലം പള്ളിക്കാമുറി എന്നിവിടങ്ങളിൽ കൂടിയാണ് ഇന്ന് തെരഞ്ഞെടുപ്പ് യാത്ര.

നെയ്യശ്ശേരിയുടെ സമീപകാല രാഷ്ട്രീയം

നെയ്യശ്ശേരി പരമ്പരാഗതമായി കോൺഗ്രസിനും, കേരള കോൺഗ്രസ് പി ജെ ജോസഫ് വിഭാഗത്തിനും ശക്തിയുള്ള പ്രദേശമാണ്. ഇക്കാലമത്രയും കോൺഗ്രസ് കക്ഷിയും പി ജെ ജോസഫ് വിഭാഗവും മാനസികമായി പൂർണ്ണ യോജിപ്പിലല്ല നെയ്യശ്ശേരിയിൽ പ്രവർത്തിക്കുന്നത്. ശക്തിയിലെ മൂപ്പിളമ തർക്കവും, നേതൃത്വത്തോടുള്ള വിധേയത്വത്തെ സംബന്ധിച്ച ആശയ സംഘർഷവും ഇവിടെ കോൺഗ്രസ് – കേരള കോൺഗ്രസ് (എം – ജോസഫ്) അനുഭാവികളെ ഒരിക്കലും ഒരു കുടക്കീഴിൽ ആക്കില്ല. 2010ൽ കോൺഗ്രസ് വാർഡ് കമ്മിറ്റി സ്ഥാനാർത്ഥി ആയി ആൻസി സോജൻ വലിയ ഭൂരിപക്ഷത്തിൽ വിജയിച്ചതാണ് ഈ മണ്ഡലം സമീപക്കാലത്ത് കണ്ട ഒരു അട്ടിമറി.

2000 ൽ കോൺഗ്രസിന് വേണ്ടി ആൻസി സോജനാണ് വിജയിച്ചത്. 2005ൽ കേരള കോൺഗ്രസ് കക്ഷിക്ക് വേണ്ടി ജോർജ്ജ് അഗസ്റ്റിൻ ഇവിടെ വിജയിച്ചു. 2010ൽ കേരള കോൺഗ്രസ് (എം)ന് സീറ്റ് നൽകിയതിൽ പ്രതിഷേധിച്ച് കോൺഗ്രസ് വാർഡ് കമ്മിറ്റി ഇവിടെ ആൻസി സോജനെ സ്ഥാനാർത്ഥി ആക്കുകയും വിജയിക്കുകയും ചെയ്തു. 2015ൽ വിമതസ്വരം ഇല്ലാതെ യുഡിഎഫ് മൽസരിച്ചപ്പോൾ കേരള കോൺഗ്രസ് (എം) സ്ഥാനാർത്ഥി പി. കെ. ശിവൻകുട്ടിയാണ് വിജയിച്ചത്. 2015ൽ ബിജെപി രണ്ടാം സ്ഥാനത്തും, എൽഡിഎഫ് മൂന്നാം സ്ഥാനത്തും ആയിരുന്നു.

കേരള കോൺഗ്രസ് (എം ജോസഫ്) സ്ഥാനാർത്ഥി ആയി ഷേർളി സെബാസ്റ്റ്യനും എൽഡിഎഫ് സ്ഥാനാർഥി ആയി ലെറ്റീഷ്യ ജേക്കബും ബിജെപി സ്ഥാനാർത്ഥി ആയി ദിവ്യ ദിവാകരനും മൽസരിക്കുന്നു. അടിയൊഴുക്കുകൾ ഉണ്ടായില്ലെങ്കിൽ ഇവിടെ യുഡിഎഫിനായിരിക്കും വിജയസാധ്യത. എൽഡിഎഫ് മൂന്നാം സ്ഥാനത്തു നിന്നും മാറി രണ്ടാം സ്ഥാനത്ത് എത്തിക്കഴിഞ്ഞു. വാശിയേറിയ പോരാട്ടം തന്നെയാണ് ഇവിടെ നടക്കുന്നത്.

പള്ളിക്കാമുറിയിൽ പോരാട്ട ചൂട്

നെയ്യശ്ശേരി പോലെ തന്നെ കോൺഗ്രസ് കേരള കോൺഗ്രസ് (എം ജോസഫ്) കക്ഷികളുടെ ശക്തികേന്ദ്രമാണ് പള്ളിക്കാമുറി. അടുത്തിടെയായി കേരള കോൺഗ്രസ് (എം – ജോകെമാ) ഇവിടെ സാന്നിധ്യം അറിയിച്ചിട്ടുണ്ട്.

2005ലും 2010ലും കോൺഗ്രസിനു വേണ്ടി യഥാക്രമം ബീനാ ജോളിയും, ജോളി അഗസ്റ്റിനും വിജയിച്ചു. 2010ൽ ജോളി അഗസ്റ്റിൻ കേരള കോൺഗ്രസിലെ ജോസഫ് മാത്യുവിനോട് തോറ്റത് വലിയ ഭൂരിപക്ഷത്തിന് ആയിരുന്നു. ഇന്നത്തെ കരിമണ്ണൂർ നിയോജക മണ്ഡലത്തിലെ പുല്ലുമല ഭാഗം ആണ് പള്ളിക്കാമുറിയുടെ ഭാഗമായിരുന്നു. 2010ൽ ത്രികോണ മത്സരം നടന്ന പള്ളിക്കാമുറിയിൽ സിപിഐ(എം) സ്ഥാനാർത്ഥി സി. പി. രാമചന്ദ്രൻ വിജയിച്ചു. അന്ന് കേരള കോൺഗ്രസ് (എം), കോൺഗ്രസ് കക്ഷികൾ ഒറ്റയ്ക്കാണ് മൽസരിച്ചത്. 2015 ൽ കോൺഗ്രസ് വാർഡ് കമ്മിറ്റി യുഡിഎഫിനെതിരായി സ്വന്തമായി സ്ഥാനാർത്ഥിയെ പ്രഖ്യാപിച്ചു. തെരഞ്ഞെടുപ്പ് ആസൂത്രണത്തിൽ നടന്ന നാടകങ്ങൾക്കൊടുവിൽ അവർ യുഡിഎഫ് സ്ഥാനാർത്ഥി ആയി മാറുകയും ചെയ്തു. തെരഞ്ഞെടുപ്പിൽ എൽഡിഎഫിന് വേണ്ടി സ്വതന്ത്ര ആയി മൽസരിച്ച ബിന്ദു റോബർട്ട് ആണ് വിജയിച്ചത്. കേരള കോൺഗ്രസ് (എം)ലെ ഒരു വിഭാഗവും കോൺഗ്രസിലെ ഒരു വിഭാഗവും അന്ന് ആസൂത്രിതമായി കാലുവാരിയതാണ് 2015ൽ കണ്ടത്.

ഈ തെരഞ്ഞെടുപ്പിൽ ഷിനോ തോമസ് കോൺഗ്രസിനായും, സാൻസൻ അക്കക്കാട്ട് കേരള കോൺഗ്രസ് (എം)ന് വേണ്ടിയും വിക്രമൻ സി.ജി. ബിജെപി ക്ക് വേണ്ടിയും മൽസരിക്കുന്നു.

ബിജെപി ഇവിടെ പേരിന് വേണ്ടി മാത്രമാണ് മൽസരിക്കുന്നത്. പ്രവചനാതീതമാണ് ഈ മണ്ഡലത്തിന്റെ ഇന്നത്തെ രാഷ്ട്രീയ കാലാവസ്ഥ. കുരുമ്പുപാടം കേന്ദീകൃതമായി അതിശക്തമായ പ്രചാരണമാണ് ഇവിടെ നടക്കുന്നത്. സംഘർഷ സാധ്യതയുള്ള മണ്ഡലങ്ങളിൽ ഒന്നാണ് പള്ളിക്കാമുറി

നാളെ – ആനിക്കുഴ, കോട്ടക്കവല, കിളിയറ മണ്ഡലങ്ങൾ

Related Posts

More News

തിരുവനന്തപുരം: എകെജി സെന്റർ ആക്രമണക്കേസിലെ പ്രതി യൂത്ത് കോൺഗ്രസ് നേതാവ് ജിതിൻ സഞ്ചരിച്ച സ്കൂട്ടർ ക്രൈംബ്രാഞ്ച് കണ്ടെത്തി. കഠിനംകുളത്തുനിന്നാണ് സ്‌കൂട്ടര്‍ പിടിച്ചത്. ഒരു സുഹൃത്തിന്റെ സ്കൂട്ടർ അവരറിയാതെ ജിതിൻ എടുത്തുകൊണ്ടു പോയതാണെന്നാണ് ക്രൈംബ്രാഞ്ചിന്റെ ഭാഷ്യം. യൂത്ത് കോണ്‍ഗ്രസ് ജില്ലാ നേതാവ് സുഹൈല്‍ ഷാജഹാന്റെ ഡ്രൈവര്‍ സുധീഷിന്റെയാണ് സ്‌കൂട്ടര്‍. ജൂൺ 30ന് രാത്രി 11.25നാണ് എകെജി സെന്ററിനു നേരെ സ്ഫോടക വസ്തു എറിഞ്ഞത്. ചുവന്ന ഡിയോ സ്കൂട്ടറിലെത്തിയ ആളാണ് സ്ഫോടക വസ്തു എറിഞ്ഞതെന്ന് സിസിടിവി ദൃശ്യങ്ങളിൽ വ്യക്തമായിരുന്നു. പൊലീസ് […]

സംസ്ഥാനത്ത് സ്വർണവില ഉയർന്നു. തുടർച്ചയായ രണ്ടാം ദിവസമാണ് സ്വർണവില ഉയരുന്നത്. പവന് 200 രൂപ ഉയർന്ന് 37,320 രൂപയാണ് ഇന്നത്തെ വില. ഗ്രാമിന് 4665 രൂപയാണ്. ഈ മാസത്തിലെ തന്നെ ഏറ്റവും താഴ്ന്ന വിലയില്‍ സ്വര്‍ണ വില എത്തിയത് സെപ്റ്റംബര്‍ 16,21,27, 28 എന്നീ ദിവസങ്ങളില്‍ ആണ്. 36,640 രൂപയായിരുന്നു ഈ ദിവസങ്ങളിലെ വില. സെപ്റ്റംബര്‍ 9 മുതല്‍ സെപ്റ്റംബര്‍ 13 വരെയും ഇതു പോലെ കേരളത്തിലെ സ്വർണ്ണവില മാറ്റമില്ലാതെ തുടർന്നിരുന്നു. ഒരു പവന് 37,400 ഉം […]

പോളി സിസ്റ്റിക് ഓവറി സിൻഡ്രം [PCOS] ഇന്ന് സ്ത്രീകളിൽ കാണുന്ന സാധാരണമായ ഒരു അവസ്ഥയാണ്. ഇത് ക്രമം തെറ്റിയ ആർത്തവ ചക്രത്തിനും അമിതമായ പുരുഷ ഹോർമോണിന്റെ ഉത്പാദനത്തിനും [ഹിർസ്യുട്ടിസം] കാരണമാകുന്നു. പിന്നീടിത് അമിതമായ മുടി വളർച്ചയ്ക്കും അല്ലെങ്കിൽ കൂടിയ അളവിലുള്ള ടെസ്റ്റോസ്റ്റിറോണിന്റെ ഉത്പാദനത്തിലേക്കും നയിക്കുന്നു. അമിതമായ ശരീരഭാരം പിസിഒഎസിനെ വഷളാക്കുന്നു. ഇത് ശരീരത്തിലെ ഇൻസുലിന്റെ അളവ് കുറയ്ക്കുകയും തന്മൂലം ശരീരത്തിലെ ആൻഡ്രോജന്റെ [കൂടുതലായി ടെസ്റ്റോസ്റ്റീറോണിന്റെ ] അളവ് കൂട്ടുകയും ചെയ്യുന്നു. ഇത് മുഖത്തെ അമിതമായ രോമവളർച്ചയ്ക്കും വർധിച്ച […]

മോഹൻലാലിന്റെ പുതിയ ആഡംബര കാരവാൻ സമൂഹമാധ്യമത്തിലൂടെ ഏറ്റെടുത്ത് ആരാധകർ. മോഹൻലാലിന്റെ ഇഷ്ടനമ്പരായ 2255 കാരവാനുവേണ്ടി സ്വന്തമാക്കുകയും ചെയ്തു.ബ്രൗൺ നിറമുള്ള കാരവാൻ വാഹനപ്രേമികളുടെ മനം കവരുകയാണ്. ഒാജസ് ഒാട്ടോമൊബൈൽസാണ് ഭാരത് ബെൻസിന്റെ 1017 ബസിനെ ആഡംബര കാരവാനായി രൂപപ്പെടുത്തിയത്. അതേസമയംജീത്തു ജോസഫ് ചിത്രം റാമിലാണ് മോഹൻലാൽ ഇപ്പോൾ അഭിനയിക്കുന്നത്. റാം പൂർത്തിയാക്കിയ ശേഷം മോഹൻലാൽ ലിജോ ജോസ് പെല്ലിശേരിയുടെ ചിത്രത്തിൽ ജോയിൻ ചെയ്യും.ജനുവരിയിൽ ചിത്രീകരണം ആരംഭിക്കാനാണ് തീരുമാനം.പുലിമുരുകനുശേഷം മോഹൻലാലും സംവിധായകൻ വൈശാഖും ഒരുമിക്കുന്ന മോൺസ്റ്റർ ഒക്ടോബർ 21ന് റിലീസ് […]

തിരുവനന്തപുരം: സിംഗിള്‍ ഡ്യൂട്ടി നടപ്പാക്കാനുള്ള തീരുമാനത്തിനെതിരെ കെഎസ്ആര്‍ടിസിയിലെ ഐ എന്‍ ടിയുസി ആഭിമുഖ്യത്തിലുള്ള ടിഡിഎഫ് പ്രഖ്യാപിച്ച സമരത്തിനെതിരെ ഗതാഗത മന്ത്രി ആന്‍റണി രാജു രംഗത്ത്. ഇത് രാഷ്ട്രീയ പ്രേരിതമാണ്. 8 മണിക്കൂർ ഡ്യൂട്ടിയെ സംബന്ധിച്ച് ചിലർ തെറ്റിദ്ധാരണ പരത്തുന്നു. യൂണിയൻ നേതാവിന്‍റെ സമ്മർദ്ദത്തിന് വഴങ്ങി ആരെങ്കിലും സമരം നടത്തിയാൽ അവരെ സഹായിക്കാൻ യൂണിയന് കഴിയില്ല. മാനേജ്മെന്റ് പ്രഖ്യാപിച്ച ഡയസ്നോൺ സർക്കാർ മുമ്പും അംഗീകരിച്ചിട്ടുണ്ട്. സമ്മർദ്ദത്തിന് സർക്കാർ വഴങ്ങില്ല. അഞ്ചാം തിയതിക്കുള്ളിൽ ശമ്പളം നൽകാമെന്ന് മുഖ്യമന്ത്രി ഉറപ്പ് നൽകിയതാണ്.സമരം […]

നാഗർകോവിൽ: നിദ്രവിളിയിൽ അദ്ധ്യാപികയുടെ അഞ്ചര പവന്റെ മാല കവർന്നു. സ്വകാര്യ സ്കൂളിൽ അദ്ധ്യാപികയായ നിദ്രവിള ക്രാതർ സ്വദേശിനി പ്രമീളയുടെ മാലയാണ് കവർന്നത്. ഇന്നലെ വൈകിട്ടായിരുന്നു സംഭവം. സ്കൂൾ കഴിഞ്ഞ് വൈകിട്ട് വീട്ടിലേക്ക് മടങ്ങവെ ബൈക്കിലെത്തിയ രണ്ടുപേർ പ്രമീളയെ ബൈക്കിൽ നിന്ന് തള്ളിയിട്ട ശേഷം കഴുത്തിൽ കിടന്ന അഞ്ചര പവന്റെ മാല പൊട്ടിച്ചെടുക്കുകയായിരുന്നു. നിലവിളി കേട്ട് നാട്ടുകാർ എത്തിയപ്പോഴേക്കും മോഷ്ടാക്കൾ ബൈക്കിൽ കടന്ന് കളഞ്ഞു. സംഭവുമായി ബന്ധപ്പെട്ട് നിദ്രവിള പൊലീസ് കേസെടുത്തു.

തിരുവനന്തപുരം: വിഴിഞ്ഞത്ത് സാമൂഹികാരോഗ്യ കേന്ദ്രത്തിൽ ചികിത്സ തേടിയെത്തിയ യുവതിയെ പട്ടി കടിച്ചത് കണ്ടിട്ടും പ്രാഥമിക ചികിത്സ പോലും നൽകാതെ ആശുപത്രി ജീവനക്കാർ അകത്തേക്ക് കയറി പോയെന്ന് അപർണയുടെ അച്ഛൻ വാസവൻ . ചപ്പാത്ത് സ്വദേശി അപർണ (31) യ്ക്കാണ് ദുരനുഭവം നേരിട്ടത്. രാവിലെ ഏഴേകാലോടെയാണ് സംഭവം. വീടിനകത്തുവച്ച് പൂച്ചകടിച്ചതിന് രണ്ടാംഡോസ് വാക്സീൻ എടുക്കാൻ അച്ഛൻ വാസവന് ഒപ്പം എത്തിയതായിരുന്നു അപര്‍ണ. ഒപി പ്രവര്‍ത്തിക്കുന്ന ഡോക്ടറുടെ ഡ്യൂട്ടി മുറിയായ ഐപി ബ്ലോക്കിൽ എത്തി ആശുപത്രി അധികൃതരുമായി സംസാരിച്ചതിന് ശേഷം […]

ശിവകാർത്തികേയനെ നായകനാക്കി അനുദീപ് കെ.വി സംവിധാനം ചെയ്യുന്ന റൊമാന്റിക് കോമഡി ചിത്രം പ്രിൻസ് ദീപാവലിക്ക് റിലീസ് ചെയ്യും. ഒക്‌ടോബർ 21ന് റിലീസ് ചെയ്യുന്ന ചിത്രത്തിൽ തമിഴ് ടൂറിസ്റ്റ് ഗൈഡിന്റെ വേഷമാണ് ശിവകാർത്തികേയന്. തമിഴിലും തെലുങ്കിലുമാണ് ചിത്രീകരിച്ചത്. യുക്രെയ്‌ൻ താരം മറിയ ഗ്യാബോഷ്‌കയാണ് നായിക. സത്യരാജ്, പ്രേംജി അമരൻ എന്നിവരാണ് ചിത്രത്തിലെ മറ്റു താരങ്ങൾ. ശ്രീവെങ്കിടേശ്വരൻ സിനിമാസാണ് നിർമ്മാണം. ജി.കെ.വിഷ്ണു ഛായാഗ്രഹണവും എസ്. തമൻ സംഗീത സംവിധാനവും നിർവഹിക്കുന്നു. അതേസമയം, ഏറ്റവും അവസാനം റിലീസ് ചെയ്ത ശിവകാർത്തികേയൻ ചിത്രങ്ങളായ […]

ജീവിതത്തിന്റെ മൂന്നിലൊന്നു ഭാഗവും നാം ഉറങ്ങുകയാണ്. ഉറക്കത്തിന്റെ നാലിൽ ഒരു ഭാഗം സ്വപ്നങ്ങൾക്കായി ചെലവഴിക്കുന്നു. അതായത് 2022ൽ ജീവിക്കുന്ന ഒരു മനുഷ്യന്റെ ശരാശരി ആയുർദൈർഘ്യമായ 73 വർഷത്തിൽ 6 വർഷം മാത്രമാണ് നമ്മൾ സ്വപ്നം കാണാൻ ഉപയോഗിക്കുന്നത്. എന്നാൽ ഒരു മനുഷ്യന്റെ ജീവിതത്തിൽ സുപ്രധാന പങ്കു നിർവഹിക്കുന്ന സ്വപ്നങ്ങളെക്കുറിച്ചും അവ എങ്ങനെ തലച്ചോറിൽ രൂപപ്പെടുന്നെന്നും തലച്ചോറിന്റെ ആരോഗ്യവുമായി ബന്ധപ്പെട്ട് സ്വപ്നങ്ങൾക്കുള്ള പങ്കിനെക്കുറിച്ചും വളരെ പരിമിതമായ അറിവ് മാത്രമേ നമുക്കുള്ളൂ. തലച്ചോറിന്റെ ആരോഗ്യസ്ഥിതി മനസിലാക്കാൻ സ്വപ്നങ്ങളിലൂടെ കഴിയുമെന്ന് പഠനങ്ങൾ […]

error: Content is protected !!