വയനാട്: വോട്ടിംഗ് യന്ത്രത്തിൽ ക്രമക്കേട് ആരോപിച്ച് വയനാട് കൽപറ്റ മണ്ഡലത്തിലെ കമ്പളക്കാട്ട് വോട്ടർമാരുടെ പ്രതിഷേധത്തെ തുടർന്ന് വോട്ടെടുപ്പ് നിർത്തിവെച്ചു. കൈപ്പത്തിക്കു ചെയ്യുന്ന വോട്ടുകൾ താമരക്കും ആന ചിഹ്നത്തിനുമാണ് വീഴുന്നതെന്ന് വോട്ടർമാർ ആരോപിച്ചതിനെത്തുടർന്നാണ് വോട്ടെടുപ്പ് നിർത്തിവെച്ചത്.
താമരക്കും സ്വതന്ത്ര സ്ഥാനാർഥിയുടെ ആന ചിഹ്നത്തിനുമാണ് കൈപ്പത്തിക്ക് രേഖപ്പെടുത്തിയ വോട്ടുകൾ പോയതെന്നാണ് പ്രതിഷേധക്കാർ ആരോപിക്കുന്നത്.
കണിയാമ്പറ്റ പഞ്ചായത്തിലെ 54ാം നമ്പർ ബൂത്തായ അൻസാരിയ കോംപ്ലക്സിലാണ് സംഭവം. കൈപ്പത്തിക്ക് ചെയ്ത മൂന്ന് വോട്ടുകളിൽ രണ്ടെണ്ണം താമരയ്ക്കും ഒരെണ്ണം ആന ചിഹ്നത്തിലുമാണ് വിവിപാറ്റിൽ കാണിച്ചത്.
കമ്പളക്കാട് അൻസാരി പബ്ലിക് സി തുടർന്ന് പത്തുമണിയോടെയാണ് സംഭവം. വയനാട് കലക്ട്രേറ്റിൽ നിന്ന് തെരഞ്ഞെടുപ്പ് വിഭാഗം ഉദ്യോഗസ്ഥർ സ്ഥലത്തെത്തി പരിശോധന നടത്തുന്നുണ്ട്.