പാരിസ്: പ്രസിഡന്റ് ഇമ്മാനുവല് മാക്രോണിന്റെ മുഖത്തടിച്ച സംഭവത്തില് ഫ്രാന്സില് രണ്ടു പേര് പിടിയില്. തെക്കന് ഫ്രാന്സിലെ ഡ്രോമില് ചൊവ്വാഴ്ചയാണ് സംഭവം നടന്നത്. സംഭവത്തിന്റെ വീഡിയോ ദൃശ്യങ്ങള് പ്രചരിക്കുന്നുണ്ട്.
ജനങ്ങളുമായി സംവദിക്കുന്നതിനിടെയാണ് ആള്ക്കൂട്ടത്തിനിടയില്നിന്ന് ഒരാള് മാക്രോണിന്റെ മുഖത്തടിച്ചത്. ഉടന്തന്നെ മാക്രോണിന്റെ സുരക്ഷാ ഉദ്യോഗസ്ഥര് ഇടപെടുകയും അദ്ദേഹത്തെ സുരക്ഷിതമായ ഇടത്തേക്ക് മാറ്റുകയും ചെയ്തു.