ഉന്നാവോ : ഉന്നാവിലെ മുഖ്യപ്രതി ശിവം ത്രിവേദി നവംബര് അവസാനം ജാമ്യത്തില് ഇറങ്ങിയതോടെയാണു യുവതിക്കു നേരെ ഭീഷണി തുടങ്ങുന്നത്. ശിവത്തിന്റെ കുടുംബവും ഭീഷണിപ്പെടുത്തി.
പിടികിട്ടാപ്പുള്ളിയായിരുന്ന മറ്റൊരു പ്രതി കൂടി ജാമ്യം നേടിയതോടെ പരാതി പിന്വലിക്കാന് ഭീഷണിയും സമ്മര്ദവും കൂടി. ഇക്കാര്യം പൊലീസിനെ അറിയിച്ചെങ്കിലും സുരക്ഷ ഒരുക്കാനോ പ്രതികള്ക്കെതിരെ നടപടിയെടുക്കാനോ തയാറായില്ല.- കൊല്ലപ്പെട്ട യുവതിയുടെ പിതാവ് പറയുന്നു .
ഇതിനിടെ, പ്രതികള്ക്ക് അനുകൂലമായി ഭരണകക്ഷിയിലെ ചില നേതാക്കള് എത്തിയെന്ന വിവരവും പുറത്തു വന്നു. യുവതി പൊള്ളലേറ്റു ചികിത്സയില് കഴിയുമ്പോഴും പ്രതികളുടെ ബന്ധുക്കള് അവളുടെ കുടുംബത്തെ ഭീഷണിപ്പെടുത്തിയെന്നും പിതാവ് പറഞ്ഞു