/sathyam/media/agency_attachments/5VspLzgrB7PML1PH6Ix6.png)
Follow Usവിനോദ, കായിക മേഖലകളില്‍നിന്നുള്ള 2019-ലെ 100 ഇന്ത്യന്‍ പ്രമുഖരുടെ പട്ടിക ഫോര്ബ്സ് മാസിക പ്രസിദ്ധീകരിച്ചു. ക്രിക്കറ്റ് താരം വിരാട് കോലിയാണ് ഒന്നാം സ്ഥാനത്ത്. മലയാളത്തിന്റെ പ്രിയതാരങ്ങള്‍ മോഹന്‍ലാലും മമ്മൂട്ടിയും പട്ടികയിലുണ്ട്.
/sathyam/media/post_attachments/eVR32ijvPV0vyHwO8sHg.jpg "publive-image")
മോഹന്‍ലാല്‍ 27-ാം സ്ഥാനത്തും മമ്മൂട്ടി 62-ാം സ്ഥാനത്തുമാണുള്ളത്. 2016 മുതല്‍ പട്ടികയില്‍ ഒന്നാം സ്ഥാനത്ത് തുടര്‍ന്നിരുന്ന സല്‍മാന്‍ ഖാന്‍ ഇക്കൊല്ലം മൂന്നാം സ്ഥാനത്തേക്ക് താണു.
മോഹന്‍ലാലിനേയും മമ്മൂട്ടിയേയും കൂടാതെ ദക്ഷിണേന്ത്യയില്‍നിന്ന് രജനീകാന്ത്, എ.ആര്‍ റഹ്മാന്‍, ധനുഷ്, വിജയ്, കമല്‍ഹാസന്‍, പ്രഭാസ്, സംവിധായകന്‍ ഷങ്കര്‍, മഹേഷ് ബാബു, സൈന നേവാള്‍, പി.വി സിന്ധു എന്നിവരാണ് പട്ടികയില്‍ ഇടം പിടിച്ചിരിക്കുന്നത്. രജനീകാന്ത് 13-ാം സ്ഥാനത്തും റഹ്മാന്‍ 17-ാമതും സ്ഥാനത്തുമാണുള്ളത്. പാതി മലയാളിയായ നടന്‍ ജോണ്‍ അബ്രാഹം 46-ാം സ്ഥാനത്താണ്
293.25 കോടി രൂപ വാര്‍ഷിക വരുമാനം ഉണ്ടെങ്കിലും അക്ഷയ് കുമാര്‍ 252.72 കോടി രൂപ വരുമാനം നേടിയ വിരാട് കോലിയ്ക്ക് പിന്നിലായാണ് പട്ടികയില്‍ ഇടം പിടിച്ചത്. 2018 ഒക്ടോബര്‍ ഒന്ന് മുതല്‍ 2019 സെപ്റ്റംബര്‍ 30 വരെയുള്ള കാലയളവില്‍ താരങ്ങള്‍ നേടുന്ന പ്രതിഫലവും താരമൂല്യവും അടിസ്ഥാനമാക്കിയാണ് പട്ടിക തയ്യാറാക്കുന്നത്. മാധ്യമങ്ങളിലും സാമൂഹിക മാധ്യമങ്ങളിലുമുള്ള പ്രശസ്തിയും വരുമാനവുമാണ് പട്ടികയില്‍ താരങ്ങളുടെ സ്ഥാനം നിര്‍ണയിക്കുന്നത്.