മുംബൈ ഉപനഗരമായ ഡോംബിവ്ലിയിലാണ് മലയാളിയായ ശ്യാമപ്രസാദിനെ മരിച്ച നിലയില്‍ കണ്ടെത്തിയത്. ഇയാള്‍ക്ക് 56 വയസ്സാണ് പ്രായം. ഇയാളുടെ കുടുംബം ഉത്തര്‍ പ്രാദേശിലാണ് . കുറെ നാളുകളായി ഇയാള്‍ ഒറ്റക്കാണ് ഇവിടെ താമസം.
/sathyam/media/post_attachments/RPqhG8TlP1scLlP7YF0R.jpg "publive-image")
ഫോണ്‍ ചെയ്തിട്ട് മറുപടി കാണാത്തതിനെ തുടര്‍ന്നാണ് മുംബൈയിലെ സുഹൃത്തുക്കള്‍ വഴി പോലീസിന്റെ സഹായം തേടിയത്. പോലീസെത്തി വീടിന്റെ പൂട്ട് തകര്‍ത്ത് അകത്തു കടന്നപ്പോഴാണ് മരണ വിവരം അറിയുന്നത്.
ശ്യാമപ്രസാദ് കഴിഞ്ഞ ഒരാഴ്ചയായി സുഖമില്ലാതിരിക്കുകയായിരുന്നുവെന്നാണ് അറിയാന്‍ കഴിഞ്ഞത്. ലോക്ക് ഡൌണ്‍ തുടങ്ങിയതോടെ ചികിത്സ പോലും തേടാനാകാതെ ഫ്‌ലാറ്റില്‍ തന്നെ കഴിയുകയായിരുന്നുവെന്ന് വേണം അനുമാനിക്കാന്‍. ബന്ധുക്കള്‍ക്കും വിവരങ്ങള്‍ നേരിട്ടെത്തി അന്വേഷിക്കാനോ പരിചരിക്കാനോ കഴിയാത്ത സാഹചര്യം കൂടി വന്നതും വിനയാകുകയായിരുന്നു.
മരണ കാരണം കോവിഡ് 19 ആണോയെന്ന് സ്ഥിരീകരിച്ചിട്ടില്ല. മെഡിക്കല്‍ റിപ്പോര്‍ട്ട് ഇനിയും ലഭിച്ചിട്ടില്ലെന്ന് വിഷ്ണു നഗര്‍ പോലീസ് അറിയിച്ചു. . നിലവിലെ സാഹചര്യം കണക്കിലെടുത്ത് മുന്‌സിപ്പാലിറ്റിക്കാര്‍ തന്നെ മൃതദേഹം സംസ്‌കരിക്കുകയായിരുന്നു.
Follow Us/sathyam/media/agency_attachments/5VspLzgrB7PML1PH6Ix6.png)
