രാജ്യത്ത് ഇന്ധനവില വീണ്ടും വർധിച്ചു; പെട്രോളിന് 35 പൈസയും ഡീസലിന് 27 പൈസയും

രാജ്യത്ത് ഇന്ധനവില വീണ്ടും വർധിച്ചു. പെട്രോളിന് 35 പൈസയും ഡീസലിന് 27 പൈസയുമാണ് വർധിച്ചത്. ഇതോടെ കൊച്ചിയിലെ ഇന്നത്തെ പെട്രോൾ വില 101 രൂപ 01 പൈസയായി. ഡീസൽ വില 95 രൂപ 71 പൈസയായി. ഈ മാസം ഇന്ധന വില വർധിക്കുന്നത് ഇത് ആറാം തവണയാണ്.

മുംബൈയിൽ 106.59 രൂപയാണ് ഒരു ലിറ്റർ പെട്രോളിന്റെ വില. ഡൽഹിയിൽ 100.56 ഉം, കൊൽക്കത്തയിൽ 100.62 രൂപയുമാണ് വില. ചെന്നൈയിൽ ഒരു ലിറ്റർ പെട്രോളിന്റെ വില 101.37 രൂപയും ബംഗളൂരുവിൽ 103.93 രൂപയുമാണ്.