തിരുവനന്തപുരത്ത് മയക്കു മരുന്നുമായി യുവാവ് പിടിയില്‍

തിരുവനന്തപുരം: തിരുവനന്തപുരത്ത് മയക്കു മരുന്നുമായി യുവാവ് പിടിയില്‍. കിള്ളിപ്പാലത്തെ സ്വകാര്യ ആശുപത്രിയുടെ ബൈക്ക് പാര്‍ക്കിംഗ് യാഡില്‍ നിന്നാണ് ഓള്‍ സൈന്‍റ്സ് സ്വദേശി അനസിനെ പിടികൂടിയത്. ഇയാളില്‍ നിന്ന് 55 ഗ്രാം വീതമുള്ള 100 നൈട്രാസെപം ഗുളികകള്‍ പിടിച്ചെടുത്തു.

അനസ് വില്പനക്കായി കൊണ്ടുവന്ന ഗുളികളാണ് ഇതെന്നാണ് ഉദ്യോഗസ്ഥര്‍ പറയുന്നത്. അനസിന്‍റെ ബൈക്കും കസ്റ്റഡിയിലെടുത്തിട്ടുണ്ട്. ഇയാള്‍ക്കെതിരെ കേസ് ചാര്‍ജ് ചെയ്തു. അനസിന്‍റെ പേരില്‍നിരവധി മയക്കുമരുന്നു കേസുകളും കത്തിക്കുത്ത് കേസും നിലവിലുണ്ട്.