ഹോണ്ട പോയ മാസം വിറ്റഴിച്ചത് മൂന്ന് ലക്ഷം യൂണിറ്റുകള്‍

രാജ്യത്തെ മുന്‍നിര ഇരുചക്ര വാഹന നിര്‍മ്മാതാക്കളായ ഹോണ്ട മൂന്ന് ലക്ഷം യൂണിറ്റുകളാണ് പോയ മാസം വിറ്റഴിച്ചത്.മെയ് മാസത്തെ വില്‍പ്പനയെ അപേക്ഷിച്ച് 156 ശതമാനത്തിന്റെ വര്‍ധനവുണ്ടായതായാണ് റിപ്പോര്‍ട്ടില്‍ പറയുന്നത്. വില്‍പ്പന ഉയര്‍ന്നതോടെ ഹോണ്ട വാഹനവിതരണത്തിലും വര്‍ധനവുണ്ടായതായി റിപ്പോര്‍ട്ടില്‍ പറയുന്നു

2,10,879 വാഹനങ്ങളാണ് ജൂണില്‍ ഹോണ്ടയില്‍നിന്ന് പുറത്തിറങ്ങിയത്. വിതരണത്തില്‍ മെയ് മാസത്തെ അപേക്ഷിച്ച് നാല് ഇരട്ടി വര്‍ധനവ് ഉണ്ടായെന്നും കമ്പനി അറിയിച്ചു. 54,820 യൂണിറ്റായിരുന്നു മെയ് മാസത്തെ വിതരണം.

അതേസമയം, 2019 ജൂണ്‍ മാസത്തെ വില്‍പ്പനയുമായി താരതമ്യപ്പെടുത്തിയാല്‍ ഈ വര്‍ഷം 55 ശതമാനം ഇടിവാണ് ഉണ്ടായിരിക്കുന്നത്. കഴിഞ്ഞ ജൂണില്‍ 4,76,364 ഇരുചക്ര വാഹനങ്ങളാണ് ഹോണ്ട നിരത്തിലെത്തിച്ചത്.