കൊവിഡ് 19; തെലങ്കാനയില്‍ മരിച്ചയാളുടെ കുടുംബം നിരീക്ഷണത്തില്‍

ഹൈദരാബാദ്: തെലങ്കാനയില്‍ കൊവിഡ് ബാധിച്ച് മരിച്ചയാളുടെ കുടുംബം നിരീക്ഷണത്തില്‍ . തെലങ്കാനയില്‍ ശനിയാഴ്ചയാണ് ആദ്യ കൊവിഡ് 19 മരണം റിപ്പോര്‍ട്ട് ചെയ്തത്. 74വയസ്സുള്ളയാള്‍ ഹൈദരാബാദിലാണ് മരിച്ചത്.

മരണത്തിന് ശേഷം ഇയാളുടെ സാമ്പിളുകള്‍ പരിശോധിച്ചപ്പോഴാണ് മരണം കൊവിഡ് 19 മൂലമാണെന്ന് സ്ഥിരീകരിച്ചത്.

ബന്ധുക്കളുടെയോ സുഹൃത്തുക്കളുടെയോ സാന്നിദ്ധ്യമില്ലാതെയായിരുന്നു ഇയാളുടെ മൃതദേഹം സംസ്‌കരിച്ചത്.ശനിയാഴ്ച ആരോഗ്യപ്രവര്‍ത്തകരാണ് സംസ്‌കാരം നടത്തിയത്. ഇയാളുടെ കുടുംബം ഇപ്പോള്‍ വീട്ടില്‍ നിരീക്ഷണത്തിലാണ്.