ഷാംപു മുഖത്തിടല്ലേ...

ഷാംപു മുടിയുടെ ആരോഗ്യത്തിനുവേണ്ടി മാത്രം പ്രത്യേകമായി നിര്‍മിക്കുന്നതാണ്. അതിനാല്‍  ഇത് മുടിയിലല്ലാതെ ശരീരത്തിന്റെ മറ്റൊരു ഭാഗത്തും ഉപയോഗിക്കരുത്. ശരീത്തിന്റെ ഓരോ ഭാഗവും അതിന്റേതായ പ്രത്യേകതകളാല്‍ വ്യത്യസ്തമാണ് എന്നതിനാലാണ് ഇത്.

ചിലർ ഷാംപു മുഖത്ത് ഉപയോഗിക്കാറുണ്ട്, ചിലര്‍ ഷാംപുവിന്റെ പത മുഖത്ത് വയ്ക്കാറുണ്ട്. ഇങ്ങനെ  ഒരിക്കലും ചെയ്യരുത്. മുടിയില്‍‌ പുരട്ടുമ്പോൾ ഷാംപു മുഖത്താവാതിരിക്കാന്‍  ശ്രദ്ധിക്കണം. ചില പുരുഷന്മാര്‍ താടിയില്‍ ഷാംപു ഉപയോഗിക്കാറുണ്ട്. ഈ ശീലവും  ഒഴിവാക്കണം.

ഷാംപു മുഖ ചര്‍മ്മത്തിന് പല തരത്തിലുള്ള പ്രശ്നങ്ങളുണ്ടാക്കും. മുഖ ചര്‍മ്മം  ഡ്രൈ ആകാനും  അലര്‍ജികള്‍ക്കുമെല്ലാം ഇത് കാരണമാകും.

ബോഡി ലോഷനുകളുടെ കാര്യത്തിലും ഇത് ബാധമകാണ്. ബോഡി ലോഷനുകള്‍ ശരീരത്ത് മാത്രം പുരട്ടുക. മുഖത്ത് ഇത് ഉപയോഗിക്കുന്നത് നല്ലതല്ല.