ഇഗ്‌നോ ബിഎഡ്, ബിഎസ്‌സി നഴ്‌സിംഗ് പ്രവേശന പരീക്ഷകൾക്ക് അപേക്ഷിക്കാനുള്ള അവസാന തീയതി നീട്ടി

ഡല്‍ഹി: ഇന്ദിരാഗാന്ധി നാഷണൽ ഓപ്പൺ യൂണിവേഴ്‌സിറ്റി (ഇഗ്‌നോ) ബിഎഡ്, ബിഎസ്‌സി നഴ്‌സിംഗ് പ്രവേശന പരീക്ഷകൾക്ക് അപേക്ഷിക്കാനുള്ള അവസാന തീയതി നീട്ടി.

നേരത്തെ ബിഎഡിലേക്കും ബിഎസ്‌സി നഴ്‌സിംഗിലേക്കും അപേക്ഷിക്കേണ്ട അവസാന തീയതി ഏപ്രിൽ 17 ആയിരുന്നു. ഉദ്യോഗാർത്ഥികൾക്ക് ഇപ്പോൾ ഔദ്യോഗിക വെബ്‌സൈറ്റായ ignou.ac.in ലൂടെ ഏപ്രിൽ 24-നകം പ്രവേശന പരീക്ഷയ്ക്ക് അപേക്ഷിക്കാനും രജിസ്റ്റർ ചെയ്യാനും സാധിക്കും.

ഇഗ്നോ ജനുവരി 2022 പ്രവേശന പരീക്ഷയ്ക്ക് അപേക്ഷിക്കാൻ , ഉദ്യോഗാർത്ഥികൾ 1000 രൂപ അപേക്ഷാ ഫീസ് അടയ്‌ക്കേണ്ടതാണ്. മെയ് എട്ടിനാണ് പ്രവേശന പരീക്ഷ നിശ്ചയിച്ചിരിക്കുന്നത്.