കുടുംബ തര്‍ക്കം : റിയാദില്‍ അക്രമിയുടെ വെടിയേറ്റ്‌ രണ്ട്​ സുരക്ഷ ഉദ്യോഗസ്ഥരും, ഒരു പൗരനും മരണപെട്ടു.

റിയാദ്​: റിയാദ്​ നഗരത്തിന്​ കിഴക്ക്​ മയീസിലിയ ജില്ലയില്‍  ഒരു സ്വദേശി തന്‍റെ ഭാര്യാസഹോദരനെ  കുടുംബ തർക്കം കാരണം തോക്കിൻമുനയിൽ തടഞ്ഞുവെച്ചിരിക്കുന്നതായി പൊലീസിന്​ വിവരം ലഭിച്ചതനുസരിച്ച്  ഉടന്‍ സംഭവ സ്ഥലത്ത് എത്തിയ പോലീസിന് നേരെ അക്രമി വെടിവെക്കുകയും  വെടി​യേറ്റ്​ രണ്ട്​ സുരക്ഷ ഉദ്യോഗസ്ഥരും മറ്റൊരു സ്വദേശി പൗരനും കൊല്ലപ്പെട്ടുവെന്നും  ഒരാൾക്ക്​ പരിക്കേൽക്കുകയും ചെയ്​തതായി. റിയാദ്​ മേഖല പൊലീസ്​ വക്താവ്​ കേണൽ ഖാലിദ്​ അൽഖുറൈ​ദീസ്​ പറഞ്ഞു.​ ചൊവ്വാഴ്​ച പുലർച്ചെ രണ്ടിനാണ്​ സംഭവം നടക്കുന്നത്.

തുടർച്ചയായി ഇയാൾ പോലീസിന് നേരെ  വെടിയുതിർക്കാൻ തുടങ്ങി. ഇതേതുടർന്ന്​ തടഞ്ഞുവെച്ച ഭാര്യാസഹോദരനും രണ്ട്​ സുരക്ഷ ഉദ്യോഗസ്ഥരും കൊല്ലപ്പെടുകയായിരുന്നു. ഒരു സുരക്ഷ ഉദ്യോഗസ്​ഥന്​ കാലി​ന്‍റെ തുടയിലും വെടിയേറ്റു. ഇദ്ദേഹത്തി​ന്‍റെ ആരോഗ്യനില തൃപ്​തികരമാണ്​.

പോലീസിനെ കബളിപ്പിച്ച്‌ കടന്നുകളഞ്ഞ കുറ്റവാളിയെ പിടികൂടാൻ പൊലീസ്​ പിന്തുടർന്നു. റിയാദിന്​ വടക്കുകിഴക്ക്​ 300 കിലോമീറ്റർ അകലെ ഹിജ്​റത്ത്​ റഫീഅ ഫാമിൽ പ്രതി ഒളിച്ചിരിക്കു ന്നതായി​ കണ്ടെത്തുകയും സുരക്ഷാഉദ്യോഗസ്ഥർ സ്ഥലം വളയുകയും ചെറുത്തുനിൽപ്പിനിടെ അറസ്​റ്റു ചെയ്യുകയും ചെയ്​തു.ഇയാളുടെ കൈവശം മയക്കുമരുന്നു ണ്ടായിരുന്നതായി പറയുന്നു. കുറ്റവാളിയെ  പബ്ലിക്​ പ്രോസിക്യുഷന്​ കൈമാറ്റം ചെയ്യുന്നതിനുള്ള  നടപടികൾ പൂർത്തിയാക്കി യതായും പൊലീസ്​ വക്താവ്​ പറഞ്ഞു.