ന്യൂഡല്ഹി: ഇന്ത്യ-പാക്കിസ്ഥാന് അതിര്ത്തിയില് സുരക്ഷാ സേന തുരങ്കം കണ്ടെത്തി. ജമ്മു കാഷ്മീരിലെ സാന്പയിലാണ് തുരങ്കം കണ്ടെത്തിയത്. പാക്കിസ്ഥാനില്നിന്ന് ഇന്ത്യയിലേയ്ക്ക് ഭീകരരെ കടത്തിവിടുന്നതിന് പാക് സൈന്യം നിര്മിച്ചതാണ് ഈ തുരങ്കമെന്ന് സൈനിക വക്താവ് പറഞ്ഞു.
കഴിഞ്ഞ വര്ഷം നവംബര് 22നും സാന്പ സെക്ടറിലെ അതിര്ത്തിയില് സമാന രീതിയിലുള്ള തുരങ്കം കണ്ടെത്തിയിരുന്നു. അതേസമയം, ഈ തുരങ്കം അടുത്ത ദിവസങ്ങളില് ഉപയോഗിച്ചിട്ടില്ലെന്ന് പരിശോധനയില് വ്യക്തമായിട്ടുണ്ട്.