സൗദി അറേബ്യയുമായി ഇന്ത്യ അടുത്തയാഴ്ച എയർ ബബ്ൾ കരാറിൽ ഒപ്പ് വെക്കുമെന്ന് സൂചന.

റിയാദ് : സൗദി അറേബ്യയുമായി ഇന്ത്യ അടുത്തയാഴ്ച എയർ ബബ്ൾ കരാറിൽ ഒപ്പ് വെക്കുമെന്ന് ചില ഇന്ത്യൻ മാധ്യമങ്ങൾ റിപ്പോർട്ട് ചെയ്‌തു. എയർ ബബ്ൾ കരാർ നിലവിൽ വരുന്നതോടെ ഇന്ത്യയിൽ നിന്നും സൗദിയിലേക്ക്  നേരിട്ടുളള വിമാന സർവ്വീസ് നിലവിൽ വരും. പക്ഷെ ഇതു സംബന്ധിച്ച് ഔദ്യോഗിക സ്ഥിരീകരണം ഒന്നും തന്നെ പുറത്തു വന്നിട്ടില്ല.

സൗദിയെ കൂടാതെ, ശ്രീലങ്ക, ബംഗ്ളാദേശ്, എന്നീ രാജ്യങ്ങളുമായാണ് ഇന്ത്യ എയർ ബബ്ൾ കരാറിൽ ഒപ്പ് വെക്കുകയെന്നാണ് റിപ്പോർട്ടുകൾ. ഇതിനകം 24 രാജ്യങ്ങളുമായി ഇന്ത്യ എയർ ബബ്ൾ കരാറിൽ ഒപ്പ് വെച്ചിട്ടുണ്ട്.

സൗദി അറേബ്യ അന്താരാഷ്ട്ര വിമാനങ്ങൾക്കുള്ള നിയന്ത്രണം മെയ് 17 വരെ നീട്ടി വെച്ചതോടെ ഇന്ത്യയിൽ നിന്നും സൗദിയിലേക്കുള്ള യാത്ര പ്രതീക്ഷിച്ച് കഴിഞ്ഞിരുന്ന പ്രവാസികൾ നിരാശരായിരിക്കുന്നതിനിടെയാണ് പുതിയ റിപ്പോർട്ട്.മലയാളികള്‍ അടക്കം നിരവധി ഇന്ത്യന്‍ പ്രവാസികള്‍ക്ക് പ്രതീക്ഷ നല്‍കുന്നതാണ് പുറത്തുവരുന്ന റിപ്പോര്‍ട്ട്‌ നിലവില്‍ ദുബായ് ,വഴിയാണ് സൗദിയില്‍ എത്തുന്നത് അതും കോവിഡ് നിബന്ധനകള്‍ പാലിച്ച് പതിന്നാല് ദിവസം കഴിഞ്ഞതിന് ശേഷമാണ് സൗദിയിലേക്ക് വിമാനം കയറുന്നത്