മുംബൈ: ഇന്ത്യന് വനിതാ ക്രിക്കറ്റ് ടീമിന്റെ പരിശീലകനായി മുന് ഇന്ത്യന് താരം രമേശ് പവാറിനെ വീണ്ടും തെരഞ്ഞെടുത്തു. സുലക്ഷണ നായ്ക്, മദന് ലാല്, ആര്.പി. സിംഗ് എന്നിവരടങ്ങുന്ന കമ്മിറ്റി പവാറിനെ തെരഞ്ഞെടുത്തത്. പുതിയ കോച്ചായി നിലവിലെ കോച്ച് ഡബ്ല്യൂ വി. രാമന് അടക്കം 35 പേര് അപേക്ഷ നല്കിയിരുന്നു. ഇതില് എട്ട് പേരെയാണ് അഭിമുഖത്തിനായി ക്രിക്കറ്റ് അഡ്വൈസറി കമ്മിറ്റി തെരഞ്ഞെടുത്തത്.
2018ലെ ട്വന്റി-20 ലോകകപ്പിലെ ഇന്ത്യയുടെ സെമിയിലെ തോല്വിക്ക് ശേഷം രമേശ് പവാറിന്റെ സ്ഥാനം തെറിക്കുകയായിരുന്നു. സീനിയര് താരം മിതാലി രാജുമായുണ്ടായ പരസ്യ തര്ക്കത്തെ തുടര്ന്നാണ് പവാറിന് സ്ഥാനമൊഴിയേണ്ടി വന്നത്. അന്ന് അഞ്ച് മാസം മാത്രമാണ് പവാര് പരിശീലക സ്ഥാനത്തണ്ടായിരുന്നത്. പവാറിന് പകരമാണ് രാമന് പരിശീലക സ്ഥാനം ഏറ്റെടുക്കുന്നത്.
ഇന്ത്യയെ തുടര്ച്ചയായ 14 ട്വന്റി-20 വിജയത്തിലേക്കും 2018 ട്വന്റി-20 ലോകകപ്പ് സെമിയിലേക്കും നയിച്ചത് രമേശിന്റെ പരിശീലന കാലത്താണെന്ന് ബിസിസിഐ മീഡിയ റിലീസില് പറഞ്ഞു. ഇത്തവണ വിജയ് ഹസാരെ ട്രോഫി നേടിയ മുംബൈയുടെ പരിശീലകനും പവാറായിരുന്നു. ഇന്ത്യക്ക് വേണ്ടി രണ്ട് ടെസ്റ്റുകളും 31 ഏകദിനങ്ങളും പവര് കളിച്ചിട്ടുണ്ട്.