'ചില കൊടികള്‍ ഇല്ലാതെ ഞങ്ങളുടെ റോക്കറ്റ് കൂടുതല്‍ സുന്ദരമാണെന്ന് തോന്നുന്നു'; റോക്കറ്റില്‍ നിന്നും വിവിധ രാജ്യങ്ങളുടെ കൊടികള്‍ നീക്കം ചെയ്ത്‌ റഷ്യന്‍ സ്പേസ് ഏജന്‍സി ; യുഎസ്എ, യുകെ, ജപ്പാന്‍, ദക്ഷിണ കൊറിയ എന്നിവരുടെ കൊടികള്‍ നീക്കി, ഇന്ത്യന്‍ പതാക മാത്രം മാറ്റിയില്ല

മോസ്കോ: റഷ്യന്‍ സ്പേസ് ഏജന്‍സി അവരുടെ റോക്കറ്റില്‍ നിന്നും വിവിധ രാജ്യങ്ങളുടെ കൊടികള്‍ നീക്കം ചെയ്യുന്ന വീഡിയോ വൈറലാകുന്നു. യുഎസ്എ, യുകെ, ജപ്പാന്‍, ദക്ഷിണ കൊറിയ എന്നിവരുടെ കൊടികളാണ് നീക്കം ചെയ്തത്.

അതേ സമയം ഇന്ത്യയുടെ പതാക അവിടെ തന്നെ നിലനിര്‍ത്തിയിട്ടുണ്ട്. റഷ്യന്‍ ബഹിരാകാശ ഏജന്‍സിയായ റോസ്‌കോസ്മോസിന്റെ മേധാവി ദിമിത്രി റോഗോസ് ട്വിറ്ററിലൂടെ ഈ വീഡിയോ പങ്കുവച്ചത്.

റഷ്യയുടെ വിക്ഷേപണ നിലയം സ്ഥിതി ചെയ്യുന്ന ബയ്ക്കനോറില്‍ നിന്നാണ് ഈ ദൃശ്യം എന്ന് ട്വീറ്റ് പറയുന്നു. ചില കൊടികള്‍ ഇല്ലാതെ ഞങ്ങളുടെ റോക്കറ്റ് കൂടുതല്‍ സുന്ദരമാണെന്ന് തോന്നുന്നു. വീഡിയോ പങ്കുവച്ച് ദിമിത്രി റോഗോസ് പറയുന്നു.

Стартовики на Байконуре решили, что без флагов некоторых стран наша ракета будет краше выглядеть. pic.twitter.com/jG1ohimNuX

— РОГОЗИН (@Rogozin) March 2, 2022